mikudagur 25. juni 2003síða 7

12 Nr. 117 - 25. juni 2003 Nr. 117 - 25. juni 2003 13 Hava fólk til rukku Tað er at hava fólk til ta turru rukku at fáa tey at undirskriva eina lógarkravda váttan fyri síðani sjálvur at ganga beint í móti hesum, sigur formaðurin í felagnum Línuskip VEIÐILOYVI Edvard Joensen Fiskimálaráðið kravdi av gomlu eigarunum av Ågot, at teir saman við norð- monnunum, sum keyptu skipið, skrivaðu undir, at skipið ongantíð aftur kom í føroyska fiskiflotan. – Kortini letur sama um- siting hetta góða skip fáa veiðiloyvi undir føroyskum flaggi í føroyskum sjógvi. Tað er beinleiðis ein háðan móti teimum monnum, sum hesi krøv vórðu sett til, og sum settu sína undirskrift undir tey, sigur formaðurin í felagnum Línuskip, Ról- ant Poulsen. Hann leggur ikki fingr- arnar ímillum og sigur, at stóð tað upp til hansara og felagið, hann umboðar, skuldi bæði landsstýris- maðurin og øll embætis- fólkini, sum hava umsitið hetta málið, verðið koyrd úr starvi. – Tað eru somu menn, sum hava undirskrivað skjølini, sum áleggja skip- inum ongantíð aftur at fiska undir føroyskum flaggi, ið stutt eftir geva tí júst hesi rættindi, vísir Rólant Poulsen á. Ågot 1 fekk veiðiloyvi aftur við teirri grundgeving frá Fiskimálaráðnum, at hóast skipið varð strikað úr føroysku skrásetingini, var tað ongantíð fysiskt farið úr Føroyum, men lá við før- oyska bryggju alla tíðina. – Tað kann gera tað sama, hvar skipið var statt. Tað var norkst. Norðmenn rindaðu havnargjald fyri tað, meðan tað lá í Klaks- vík, og sostatt er eingin ivi um, at talan er um eitt inn- flutt skip, sigur Rólant Poulsen. Tá Sosialurin tosaði við hann týsmorgunin, hevði hann ikki fingið niðurstøð- una hjá landsstýrismála- nevndini og vildi tí ikki gera viðmerkingar til hana. – Men givið er, sigur Rólant Poulsen, at málið er ikki liðugt enn. Nú fara vit at tosa um, hvat eftirspælið av hesum verður. Landsstýrismálanevn din sigur í fyribils niðurstøðu síni til málið um veiðiloyvið hjá Jógvani S, at Fiskimálaráðið framdi lógarbrot, tá fiskiorkan hjá línu- skipinum Jógvani S varð útroknað VEIÐILOYVI Edvard Joensen Landsstýrismálanevndin sigur beinleiðis í niður- støðu síni, at viðgerðin hjá Fiskimálaráðnum av málin- um um Jógvan S - fyrrver- andi Ågot 1 - var ólóglig. Grundin til, at landsstýr- ismálanevndin tekur so rív- an til, er tann, sigur nevndin í niðurstøðu síni, at: ».......atlitini, ið lógu til grund fyri avgerðini, vóru ósaklig.« Avgerðin, sipað verður til í hesum føri, er tann, Fiskimálaráðið tók, tá veiðiorkan hjá Jógvani S var útroknað. Veiðiloyvið, sum Jógvan S fekk, var flutt frá einum minni línu- báti umframt einum deks- fari, ið aftur hevði tvey loyvi frá tveimum smáum deksbátum. Treytin fyri at flyta veiðiloyvi millum før er, at veiðiorkan hjá tí, sum fær loyvið, er tann sama ella minni enn hjá tí, sum loyvið verður flutt frá. Landsstýrismálanevndin leggur her beinleiðis lands- stýrismannin við fiski- vinnumálum undir ikki at fylgja landsins lógum. Nevndin sigur soleiðis: ».....Hóast lógin áleggur landsstýrismanninum at gera reglur um, hvussu fiskiorka verður roknað út, og um mannagongd fyri samanlegging og umsiting, so er hetta ikki gjørt. Óskrivaðu leiðreglurnar, ið vóru nýttar at meta um, hvørt fiskiorkan hjá fyrr- verandi Ågot XPZD var tann sama ella minni enn fiskiorkan hjá Skørini og Barinum, vóru ikki saklig- ar. Verður sammett við tær leiðreglur, ið nú eru ásettar við kunngerð, var veiðiork- an økt við umleið 94%, tá veiðiloyvini hjá Skørini og Barinum vóru flutt á fyrr- verandi Ågot XPZD. Sum nevnt kann landsstýris- málanevndin tó ikki seta seg sum dómara yvir, hvussu rættast er at útrokna fiskiorku. Hendan heim- ildin liggur framvegis hjá landsstýrismanninum Ì fiskivinnumálum.« Til at rokna veiðiorkuna út, verður rúmdin á skipin- um vanliga nýtt. Og um so varð gjørt í hesum førinum, hevði veiðiorkan hjá Jógv- ani S verið 94 prosent størri, enn hon var hjá før- unum, sum veiðiloyvið varð flutt frá. Men so hendi tað, at Fiskimálaráðið broytti roknihátt og nýtti kvadrat- rótina av rúmdini ístaðin og kom soleiðis fram til, at veiðiorkan hjá førunum, ið talan var um, kundi sam- metast, og veiðiloyvini flyt- ast frá Skørini og Barinum til Jógvan S. Eitt annað, sum lands- stýrismálanevndin setir spurnartekin við í frágreið- ing síni er, um landsstýris- maðuin við fiskivinnu- málum, ella í hansara stað Fiskimálaráðið, yvirhøvur hevði heimild at lata Jógv- ani S nakað fiskiloyvi. Jógvan S, sum tá æt Ågot 1, varð nevniliga sambært lógarásettari treyt strikað úr føroysku skipaskráseting- ini, tá táverandi eigararnir fingu innflutningsloyvi til eitt annað fiskifar, sum øll loyvi hjá gomlu Ågot vórðu flutt yvir á. Eftir somu reglum og lógarásettu treytum skriv- aðu bæði seljarin og keyp- arin, sum var norskt felag, undir, at skipið ongantíð aftur mátti fara til fiskiskap í føroyskum sjógvi ella undir føroyskum flaggi. Skipið varð lagt við bryggju í Klaksvík, og norska felagið átti skipið við mús, men uttan mann kortini. Seinni varð skipið so aftur keypt av føroyskum felag, sum hóast allar hesar lógarásetingar og undir- skriftir frá fyrrverandi eig- arum, fekk veiðiloyvi undir føroyskum flaggi. Tað er millum annað hetta, sum landsstýrismála- nevndin nú setir spurnar- tekin við tað lógliga í. Landsstýrismálanevndin ger onga niðurstøðu um, hvørt málið skal fáa avleið- ingar fyri landsstýrismann- in ella aðrar partar av fiskivinnuumsitingini. Tað leggur hon yvir á lands- stýsismannin sjálvan, løg- mann ella løgtingið at av- gera. Jacob Vestergaard, lands- stýrismaður við fiskivinnu- málum, er burturstaddur, og tað eydnaðist ikki at fáa viðmerking frá honum, áðrenn blaðið varð prentað Landsstýrismaðurin og fiski- vinnuumsitingin eiga at leggja frá sær, sigur formað- urin í felagnum Línuskip, Rólant Poulsen Fiskimálaráðið framdi lógarbrot Veiðiloyvið hjá línuskipinum Jógvani S er orsøk til, at landsstýrismálanevndin metir, at landsstýrismaðurin við fiskivinnumálum hevur brotið landsins lógir Mynd: Vilmund Jacobsen Strandfaraskip Landsins hevur lýst gomlu Ternuna til sølu, og hægsta boðið var 750.000 krónur. Skipið fer helst av landinum SKIPASØLA Stefan í Skorini Freistin at lata tilboð uppá Ternuna 1 ella gomlu Tern- una, sum skipið eisini verð- ur rópt, var úti fríggjadagin 20. juni. Tilboðini, sum vóru fimm í tali, vórðu lat- in upp mánadagin. Hægsta boðið, sum er 750.000 krónur, var frá einum útl- endskum keypara. Stjórin á Strandferðsluni, Kristian Davidsen, upplýs- ir, at fýra av teimum fimm tilboðunum vóru frá føroy- ingum, men tað hægsta til- boðið kom also úr útlond- um. Strandfaraskip Landsins hava gjørt av at arbeiða víð- ari við hesum tilboðnum, og tí bendir alt á, at Ternan fer úr føroyskum sjógvi í næstum. Einki siglingarloyvi Ternan 1 varð tikin úr sigl- ing tann 1. mars, tá farleið- in millum Havnina og Skálafjørðin varð niður- løgd. Síðani tá hevur skipið ligið við bryggju í Vest- manna. Ternan er ikki í klassa, t.v.s. at hon hevur einki siglingarloyvi, sum er út- gingið, og tí kann tað ikki sigla við ferðafólki í løtuni. Strandfaraskip Landsins hava ikki viljað endur- nýggjað loyvið, tí ætlanin var at selja skipið. Strandferðslan keypti Ternuna í 1970 úr Týsk- landi, og hon røkti farleið- ina millum Klaksvík og Leirvík fram til 1980, tá nýggja Ternan varð sett í sigling. Síðani broytti skip- ið navn til Ternan 1 og sigldi fyri tað mesta millum Havnina og Skálafjørðin og um Vestmannasund. Gamla Ternan varð smíð- að í 1960 í Wawelsflath í Týsklandi og hevur tískil 43 ár á baki. Sekstan umsóknir vóru til tey sjey størvini sum maskin- meistarar umborð á skipunum hjá Fiskiveiðieftirlitinum, og umsøkjarar kunnu vænta sær svar síðst í hesi vikuni. Ætlaði túrurin hjá Anders Fogh Rasmussen við Brimli verður helst av ongum vegna vant- andi maskinmeistarar BRIMIL Stefan í Skorini – Vit hava tilsamans fingið sekstan umsóknir, og tær verða viðgjørdar í hesi vik- uni, sigur Elmar Højgaard, stjóri á Fiskiveiðieftirlitin- um. Tað eru sjey størv, sum eru lýst leys. Tvey størv sum maskinstjóri, tvey størv sum 1. meistari og trý størv sum 2. meistari. Umsøkjarar kunnu vænta sær at fáa svar hósdagin ella fríggjadagin. Elmar Højgaard váttar, at allir teir tíggju maskin- meistararnir, ið uppruna- liga søgdu seg úr starvi, og sum alt rumblið snýr seg um, hava søkt størvini av nýggjum. Trupulleikin er, at tað eru bert sjey størv lýst leys. Hini trý eru longu sett. Tí er ikki líkt til, at allir maskin- meistararnir fáa síni gomlu størv aftur, soleiðis sum Maskinmeistarafelagið hevur kravt. Fogh fyri ongum Sambært skránni hjá Stats- ministaranum Anders Fogh Rasmussen skulu hann og løgmaður Anfinn Kallsberg hava fund umborð á Brimli hósmorgunin, og tíðinda- fundur við teimum báðum skuldi vera klokkan 11.30 eisin umborð á nýggjasta vaktarskipinum. Síðani varð ætlanin at sigla við skipinum til Suð- uroyar, men hetta verður helst av ongum. Stjórin í Fiskiveiðieftirlitinum vænt- ar ikki, at hesin túrurin verður veruleiki. Orsøkin er tann einfalda, at ov fáir maskinmenn eru at manna Brimil, og tí kann skiparin ikki sigla Fogh og Kallsberg til Suðuroyar. FRAMSÝNING Stefan í Skorini Framsýningin Veiði- mentan í Útnorði er nú eisini at síggja í Grøn- landi. Framsýningin var í Norðurlandahúsinum í fjør summar, tá ikki færri enn 12.000 fólk vitjaðu framsýningina í fjúrtan dagar. Tá gav forlagið Sprotin eisini út umfat- andi bók, sum á donsk- um og enskum lýsti evn- ið veiðimentan í Útnorði. Tað er Edward Fuglø, sum hevur sniðgivið, og Birgir Kruse, sum hevur samskipað framsýning- ina. Fríggjadagin 6. juni lat framsýningin so upp í norðurlendska stovnin- um NAPA í Nuuk, og hon lat aftur sunnudagin 22. juni. Hon hevur áður verið í Hetlandi, Írlandi og Íslandi. Hetta er ein umfatandi framsýning, sum sam- starvandi stovnarnir í Út- norði, Norðurlandahúsið í Føroyum og Reykjavík og systurstovnurin NAPA í Grønlandi, hava staðið fyri eftir uppskoti frá Útnorðurráðnum. »Hetta eru eini týdn- ingarmikil boð til tey, sum halda seg fremja umhvørvisáhugamál best, tá tey banna burðar- dyggari nýtslu av náttúr- unar tilfeingi. Framsýn- ingin eigur tí at gerast at- komulig fyri øllum teim- um í Evropa, sum búgva í stórbýum og øllum teimum, sum búgva fjart frá náttúruni, so tey kunnu fáa prógv fyri, at besta varðveitanin av eini fjøltáttaðari náttúru, er ein burðardygg nýtsla og at ein vistskipanarlig hugsan, har eisini havs- ins súgdjór verða tikin við, er ein nýtsla og at- ferð, sum hevur verið burðardygg í túsundir av árum, og sum við rættari atferð, eisini komandi ættarlið fara at bera víðari«. Hetta sigur Jonathan Motzfeldt, komandi for- maður í Útnorðurráðn- um, um framsýningina »Veiðimentan í Út- norði«, sum hevur verið í Nuuk seinastu vikurnar. Gamla Ternan á veg úr flotanum Hægsta boðið uppá Ternuna 1 var 750.000 krónur, og tað var frá einum útlendskum keypara. Alt bendir á, at gamla Ternan ikki verður at síggja í Føroyum í framtíðini Savnsmynd Fogh sleppur neyvan við Brimli Framsýningin Veiðimentan í Útnorði verið í Nuuk Anders Fogh Rasmussen skuldi ein túr við Brimli, men hetta verður helst av ongum, tí nýggir maskinmenn eru ikki settir enn C M Y K 13 12