týsdagur 24. juni 2003síða 14

Nr. 116 - 24. juni 2003 27 27 26 Nr. 116 - 24. juni 2003 B36-KÍ 7-1 (2-0): Knústir klaksvíkingar Triðju ferð í trimum dystum móti B36 datt KÍ í kontrafelluna hjá B36, sum soleiðis enn einaferð kundi dusa sær í møguleikum og vinna stórsigur FÓTBÓLTUR Jákup Mørk Klaksvíkingar høvdu eina manssterka áskoðarafjøld aftan fyri seg, tá teir vitjaðu í Gundadali í dag. Ný- stovnaða áskoðarafelagið í Klaksvík hevði sjálvandi skipað fyri ferð til Havnar, og serliga útisetafelagið við KÍ’arum í Havn hevði sjálvsagt eisini gjørt sítt til, at dysturin skuldi hava góð- ar karmar. Niðara hæddin í HB-húsinum var samstund- is fingin til láns, soleiðis at upphitingin skuldi eisini verið í lagi. Rómurin í gamla skýlin- um, har klaksvíkingarnir savnaðust, var eisini góður, tá blást varð ígongd, men tað var tó skjótt, at hvíta húsið yvirav fekk nakað at fegnast um. 90 sekund Tað gingu nevnliga ikki meira enn góð 90 sekund, áðrenn ein av klaksvíking- unum hjá B36, Allan Mørk- øre, hevði bankað bóltin upp í málhornið, og frá teirri løtu var nógv, sum bendi á, at hetta kundi fara at minna um steypakapp- ingina, har B36 í tveimum umførum vant burturúr KÍ. Tí hóast tað framvegis vóru 88 minuttir eftir at spæla, tá KÍ nú gav bóltin uppaftur, so tóktist liðið fullkomuliga at fara í pan- ikk. Heldur enn at sláa kalt vatn í blóðið, varð alt fyri eitt roynt at flyta nógv fólk niðan á vøllin, fyri á tann hátt at skapa eitt trýst á B36 málið. Hetta seinna eydn- aðist ongantíð, men flyt- ingin av fólkinum hevði hinvegin við sær, at B36 fekk ríviligt av bæði plássi og tíð at spæla kontrabólt. Avleiðingin av fólkaflyt- ingini var nevnliga, at flata fýrara-ketan hjá KÍ støðugt lág uppi á miðjum vølli, móti einum álopi sum tí hjá B36 er hetta ikki nakað, sum tú bara gert uttan víð- ari. Við John Petersen sum meistara at halda bóltunum, sum vórðu sendir fram, og so Heðin á Lakjuni og Jákup á Borg at renna eftir stikningunum, tóktist tað bert vera ein spurningur um tíð, hepni og einamest nær- lagni, áðrenn B36 økti, men onkursvegna hendi hetta bert eina ferð fyri steðgin. Einamest tí havnarmenninir vóru so altráðir eftir kontra- møguleikunum, at teir óteljandi ferðir voru ov skjótir inn um fløtu verjuna við eftirfylgjandi rang- støðudómum sum fylgju. Stóra skrædlið Við tveimum málum framman fyri hevði B36 í øllum førum stóran fyri- mun, tá farið varð út til seinna hálvleik, men tó at nógv mundu halda, at her var alt avgjørt, so so eru tvey mál ikki meira enn so, at tey kunnu vinnast inn- aftur.Úrslitið talar fyri seg, at tað var so langt ífrá, at hetta hendi, og frágreiðingin til skrædlið, sum nú kom, er sum so sera einføld. Tað vísti seg nevnliga, at KÍ at kalla als einki hevði lært av lemjandi ósigrunum fyri júst B36 í steypa- kappingini, og heldur ikki høvdu teir lært nakað av fyrstu trimum korterunum sunnudagin. Við báðum beinum fremst lupu teir tvørtur- ímóti beina leið í felluna, sum B36 nú setti triðju ferð á rað. Og sum um hetta ikki var nóg mikið, so hjálptu teir eisini væl til sjálvir, tá teir stutt inn í seinna hálv- leik fluttu Ova Nysted úr verjuni og niðan í álopið. Hendan taktiska broyting var samstundis ein deyðs- sýnd, tí tilhoyrandi útskift- ingarnar vórðu framdar, tá B36 hevði hornaspark, og áðrenn KÍ-verjan hevði skipaði seg aftur, stútaði ein púra leysur Jens Kristi- an Hansen B36 upp á 3-0, og so gekk skjótt. At gestir- nir eisini gjørdust mót- falnir, soleiðis at rásarúmið hjá B36 bara øktist í takt við at málini skolaðu inn, bøtti sjálvsagt ikki um støð- una, og sum tíðin leið var alt bara ein spurningur um, hvussu nógv mál B36 skuldi fáa, og kanska eisini um Rúni Elttør sum triði klaksvikingurin á havnar- liðnum eisini skuldi sleppa upp í part í málskjótingini. Klaksvíkingar sjálvir høvdu valla ein einasta veruliga málmøguleika í dystinum. Vandi var tó á ferð nakra ferðir, tá bóltar vórðu sendir innfyri úr høgru, ella tá talan var um deyðbóltsstøður, men B36- málverjin hevði ikki fyri neyðini at gera eina einastu bjarging í dystinum, og tó at KÍ at enda fekk »pyntað« um úrslitið, so mundi eyð- mýkingin ikki kennast minni av teirri orsøk. Hjá B36 mundi trivaligi sigurin – tó at bakgrundin var bílig – koma sera væl við. Liðið hevur komandi vikuskifti dyst móti NSÍ, áðrenn grannarnir úr HB bíða, og tað verða hesir dystir, sum gera av, hvørt B36 skal fara í summarfrí sum partur av oddinum ella ikki. Hjá KÍ má støðan skjótt vera tann, at liðið tekur við læru av gjørdum mistøkum. Komandi vikuskifti taka teir ímóti vágamonnum, sum hava víst gott hegni til kontraspæl, og finna klaks- víkingar ikki okkurt mót- vapn mótvegis hesum, kann tað gerast meira enn trupult at fáa nakað stig til høldar í tí dystinum. Dysturin í tølum B36-KÍ 7-1 (2-0) 1-0: Allan Mørkøre 2-0: John Petersen 3-0: Jens Kristian Hansen 4-0: Heðin á Lakjuni 5-0: Jákup á Borg 6-0: Jens Kristian Hansen 7-0: Sonni Johansen 7-1: Ove Nysted Dómari: Oddmar Andrea- sen. Lat fyri mesta leikarar- nar fáa frið at nýta kropin, og tó at okkurt kundi verið floytað øðrvísi, kom hann sum heild væl frá dyst- inum. B36: René Tórgarð - Allan Mørkøre, Pól Thorsteins- son, Rúni Elttør, Kenneth Jacobsen – Niels Joensen, Klæmint Matras, Jákup á Borg, Jens Kristian Hansen – John Petersen, Heðin á Lakjuni KÍ: Karsten Joensen – Harley Bertholdsen, Ove Nysted, Sámal Eyðfinn á Akursmørk, Símun Joensen – Atli Danielsen, Allan Jo- ensen, Fríðin Ziskason, Le- on Bjartalíð, Hjalgrím Elt- tør – Eyðunn Klakstein Úrslitið sigur at B36 var flúgvandi sunnudagin, men dysturin bendi eins nógv – ella kanska meira á – at tað fyrst og fremst var eitt søkkandi KÍ-lið, sum fullkomuliga gav skarvin yvir Mynd: Álvur Haraldsen Málini 1-0: Allan Mørkøre, 2 min B36 horna verður tikið stutt út til Jákup á Borg, sum leggur longur aftur til Allan. Hann dregur einaferð, áðrenn hann langar bóltin upp í handara málhorn uttan nakran sum helst møguleika hjá Karsten Joensen. 2-0: John Petersen, 28 min Klæmint Matras sendir Jákup á Borg avstað í høgra borði. Hesin leggur bóltin inn til ein fullkomuliga leysan John Petersen, sum leggur bóltin á undirsíðuna av tvørtrænum og inn. 3-0: Jens Kristian Hansen, 54 min Heðin av Lakjuni sendir horna inn úr høgru. KÍ hevur júst framt tvær útskiftingar, og liðið hevur enn ikki skipað seg, soleiðis at Jens Kristian púra leysur kann stúta bóltin í málið. 4-0: Heðin á Lakjuni, 72 min Eftir skjótt spælt B36 kontra fær Jákup á Borg lagt flatt inn fyri úr høgru. Bólturin rullar fram við trimum leik- arum og endar hjá Heðini, sum knallar til fyrstu ferð og í handara síðunet. 5-0: Jákup á Borg, 73 min Rúni Elttør sparkar úr verjuni. John Petersen leingir og so er Jákup leysur og kann av brotsteigarmarkinum senda bóltin flatt í málið. 6-0: Jens Kristian Hansen, 76 min Ein sera sjónligur Allan Mørkøre leggur innfyri úr høgru. Heðin á Lakjuni leggur bóltin niður og útfrá, har Jens Kristian Hansen við vinstra beininum sparkar flatt niður móti handara stólpa. 7-0: Sonni Johansen, 86 min Allan Mørkøre spælir eitt-tvey við Jákup á Borg í høgra borði. Sleppur inn um KÍ verjuna og sendir flatt inn, har júst innskifti Sonni Johansen kann sparka inn við nærmasta stólpa. 7-1: Ove Nysted, 90 min Tíðin er um at vera runnin, tá Alti Danielsen sendir hornaspark innfyri. Har er Ove Nysted hægstur og stút- ar inn. B36 klárar akkurát at geva bólti upp, áðrenn dómarin bríkslar fyri seinastu ferð. C M Y K 26 B68–FS Vágar 0-1 (0-0): Ætlaðu sær eitt og fingu trý Vágamenn eru meiri enn væl nøgdir eftir ferðina á Svangaskarði, har B68 í 2. hálvleiki var ringast við seg sjálvt FÓTBÓLTUR Jóannes Hansen Á Toftum slikka teir sárini. Fyri fyrstu ferð nakrantíð taptu teir sunnudagin stig ímóti FS Vágum. Og teir taptu ikki bara eitt, men gestirnir fóru avstað við øllum trimum stigunum. At vágamenn vóru ovur fegnir var einki at siga til. – Vit fóru á Svangaskarð við tí í kvittanum, at vit skuldu halda tørn um mál- leysa javnleikin. Úrslitini higartil í ár hava sagt okk- um, at B68 hevur havt trup- ult við at fáa mál. Tá ið tað harafturat tíðliga í 2. hálvleiki eydnaðist okkum at leggja okkum á odda, snúði tað seg uppaftur meiri um at halda tørn. B68arnir trýstu og trýstu, og tað bar við sær, at tað gjørdist tunnligt í verjuni hjá teimum. Serliga eftir at Hans Fróði Hansen var út- vístur, var onkra ferðina um reppið, at vit komu ígjøgn- um í snarálopum. Tað er ein sera vøl nøgd- ur Albert Ellefsen í Mið- vági, sum vit hava í tele- fonini. Hann hevur aftur og aftur sagt, at FS Vágar hev- ur fólk til at vera við í kappingini aðra staðni enn at stríðast fyri at sleppa undan niðurflytingini, og tað heldur hann, at úrslitið sunnudagin bar boð um. – Men tað kundi havt gingið heilt øðrvísi hjá okkum. Fyrstu 25 minuttir- nar vóru vit so at siga ikki frammanfyri miðstrikuna. Teir høvdu bóltin mest sum alla tíðina, og teir spældu væl. Teir høvdu málmøgu- leikar, eitt nú tá ið Øssur Hansen sendi fríspark í stólpan, og tá ið Fróði Benjaminsen sendi dygst framvið, eftir at hann í eitt tvey samanspæli var komin ígjøgnum, men teir høvdu trupulleikar, og vit trúðu upp á møguleikan, sigur Albert Ellefsen. At tað kundi bera til hjá FS Vágum fingu teir ábending um fyrstu ferð, tá ið teir fóru í álop. Clayton Soares varð spældur púra leysur, men hann var óheppin at glíða, tá ið hann skuldi gera seinasta vørrin og seta bóltin framvið B68 málverjanum. Tvær aðrar ferðir síðstu løtuna av fyrra umfarinum vóru ábending- ar um, at tað kanska kundi gerast vandamikið hjá teimum reyðu, tí teir bláu og hvítu vóru tætt við. Í vágahøvdini Góðar tveir minuttir eftir steðgin fekk B68 mønu- stingin. Jens Erik Rasmus- sen spældi Clayton leysan, hann sneiddi framvið B68 málverjanum, sum var komin meiri ella minni í millumstøðu, dragingin var fram ímóti baklinjuni í høgru, men brasiliumaður- in megnaði at senda innfyri málið, har miðvallarin Elfinn Ørvarodd var frammanfyri B68 verju- spælararnar og stýrdi bólt- inum í málið, sum í síðsta enda bar trý stig við sær. B68 var skelkað. Teir royndu at leggja trýst á, men leingi var ikki nógv bit í. Hugflogið minkaði, og síðstu løtuna vóru tað fyri tað mesta langar skrásend- ingar í brotsteigin. Har var Jákup Joensen, FSV mál- verjin, góður í luftkrígnum, og luftstríðið var eisini mat- ur fyri Jóhannis Joensen, Albert Ari Thomassen og Vlad Osipov, sum ikki høvdu stórvegis trupul- leikar ímóti framrættaðu heimamonnunum. Hans Fróði Hansen átti kanska at havt verið gylta álopsvápnið, tá ið javnleik- urin skuldi bjargast til B68, men tá var hann ikki á vøll- inum. Ivaleyst mundi tað vera frustratión, tá ið royndi verjumaðurin tjúgu minuttir undan dystarenda vísti linju- verjanum fingurin, tí dóm- urin gekk heimaliðnum ímóti. Reglurnar siga, at sovornum skulu ansingar- menninir ikki finna seg í, og tí varð ostaskorpan tikin úr lummanum. Tað kostaði dýrt síðstu minuttirnar. Og kostnaðurin verður ikki minni, tá ið B68 sunnudagin fer at fáa vitjan av HB. Dysturin í tølum B68–FS Vágar 0–1 (0–0) 0–1: Elfinn Ørvarodd 48. B68: Albert Sævarson – Dánial Hansen, Hans Fróði Hansen, Arnbjørn Daniel- sen – Bogi Petersen, Jann Ingi Petersen (Kristian Poulsen, 87.), Fróði Benja- minsen, Øssur Hansen, John Heri Dam (Jóhan Dávur Højgaard, 89.) – Súni Fríði Johannesen, Kristian Anton Andreasen (Jóhan Petur Poulsen, 57.) Reytt kort: Hans Fróði Hansen 71. FS Vágar: Jákup Joensen – Sjúrður Ellefsen, Jóhannis Joensen, Vlad Osipovs, Al- bert Ari Thomassen – El- finn Ørvarodd, Rói Árting (Birgir Joensen, 86.), Jens Erik Rasmussen, Ruslan Screlea, Silva de Braga (Jógvan H. Samuelsen, 5.) – Clayton Soares Gult kort: Jógvan H. Samuelsen 67., Jákup Joen- sen 90. Dómari: Dagfinn Olsen Jákup á Borg og Hjal- grím Elttør standa ovastir á ynskislist- anum hjá íslendska Grindavík FÓTBÓLTUR Jákup Mørk Eftir at Julian Johnsson fyri stuttum skifti til íslendska ÍA, tykjast íslendingar av nýggjum hava fingið eyg- uni upp fyri føroyskum fót- bóltsleikarum. Nakað sum annars ikki hevur verið aktuelt seinastu tvey árini. Ikki minst tí fíggjarligu royndirnar av hesum ævin- týrum hava verið sera mis- javnar, og at tað langt ífrá er altíð, at leikararnir hava fingið tað, sum teimum hevur verið lovað. Íslendsku bløðini skriva í dag, at Grindavík heldur enn gjarna vil hava hendur á antin Jákup á Borg ella Hjalgrím Elttør til at avloysa Lee Sharpe, sum nú er givin í felagnum. Jú, talan er um sama Lee Sharpe, sum fyrst í níti-ár- unum taldist við í gylta ættarliðnum hjá Man- chester United, og sum eitt skifti stóð somikið fastur á vinstra veingi, at Alex Ferguson hevði ikki annað val enn at flyta Ryan Giggs yvir á hitt borðið, fyri at rúm skuldi vera fyri báð- um. Síðani gekk tó niður eftir hjá Sharpe. Njótandi lívs- stílur hansara sampakkaði ikki serliga væl við strongu krøvnini, sum Sir Alex setir. Niðurtúrurin byrjaði við eini sølu til Leeds, víðari til italska Sampdoria, aftur til enska Bradford, og áðrenn hann fór til Grinda- víkar leikt hann eitt skifti í fjórðbestu ensku deildini. Nú hevur ein skaðasteðg- ur so noytt hann at gevast í Grindavík, og tí er tað, at teir nú royna at fáa hendur á antin Jákupi ella Hjalgrím. Sonevnda transfer-vind- eyga opnar aftur 15. juli, og sambært Morgunblaðnum ætla grindavíkingar at hava styrkin upp á pláss. Okkum eydnaðist ikki at fáa viðmerking frá nøkrum av leikarunum, men sam- bært formanninum í B36, Kristian á Neystabø, er ikki so nógv nýtt í hesum áhuga. - Vit fáa javnan fyri- spurningar upp á fleiri av landsliðsleikarum okkara, og har er Jákup sjálvandi eitt evni, eins og Hjalgrím ivaleyst er tað hjá KÍ. - Hvussu verður og ikki við hesum, er eitt sindur ilt at siga, men vit fara sjálv- andi ikki at forða leikarum, sum hava møguleika at royna seg uttanlands. Hin- vegin ivist eg eitt sindur í, um Grindavík akkurát er rætta staðið hjá ungum leikarum at menna seg, og undir øllum umstøðum verður hetta so ikki aktuelt fyrr enn í summar, tá trans- fer-vindeygað letur upp- aftur, sigur Kristian á Neystabø. Føroyingar skulu avloysa Sharpe Vágamenn lúrdu alla tíðina eftir kontra-møguleikunum, og tó at B68 til tíðir trýsti nógv, so hepnaðist spæliætlanin hjá gestunum til fulnar