fríggjadagur 6. juni 2003síða 5

8 Nr. 105 - 6. juni 2003 Nr. 105 - 6. juni 2003 9 Ebbedinna Jacobsen Kollafirði Ikki so sjáldan lesa vit bæði í føroyskum og donskum bløðum um, at menn og kvinnur, ið hava lisið gud- frøði og virka sum prestar, avnokta at Jesus Kristus varð føddur av eini moyggj. Hesir stíga fram og siga, at Bíblian ikki í øllum førum er innblást av Gudi. Teir loyva sær at skræða Guds orð sundur fyri eyg- unum á teimum, sum tey skulu vera andaligir veg- leiðarar hjá. Jesus segði um slíkar: "Blindir vegleiðarar eru teir blindum; og tá ið blindur leiðir blindan falla báðir í grøvina." (Matteus 15,14) Táið vit lesa í evangeli- unum síggja vit, at tað eru høvuðsprestar og skrift- lærdir, sum Jesus ofta talar um og biður okkum varða okkum fyri. Jesus visti alt og kendi hugsanir teirra, so tað var ikki av ongum hann segði so. Eg haldi at ávarðing Jesusar móti slíkum er eis- ini í gildi í dag. Tað vóru eisini hesir somu, sum við svikum, fingu Jesus tiknan av døg- um. Teir skipaðu eisini fyri, at væl skuldi verða hildið vakt við grøv Jesusar, av ótta fyri at lærisveinar Jesusar fóru at stjala líkið og siga hann vera risnan upp. Men teir kundu ikki við allari teirra vakt forða fyri at Jesus reis upp. Tá ið so Jesus var risin upp góvu teir fólki pening fyri at bera fram ósannindi og søgdu: "Lærisveinar Hansara komu um náttina og stjólu Hann, meðan vit svóvu.". Alla hesa tilgongdina lesa vit um í kapitlunum 27-28 í Matteusar evangel- ium. Ormaavkom Í Nýggja Testamenti verður nógv skrivað um hvussu omanfyri nevndu persónar bóru seg at móti Jesusi, sum var hin í Skriftini frá- boðaði Messias. Her skulu verða tikin nøkur dømi: Jóhannes doypari sigur: "Men tá ið Jesus sá nógv- ar Farisearar og Saddu- kearar kom til dóp sín, segði hann við teir: "Ormaavkom! Hvør lærdi tykkum at flýggja undan vreiðini, ið kemur?" (Mat- teus 3,7) "Tá ið Fariseararnir hoyrdu hetta, søgdu teir: "Tað er bert við Be´elsebul, høvdinga hinna illu anda, Hesin (Jesus) rekur út illar andar." (Matteus 12,34) Í kapitlunum 23-24 í Matteusar evangelium eru nøkur álvarslig orð viðvíkj- andi omanfyri nevndu per- sónum, t.d.: "Vei tykkum, tit skrift- lærdu og Farisearar, hyklar- ar tykkara!" 23,14 "Vei tykkum, blindu veg- leiðarar tykkara!" 23,16 "Høggormar! Ormaav- kom!" 23,33 "Mangir lygiprofetar, skulu stíga fram og villeiða mong." 24,11 "Høvuðsprestarnir og alt ráðið royndu tá at fáa rangan vitnisburð móti Jesusi, so teir kundu taka Hann av døgum." 26,59 "Tá ið nú morgunin var komin, hildu allir høvuðs- prestarnir og hinir elstu fólksins ráð móti Jesusi at drepa Hann." 27,1 "Og alt tað, sum høvuðs- prestarnir og hinir elstu klagaðu Hann fyri, svaraði hann einki." 27,12 "Men høvuðsprestarnir og hinir elstu yvirtalaðu fólkið at biðja um at fáa Barrabas leysan, men Jesus dripnan."27,20 "Á sama hátt háðaðu høvuðsprestarnir Jesus." 27,40 "Dagin eftir? savnaðust høvuðsprestarnir og Farise- ararnir hjá Pilatusi og søgdu: "Okkum kemur í hug, at hasin villeiðarin (Jesus) segði, meðan hann enn livdi: Eftir tríggjar dag- ar rísi Eg upp." 27,62 Teir østu fólki upp móti Jesusi Í Markusar evangelium lesa vit: "Táið hinir skriftlærdu og fariseararnir sóu, at Hann át við tollarum og syndar- um, søgdu teir við læri- sveinar Hansara: "Hann etur og drekkur við tollar- um og syndarum." 2,16 "Varðið tykkum fyri hin- um skriftlærdu, sum fegin vilja ganga í síðum klæðum og verða heilsaðir á torgun- um." 12,38 "Høvuðsprestarnir og hinir skriftlærdu royndu, hvussu teir kundu taka Jesus við svikum og drepa Hann." 14,1 "Men høvuðsprestarnir østu fólkið upp at biðja um, at hann fyrr skuldi geva teimum Barrabas leysan." 15,11 Royndu at fáa Jesus fyribeindan Í Lukasar evangelium lesa vit: "Hinir skriftlærdu og Fariserarnir høvdu eyguni eftir Jesusi, um Hann mundi fara at grøða sabbat, fyri at teir kundu finna okkurt at klaga hann fyri." 6,7 "Menniskjasonurin skal líða nógv og verða vrakað- ur av hinum elstu, høvuðs- prestunum og hinum skrift- lærdu." 9,22 "Bæði Fariseararnir og hinir skriftlærdu knarraðu og søgdu: "Hesin (Jesus) tekur ímóti syndarum og etur við teimum!" 15,2 "Men høvuðsprestarnir, hinir skriftlærdu og hinir fremstu menn fólksins royndu at fáa Hann rudd- aðan av vegnum." 19,47 Í Jóhannesar evangelium lesa vit: "Høvuðsprestarnir og Fariseararnir sendu tænarar avstað at taka Jesus." 7,32 "Høvuðsprestarnir løgdu upp ráð at drepa Lázarus við." 12,10 Rannsakaðu og prædikaðu skriftirnar, men vóru ikki umvendir Í Apostlasøguni 26,11-12 sigur Paulus, sum áðrenn umvending sína var ein skriftlærdur fariseari, um leiklut sín í at jagstra tey trúgvandi: "Eg læt tey íðiliga straffa í hvørji synagogu og tving- aði tey at spotta, og eg gekk so langt í øði míni móti teimum, at eg forfylgdi tey til býir í øðrum londum. Í hesum ørindum fór eg tá til Damaskus við valdi og myndugleika frá høvuðs- prestunum." Hóast hann var ein skrift- lærdur og kendi skriftirnar, var hann kortini ikki ein umvendur maður. Hann helt seg vera á góðari anda- ligari leið, men nýggja lívið í Kristusi var hon fremm- ant. Hann var ein av teim- um, sum Jesus segði um: "Tit rannsaka skriftirnar, tí tit hugsa, at tit hava ævigt lív í teimum; og tað eru tær, ið tala um Meg. Og til Mín vilja tit ikki koma, so tit kunnu fáa lív." (Jóhannes 5,39) Vitnisburðurin hjá hinum skriftlærda Paulusi, er hes- in: "Eg, sum áður var spott- ari, atsøkjari og yvirgangs- kroppur, men eg fann mis- kunn, av tí at eg visti ikki betur, tá ið eg í vantrúg gjørdi so? tað er trúvert orð og til fulnar vert at verða fagnað, at Kristus Jesus kom í heimin at frelsa syndarar, og av teimum eri eg hin størsti." Dánjal Gaardlykke Nei álvaratos, nú havi eg fingið nokk av hesum streykarínum. Hvat er meiningin við hesum? At knúsa alt samfelagið? Fyri mær tykist hetta sum rein terrorisma. "Um eg ikki fái mín vilja, skal hevnast. Og náði tann sum setur seg upp ímóti, ella bara torir at seta spurnartekin við fakfelags- formannin og hinar av sama kalibri. Nú haldi eg at tað er uppá tíðina at verkafólk taka seg saman og fáa aðrar per- sónar at umboða seg. Nú hava vit havt vetur (Vinter) nóg leingi. Hví skal man dyrka fíggindskap ímillum arbeiðsgevarar og arbeiðs- takarar? Tað sum ein í veru- leikanum ger, er at stríðast ímóti sær sjálvum. Hví ikki læra av Sandoy Seafood? "Gongst Sandoy Seafood væl gongst tær væl"?. Nei nú er uppá tíðina at vit í felag fara at byggja hetta landið upp, og lata vera við knúsa alt tað sum er uppbygt í berari hevni- søku og hatri. Tí hvat annað er tað enn hevnisøka og hatur sum stýrir Ingeborg og hennara líkum? Eg síggi ikki annað. Tá ið ein ong- antíð hevur kunna samráðst seg til nakað sum helst uttan við verkfalli og við hóttan um morð og brand, er sera yvingasamt um ein er búgvin til sína uppgávu. Nú er nokk! Teir skriftærdu, prestarnir og Jesus GRANSKING OG OLJUPENGAR Jan Müller Í dag fer Jóannes Djur- huus at verja Ph.D. rit- gerð sína í kolvetnis- relateraðari jarðalisfrøði Analytical investigation of in-situ stresses and hydraulic induced bore- hole fracture. Í ritgerðini hevur Jóannes ment al- gildugar støddfrøðislig- ar fyrimyndir ("modell") av spenninum í gróti kring borihol. Verjan fer fram á Læraraskúlin í dag klokkan 13. Hetta er tann fyrsta doktararit- gerðin frá Náttúruvís- indadeildini. Hon er fíggjað av oljufeløgun- um í tí gamla AMG bólkinum, har bert Stat- oil er eftir í Føroyum. Hini feløgini vóru Mobil og Enterprise. Hans Pauli Joensen, leiðari á Náttúruvísinda- deildini vísir á, at grund- arlagið undir tí, sum nú fer fram á hesum økin- um, eru teir pengar, sum vórðu latnir í 1998 av AMG-bólkinum. Ph.D verkætlanin er ein partur av tí sponsoravtaluni. Hin parturin er sponsor- eringin av partíar pro- fesorati. Hans Pauli Joensen er sera fegin um, at tað hevur eydnast at fáa oljufeløg sum Statoil at vísa granskingini og ar- beiðinum hjá Náttúru- vísindadeildini ans. – Tað at oljufeløg komu inn í myndina í 98 var sera heppið, tí júst tá umhugsaðu vit at vera við til at byggja upp eina kompetansu í Føroyum á hægri støði við atliti at oljuvinnuni. Vit valdu at fara inn rímuliga tíðliga, men tá vóru eingir peng- ar á fíggjarlógini til slíkt. So man kann siga, at vóru teir pengarnir frá oljufeløgunum ikki komnir, so høvdu vit ikki byrjað so tíðliga og vóru heldur ikki komnir so langt ávegis. Hans Pauli Joensen vísir á, at tey í løtuni hava tvær PhD verkætl- anir í gongd umframt ein postdoc. verkætlan. Tey eru eisini farin at byggja upp eina rann- sóknarstovu á Náttúru- vísindadeildini. Teir fyrstu oljuverkfrøðing- arnir eru eisini klæktir á deildini, og har var sein- asta hálva annað árið fíggjað við sponsor- pengum frá Statoilbólk- inum m.a. uppihald hjá studentum í Norra og Danmark. - So oljufeløgini hava havt ein sera týðandi leiklut fyri menningina av hesum fakøkjunum á Náttúruvísindadeildini á Fróðskaparsetrinum. Her er talan um geo- fysikk ella jarðalisfrøði við atliti at kolvetnis- vinnuni. Men hinvegin hava vit alla tíðina lagt dent á, at projektini skulu hava týdning og vera áhugaverd sjálvt um eingin oljuvinna verður. So tað er lagt upp soleiðis, at projekt- ini hava ein breiðan vís- indaligan áhugan. Verð- ur eingin olja funnin, so hevur hetta kortini ikki verið til fánýtis. Vit hyggja eitt sindur breið- ari men kortini hava vit oljuvinkulin í kikaran- um sigur leiðarin á Náttúruvísindadeildini. VIÐMERKINGAR Oljupengar koma væl við hjá Náttúru- vísindadeild Lesið -tað loysir seg NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Joan Midjord Joensen 25 ár 2. juni fylti Joan Midjord Joensen úr Klaksvík 25 ár. Joan kenna vit best frá hondbóltinum, har hon hevur verið ein av lykla- spælarunum hjá Stjørnuni tey seinastu árini. Og somuleiðis gjørdi hon rættiliga vart við seg, tá hon varð tikin út til kvinnu- landsliðið í hondbólti, sum leikti ímóti Svøríki. Men ikki bert er Joan nú fjórðingsøld gomul. Í juli mánaði í ár hevur hon lovað jugoslaviska stjørnuspæl- aranum, Alexander Djor- djevic sítt stóra ja. Tað fer fram í Christianskirkjuni í Klaksvík, leygardagin 12. juli klokkan 15. Joan er dóttir Eyðun og Mildrid Joensen í Klaksvík, og hon hevur tvey systkin. Til dagligt arbeiðir hon í ítróttarhandlinum Innkast, sum hon eigur saman við systur síni. Jógvan Edvard 40 ár Í gjár, 5. juni, fylti Jógvan Edvard Lindenskov Joen- sen í Havn 40 ár. Jógvan Edvard er sonur Rannvá og Tummas Joensen. Rannvá er úr Havn, dóttir Edvard Lindenskov (í Rættará) og Biritu, sum var ættað úr Leynum. Tummas er nóls- oyingur, sonur Valborg og Jógvan í Heiðriksstovu. Jógvan Edvard er giftur Hansinu, ið er ættað úr Garðinum í Klaksvík, dótt- ir, Rannvá og Kjartan Han- sen. Fyrr í ár lótu Jógvan Edvard og Hansina upp handil, ið selur køkar, Biga køkar, í Niels Finsensgøtu í Havn, har Tórs Cafteria fyrr helt til. Jógvan Edvard letur væl at undirtøkuni, handilin hevur fingið, og hann leggur dent á, at tað serliga er dygdarkøkar, hann roynir at selja. Sum yngri var Jógvan Edvard í Danmark og læs. Hann fór seinni til skips, og sigldi - serliga við klaks- víkstrolarum – í nøkur ár. Hann hevur eisini roynt seg sum lærara og pedagog, men hevur seinnu árni verið í handli, til hann nú fór undir egnan handil. Jógvan Edvard er eisini kendur í Gundadali, har hann kann rópa rættuliga hart, tá HB spælir – og so er tað eisini Liverpool, sum hevur hansara serliga tokka. Jógvan Edvard eigur tvey børn, sum búgva í Dan- mark, Ann Celene og Jan- us. Um stutta tíð flyta Jógv- an Edvard, Hansina og dóttirin Rannvá í nýggj hús í Maritugøtu í Hoyvík. Minningarorð um Jørgin Hansen Glyvrar f. 25.06.1938 d. 11.04.2003 Ikki vardi tað okkum, tá ið Jørgin fór til Dan- markar í sjúkraørindum, at hetta skuldi verða hans- ara seinasta ferð her í lívinum. Tá ið vit, sum starv- aðust saman við honum, ringdu niður til hansara, var hann so glaður og hevði gott mót. Vit hopaðu at hann skuldi vinna á sjúkuni, men so skuldi ikki verða, hansara tíð var komin. Okkum untist at koma at kenna Jørgin gjøgnum okkara felags arbeiðspláss, á smoltstøðini, hesi seinastu árini, sum vit kunna minnast aftur á við takksemi. Jørgin stórtreivst millum okkum. Smoltstøðin liggur í haganum hjá Jørgini, so eftir loknan arbeiðsdag lá væl fyri hjá honum at hyggja eftir seyðinum, sum hann røktaði sera væl. Jørgin var altíð góður at heita á, spurdi tú hann um onkra tænastu, var svarið, "tað er meira enn gaman í". Jørgin hevði sera gott eyga fyri náttúruni, hann kendi hvønn fugl og hvønn seyð. Eisini hevði hann gott innlit í øllum samfelagsviðurskiftum, og av tí at hann var nakað eldri enn vit, varð tað áhugavert hjá okkum at líða á, tá hann fortaldi um ymiskt. Í vikuskiftinum, tá Jørgin hevði frí frá arbeiði, koyrdi hann javnan niðan at hyggja til seyðin, og dámdi honum væl at koma inn á smoltstøðina at vitja vakthavandi til eitt prát og ein kaffimunn. Mangan hevði hann ein kjøtbita við, honum dámdi væl at fjálga um tey, ið vóru rundan um hann. Jørgin var sera góður við sína lítlu familju, sum nú er nógv skerd, tá hann er farin. Góða Helga, Malan, Torben, Martha og lítla Helga, tit hava mist ein góðan mann, pápa verpápa og abba. Við djúpastu samkenslu vilja vit við hesum lýsa frið yvir minnið um okkara kæra starvsfelaga og vin, Jørgin Hansen. Jan, Ingemar og Ragnar Dagurin 6. juni. Norbertus, deyður í 1134. Týskur aðalsmaður, sum stovnaði eina nýggja munkaskipan í Premontre í Fraklandi og seinni gjørdist biskupur í Magdeburg. Silvurbrúdleyp Sunnudagin 15. juni hava hjúnini Bina Klakstein og Heri Ellingsgaard, Klaksvík, silvurbrúdleyp. Dagurin verður hildin leygardagin 14. juni, millum kl. 11:00 - 16:00, við ábiti og morgunmati (brunch) í Skálanum í Klaksvík. Øll eru hjartaliga vælkomin. Jónsvein Jensen 60 ár Í dag fyllir ein kendur Gøtumaður trýss ár. Hann eitur Jónsvein Jensen. Jón- svein er sonur Martinu og Meinhard (Hellu Mein- hard) Jensen í Gøtu. Hann er mitt í einum systkina- flokki upp á ellivu. Jónsvein er best kendur sum servicemaður hjá Alu- Plast í Gøtu. Hann hevur verið í flestu húsum í Før- oyum. Á flestu virkjum og stovnum, á næstan hvørjari hædd. Sett hurðar og vind- eygu í ella gjørt okkurt í stand, sum er farið. Jónsvein er giftur við Kristionnu, fødd Øregaard, úr Søldarfirði. Tey eiga dóttrina Mirjam, sum er yngst, og synirnar Tórheðin og Meinhard. Øll búgva í Gøtu. Borgar var elst, men hann fórst í bilvanlukku í 1989. Kristianna og Jón- svein eiga ommu og abba- børnini Borgar, Kristionnu, Emblu, Jan og ein ný- føddan ommu og abbason. Jónsvein fór til skips, tá hann fylti fjúrtan, og sigldi fram til 1980. Tá fór hann í land at arbeiða hjá Alu- Plast, ella hjá Schwartz, sum tað ofta varð kallað fyrr. Har hevur hann verið øll árini síðan, eisini tá tað næstan var fólkatómt kreppuárini. Hóast hann ikki hevur lært og ikki fór at arbeiða sum handverkari, fyrr enn hann var næstan fjøruti ár, so hevur hann víst seg sum ein framúr handverkara. Jónsvein sigldi fyrstu árini við Bár- uni í Gøtu. Seinni var hann við fleiri skipum. Hann sigldi nógv við Havørnini, og seinast í sjeytiárunum var hann við kraftblokka- bátinum Polaris. Tíðliga í trýssunum var hann við týskum trolara. Annars kann tað sigast um Jónsvein, at hann er serliga lættur í sinni, skemtingarsamur og dugir væl at práta við øll fólk. Ítróttarliga er tað GÍ, sum hevur áhugan, og í náttúr- uni er tað serliga fuglurin. Jónsvein er so sera glað- ur fyri sang. Tað hoyrist heima í stovuni. Serliga sunnudagurin fer fyri tað nógva við sangi. Bæði at syngja við á møti í Fila- delfia í Gøtu og aftur við sjónvarpi og útvarpi og fløgum heima við hús. Stórur føðingardagur var tilrættalagdur, í leigaðum høli, men tað varð steðgað av verkfalsrørsluni. Dag- urin verður hildin heima hjá Kristionnu og Jónsveini í Norðragøtu, har húsini standa opin allan dagin og alt kvøldið. Kristianna og Jónsvein Jensen Joan Midjord Joensen ( til vinstru) her avmyndað saman við einari av svensku landsliðsleikarunum, Åse Eriksson C M Y K 9 8