mikudagur 18. juni 2003síða 6

10 Nr. 112 - 18. juni 2003 Nr. 112 - 18. juni 2003 11 Ein góður fíggjarmálaráðharri ger fíggjarlógir, sum halda. Ein góður fíggjarmálaráðharri hvørki yvirbudgetterar ella undirbudgetterar. Vit hava nú í fimm ár verið vitni til markanta undirbudgettering í Fíggjarmálastýrinum. Onk- ur hevur fullkomuliga misskilt, hvat eyðkennir ein góðan fíggjarmálaráðharra, og hevur hug at rósa Karsten Han- sen, hvørja ferð hann skarvar av einari fíggjarætlan, fyri bert seinni í árinum at verða noyddur til at koma aftur- umaftur við eykajáttanum. Fíggjarmálaráðharrin eigur ikki ábyrgdina av, at vit hava havt hákonjuktur, síðani hann kom í sessin. Harafturímóti hevur fíggjarmála- ráðharrin ábyrgdina av, at so illa hevur verið budgetterað seinastu árini. Fíggjarlógin fyri í ár, ella kladdan, sum onkur hevur nevnt hana, er einki undantak í so máta. Hevur fíggjarmálaráðharrin dugað væl at gjørt forsøgnir fyri føroyska búskapin? Uppundir seinasta val stóð so væl sum ongantíð fyrr í Føroyum, um ein skuldi trúð Tjóð- veldisflokkinum. Man kvetti tað, sum svarar til eina milli- ón krónur um dagin av í blokkstuðuli. Nú stendur hin- vegin so illa til sambært fíggjarmálaráðharranum, at tað ikki er ráð til lønarhækkanir. Antin hevur fíggjarmála- ráðharrin reypað ov nógv áðrenn valið, ella ger hann ov nógv av nú. Tíverri fyri Føroya land er tað helst tað fyrra, ið er sannleikin. Hvørjar aðrar dygdir eigur ein fíggjarmálaráðharri at hava? Alt nýtist ikki at verða tapt, bert tí at ein fíggj-ar- málaráðharri ikki dugir væl at budgettera ella gera forsøgnir. Samráðingarevni og evnini at loysa trupulleikar mugu standa ovaliga á listanum yvir dygdir hjá einum fíggjarmálaráðharra. Um vit hyggja at almenna arbeiðs- marknaðinum, so hevur ikki sæð pent út seinastu árini. Ongantíð fyrr hava verið so nógv verkføll og klandur á almenna arbeiðsmarknaðinum, sum undir sitandi sam- gongu. Tá tað er rættiliga ósannlíkt, at alt starvsfólkið hjá tí almenna skal verða blivið ómøguligt eftir einari nátt, so má í hvussu so er partur av trupulleikanum liggja aðra- staðni. Harmiligt at siga so, men tað tykist ikki sum Karsten Hansen hevur skarað fram úr, tá tað kemur til samráðingarevni. Hvussu so við evnunum at loysa trupul- leikar? Vit kunnu hyggja at SEV málinum, ið nú hóttir við at leggja landið myrkt. Leiðslan í SEV kundi ivaleyst havt handlað øðrvísi í mál- inum um maskinmeistarasáttmálan. Eisini kundi sáttmálin helst sæð øðrvísi út, men nú er tað einaferð so, at Maskin- meistarafelagið hevur ein undirskrivaðan sáttmála í hondini, ið teir eisini hava fingið útgoldið løn eftir tvær ferð. Hetta gevur teimum ógvuliga góð kort á hondina, og vegna egið forsømilisi við undanfarna sáttmála, hevur Karsten Hansen lítið annað í at velja, enn at góðkenna sáttmálan. Sjálvandi eigur hann at taka eina uppgerð við SEV, tí trupulleikin er teirra millum, men eingin orsøk er fyri at landið skal verða gíðsil í hesum málinum. Gamaní er hækkanin kanska hægri enn búskaparstøðan rættvísger, men sum Karsten Hansen sjálvur hevur sagt, so er eingin grund til, at allir bólkar hvørja ferð skulu fáa sama pro- sentvísa lønarhækkan. Tað vil altíð vera munur á hvussu eftirspurningurin er fyri ymsar fakbólkar, og hvussu lang- tíðargongdin hevur verið innan somu bólkar. Undir øllum umstøðum forsømdi Karsten Hansen at góð- kenna seinasta sáttmálan millum SEV og Maskin- meistarafelagið, hóast løn hevur verið útgoldin eftir honum í áravís. Tí hevur fíggarmálaráðharrin als einki at hava núverandi góðkenningarsýtan í, og nú má Løgtingið uppí fyri at forða fyri u-lands tilstandum í Føroyum. Gott klárað? DAGSINS MEINING Sosialurin Einki ljós? VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 225429 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Lisbeth L. Petersen Sambandsflokkurin Møguliga er orsøkin, at tað er fyri at fáa fokus á annað enn politisku trupulleikar- nar hjá sitandi landsstýri, at tey nú, kropp av kroppi, loypa upp og skíra undir- ritaðu fyri ikki at hava sett seg inn í málið, ella fyri at villeiða og siga ósatt um hvat hendi, tá nógv um- røddu hernaðarlógirnar vóru viðgjørdar fyrst á løgtingi og síðan á fólka- tingi. Eg hevði ikki ætlað at farið út í kjak við Høgna Hoydal ella Kristinu Há- foss, tí viðgerðina av mál- inum á fólkatingi kunnu øll lesa á heimasíðu fólkating- sins, ella fyri at gera tað uppaftur lættari, á heima- síðu Sambandsfloksins. Men tá so formaðurin í uttanlandsnevnd løgting- sins kemur í eini grein við sínum viðmerkingum, so er tað prógvið um, at panikkur er í, tí Hergeir Nielsen blandar alt saman í ein vavgreyt. Hergeir Nielsen skrivar um uppskotið, ið var viðgjørt á Føroya løgtingi (har undirritaða als ikki luttók undir fyrstu viðgerð, av tí at eg var burturstødd!) og nevnir øll tey málini, meðan hann als ikki hevur uppdagað, at uppskot Tor- bjørn Jacobsens á fólka- tingi var eitt annað, og bert snúði seg um hernaðarlóg- irnar. Uppskotið hjá tjóðveldis- umboðnum nevndist: Beslutning nr. B 149 Forslag om folketingsbeslutning Om at ophæve den danske militære straffelov på Færøerne. Idet Folketinget anerkender og respekterer, at Færøerne er en selvstændig juridisk enhed, pålægger Folketing- et regeringen at tilbage- trække den militære straffe- lov fra 1973 med senere ændringer, som regeringen uden landsstyrets viden og imod et enigt Lagtings beslutning har bekendt- gjort på Færøerne. Hvørki meira ella minni, og tað er tað málið snýr seg um! Óneyðugt er at nevna, at Sambandsflokkurin bein- anvegin kannaði málið og kundi avdúka, at lands- stýrið longu var vitandi um lógirnar. Til Høgna Hoydal er bert stutt at siga, at heldur hann fram við sínum loysingar- politikki, við teim fíggjar- útlitum sum hansara egni landsstýrismaður við fíggj- armálum tosar so nógv um í hesum døgum, so verður endin, at hann sjálvur leiðir Føroyar aftur í skjútstíðina við teimum ræðumyndum, sum hann málar í síni grein. Havi eisini hug at nevna tíðina undir seinra heims- bardaga, tá bæði privathús og aðrir bygningar vóru tiknir til hernaðarendamál í Føroyum. Tá var eingin heimastýrislóg, og tað var heldur ikki danskt hern- aðarvald, ið hertók ognir- nar! Sjálvandi ynskir ongin okkara at neyðugt verður at brúka hernaðarlógirnar í Føroyum, men at brúka tað, ið hent er, fyri at gera við- urskiftini verri aftur, nú blot annars var komið í fastlæstu og stirvnu viður- skiftini Føroya og Dan- markar millum, ynskir Sambandsflokkurin ikki. Tí hava vit mótmælt manna- gongdini og atkvøtt fyri uppskotunum men sam- stundis greitt sagt, hvat vit eru ónøgd við og vilja , at tað skal rættast í framtíðini, og tað hava vit eisini fingið lyfti um. Panikkur í Tjóðveldisflokkinum Hjalmar N. Poulsen álitismaður hjá SEV- meistarunum í Vestmanna Á skerdum flogi sum snik- runnin, oljudálkaður, lam- skotin, setursnáti skrambl- aði hann aftur á bøkkin handan heimarókina. Eg meini, hann er blivin ikki sørt mentaður. Tosar um fín orð sum formalitet, støðutakan til politiska kamelsvølging. Útkastið til uppritið er enn ikki »formliga« handað ráðharranum, nakað so- leiðis vóru orð hansara fríggjadagin hin 13. í hesum. Ikki løgið hetta skuldu blíva hansara óeydnisdagur; hví er hann nú farin at tosa um formalitet í hesum sam- bandi? Betri seint enn ong- antíð! Spurningurin hjá fleiri við mær verður settur fíggjarmálaráðharranum persónliga: Hví var starvs- sáttmálin millum SEV og Maskinmeistarafelagið, sum varð praktiseraður áðrenn 28. feb. 2003 ong- antíð formliga góðkendur av avvarðandi myndugleik- um sambært kommunu- lógini, stykki 5 í grein 5? Ein góður spurningur krevur eitt gott svar. So- leiðis er eisini her. Níggju spurningar til professaran Jenis av Rana skrivar po- litiska doktararitgerð í hós- dagsdimmu 12. juni, har evnið snýr seg um arro- gansu. Pen mynd er av honum, har hann stendur so skuld- arfríur við himmalvendum eygum og helst hugsar um »røddina«. Niðurstøðan av vardu ritgerðini er um- talaðu níggju spurningarnir og tilhoyrandi aftursvar frá harranum. Avtalað spæl fyri gallarínum Hesir spurningar eru tutan iva bryggjaðir í felags- áhuga yvirav Konditta- rínum, á trappusteininum á Káta Horni, har útsýnið kann skoðast á rótfastu aldargomlu eikina, sum so støðuføst og stinn stendur sum eitt tekin um fasta grund. Høvdu hesir spurningar verið settir relevantir og rætt, hevði harrin ikki kom- ið javnfríur ígjøgnum próv- tøkuna, men dumpað. Seinni kemur grundgev- ingin. Gud hjálpi okkum, teir gera tað í hvussu so er ikki. Spurningar bryggjaðir í felagsáhuga Heri Mohr "_.. Nú er frøði úti og inni, drúgva verkfallið, sum gav løgmanni, høgum og lágum hungurs- og hall-hallucina- tiónir, er avblást. Tilveran gjørdist beinanvegin lættari og blíðari. Orð Knut Ham- suns runnu mær í hug: Men blide stunder, det har vi alle. En Fange sitter paa sin Kjærre og kjører til Skafottet, en Spiker gnager ham i Sætet, han flytter sig og føler det mere behageligt. Handan aforisman kom úr tí kulturella rangastrúpan- um, hoyri eg teg speiskliga siga. Pápi tín var her í gjár. Hann gjørdi eitt rend á Norðhavið; men veruligur útróður kemur ikki upp á tal, nú verkfallið hevur stongt fiskamarknaðin í 4 vikur. Tað var ein stór teggja, hann gav okkum, og tú ivast sjálvandi ikki í, hvat var í pottinum í dag. Feskt hava vit ikki fingið í næstan tríggjar vikur. Pápi tín var ikki meira enn farin, so kom Pætur inn á gólvið prátingarsamur og í góðum lag. Seinastu viku var hann inni í Dølum og setti okkum epli niður. Í seinra lagi kanska, men tað man ikki fara at bila, tí, sum hann sigur, opinekran er sera moldgóð. Og hann prátaði væl upplagdur: Tú minnist, at eg í seinastu viku tosaði um okkurt, sum yrkjarin Jóanes Nielsen hevði skrivað í blaðnum Fregnir. Nú hevur hann aftur skrivað, og hesaferð dregur hann sjálvan fanan úr blekkhúsinum. Hann skrivar um Ivan Karamazov og fanan úr skaldsøguni BRØÐURNIR KARAMA- ZOV eftir Dostojevskij. Ivan, miðlingurin av brøð- urnum, er intellektuellur og nógv upptikin av religi- øsum og filosofiskum spurningum. Í skaldsøguni lesa vit eisini legendina Stórinkvisitorurin, har Ivan ímyndar sær, at Kristus kemur aftur til jarðar 1500 ár eftir hansara himmal- ferð. Dramaið fer fram einastaðni í Sevilla í Spania, meðan inkvisitión- in har er í hæddini. Ivan er ateistur, men í hjartanum goymur hann duldan fagnað fyri Kristus. Ein eginleiki ikki óvanligur hjá Dostojevskij. Eitt kvøldið, tá ið Ivan kemur til hús, fær hann eina óhugna- liga hallucinatión: Fremmandamaður situr í sofakrókinum, hábærsligur við tjúkkum hári, gránað eitt sindur á vanganum, avstubbað høkuskegg, dámligt anlitsbragd, som tó tykist at kunna broytast allar vegir, lorgnett í silki- snóri um hálsin, breiðan gullring á longutong og myrkabrúnum, mótakend- um klædningi. Hesin distingveraði harrin er fanin, sum er komin at vitja, og við einum: orsaka at eg órógvi, byrjar sam- røðan millum teir báðar, fanan og Ivan. Danski háskúlamaðurin Knud Hansen skrivaði í 1973 bók um skaldskapin hjá Dostojevskij, og hana átti tú, Malan, at lisið fyrst, um tú ætlar at gera teg kunnugan við meginskaldið úr Russlandi. Eg veit væl, at Jóanes er bókamaður av teimum frægu, og tú skalt vara teg fyri at koma í hólmgongu við hann. Onkur tók soleiðis til, at tað, sum hann ikki hevur lisið, er ikki vert at lesa, men eg fari hóast hetta at halda, at um hann er av teirri áskoðan, at Fjodor Mikhajlovitj Dostojevskij hevur "pilkað sundur ta kristnu sálina" í destruk- tivum týdningi, so hevur hann lisið ein av heimsins størstu rithøvundum "in vain". Men kanska hevur hann lagt nakað í hasi orðini, sum eg ikki skilji, tí eingin fær meg at trúgva, at Jóanes hevur fingið BRØÐURNAR KARA- MAZOV í tann kulturella rangastrúpan, sum Jógvan plagar at taka til. Í einum brævi frá tukt- húsinum í Sibiria dagfest mars 1854 skrivaði Dosto- jevskij m.a. soleiðis: Jeg tror, at der intet skønn- ere findes, intet dybere, intet så dragende, intet så sandt, så modigt og fuld- komment som Jesus Krist- us. Atter og atter fyldes jeg ved tanken om ham af en brændende lidenskab. Jeg siger til mig selv, at hans lige ikke blot ikke findes, men heller ikke kan findes. Jeg siger endnu mere — hvis nogen bragte mig be- viset for, at sandheden om vort liv ikke er i Kristus, og hvis det skulle blive slået fast, at sandheden virkelig befinder sig et andet sted end hos ham, så vilde jeg dog vælge Kristus fremfor sandheden. Óivað hevur Jóanes Nielsen lisið stuttsøguna ET LATTERLIGT MENN- ESKES DRØM eftir Dostojevskij. Hon handlar um ein ateist, sum við einum dreymi gjørdist eitt annað menniskja. Dreym- urin lærdi hann, at tað ónda ikki er menniskjans rætt- vorðni standur, og at liva eftir boðnum: tú skalt elska næsta tín sum sjálvan teg, er einasta treytin fyri, at lívið kann livast. Og _. jamen Malan, tú situr og geispar. Far tú bara í song og droym teg so væl undir liðina á Jógvani, tí nú rími eg. Góði Jógvan, Pætur dugir at siga tað. Og satt at siga, eg droymdi í nátt, at tín drúgva sjúkralega var ein óndur dreymur, og at tú komst til mín. Blide stunder, det har vi alle_" Kærar heilsanir frá okkum 5 Kona tín Svenning Borg Vágur Øll tey fiskiloyvi, sum eru ivasom eru útskrivað til fólkafloksmenn, og er hettar fólkaflokspoli- tikkur, tá ið hann er bestur. Fólkaflokkurin vil hava lógina um vinnuligan fiskiskap so fløkta sum møguligt, so at teir kunnu kroysta loyvi ígjøgnum skipan- ina til teirra viðhalds- fólk. Líka frá tí, at tunfiska- loyvini blivu útskrivað, til nú, er eftir mínum tykki nøkur óreglulig loyvi givin og eru tey øll somul givin til fólka- floksviðhaldsfólk. Tvey tunfiskaloyvi fyri at stilla upp fyri Fólkaflokkin, eitt annað vestureftir uppá somu treytir, størsta línuskip í føroyska fiskiflotanum kom eisini vestureftir uppá somu treytir, onkur trolari aðrastaðni eisini. Nú er tað so Jógvan S., sum skal dragast ígjøg- num fløkjuna. Hvør verður so næsti fólka- floksmaður, sum skal dragast ígjøgnum fløkj- una fyri at fáa eitt fiskiloyvi? Um fiskivinnupoli- tikkur Fólkafloksins bleiv praktiseraður aðra- staðni, til dømis á Sicilien bleiv tað rópt fyri nakað sum mafia- politikkur. Málið við Jógvan S. verður neyvan tað sein- asta, ið landsstýrismála- nevndin kemur at við- gera, um Fólkaflokkurin framhaldandi kemur at sita við fiskivinnumál- um. BROT ÚR BRÆVI (VI) VIÐMERKINGAR Fiskiloyvi Klæmint Olsen umboðsnevndarlimur Leiðsla SEV’s kann koma við so nógvum umbering- um, sum hon vil, men eina ferð má vera vell. Fyrra gula kortið var frammi á eykaumboðsnevndarfundi fyri fáum mánaðum síðan. Seinna gula kortið er nú ávegis. Hetta má merkja, at leiðslan leggur frá sær. Stjórin var ógegnigur í Vágatunnils-málinum, og próvfast er, at hann tók ivasamar avgerðir í hesum sambandi. Hetta tóktist tó ikki at nerva hann sjálvan ella stýrið, ið ikki lætst um vón, heldur ikki eftir at umboðsnevndarformaðurin talaði at. Fyrra gula kortið Stýrið slapp undan einum formligum misáliti á fund- inum 17. februar, men bara tí fleiri ógegnigir umboðs- nevndarlimir sluppu at at- kvøða. Tó samtykti um- boðsnevndin, at stjórin skuldi ígjøgnum eina form- liga tænastulig hoyring við tí í hyggju at geva honum eina átalu. Hoyringin er av, og verð- ur úrslitið lagt fyri um- boðsnevndina á fundinum fríggjadagin. Havi eg skilt Hans Tausen Olsen, um- boðsnevndarformann, rætt, so leggur hann upp til, at stjórin sleppur undan átalu í hesum umfari, men í staðin skulu mannagongdirnar í SEV strammast upp. M.a. mugu virkisøkini hjá teim- um ymsu myndugleikunum í SEV – umboðsnevnd, stðri og stjórn – gerast greiðari. Hetta ljóðar alt sera skilagott, og eigur tað í øllum førum at verða gjørt. Hans Tausen Olsen er tó ikki einsamallur at gera av, um hetta er nóg mikið. Tað er umboðsnevdnin, ið hevur samtykt hoyringina, og tað er hon, sum skal taka støðu til, hvat víðari skal henda. Seinna gula kortið Leiðsla SEV’s hevur aftur havt yvirskriftirnar í fjøl- miðlunum. Hetta í sam- bandi við sáttmálan við maskinmeistararnar. Eingin ivi um, at maskinmeistar- arnir eru í sínum fulla rætti at kenna seg lumpaðar, og eg vóni á ein hátt, at teir fáa viðhald, um ikki annað í rættinum. Eisini haldi eg, at Karsten Hansen, fíggjar- málaráðharri, kundi havt gjørt vart við seg á greiðari hátt. Eftir stendur tó, at leiðsla SEV’s má taka fulla ábyrgd av íkomnu støðuni. Stjóri og stðrisformaður hava fingið at vita frá Karsteni, at hann góðtók ikki sátt- málan, kortini mæla teir stðrinum til at samtykkja sáttmálan. Og ikki nóg mikið við tí, teir undir- skriva hann eisini vegna SEV. Ógreitt er tó, um stðrið var nóg væl kunnað, áðrenn tað tók avgerð í málinum. Hetta er tó í hes- um sambandi meira ella minni líka mikið. Tí var stýrið nóg væl kunnað, so hava allir stýrislimir ábyrgd av avgerðini. Var stðrið hinvegin ikki nóg væl kunnað, so hevur tað kortini ábyrgd av, at stjórin og stðrisformaðurin ikki eru settir uppá pláss, tá ið tað seinni fekk sannleikan at vita. Mær vitandi hevur stðrið ikki gjørt hetta. Vit hava tí enn eitt dømi um, at SEV leiðslan hand- fer eitt mál sera jánkasliga. Um talan er um brot á kommunulógina ella ikki, skal eg ikki gera meg klókan uppá, men haldi eg, at tað sigur eitt sindur um leiðsluevni, tá ið so lættliga verður farið um í hesum máli, ið hevur havt so stóra ávirkan á alt føroyska sam- felagið. Tað reyða kortið Umboðsnevnd SEV’s nýtist ikki fleiri kanningar av um- støðum o.s.fr. Vit vita væl, hvat ið hendi í málinum viðvíkjandi Vágatunnilin- um. Vit vita væl, hvat ið hendi viðvíkjandi sáttmál- anum við maskin-meistar- unum. Í báðum førum sveik leiðslan okkara álít. Eg ivist ikki í, at tað eru hampafólk, ið sita í leiðslu SEV’s. Hinvegin ber ikki til hjá umboðsnevndini bara at lata standa til. Vit hava eina ábyrgd mótvegis Føroya fólki. Við hesum fari eg tí at mæla til, at umboðs- nevndin á fundinum fríggjadagin samtykkir eitt misálit á stýri og stjóra. Misálit á stýri og stjóra SEV’s C M Y K 11 10