týsdagur 20. mai 2003síða 11

Nr. 94 - 20. mai 2003 21 Silvurvinnararnir gjørdu sær dælt av brotssparki, sum var fullkomuliga óneyð- ugt og av misskiljing millum málverja og miðverja hjá skála- monnum NSÍ–SKÁLA Jóannes Hansen NSÍ gjørdi tað, sum teir skuldu, tá ið Skála vitjaði við Løkin. NSÍ vann 2–0, teir fingu trý stig á kontoina, og teir komu undan trýst- inum, sum tað altíð er at vera stórfavorittur á heimavølli ímóti liði, sum av mongum verður roknað millum mest uppløgdu evnini at detta niður í lægri deild. Men tað vóru avgjørt glottar at hóma á Skála liðn- um, sum í løtum í fyrra hálvleiki og eisini fyrstu løtuna eftir steðgin vísti frægasta fótbóltsspælið, sum var at síggja. Serliga vóru tað sentralu miðvallararnir, sum vóru skilagóðir. Ársins spælari í hondbóltinum, Sveinur Justinussen, sum bara hevur vant, síðani eina viku eftir at hondbólts- kappingin var av, gjørdi so at siga einki mistak. Hann dugdi væl at søkja røttu støðurnar, og hann valdi al- tíð einfaldu avspælingarnar. Aleksander Jovevic vísti eisini gott hegni, og hann er heilt víst fongur hjá Skála, serliga um hann minnist til at sleppa sær eitt vet skjótari av við bóltin, enn hann í so ofta gjørdi hesa ferð. Trupulleikin hjá skála- monnum var, at teir ikki megnaðu at spæla seg til upplagdar møguleikar. Jens Martin Knudsen í NSÍ mál- inum var so at siga arbeiðs- leysur. Sjálvandi kom tað illa við hjá Skála, at einasti landsliðsspælarin hjá teim- um, Jónhard Frederiksberg, longu miðskeiðis í fyrra um- farinum noyddist at taka av seg vøllinum, tí hann hevði fingið meint spar í knæið. Pétur Geir Svavarsson loysti av. Íslendingurin er komin til Skála fyri góðum mánað síðani, men hann er ikki so mikið sannførandi, at hann er upplagt fyrsta val sum álopsspælari í staðin fyri Boga Gregersen. Styrkin at sekta NSÍ arbeiddi nógv, men teir høvdu trupult við at fáa fót- bóltsspælið at hanga saman. At Gerg Langgaard og Kári Hansen ikki vóru við var stórur saknur. Í álopinum stríddust brøðurnir Helgi og Sonni L. Petersen, og teir vóru uppií so at siga hvørja ferð, tá ið vandi var framm- anfyri málið hjá Eugen Voda. Í 1. hálvleiki royndi Helgi eftir fríspæling frá bróðrinum at lyfta upp um Skála málverjan, sum fekk fingurin á, og í 2. hálvleiki, tá ið støðan var 1–0, hevði Sonni eftir fríspæling fra Iani Højgaard, stóran møgu- leika úr stuttari fjarstøðu í vinstru. Hann var eitt sindur trongdur, og málverjin fekk hondina á bóltin. NSÍ setti hol á, tá ið tað restaðu átta minuttir av fyrra umfarinum. Lassin Isaksen bríkslaði fyri brotssparki, sum skálamenn púra óneyð- ugt høvdu framt. Eftir inn- kast í vinstru var Sjúrður Jacobsen afturi við baklinj- una á veg úr brotsteiginum, tá ið beinini vórðu tikin und- an honum. Brynjolvur Niel- sen var enn eina ferð tryggur úr ellivu metrum. Eftir at Skála fyrstu løtuna eftir steðgin hevði verið væl við, setti heimaliðið teir upp á pláss. Skála spælararnir vórðu so mikið kroystir, at teir gloymdu ella ikki kendu seg at hava tíð at spæla. Sentralu miðvallararnir vórðu lopnir um, og so øktist trýstið á teirra verju. Spenningurin og harvið intensiteturin hvarv, tá ið tað restaðu átta minuttir, og aftur var talan um verjumistak. Brynjolvur Nielsen legði úr høgru og fram ímóti brots- teiginum. Agnar Højgaard hevði møguleikar at beina bóltinum butur, men hann drálaði – ivaleyst tí hann roknaði við, at málverjin skuldi taka bóltin – og so stakk arbeiðssami Sonni L. Petersen seg fram ímillum teir báðar, sneiddi framvið málverjanum og setti í málið. Jógvan Martin Olsen hevði valt at geva unga Júst- inus Hansen møguleikan í høgru fyri skadda Gert Langgaard. Ungi maðurin hevði í fyrra umfarinum stóran møguleika at skjóta mál, men tað miseydnaðist. Eftir frísparksinnlegg frá Sjúrði Jacobsen var Jústinus leysur, men royndin fór omanfyri málið. Hann man kortini fara at skjóta mál um ikki so langa tíð. NSÍ–Skála 2–0 (1–0) 1–0: Brynjolvur Nielsen br 38. 2–0: Sonni L.Petersen 83. NSÍ: Jens Martin Knudsen – Brynjolvur Nielsen, Óli Hansen, Messias Perreira, Sjúrður Jacobsen – Jústines Hansen (75: Andy Olsen), Ian Højgaard, Rúni Rasmus- sen, Jónstein Petersen (88: Áki L. Hansen) – Sonni L. Petersen, Helgi L. Petersen Skála: Eugen Voda – Arn- old Berg, Dusan Jaic, Agnar Højgaard, Iulian Floresco – Hanus Thorleifsson, Alex- ander Jovevic, Sveinur Just- inussen, Alexandur Johan- sen – Pétur Geir Svavarsson, 25.), Bogi Gregersen HB kom væl frá byrj- an í landskappingini, tá havnarliðið vann 3- 1 á uppflytarunum úr Vágunum. HB var betra klárt betra liðið, men spenningurin helt sær tó til móti endanum av dystinum FÓTBÓLTUR Stefan í Skorini Bæði liðini, sum vóru á vøllinum í Gundadali Dýra Biðidag, fingu gullmerki um hálsin eftir seinasta kappingarár. HB sum før- oyameistarar í 1. deild og FS Vágar sum vinnarar av 2. deild. HB skal verja sítt meist- araheitið, meðan FS Vágar skal verja sítt pláss í bestu deildini. HB legði væl fyri, og støðan var longu 2-0 eftir ein hálvan tíma. HB var meira ágangandi og nógv vandamiklari í álopsspælin- um enn FS Vágar, sum ikki hevði nakað serligt at bjóða uppá í fyrra hálvleiki. From leggur fyri Danin Carsten From fekk sítt fyrsta mál í føroysku landskappingini eftir átjan minuttir, tá hann varð spældur leysur av Rúna Nolsøe. Tað tóktiskt sum verjan hjá FS Vágum ikki fylgdi heilt við í hesum álopinum, tí Carsten From var ógvuliga leysur við málverjanum. Nýggi áleyp- arin hjá HB helt høvdið kalt og sendi róliga framvið málverjanum. HB helt fram við fram- fýsnum álopsspæli, tað sum eftir var av fyrra hálvleiki. Hetta bar ávøkst tíggju minuttir seinni. Hesuferð var Rógvi Jac- obsen á blettinum. FS Vágar megnaði ikki at rudda upp eftir eina frí- sparksstøðu í brotsteig- inum, og bólturin endar hjá Janusi Joensen, sum sendir innfyri. Her er Rógvi Jac- obsen hægstur og leggur HB framum við tveimum málum. HB veruliga stýrdi dyst- inum fyri steðgin og ilt var at síggja, hvussu FS Vágar skuldi hótta HB-liðið. Hó- ast heimaliðið hevði yvir- vág í leiki eftir steðgin, hevði tað ilt við at beina allan iva til viks. Fuglfirðingurin Símun Eliasen er nú aftur at síggja á HB-liðnum, og hann spældi ein góðan dyst í verjuni. FS Vágar minkar um munin Jens Erik Rasmussen var tann leikarin hjá FS Vágum, sum skuldi skapa nakað frameftir vøllinum, og hann var eisini upphavsmaðurin til teir báðar málmøgu- leikarnar, sum vágamenn fingu í seinna hálvleik. Báðuferð var tað eftir uppspæl í vinstru síðu, at tann royndi miðvallarin gav HB-verjuni trupulleikar. Fyrru ferð sendi hann innfyri til brasilska leikaran Clayton Suares, men skotið hjá honum fór uppum mál- ið. Hann var staddur tætt undir málinum og skuldi í minsta lagi havt rakt málið. Aðru ferð Jens Erik brýt- ur ígjøgnum í vinstra borði endar tað við máli til FS Vágar. Hesuferð tveitir El- finn Ørvarodd seg fram og prikar bóltin framvið Bárði Johannesen og minkar um munin. Nú var dysturin brádliga spennandi aftur, tí hóast spælið fyri tað mesta fór fram á hálvuni hjá FS Vágum, so kundu teir hótta við skjótálopum. FS Vágar kom nú eitt sindur meira við í dystin, og HB viðhaldsfólki fór at ótolnast. HB skuldi nú hava avgerandi málið fyri sláa sigurin fastan, men tað gekk heldur striltið hjá teimum, og FS Vágar stríddist nú meira manniliga. Rógvi slær sigurin fastan Tá tíggju minuttir vóru eftir at spæla vísti miðvallarin Rógvi Jacobsen seg aftur sum ein vandamiklan harra. Rúni Nolsøe, sum legði upp til fyrsta og síðsta mál- ið, brýtur ígjøgnum í høgru síðu og sendir eitt neyvt innlegg til Rógva Jacobsen, sum stútar í netið. Nú var dysturin at kalla avgjørdur, og HB-ararnir kundu anda lættan. HB hevði greiða yvirvág allan dystin og skapti fleiri mál- møguleikar enn mótstøðu- liðið, men FS Vágar syrgdi fyri, at spenningur var í dystinum til tað síðsta. HB misti ein mann í dystinum. Kári Nielsen varð stutt fyri steðgin borin av vøllinum við einum brotnum fóti. Hann er lagd- ur í gips og verður neyvan at síggja aftur á liðnum fyrr enn um einar seks vikur. Hetta var ein heldur trilv- andi byrjan hjá meistara- liðnum, og HB-ararnir halda óivað, at dysturin gjørdist óneyðuga spennandi, tí teir skuldu havt avgjørt áðrenn. Hinvegin var FS Vágar til dystin fús, og gav ongantíð HB frið í sinni. Teir arbeiddu væl og góvu eisini heima- liðnum ein hvøkk í seinna hálvleiki, áðrenn HB fekk triðja málið. HB - FS Vágar 3-1 (2-0) 1-0: Carsten From, 18 2-0: Rógvi Jacobsen, 29 2-1: Elfinn Ørvarodd, 63 3-1: Rógvi Jacobsen, 79 HB: Bárður Johannesen - Hallur Danielsen, Eli Thor- steinsson, Símun Eliasen, Janus Joensen - Kári Niel- sen (Tór-Ingar Akselsen), Rúni Nolsøe, Rógvi Jacob- sen, Nicu Dogaru - Andrew av Fløtum, Carsten From (Hendrik Rubeksen) FS Vágar: Jákup Joensen - Sjúrður Ellefsen, Albert Ari Thomassen, Jóhannus Jo- ensen, Silva Braga - Ruslan Screlea, Jens Erik Rasmus- sen, Elfinn Ørvarodd (Birgir Joensen), Vlad Osi- povs (Rói Árting) - Bjarni Prior (Jack Johansen), Clayton Suares NSÍ sektaði mistøkini hjá Skála HB - FS Vágar 3-1 (2-0) Meistararnir fingu góða byrjan 21 20 Nr. 94 - 20. mai 2003 Ungu og óroyndu gøtumenninir megn- aðu ikki at fáa nakað burturúr, tá ið royndu klaksvíkingarnir við størri tyngd vitjaðu GÍ–KÍ Jóannes Hansen Klaksvíkingar fóru Dýra biðjudag úr Sarpugerði í góðum hýri. Bæði teir, sum fóru ígjøgnum bergholi til Leirvíkar, og teir, sum ferð- aðust upp á gamla mátan og stutt undan dystarbyrjan umborð á útróðrarbátum vóru komnir skúmandi inn eftir Gøtuvík. Leikliga avrikið hevði ikki verið nakað at reypa av. Men tað løgdu gestirnir, sum høvdu verið í Gøtu, vertin á. Tað ráddi um at fáa øll trý stigini, og tað eydnaðist. Einasta málið fekk KÍ, tá ið seinna umfarið var stív- liga hálvrunnið. Eftir diag- onalt skifti úr høgru, var tað Hjalgrím Elttør, sum av brotsteigarmarkinum í vinstru og einar tíggju metr- ar frá baklinjuni sendi tvørtur um aftur. Bólturin skapp at ferðast framvið málinum og aftur um hand- ara stólpan, har bólttryggi miðvallarin í høgru, Atli Danielsen, varð leysur og við knøunum og lørunum stýrdi bóltinum framvið Jacek Przybylski og í málið. Hvørki GÍ málverjin ella Kartin Joensen í KÍ málin- um høvdu aðrar uppgávur at síggja til. Tað vóru stutt sagt ikki aðrar royndir ímóti málinum teir 90 min- uttirnar í góðveðrinum í Norðragøtu. Fyrstu løtuna var Pop- czynski tvær ferðir um reppið at gerast leysur, men hann kendi ikki sína vitjun- artíð. Í báðum førunum fór hann frá miðstrikuni og royndi at renna frá í hesum førunum ikki ov væl skipaðu verjuni. Í tí fyrra førinum varð møguleikin heilt góður, men Popczynski tøvdi eitt vet, og so megnaði skilagóði Jan Andreasen at skerma av. Í seinna førinum tøvdi Popczynski eitt sindur og fór til høgru, hann spældi ikki væl staddar viðspælarar, og so syrgdi KÍ verjan fyri, at møguleikin hvarv. Tíðliga í 2. hálvleiki fekk Popczynski gula kortið, tí dómarin metti, at hann hevði verið ov nógv sjónleikari, tá ið hann – eftir at innlegg var komið úr høgru – fór um koll í brotsteiginum. Og eina ferð seinni vísti venjarin aftur, at tað er fyrst og fremst hann, sum verður roknaður sum álopshóttan hjá GÍ. Eftir KÍ hornaspark!, fór GÍ í skjótt álop, verjuparturin hjá KÍ var illa skipaður, og tað eydnaðist akkurát at beina bóltinum til GÍ horna, áðrenn Popczynski kundi royna ímóti málinum. Ove Nysted – hóast hann spældi við sera smáum marginalum, so var hann stinnur í miðverjuni – hevði tvær tær bestu KÍ royndir- nar, umframt málið hjá Atla Danielsen. Í tí fyrra førin- um sendi hann úr 73! metr- um. Bólturin stakk í vøllin og upp um eitt sindur uttar- laga stadda málverjan, sum tóktist vera um ein háls, men bólturin dalaði niður í nettakið. Í tí seinna førinum royndi Ove at stúta frí- sparksinnlegg, men bóltur- in fór við síðuna av. Munurin var í tyngd- ini og royndunum Talan var um lítið av sam- anhangandi fótbóltsspæli. Heldur vóru tað oftast lang- ar og/ella høgar sendingar og adressan var heilt ofta ókend. KÍ var eitt vet om- aná. Serliga í 2. hálvleiki funnu teir viðhvørt betri hvønn annan, enn heima- menninir gjørdu. Klaksvik- ingarnir vóru betri fyri í nærdystunum, og tað sást, at spælararnir hjá KÍ høvdu væl fleiri royndir, enn gøtu- menninir, sum ikki fyltu so nógv, og sum vóru sera strongdir, og harvið spark- aðu meiri, enn GÍ hevur gjørt øll tey árini, teir hava verið í bestu deildini. Aftur hesa ferð høvdu skaðar við sær, at tað vóru blaðungir dreingir – Símun Samuelsen, Símun Louis Jacobsen og Høgni Madsen – sum royndu at stríðast ímóti Allani Joensen og hansara monnum á sentrala miðvøllinum, og sjálvandi sást tað á GÍ avrikinum, at Súni Olsen og Gidek ikki vóru tøkir. KÍ spældi 4–4–2, og GÍ var í 3–5–2 útgangsstøðu. Hans Pauli Petersen var ytstur høgru megin, og Bárður á Lakjuni, sum var ein tann bólttryggasti av teimum gulu og noyddist at taka seg burturúr, tá nakrir minuttir vóru eftir, var ytstur vinstrumegin. Símun Louis Jacobsen tóktist at hava sum høvuðs- uppgávu at halda Allani Jo- ensen burtur frá bóltinum, og setningurin hjá Poul Andriasi Jacobsen í verjuni var at hanga uppií Hjalgrími Elttør. Tjóðrið hjá lykla- spælarunum hjá KÍ var ikki langt, men hjá Hjalgrími var tað nóg langt til, at hann átti avgerandi fót á í sambandi við sigursmálið. Tá ið KÍ var komið á odda, royndi GÍ at flyta fólkið fram, og tá hevði KÍ møguleikar í snarálopum, sum stóðust av, at GÍ misti í uppspælinum. Hjalgrím, sum var óførur at halda bóltinum frammi á vøllin- um síðstu løtuna, var tvær ferðir tætt við, men honum eydnaðist ikki at skjóta. GÍ–KÍ 0–1 (0–0) 0–1: Atli Danielsen 69. GÍ: Jacek Przybylski – Poul Andrias Jacobsen, Bartal Eliasen, Leivur Hansen – HansPauli Petersen, Símun Louis Jacobsen, Símun Samuelsen, Høgni Madsen, Bárður á Lakjuni (Hanus Jacobsen, 79.) – Krzystof Popczynski, Magnus Skora- líð (Áslakur R. Petersen, 85.) KÍ: Kartin Joensen – Sámal Eyðfinn Akursmørk, Ove Nysted, Jan Andrea- sen, Harley Bertholdsen – Atli Danielsen, Allan Joen- sen, Fríðin Ziskason (Sím- un Joensen, 71.), Arnold Joensen – Hjalgrím Elttør, Eyðun Klakstein (Erling Fles, 67.) Tyngdin og royndirnar vóru á muni Óli spæli ein góðan dyst við Hvidovre í 1- 1 javnleikinum móti Brønshøj. Christian Høgni slapp ikki uppí part, tá Vejle tapti 5-4 móti AC Horsens FÓTBÓLTUR Stefan í Skorini Óli Johannesen og liðfel- agar hansara í Hvidovre stríðast fyri at lívbjarga sær í næstbestu donsku deild- ini. Um vikuskiftið endaði tað við 1-1 javnleiki á úti- vølli móti Brønshøj. Óli Johannesen varð hesuferð fluttur av mið- vøllinum og aftur í verj- una, tí ein annar verjuleik- ari er skaddur. Hvidovre kom framum við einum sjálvmáli beint fyri steðgin og høvdu tí góðar vónir til seinna hálv- leik. Men Brønshøj, sum eisini liggur í tunga endan- um, megnaði at javna stutt inn í seinna hálvleik. Sagt verður, at Óli Jo- hannesen spældi ein góðan dyst fyri Hvidovre, sum hevði fleiri góðar møgu- leikar at skora sigursmálið seint í dystinum. Hvidovre liggur næstaft- ast á stigatalvuni, men hev- ur enn góðan møguleika at vinna seg upp um niður- flytingarstrikuna, tí liðini omanfyri eru ikki farin úr eygsjón. Christian Høgni ikki við Vejle berjist hinvegin við at vinna seg uppaftur í Superliguna og tók ímóti AC Horsens á heimavølli. Horsens vann 5-4 eftir at hava verið á odda 4-0 eitt skifti í fyrra hálvleiki. Vejle eltir Frem á øðrum plássi og misti harvið trý týdningarmikil stig. Christian Høgni slapp ikki uppí part á hesum sinni og var ikki við í hópinum. Horsens legði seg fram- um 4-0 eftir hálvum tíma, áðrenn Vejle svaraði aftur. Heimaliðið javnaði síðani til 4-4, áðrenn Horsen fekk sigursmálið, tá fimm min- uttir vórðu eftir at spæla. Málini hjá Hvidovre skutu Tommy Knudsen, Ulrik Balling, Peter Degn og Michael Blom. Óli Johannesen og Hvidovre fingu javnt C M Y K 20