týsdagur 20. mai 2003síða 8

Nr. 94 - 20. mai 2003 15 4. flokkur roynir seg í sangi 4. flokkur í Vágs skúla vitjaði í vikuni í útvarpsstovuni á Suð- urrás, har tey sungu heimagjørdan sang TÓNLEIKUR Dagfinn Olsen 4. flokkur í skúlanum í Vági hevur við sanglærar- anum skrivað sangin “Lítla Ása”. Í vikuni sluppu tey at royna seg sum sangarar. Tey vitjaðu í útvarpsstov- uni á Suðurrás og har tóku tey sangin upp. 4. flokkur og sangur teirra verður at hoyra í sendingini Viðurgerði, sum verður send hósdag klokk- an 17 og endursend fríggja- dagar klokkan 14. Nú summarskrá útvarpsins byrjar, er hetta seinasta sending av hesum slag á hesum sinni. Føroyska poppidolið skal á stóra pallin, og hann hevur fingið góða tíð millum fleiri av høvuðsnøvnunum á festivalinum. Tað er óvanligt, at ein sang- ari verður tikin inn á høvuðspallin so stutt áðrenn festivalin Tað var ein pallborðsfundur í Fuglafirði, sum fingu umboðini fyri festivalin í Jelling at spíla eygu og oyru upp. Brandur Enni sang nakrar sangir, og tað gjørdi hann so sannførandi, at samband beinanvegin var millum Jelling og Brand. Hóast tað er óvanliga seint at seta nýtt navn á skránna fyri høvuðspallin, so er tað nú greitt, at Brandur skal spæla í Jelling síðst í mai mánaði. Hann hevur fingið gott pláss á stóra pallinum, har hann skal syngja millum nøvn sum Nik & Jay og Kim Larsen tann 29. mai kl. 14.15. Á heimasíðuni hjá Jelling Festivalinum – www.jell- ingmusikfestival.dk - greiða teir frá um Brand Enni. Eisini Déjá Vu fer at spæla í Jelling. Teir spæla á einum av minni pallinum tann 30. mai kl. 19.00. 4. flokkur í Vágs skúla vitjar í útvarpsstovuni á Suðurrás Brandur skal syngja í Jelling 15 14 Nr. 94 - 20. mai 2003 Hartar USA Leiðarin í altjóða kjarnorkustovninum, Mohamed ElBaradei, heldur, at altjóða samfelagið eigur at upp- fata kríggið í Irak sum eina ávaring um, at tað er neyðugt við betri samanhaldi í heimssamfelagnum. – Hetta eigur at siga okkum, at tað loysir seg best at loysa trupulleikar við orðaskifti og samráðingum. Eg haldi ikki, at kríggj er tann besta loysnin, hvørja ferð vit eru ósamd um, hvussu trupulleikar skulu loysast, sigur Mohamed ElBaradei. Saman við svianum Hans Blix hevði hann ábyrgd- ina av ST-vápnaeftirlitsmonnunum í Irak. Teir báðir hava síðani kríggið mælt USA til at lata eftirlits- menninar sleppa aftur til Irak at leita eftir møguligum hópoyðingarvápnum, men tað vilja amerikanararnir ikki. ElBaradei sigur amerikansku avgerðina vera ørkymlandi, og hann leggur amerikansku stjórnina undir líkasælu. Fekk viðgerð í London Ein fýra ára gomul iraksk genta fekk sunnudagin hjartaskurðviðgerð í London, eftir at sjúkrahúsið í Bagdad, sum skuldi viðgera hana, varð herjað av ránsmonnum. Irakska gentan varð fødd við einum hjartabreki, og hon lá á einum sjúkrahúsi í Bagdad, tá amerikansku hermenninir tóku býin. Tað tók læknunum á Royal Brompton-sjúkrahúsin- um í London tríggjar tímar at viðgera gentuna, og læknarnir siga, at hon hevur tað gott eftir umstøðun- um. Hjálparfelagsskapurin Chain of Hope sigur, at fleiri hundrað iraksk børn eru í somu støðu sum tann fýra ára gamla gentan, og at teimum tørvar viðgerð sum skjótast. Men tey nógvu herverkini og ránini á sjúkra- húsunum í Bagdad hava gjørt, at trot er á ymsari út- gerð, og tí kunnu børnini ikki fáa ta neyðugu viðgerð- ina har, sigur felagsskapurin. Tann fýra ára gamla gentan er heldur ikki tað fyrsta irakska barnið, sum hevur fingið viðgerð í Bretlandi. Í síðsta mánað varð eitt seks mánaðar gamalt barn viðgjørt á einum sjúkrahúsi í Liverpool. Kommunur leggja saman Tað er ikki bara í Føroyum, at tosað verður um kom- munusamanlegging. Soleiðis er eisini í Danmark. Sambært Jyllandspostinum arbeiðs í hvussu er 40 danskar kommunur í hesum døgum við ætlanum um at leggja saman, og áðrar ganga í tonkum um at gera tað sama. Høvuðsorsøkin til gongdina er, at stjórnin væntandi skjótt fer at koma við boðum um, at komm- unurnar skulu leggjast saman í størri eindir, og tí velja nógvar kommunur at taka stigið, áðrenn stjórnin ger tað fyri tær. Talsfólk hjá stjórnarflokkunum hava eisini sagt, at vilja kommunurnar ikki leggja saman við góðum, verða tær tvingaðar til at gera tað. Í fjør gjørdu tær fimm kommunurnar á Bornholm av at skipa oynna sum eina kommunu, og í næsta mánað skulu íbúgvararnir í teimum báðum kommun- unum á Ærø taka støðu til ta sama. Á Langeland hava kommunurnar stutt síðani gjørt av at leggja saman. Keypa færri bilar Tann skeiva búskapargongdin í Evropa ávirkar nú eisini hugin hjá fólki at keypa sær nýggjan bil, men myndin er ikki tann sama allastaðni. Eitt nú vísir tað seg, at eysturríkarar, finnlendingar, italiumenn og sviar hava keypt fleiri nýggjar bilar higartil í ár enn somu mánaðir í fjør. Serliga í Finn- landi er bilasølan vaksin nógv, heili 21 prosent. Í hinum ES-londunum keypa fólk ikki so nógvar nýggjar bilar longur, og í Danmark er bilasølan mink- að sera nógv. Í apríl keyptu danir 23 prosent færri bilar enn í apríl í fjør, og hetta var tann ringasti apríl- mánaði hjá donsku bilasølunum í heili 35 ár. Men eitt bilmerki heldur tørn í Danmark og væl tað. Tað er japanska Mazda, sum í apríl seldi næstan 60 prosent fleiri bilar enn í apríl í fjør, og seinastu fýra mánað- arnar eru 40 prosent fleiri Mazda-bilar seldir í Dan- mark enn somu mánaðir í 2002. Var fólkaatkvøða í Noregi nú um limaskap í ES, høvdu 64 prosent atkvøtt fyri NOREG OG ES Árni Joensen: Seinastu mánaðarnar hava meiningakanningar í Noregi givið teimum, sum eru ímóti ES-limaskapi, veksandi undirtøku, men sambært einari nýggjari kanning er gongdin vend nú. Kanningin, sum blaðið Aftenposten og norska út- varpið hava gjørt, og sum varð almannakunngjørd í gjár, vísir, at høvdu norð- menn sloppið at tikið støðu til spurningin nú, høvdu 64 prosent atkvøtt fyri lima- skapi í ES. Bert 19 prosent siga, at tey høvdu atkvøtt ímóti, og tey seinastu 17 prosentini hava ikki tikið støðu. Kanningin avdúkar eis- ini, at 22,7 prosent av teim- um, sum søgdu nei á fólka- atkvøðuni um ERS-lima- skap í 1994, høvdu atkvøtt ja nú. Aftenposten skrivar, at meðan meiri enn helming- urin av teimum spurdu kvinnunum vóru ímóti limaskapi fyri einum góð- um mánað síðani, taka 60 prosent av kvinnunum nú undir við ES-limaskapi. Hendan sama gongdin er eisini galdanfi fyri tey, sum hava lá- og meðalinntøkur, skrivar blaðið. Men valið sunnudag- in gav eisini einum víðgongdum høgra- flokki stóra fram- gongd BELGIA Árni Joensen: Av teimum belgisku stjórn- arflokkunum vóru tað ser- liga sosialistarnir, sum fingu eitt gott úrslit sunnu- dagin, men kortini ikki nóg mikið til at broyta lutfallið millum sosialistarnar og teir liberalu flokkarnar í samgonguni. Eisini flokk- urin hjá Guy Verhofstadt, forsætisráðharra hevði framgongd. Harafturímóti høvdu um- hvørvisflokkarnir eitt vána- ligt val, og tað ger, at flokk- arnir halda ikki fram í sam- gongustjórnini. Teir liberalu flokkarnir fingu 49 umboð í tjóðar- tingið og sosialistarnir 48, so flokkarnir hava greiðan meiriluta í tinginum, sum hevur 150 limir. Men valið gjørdist eisini ein stórsigur hjá tí tjóð- skaparsinnaða høgraflokk- inum Vlaams Blok. Flokk- urin fekk næstan 19 prosent av atkvøðunum, og tá er vert at hava í huga, at hann fekk allar atkvøðurnar í tí flamska partinum av Belgia. Hetta er tað besta valið hjá flokkinum, síðani hann var stovnaður fyri 25 árum síðani. Ísraelski forsætisráð- harrin, Ariel Sharon, vil ikki koyra Yasser Arafat í útlegd, men hann skal byrgjast av í Ramallah MIÐEYSTUR Árni Joensen: - Vit eiga at koyra Arafat í útlegd, tí so høvdu vit sloppið undan at síggja hann ganga eftir reyðum leyparum, tá hann kurteis- liga tekur í hondina á leið- arum víða um heimin, skal ísraelski verjumálaráð- harrin, Shaul Mofaz, hava sagt á einum stjórnarfundi sunnukvøldið. Men Ariel Sharon, for- sætisráðharri vildi ikki koyra Arafat í útlegd. Ístað- in varð avgjørt at byrgja palestinska forsetan av í Ramallah. Hetta ber mill- um annað í sær, at útl- endskir politikarar og diplomatar, sum fara til Ramallah at tosa við Ara- fat, sleppa ikki at tosa við ísraelsku stjórnarlimirnar. Ariel Sharon sigur, at Arafat hevur ábyrgdina av teimum nógvu palestinsku sjálvmorðsbumbuatsóknun um seinastu dagarnar. Hesum vísa palestinar aftur. Teir vilja haraftur- ímóti vera við, at ísraelska mótstøðan ímóti teirri sein- astu amerikansku friðar- ætlanini ger, at ófriðurin heldur fram. Palestinar hava góðkent amerikanska uppskotið, men tað hevur Ísrael ikki gjørt. Norðmenn vilja upp í ES UTTAN ÚR HEIMI Arafat skal byrgjast av Belgiska stjórnin heldur fram Guy Verhofstadt kann halda fram sum belgiskur forsætisráðharri. C M Y K 14