leygardagur 7. juni 2003síða 7

12 Nr. 106 - 7. juni 2003 Nr. 106 - 7. juni 2003 13 NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Føðingar 21. mai fingu Bjørg Joensen og Peter Rosenfeldt Jensen, Søborg, eina dóttur. Hon var 49 cm long og vigaði 2460 gr. 26. mai fingu Jens Kjartan Feilberg og Vivian Tausen, Søldarfirði, eina dóttur. Hon var 55 cm long og vigaði 3950 gr. 27. mai fingu Mona og Jón Rasmussen, Klaksvík, ein son. Hann var 53 cm langur og vigaði 3460 gr. 28. mai fingu Mary Ann Mathisen og Bárur Andreasen, Klaksvík, eina dóttur. Hon var 54 cm long og vigaði 3560 gr. 29. mai fingu Rannvá Lamhauge og Benjamin Gøte, Søldarfirði, eina dóttur. Hon var 49 cm long og vigaði 3600 gr. 30. mai fingu Gunvør og Dánjal Norðberg Jacobsen, Tórshavn, eina dóttur. Hon var 58 cm long og vigaði 4835 gr. 31. mai fingu Patricia og Hendrik Húsgarð, Skagen, eina dóttur. Hon var 37 cm long og vigaði 1352 gr. 31. mai fekk Anna ein lítlabeiggja. Hann var 54 cm langur og vigaði 3800 gr. Foreldur teirra eru Ingun Schiller og Eirikur Lindenskov, Tórshavn. 2. juni fingu Thyra og Ib Kristiansen, Miðvági, eina dóttur. Hon var 52 cm long og vigaði 4100 gr. 2. juni fingu Bjørk Gudmundsen og Andor Joensen, Sandavági, eina dóttur. Hon var 50 cm long og vigaði 3000 gr. 2. juni fingu Anita L. Hammer og Jóhann Fagraklett, Signabø, eina dóttur. Hon var 53 cm long og vigaði 3520 gr. 3. juni fingu Bjarta og Trúgvi Petersen, Syðrugøtu, ein son. Hann var 53 cm langur og vigaði 3250 gr. 3. juni fingu Susi Jensen og Jákup á Borg, Tórshavn, ein son. Hann var 52 cm langur og vigaði 3540 gr. 4. juni fingu Pia og Eyðun Arge, Tórshavn, eina dóttur. Hon var 50 cm long og vigaði 3350 gr. 4. juni fingu Annika Petersen og Piddi Klein, Tórshavn, ein son. Hann var 53 cm langur og vigaði 3500 gr. Michaela Sørensen givin á Føroya Tele 1. juni gavst Michaela Sør- ensen á Føroya Tele eftir at hava arbeitt á stovninum í 23 ár. Michaela, f. David- sen, er ættað av Sandi. Honn flutti sum 17 ára gomul til Havnar, hetta var í 1954. Í 1955 fekk hon starv á Telefonverki Føroya Løgtings, sum fyritøkan æt tá. Har arbeiddi hon til 1959 í fyrsta umfari. Hon var heima meðan børnini vóru smá, men arbeiddi á stovninum í fleiri tíðar- skeiðum sum avloysari. Seinastu 14 árini, síðan 1989, hevur hon arbeitt fast hjá Føroya Tele. Michaela hevur sostatt arbeitt á stovninum í 23 ár í einum tíðarskeiði frá 1955-2003. Hennara uppgáva hevur verið at passa telefontæn- astuna sum t.d. nummarkall og aðrar tænastur. Seinastu fimm árini hevur hon ar- beitt á Tænastumiðstøðini, ið er á somlu Telegrafstøð- ini við Tinghúsvegin. Mi- chaela er gift við Janus Sørensen, vatnmeistara hjá Tórshavnar Kommunu, hann er ættaður úr Trongis- vági. Tey eiga fýra børn: Jan sum býr í Hoyvík, Majken sum býr í Frak- landi, Leif sum býr í Havn og Anni sum býr í Hoyvík. Andlát 29. mai Sigbjørg Dahl, Oyri, 53 ár 30. mai Jóhanna Katrina í Horni, Hanna í Horni, Sandavági, 88 ár 1. juni Hilma Petersen, fødd Danielsen, Stykki, bús. í Lohals. Hallbjørg Poulsen, fødd Jensen, Skúgvi, 83 ár Rikka á Líðarenda, Nesi, 91 ár 3. juni Frida Eriksen, Klaksvík, bús. í Havn, 76 ár Maiken Højgaard, Glansberg, 37 ár Niklas Mikkelsen, Syðrugøta, 71 ár Wenzel Hentze, bús. í Miðvági, ættaður úr Havn, 53 ár 4. juni Annika Brekkstein, Velbastað, 16 ár. NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Brúdleyp Í dag, 7. juni, giftast í Vesturkirkjuni Ingunn Inner- dahl Hansen, Skopun, og Petur Petersen, Havn. Veitslan verður fyri innbodnum í HB-húsinum kl. 19.00. Prógv 4. juni tók Beinta Hovgaard, Trongisvági, prógv sum bioanalytikari á Amager Hospitali. Dagurin 7. juni. Jeremias. Ein av teimum fýra stóru profetunum í Gamla testamenti. Í Føroyum hevur navnið Geramíggjas verið brúkt. Bíbilska navnið merkir tann av Gudi upphevjaði. 8. juni. Medardus, deyður í umlei 560. Biskupur í St.Quentin og Tournai í Fraklandi. Í Fraklandi er hann verndari hjá øllum teimum, sum hava víngarðar, og hjá øllum bryggjarum. 9. juni. Primus, deyður í umleið 300. Rómverji. Hann og bróðir hansara Felicianus vórðu illa píndir og tiknir av døgum. Primus merkir tann fyrsti. 10. juni. Onuphrius, deyður í umleið 400. Eftir halgisøg- uni var hann kongssonur av Blálondum, sum gjørdist kristin, segði alt frá sær og livdi til sín doyggjandi dag sum einbúgvi í egyptisku oyðimørkini. Jákup Lindenskov 70 ár Týsdagin 10. juni fyllir Jákup Lindenskov, fyrrver- andi løgtings-, landsstýris- og fólkatingsmaður 70 ár. Hóast henda lutvíst lága aldur, so eru tað í ár liðin 45 ár síðani, at hann sum 25 ára gamal varð valdur á Føroya Løgting í 1958. Jákup er úr Havn, sonur Edvard Lindenskov (í Rætt- ará) og Biritu, sum var í Leynum, hóast bæði foreld- ur hennara vóru úr Kvívík. Jákup tók realprógv í Havn í 1950, og sama árið fór hann í læru hjá Tryggingar- sambandinum Føroyar, sum tá helt til úti í Tinga- nesi, og hvørs starvsfólk kundu teljast á hondunum. Hann fór seinni til Dan- markar, har hann gekk á handilsskúla og arbeiddi í trygging. Í 1958 stillaði Suður- streymoyar Javnaðarfelag hann upp sum nummar eitt til løgtingsvalið - tá varð stillað upp í nummarrøð - og hann varð valdur. Flokk- urin hevði eitt sera gott val hetta árið, og Petur Mohr Dam gjørdist løgmaður. Jákup sat á tingi til valið í 1966, tá hann fall – honum tørvaðu bert níggju atkvøð- ur. Tá Petur Mohr Dam doyði í 1968, varð Jákup valdur í landsstýrið, og varð hann aftur valdur á ting í 1970 við hálvtfimt- hundrað atkvøðum. Hann var landsstýrismaður í fýra landsstýrissamgongum. Í 1979 stillaði Javnaðar- flokkurin hann upp til fólkatingið, tá veteranurin Johan Nielsen legði frá sær. Jákup varð valdur og legði landsstýrisstarvið, sum hann hevði røkt í 11 ár, frá sær. Jákup sat á fólkatingi í átta ár, tvey tey síðstu sum varamaður. Jákup gavst sum virkin politikari í 1994, tá hann ikki stillaði uppaftur til løgtingsvalið. Í politikki er Jákup kendur fyri sítt varsemi - ikki minst, tá tað snúði seg um ríkismálini. Honum dámdi lítið, tá menn fóru upp at sveima í loysingar- práti – hann virkaði fyri at tryggja lívsgrundarlagið, og ríkisveitingina sá hann sum eina neyðvendigheit til tess. Hann hevur sera drúgvar royndir, sum politikari – eitt nú var ein teirra, sum í januar í 1959 fór niður at samráðast við H.C. Hansen, forsætisráð- harra um almannalógirnar, sum komu í gildi sama árið – tær lógir, sum vit í dag síggja sum eina sjálvfylgju. Øll árini sum landsstýris- maður umsat hann al- mannamál, og tey lógu honum øll árini næst á hjarta. Tann fyrsta løgtingsfíggj- arlógin, sum Jákup var við at samtykkja á tingi var upp á 18 milliónir. Tann síðsta, hann var við til at sam- tykkja – tað var í 1993, var upp á 2.500 milliónir! Hetta lýsir kanska broyt- ingarnar í samfelag okkara – og í politikki, tey árini Jákup var virkin politikari. Eitt av málunum, sum Jákup var errin av at loysa á fólkatingi, var lógin um skaðendurgjald til teirra, ið sigldu undir krígnum. Før- oyingar vórðu upprunaliga ikki fevndir av lógini, hóast teir áttu at verið tað. Saman við teimum, sum stríddust fyri at vinna hesi rættindi, eydnaðist tað Jákupi at binda danska Javnaðar- flokkin til at seta hetta sum treyt fyri at atkvøða fyri fíggjarlógini hjá Poul Schlüther. Meðan Jákup var lands- stýrismaður vórðu lunnar lagdir undir fleiri batar, eitt nú lógina um dagpengar við sjúku og barnsburð, eins og deildirnar á Eirar- garði vórðu bygdar at hýsa teimum menningartarnaðu, sum fram til ta tíð vórðu send av landinum á stovn í Danmark. Tey kundu nú flyta heimaftur av Rødby- gaard. Í politikki hevur Jákup sum vera man havt nógv álitisstørv, og var hann eitt nú tingformaður frá 1984- 87. Tingskrivari var hann fleiri av fyrstu árunum, hann sat á tingi, eins og hann eisini var limur í Norðurlandaráðnum. Í sínum borgarliga starvi á Tryggingini var hann við til at seta á stovn Lívstrygg- ingina – hetta var árið fyri at hann fór í farloyvi frá Tryggingini fyri at gerast landsstýrismaður – og hann var burturi frá tryggingini næstu 16 árini. Øll árini hevur Jákup ver- ið virkin innan fráhalds- rørsluna gjøgnum Losjuna í Havn, har rættuliga stórt ungdómsvirksemi var í fimmti og sekstiárunum. Soleiðis var hann eisini við til at stovna hondbólts- felagið Kyndil í 1956, har hann var fyrsti formaður. Eisini var hann var eitt skifti í sekstiárunuum blað- stjóri á Sosialinum. Jákup var í nógv ár for- maður í endurbúgvingar- stovninum ALV, hann hevur verið formaður í Heilbrigd- inum á Velbastað síðani tað varð stovnað í 1986, hann hevur í nógv ár verið for- maður í stýrinum fyri Blindastovnin, og hann er eisini formaður í nevndini fyri Eldratilhaldið í gamla Føroya Bankahúsinum í Tórsgøtu í Havn, so hóast hann er farin um pensións- aldur, so hevur hann fram- vegis nógv jørn í eldinum. Jákup Lindenskov giftist í 1961 við Jónu, f. Jacobsen úr Fuglafirði. Hon er dóttir Jóhannus Jacobsen, betur kendur sum »skómakarin«, og Ellifíu hjá Óla á Mið- gerði. Jákup og Jóna eiga børnini Elin, sum býr í Havn, Biritu, sum býr í Keypmannahavn og Eirik, sum býr í Havn. Føðingardagurin hjá Jákupi verður hildin leygar- kvøldið 12. JULI í Losjuni í Havn. Daniella Olsen 90 ár Í dag, 7. juni, fyllir Dani- ella Olsen í Havn 90 ár. Daniella er ættað av Sandi. Hon tók læraraprógv á Før- oya Læraraskúla í 1935 og var lærari á Klaksvíkar Millum- og Realskúla frá 1952-57, á Tekniska Skúla í Havn frá 1957-58, á Føroya Millum- og Realskúla frá 1958-59. Hon arbeiddi á Málstovnin-um frá 1959- 61 og var lærari á Føroya Studentaskúla frá 1964-74. Daniella tók cand.mag. prógv í týskum og enskum í 1954. Hálvdan Gudmundsen 50 ár Í morgin fyllir Hálvdan Gudmundsen í Sandavági 50 ár. Hálvdan er kendur mill- um teirra, sum hava við skip at gera. Reiðari er hann á fýra skipum. Tey eru Venus, Mars, Vesturtúgva og Mars Chaser. Men hann fær eisini tíð til annað. Er skúlatænari við Miðvágs Sandavágs Skúla, umframt at hann er limur í bygdarráðnum í Sandavági, har hann er formaður i teknisku nevnd. Hálvdan er timburmaður, men hevur sum flestir á hansara aldri verið sína tíð á sjónum, Sjógvurin dróg og hann fór avstað aftur, eftir aqt hann annars var uppilagstur at smíða. Var millum annað við Heldar- stindi hin vanlukkutúrin í Eystursjónum, tá teir fingu sinnopsgassið í trolið. Frítíðaráhugamálini eru sum hjá flestum sandavágs- monnum. Seyð og gæs hevur hann gangandi, og onkran kálv verður tað saktans eisini til. Hálvdan er giftur við Anniku, sum er úr sama grannlagi sum hann sjálv- ur. Tey hava altíð kenst. Bókstaviliga. Eru fødd í sama ári. Annika fer at fylla 50 seinni í ár. Børnini eru trý, og barnabørnini somuleiðis. Føðingardagin hjá Hálvdani eru tey stødd í Skotlandi. Sjúrður Jacobæus útbúgvin sum lendisgartnari 1. juni 2003 varð Sjúrður Richard Samuelsen Jaco- bæus í Havn útbúgvin sum lendisgartnari við "anlægs- teknik" sum sergrein. Hann hevur lært hjá Sp/f Hjálpi- rót í Hoyvík, lærutíðin var 3 ár og 10 mánaðir, harav eitt ár á Beder Gartnerskole í Århus. Lærumeistari hjá Sjúrði var Torben Schneid- er. Sjúrður er 22 ára gamal, føddur og uppvaksin í Havn, sonur Sólrun og Michael Jacobæus. Hann kemur framvegis at arbeiða hjá Sp/f Hjálpirót sum sveinur. C M Y K 13 12