týsdagur 27. mai 2003síða 14

[ 26] [ 27] Skráin er so at siga full hjá Brandi Enni í næstu framtíð. Hann skal á tveir festivalar í summar, har hann hevur fingið høvið at syngja og upptraðka á teimum stóru pallun- um. Harafturat stend- ur ein stór uppgáva fyri framman, tá Brandur skal syngja tjóðsangirnar hjá ávíkavist Føroyum og Týsklandi til lands- dystin í juni. – Tú skalt trúgva uppá teg sjálvan, og eg fari at gera tað so gott sum møguligt, sigur ungi tvørádrongurin SAMRØÐA Ingrid Bjarnastein Brandur Enni má sigast at vera ein tann mest umbidni føroyski tannáringurin – um ikki tann mest umbidni. Skráin fyri komandi tíð- ina er væl pakkað, og hann hevur fleiri stórar fram- førslur fyri framman. Seinast í mai mánaði skal hann upptraðka á Jelling Festivalinum á stóra pallin- um, og seinast í juni mán- aði gongur leiðin til Nibe. Brandur skal upptraðka ímillum stór og kend nøvn, sum eitt nú Nik & Jay, Shubidua, Kashmir og onnur. – Eg má venja nógv, so eg kann liva upp til allar hinar tungu fýrarnar á festivalinum. Tað vera nógv fólk á festivalinum, so eg má gera mítt besta, sigur Brandur. Brandur, sum bert er 14 ár, er ein fittur og fyrikom- andi unglingi. Hóast sín unga aldur, so er hann komin rættiliga langt innan tónleikaheimin, og ringar- nir kunnu skjótt spreiða seg víðari í vatninum. Feitt – Eg havi ongantíð upp- traðka á festivali fyrr. Nakað líknandi var í fjør summar, tá eg skuldi syngja fyri fleiri túsund fólkum til íslendska tjóðardagin, so eg veit ikki rættiliga, hvørjar væntanir eg havi, sigur Brandur. – Tað er bara at hava sjálvsálit, so gongur alt. Um tú byrjar at ivast og ikki trýr uppá teg sjálvan, so gongur tað galið. Og sjálvsálit hevur Brandur. Tað feilar ikki. Hurðarnar til festivalar- nar vórðu latnar upp eftir, at Brandur hevði havt eina framførslu í Fuglafirði fríggjadagin undan Prix Føroyar finaluni. Har sang hann nakrar sangir, og fyri- reikararnir av festivalinum hava dámt tað so væl, at teir hava gjørt av, at kroysta Brand inn í skránna, sjálvt um hon er løgd fyri langari tíð síðani. – Teir hava arbeitt fyri at kroysta meg inn, og tað haldi eg er ógvuliga stutt- ligt og væl klárað av teim- um. Hetta er eisini nakað, sum man kanska kann brúka víðari, og hetta kann gerast eitt stórt aktiv hjá okkum í Danmark. Kanska ein møguleiki at sleppa við til aðrar festivalar uppá, greiðir ungi tvørádrongurin frá. Spurdur um hetta kann gerast tað stóra gjøgnum- brotið í Danmark, sigur hann seg ikki vita, men tað er skjótt, at ringarnir í vatn- inum kunnu breiða seg. – Tú skalt trúgva uppá teg sjálvan og ikki altíð kenna teg so lítlan. Eg fari niður og geri tað so gott sum møguligt. Framførslan hjá Brandi fer at vera umleið 20 minuttir. Hann sigur sjálv- ur, at tað fer at vera umleið tað sama, sum var tá hann var við á konsertini við teimum í »Stjerne for en aften« í Norðurlandahúsin- um herfyri. Deutschland Tann 11. juni skulu Føroyar spæla landsdyst ímóti Týsklandi á Tórsvølli. Hetta er ein týðandi lands- dystur fyri Føroyar. Bæði sum fótbóltstjóð og ferða- mannaland, men dysturin er eisini vorðin til ein stóran møguleika hjá Brandi. – Eg havi fingið ta æru at skula syngja báðar tjóð- sangirnar til dystin, sigur Brandur. – Eg syngi ikki, uttan so, at eg haldi, at eg klári at gera tað væl. Týski tjóð- sangurin er eitt avbera vakurt lag, og eg eri fallin »pladask« fyri málinum. Fyrsti týskttímin var fyri góðari viku síðani, og síðani hevur Brandur vant nógv. – Okur fáa ikki týskt fyrr enn næsta ár, so eg havi roynt at konsentrerað meg nógv og lagt meg væl eftir úttalu og so víðari. Brandur sigur, at hann kennir seg væl fyrireikað- an. Og verður tað ein stór og spennandi uppgáva, sum bíðar honum á Tórsvølli. Fleiri milliónir av sjón- varpshyggjarum fara at sita niðri í Týsklandi og síggja framførsluna. – Tað gongur skjótt fyri seg. Talan er bara um heilt lítla tíð, sum tað tekur at syngja sangirnar. Men hetta er ein stórur møguleiki, ásannar Brandur. – Hetta er nakað stórt, og tað er týdningarmikið, at duga at brúka tað til nakað. At syngja týska og før- oyska tjóðsangin er ikki tað sama, sum at syngja popp- sangir, tað vita vit øll. – Eg eri vanur við at syngja popp, men eg haldi tað er ógvuliga stuttligt, at fáa eitt sjarmerandi mill- umting at royna seg við. Eg fari at leggja sálina í tað, so eg fái tað so gott sum møguligt. Men tað er ikki bara tann týska tjóðsangin, sum Brandur venur av lív og sál nú. Tann føroyski skal eisini syngjast, og hann verður eisini vandur væl og virðiliga. Og Brandur sigur sjálvur, at hetta verður eisini ein stór avbjóðing. – Eg gleði meg nógv. Tað verður ein feitur stemning- ur og nakað heilt serligt. Meðan vit práta og hyggja eftir heimasíðunum hjá festivalunum trívur Brandur av og á í týska tjóðsangin, »Einigheit und Recht und Freiheit«. Og tað borgar fyri góðsku, so vit kunnu øll bara bíða, og vita og vóna, at tað fer at eydn- ast væl tann 11. juni. Tú skalt trúgva uppá teg sjálvan Brandur Enni hevur fult pakkaða skrá í næstu framtíð. Tveir festivalar standa fyri framman, og eisini skal hann syngja týska og føroyska tjóðsangin á Tórsvølli tann 11. juni til landsdystin ímóti Týsklandi Mynd: Álvur Haraldsen C M Y K 27 26