mikudagur 11. juni 2003síða 22

42 Nr. 107 - 11. juni 2003 Nr. 107 - 11. juni 2003 43 – Tað eru óráð at gera tunnil ímillum Øravík og Hov, har sum NCC hevur bjóðað sær til at gera hann, uttan at kanna lendið gjølligari, sigur Landsverk- frøðingurin HOVSTUNNIL Áki Bertholdsen Suðuroy: Landsverkfrøð- ingurin fer nú at seta alla orku inn uppá at kanna, um tað ber til at gera tunnil ímillum Øravík og Hov inni í dalinum, har norska felag- ið NCC hevur bjóðað sær til at gera hann. Oyvindur Brimnes, landsverkfrøðingur, sigur, at tað er neyðugt at gera hesar kanningarnar, áðrenn endalig støða kann takast, tí annars verður vágin hjá landsstýrinum alt ov stórur. Hann sigur, at kanningarn- ar verða lidnar seinni í summar. Síðani ætlanin at gera tunnil ímillum Øravík og Hov tók seg upp, hevur nógv kjak verið um, hvar hesin tunnilin skuldi vera. Landsverkfrøðingurin skeyt upp at gera ein tunnil nakað uppi í fjallinum. Men síðani varð aftur kynt uppundir kjakið tá ið norska felagið NCC bjóð- aði sær til at gera ein nógv betri tunnil nakað væl longri niðri í dalinum fyri eina nogv minni upphædd. Síðani hevur harðliga verið funnist at Landsverk- frøðinginum fyri at hann ikki vísti á hendan møgu- leikan. Vit hava sostatt spurt Landsverkfrøðingin, hvar málið liggur í løtuni og um, hvat hann sigur um tær at- finningar, sum hava verið. Oyvindur Brimnes sigur, at ætlanir um tunnil ímill- um Øravík og Hov hava verið á skránni í nógv ár. – Í hesum sambandi eru ymsar linjur teknaðar, eis- ini í økinum, har tann nýggjasta linjan er løgd, og harafturat eisini uppaftur longur vesturi. – Í 1999 varð ein jarð- frøðilig kortlegging gjørd, og hon vísti, at økið var rættiliga trupult at fáast við. – Tunnilslinjurnar ganga eftir øllum at døma gjøgn- um flágmørk við ilsku- kendum gróti og leir- og royðugrýtislyndum, sum eru 10 metrar tjúkkar, og har tilfarið er vánaligt. Tað vísir seg eisini, at helst er vinkulin millum tunnil og flágir, lítil. Tað merkir, at kemur tunnilin í vánaligt tilfar, verður longi at koma tvørturum tað. Ein brúkilig basaltflógv Landsverkfrøðingurin sig- ur, at kortini varð mælt til at kanna eina basaltflógv nærri, og hetta var gjørt við kjarnuboringum og øðrum kanningum. – Hesar kanningarnar staðfestu í sera stóran mun ta jarfrøðiligu kortlegging- ina, sum vísti, at lendið er trupult at fáast við. Men júst hendan basaltflógvin vísir seg at vera vælegnað til bora tunnil ígjøgnum. Hann sigur, at tí varð gjørt av at projektera tunni- lin í hesum flógv og ikki aðrastaðni. Hetta er tunnilin, sum er nakað uppi í fjallinum. Hann dylir ikki fyri at ein orsøkin til, at hendan loysn- in varð vald, er, at sporini ræða, tí landsverkfrøðing- urin hevur sera ringar royn- dir av tunnilsarbeiði í Suð- uroynni. Hann hugsar ser- liga um Sumbiarbergholið, sum var ein long marra, frá tí fyrsta skotinum at kalla heilt til endans, tí fjallið var so vánaligt. Men hann sigur, at hesin hovstunnilin, sum ætlanin var at gera, stendur fult mát við nýmótans veganetið í Føroyum, bæði viðvíkjandi hædd, halli og vannrættum kurvum. Hann viðgongur tó, at tað er óheppið, at tað ikki slepst undan tí brekkunum og svingunum niðan úr Hovi. – Men seinni er ætlanin at føra vegin frá tunlinum inn í dalin og at binda í Hovsvegin niðri í dalinum og so er tann trupulleikin loystur. Hesin vegurin kost- ar 20 milliónir. Hann er ikki við í sjálvari tunnils- ætlanini, men skuldi gerast seinni. Oyvindur Brimnes sigur, at ætlanin var at bjóða ar- beiðið út yvir trý ár. Á fíggjarlógini í ár vórðu sjey milliónir krónur settar av til endamálið. Men tað vildi verið skeivt at bjóða arbeiðið út, uttan at vita við vissu, at nóg mikið av pen- ingi var tey komandi árini, og tí var gjørt av, at Lands- verkfrøðingurin skuldi ar- beiða fyri hesa upphædd- ina. Lítil munur á prísinum Oyvindur Brimnes vísir á, at í februar í ár kom so fram, at NCC metti, at tað kundi gera tunnilin longri niðri og longri vesturi í dal- inum fyri 92 milliónir, tá ið hann varð liðugt tryggjaður og asfalteraður. Hesin tunn- ilin hevði blivið 2,4 kilo- metrar og 200 metrar av vegi skuldi gerast. – Henda meting var gjørd út frá tí vitan, NCC hevði tá. Og av tí at útgerðin er so framkomin í dag, helt fel- agið ikki, at tað varð neyð- ugt at gera fleiri kanningar. Tó skuldi ein jarðfrøðilig kanning gerast fyri at fast- leggja endaligu linjuføring- ina. – Seinni kom so aftur fram, at vegatekniskt var tað uppaftur betri at gera tunnilin enn longri vesturi, men hesin tunnilin hevði blivið tríggjar kilometrar langur. Oyvindur Brimnes sigur, at hendan linjuføringin liggur í økinum, har upp- skot var at gera tunnilin í síni tíð, áðrenn tær jarð- frøðiligu kanningarnar vórðu gjørdar. Hann sigur, at fyri ferðsl- una er hetta tann besti tunnilin. Samstundis metti NCC, at tað kundi gera hann fyri einar 30 milliónir minni, enn Landsverkfrøðingurin kundi gera ætlaða tunnilin longri uppi fyri. – Eisini varð ført fram, at kann grótið brúkast til nýggju samferðsluhavnina, kunnu einar 15 milliónir sparast afturat. – Tí gjørdu vit beinan- vegin av at kanna hesar upplýsingar nærri, sigur Landsverkfrøðingurin. Hann sigur, at hann vendi sær til »Statkraft Grøner AS«, sum er av fremstu, ráðgevandi fyritøkunum á økinum í Noregi. – Niðurstøðan hjá hesum felagi var, at uttan fleiri jarðfrøðiligar kanningar, var vágin sera stórur, og tí mælti tað í fyrsta lagi Landsverkfrøðinginum til at gera 3-4 kjarnuboringar. – Vit spurdu eisini, um NCC kundi gera arbeiðið fyri fastan prís og samstun- dis átaka sær vágan, men hetta kundi felagið ikki, sigur Landsverkfrøðingur- in. – Er tað ikki so, at NCC hevur boðið sær til at átaka sær vanliga vágan, sum er staðfestur í einum skjali, sum nevnist »AB 92« og sum verður brúkt nú á døgum? – Jù. Men í AB 92 sten- dur eisini, at kemur entre- prenørurin í trupulleikar av tí at jarðfrøðiligu forkann- ingarnar ikki eru nóg neyv- ar, er tað byggiharrin, sum hongur upp á tað. Tað vil siga, at so hevði Landsstýr- ið hingið upp á tað og tí er tað neyðugt at gera so neyvar kanningar sum gjør- ligt, sigur Oyvindur Brim- nes. Prísir kunnu ikki samanberast Landsverkfrøðingurin sigur eisini at tað var verri at meta um prísin, tí útrokn- ingarnar vóru ikki gjørdar á sama grundarlagi. Tað var heldur ikki heilt greitt, hvussu nógv var við í met- ingini hjá NCC. Lands- verkfrøðingirn metti tó, at kann alt grótið nýtast til samferðsluhavn, og annars eingir aðrir trupulleikar stinga seg upp, sum ikki eru í einum grótbroti, kunnu vit spart 15 milliónir við at knýta tunnilsarbeiðið og samferðsluhavnina sam- an. – Men tá er roknað við, at grótið hevur einki virði, um tað ikki verður nýtt til havnina. Landverkfrøðingurin hevur síðani samanborið uppskotini sum eru um, hvar tunnilin skal vera og eftir tí hevur hann gjørt so neyvar kostnaðarmetingar, sum tað ber til at gera við tí vitan, sum er til taks nú. – Hesar metingar vísa, at kostnaðurin fyri ætlanina hjá Landsverkfrøðinginum verður 112 milliónir, tann styttri tunnilin hjá hjá NCC fer at kosta 109 milliónir og tann longri tunnulin hjá NCC fer at kosta 119 milli- ónir. – Hesi tøl skulu skiljast soleiðis, at um ein av loysn- unum kann gerast bíligari, kunnu hinar eisini gerast tilsvarandi bíligari. Oyvindur Brimnes sigur, at hesar metingar eru uttan eyka kostnað fyri trupul jarfrøðilig viðurskifti, sum størri sanlíkindi eru fyri í trupla økinum, har NCC hevur bjóðað sær at bora. – Hinvegin er heldur ikki roknað við vegnum inn í dalin i Hovi, sum ætlanin hevur verið at gjørt í sam- bandi við tunnilin hjá Landsverkfrøðinginum og sum kostaði einar 20 milli- ónir. Landsverkfrøðingurin sigur, at síðani lógarupp- skotið um samferðsluhavn er samtykt, er arbeiðið við víðari kanningum farið í gongd, og arbeitt verður so skjótt sum gjørligt, so tað kann gerast møguligt at nýta grótið úr eini møgulig- ari tunnilsverkætlan til samferðsluhavnina. – Tá ið úslitið av kann- ingunum fyriliggur, verður mett um, hvør skilabesta loysnin er, sigur Oyvindur Brimnes. Tunnilin ímillum Øravík og Hov: Enn er óvissan ov stór Hetta eru í høvuðsheitum tey bæði uppskotini, sum eru frammi um at gera tunnil ímillum Øravík og Hov. Tunnilin høgrumegin, er nakað uppí í hæddini og hetta er tann, sum Landsverkfrøðingurin ætlaði at gera. Tunnilin vinstrumegin er tann, sum NCC hevur boðið sær til at gera. Hann er longri niðri í dalinum og fyri ferðsluna er hann tann besti. Men Landsverkfrøðingurin sigur, at har er lendið vánaligt og at tað er vágaverk at fara undir hann, uttan at kanna lendið meiri Skráseting Føroya hevur í dag skrásett niðanfyri standandi smápartafelag: Skrásetingar-nr. Sp/f 3570 Navn: Sp/f Rafik´sa Pizza Adressa: 350 Vestmanna. Kommuna: Vestmanna Kommuna Stovningardato: 07.05.2003 Viðtøkudato: 07.05.2003 Kapitalur: Kr. 80.000,00 Inngjaldingarháttur: Kr. 80.000,00 í øðrum virðum til kurs 100. Stovnari: Rafik Bourbiaa, 350 Vestmanna og Maja Bourbiaa, 350 Vestmanna. Stjórn: Rafik Bourbiaa, 350 Vestmanna og Maja Bourbiaa, 350 Vestmanna. Tekningarreglur: Felagið verður teknað av einum stjóra. Grannskoðari: P/F Rasmussen & Weihe, á Glaðsheyggi, 100 Tórshavn. Roknskaparár: 01.01. - 31.12. Fyrsta roknskaparár: 01.01.2003 - 31.12.2003 Endamál: Endamál felagsins er at reka matstovu, undirhald, sølu og annað virksemi í hesum sambandi. Skráseting Føroya tann 4. juni 2003 Kristin Balle _______________________ Skráseting Føroya hevur í dag skrásett niðanfyri standandi smápartafelag: Skrásetingar-nr. Sp/f 3572 Navn: Sp/f Pole Mohr Poulsen Adressa: Yviri við Strond 103, 100 Tórshavn. Kommuna: Tórshavnar Kommuna Stovningardato: 31.05.2003 Viðtøkudato: 31.05.2003 Kapitalur: Kr. 80.000,00 Inngjaldingarháttur: Kr. 80.000,00 í øðrum virðum til kurs 100. Stovnari: Pole Mohr Poulsen, Yviri við Strond 103, 100 Tórshavn. Stjórn: Pole Mohr Poulsen, Yviri við Strond 103, 100 Tórshavn. Tekningarreglur: Felagið verður bundið við undirskrift av stjóranum. Grannskoðari: Grannskoðaravirkið Hermund Jacobsen, J. Paturssonargøta 18, 100 Tórshavn. Roknskaparár: 01.01. - 31.12. Fyrsta roknskaparár: 01.01.2003 - 31.12.2003 Endamál: Endamál felagsins er at reka handil og ídnað, herundir málaraarbeiði, og annað í hesum sambandi. Felagið er stovnað við umskipan av virki eftir umskipanarlógini. Skráseting Føroya tann 4. juni 2003 Kristin Balle _______________________ Skráseting Føroya hevur í dag skrásett niðanfyri standandi fráboðan: Skrásetingar-nr. Sp/f 3103, Sp/f Petur & Petur Publishing, 100 Tórshavn. Nýggj adressa: J. Broncksgøta 33, Box 266, 110 Tórshavn. Nevnd: Farin úr nevndini: Lars Steffensen, Søbakken 19, DK-7730 Hanstholm. Innkomin í nevndina: Frank Djurhuus Jakobsen, Andrasargøta 9, 188 Hoyvík. Skráseting Føroya tann 4. juni 2003 Kristin Balle _______________________ Grundøki til sølu Tvey grundøki á 300 m2 (til tvíhús) til sølu, um nóg høgt boð fæst. Minsta boð 450.000 kr. Møguleiki er eisini at keypa bæði økini. Liggja væl fyri við útsýni. Tlf. 281030 Kunngerð um uttangarðsútskiftingar- fund við Gjógv Eftir lóg nr. 147 frá 27. mars 1939, seinast broytt við lóg nr. 110 frá 29. juni 1995, § 79, verður boðað til útskiftingarfund mikudagin 25. juni kl. 10 í bygdar- húsinum við Gjógv. Til viðgerðar verður útskifting av hagapartinum Dalur og Fløtur. Nevndarlimir eru: Jørleif Kúrberg, Tórshavn og Heri Samuelsen, Miðvágur. N. v. Øssur Á. Midjord, útsk. form. C M Y K 43 42