mikudagur 25. juni 2003síða 8

Nr. 117 - 25. juni 2003 15 Eigarin av skeytinum, Hanus Olsen, fer í næstum at søkja um byggiloyvi at byggja eigaraíbúðir á økinum við R.C. Effersøesgøtu. Grannar hava sent Tórshavnar Býráð mótmælisskriv um møguliga bygging, men Býráði kann ikki taka nakra støðu so leingi einki byggiloyvi fyriliggur BYGGING Páll Holm Johannesen Tá Tórshavnar Býráð fyri góðum tveimum árum síð- an seldi stóra øki, har Thor- vald Poulsen helt til í eitt mannaminni, til Hanus Olsen, vóru tað fleiri grannar í økinum, sum ilskaðust um avgerðina hjá býráðnum. Hanus Olsen stendur fyri byggifyritøk- uni SH Smíð Tá ein byggifyritøka keypir eitt øki, áljóðandi góðar 2000 m2, er ikki løgið um illgruni er um, at eigar- in hevur byggivirksemi í kvittanum. Hóast Hanus Olsen framvegis ikki hevur søkt um byggiloyvi, so hava grannarnar við Egholmstrøð víst sína ónøgd við eina møguliga bygging á økinum. Tey eru á einum máli um, at økið er ov virðismikið at nýta til sethúsabygging. Mett verð- ur, at økið heldur átti verið nýtt sum fríøki. Grannarnir óttast ov nógva ferðslu, um talan verður um eina sethúsa- bygging. Hetta fer at darva trivnaðin við R.C Effer- søesgøtu, og fer illa um vakra umhvørvið. Økið er vælumtókt hjá børnunum sum spælipláss, og verður byggingin veruleiki fara børnini at missa nógv. Víst verður eisini á vegurin ikki er grótsettur, og tí ikki ætlaður tungari ferðslu. Fyrstu ferð mótmælis- skriv varð sent býráðnum var í mars mánaði í fjør, og tá vóru boðini, at einki byggiloyvi var innsent, og tí var einki at taka støðu til. Fyri trimum vikum síðan var so enn eitt skriv latið Tórshavnar Býráð. Grann- arnar siga seg ynskja skjalainnilit viðvíkjandi eini bygging á matr. nr. 720b, sum er økið, sum Thorvald Poulsen átti. Vildi hava økið friðað Upprunaliga seldi Thorvald Poulsen Tórshavnar Býráði økið við nøkrum treytum. Á skeytinum stendur, at Thorvald skuldi búgva í hú- sinum til hann andaðist, og at øki skuldi verða fríøkið, so leingi hann livdi. Tórshavnar Býráð lat í 1987 Thorvaldi 3 milliónir fyri økið. Inntøkurnar av søluni setti Thorvald í Grunn Thorvalds Poulsen av Steinum. Grunnurin skuldi stuðla upp undir útbúgving hjá føroyskum listafólki. Fólk minnast Thorvald hava eina stóran og vakran urtagarð. Hann arbeiddi sum urtagarðsmaður í eitt mannaminni. Umframt stóru sethúsini, hevði Thor- vald eisini trý stór drívhús og eitt gróthús. Røddir hava verið frammi um, at grót- húsið hjá Thorvaldi Pouls- en er eitt av heilt fáu sorn- húsunum, sum eru eftir at finna í Suðurstreymi, og tí hevur húsið virði sum eitt fornminni. Søkir byggiloyvi í næstum Eigarin av skeytinum, Hanus Olsen, sigur við Sosialin, at hann í næstum fer at søkja um byggiloyvi um at byggja eigaraíbúðir á økinum. Í løtuni liggur í kortunum, at talan verður í alt um 12 eigaraíbúðir. 10 teirra verða eftir ætlan 74 m2 hvør, meðan hinar báðar verða eitt vet minni. Hanus hevur áður bygt eigaraíbúðir inni á Gøtu, og seinni í ár verður farið undir bygging á Løg- mannabreyt. Hanus Olsen sigur, at um alt gongur eftir ætlan, so verður farið undir byggingina við R.C. Effer- søesgøtu eftir arbeiðið á Løgmannabreyt. Hann hevur hoyrt sum leysatíðindi, at grannarnir í økinum hava sent býráðn- um mótmælisskriv um eina møguliga bygging, og í tí viðfangi hevur Hanus bjóðað Tórshavnar Býráð at keypa økið aftur. – Eg keypti økið við tí fyri eyga at byggja íbúðir, og tað er framvegis ætlanin hjá mær. Eftir, at eg hoyrdi at grannarnir hava sent mótmælisskriv, havi eg bjóðað býráðnum at keypa økið aftur ella, at teir geva mær eitt eins gott øki at byggja íbúðir ístaðin, sigur Hanus Olsen fyri SH Smíð. Grannar ilskast um møguliga bygging Á býráðsfundum hevur verið umrøtt at keypa økið aftur, og gera tað aftur til eitt fríøki, sigur Heðin Mortensen BYGGING Páll Holm Johannesen Formaðurin í byggi- og býarsamskipanarnevndini í Tórshavnar Býráð, Heðin Mortensen, sigur, at hann er fullgreiður yvir, at grannarnir við Egholms- trøð hava víst sína ónøgd við møguliga bygging á vakra økinum við R. C Effersøesgøtu. Málið hevur eisini verið umrøtt á býraðsfundi fleiri ferðir, og nakrar býráðslim- ir hava sett spurnartekin við, um býráðið ikki gjørdi iv skjótt av, tá øki varð lýst til sølu. Spurdur um hví økið skuldi seljast, svarar Heðin Mortensen, at tað hevur verið ein politisk semja um, at Tórshavnar Býráð ikki skal eiga ov nógv privat ognir, og tí varð økið selt. Men kortini tykjast fleiri býráðspolitikkarar hava fingið kaldar føtur, og tað ásannar Heðin Mortensen eisini. – Fleiri av býráðs- politikkarunum ynskja, at býráðið keypir økið aftur, og gevur økinum tann heiður, tað hevur uppiborið. Tosað hevur verið um at friða tað, og fríðka um økið aftur, sigur Heðin Morten- sen at enda. Formaðurin byggi- og býarsamskipanarnevndini: Gjørdu møguliga ov skjótt av Formaður í byggi- og samskipanarnevndini í Tórshavnar Býráð, Heðin Mortensen, sigur at fleiri býráðslimir seta nú spurnartekin við, um tað var so klókt at selja økið við R.C Effersøesgøtu av fyrstani tíð. Eigarin av stóra økinum við R.C Effersøesgøtu, Hanus Olsen, sigur at í næstum fer hann at søkja um at byggja eigaraíbúðir á økinum. Grannarnir hava sent mótmælisskriv til Tórshavnar Býráð um, at økið heldur átti verið friðað. Mynd: Jens Kr. Vang 15 14 Nr. 117 - 25. juni 2003 Smoltið á Vágsfirði doyr ikki í hungri - Tað er ikki rætt, sum keldan sigur við Sosi- alin, at smoltið hjá Atlantic Seafarm í Vági ikki fær at eta. Smoltið er væl fyri og í góðum standi, sigur nýggi stjórin í felagn- um, Páll Leo ALIVINNA Vilmund Jacobsen Herfyri vendi ein av lesar- unum hjá Sosialinum í Vági sær til blaðið og bað okkum kanna, um smoltið hjá At- lantic Seafarm á Vágsfirði yvirhøvur fær nakað at eta. - Nýggja leiðslan hevur sagt, at alt smoltið skal takast av, nú framtíðin hjá alifyritøkuni liggur í óvissu, men tað kann ikki vera rætt, at smoltið skal doyggja í hungri. Keldan, sum vendi sær til Sosialin, segði seg hava heft seg við, at smoltið á Vágsfirði hevur ongan góðan. Passar ikki Sosialurin vendi sær til nýggja stjóran í felagnum, sum herfyri varð umskipað við Páll Leo sum stjóra og Kristiani Andreassen sum nevndarformanni. Páll Leo sigur seg hava skilt, at alt smoltið á Vágs- firði skal takast av, men hann sigur seg einki vita um, at fiskurin ikki fær at eta. - Hatta kenni eg einki til, og eg kann bara siga, at tað, sum keldan sigur við blað- ið, passar slett ikki. Stjórin sigur, at smoltið hjá Atlantic Seafarm á Vágsfirði er væl fyri og í góðum standi. - Eg var sjálvur úti og hugdi eitt kvøld í vikuni, og eg kann bara siga, at smolt- ið líðir onga neyð, sigur Páll Leo, sum undan stjóra- sessinum var skrivstovu- maður á Suðurfisk. Alt takast av Kristian Andreassen, nevnd- arformaður, segði við Sosi- alin í vikuni, at talið av smolti á Vágsfirði liggur millum 700.000 og 1 milj- ón. Sum skilst, hevur nýggja leiðslan hjá Atlantic Sea- farm avgjørt at taka smoltið av til tess at avmarka tapið hjá felagnum, nú roynt verður at skapa nýtt fíggjar- ligt grundarlag undir virk- seminum. - Smoltið á Vágsfirði fær at eta, er væl fyri og líður onga neyð, sigur nýggi stjórin í Atlantic Seafarm, Páll Leo - Kúskel ella kúfiskur, sum hon eisini verður rópt, klárar seg væl undir ringum um- støðum og broytir stoffskiftið, um tað gerst neyðugt, sigur Jan Sørensen á Hav- lívfrøðiligu Royndar- støðini í Kaldbak NÁTTÚRA Vilmund Jacobsen Tá ið Sosialurin var við Biofarinum á Fuglafirði fyri 2-3 vikum síðani, har fólk hjá Havlívfrøðiligu Royndarstøðini í Kaldbak kannaðu botnviðurskiftini á fjørðinum, fingu vit onkra kúskel upp við grabbanum. Kúfiskur er vanlig skel undir Føroyum, men tað man vera fáur, sum veit, hvussu gomul henda skel verður. 200 ára gomul Tá ið eg og myndamaðurin vóru komin uppá bryggjuna at standa eftir ein frálíkan túr í besta veðri, tók Jan Sørensen, leiðari á Biofar, eina kúskel upp í hondina. - Henda skelin livir ógvu- liga leingi; hon kann nevni- liga gerast meira enn 200 ára gomul, sigur hann. At tað skula ávísir egin- leikar til, at nakað livandi kann gerast so aldrandi, er eyðsæð. - Kúskel er ógvuliga sterk, helst tann sterkasta á havbotninum, og hon klárar seg undir ringum umstøð- um. Gerast liviumstøðurnar vánaligar við lítlari ella ong- ari føði, broytir hon stoff- skiftið, so hon yvirlivir. Jan sigur, at í Norðsjón- um er vanligt at síggja kú- skel, sum er meinslað av trolreiðskapi. - Skelin liggur í sandtilfar- inum við ovasta partinum undan og tekur føði til sín. Kann etast Leiðarin á Biofar sigur, at kúfiskur kann etast, eins og kræklingur og øða, men sum skilst, er henda skelin ikki so nógv eftirspurd. Nú Biofarið kannaði botnviðurskiftini á Fugla- firði fyri dálking, spurdu vit Jan Sørensen og Gutt- orm Djurhuus, sum eisini var við hendan dagin, um teir høvdu etið kúfisk av Fuglafirði. Báðir vóru samdir um, at tað høvdu teir gjørt - uttan nakað himpr. Jan sigur, at kúskel verður umleið 8-10 cm. í tvørmát. - Er høg fjøra, sært tú eitt nú krækling og øðu fjarða uppi, men kúskel heldur vanliga til eitt sindur longur úti á. Hon finst tó bæði inn- ari og eisini úti á djúpari sjógvi. Hann vísir á, at eins og vanligt er at brúka krækling og øðu til agn, hevur eisini verið dreggjað eftir kúskel til agn. Meldar pass Spurdur, nær ein kúfiskur, sum verður yvir 200 ára gamal, gerst kynsbúgvin, meldar Jan Sørensen pass. - Nei, tað veit eg ikki sum er, men tað veit onkur annar. Sosialurin helt, at tað kundi verið áhugavert at fingið tað við í henda greinastubban, um kúskel nú kanska ikki verður kyns- búgvin, fyrr enn hon er 100 ára gomul, tá ið hon kortini livir í meira enn 200 ár! Men tað fingu vit so ikki Jan at siga okkum. Meira enn 200 ára gomul kúskel Kúskel kann etast, eins og kræklingur og øða, men sum skilst, er henda skelin ikki so nógv eftirspurd. Hvørki Jan Sørensen ella Guttormur Djurhuus, sum vóru við Biofarinum hendan dagin, høvdu himprast við at etið kúskel av Fuglafirði Mynd: Jens Kr. Vang Rebekka Rafael Petersen úr Kollafirði vann annað undan- umfarið í Nósabarna- prix 2003, sum var í Kollafirði leygar- kvøldið NÓSABARNAPRIX Rúna Sivertsen Trettan ára gamla, Rebekka Rafael, vann við sanginum, "Tína dýrd tú ofraði, tá tú komst av hæddini". - Hon er avgjørt eitt talent, segði James Olsen, tá vit høvdu hann í telefonini sunnukvøldið. Nummar tvey gjørdist Durita Djurhuus við sang- inum, "Stjørnurnar blinka", og nummar trý varð Halla Durhuus við sanginum um Flippuna. Fyrireikararnir av Nósa- barnaprix eru vælnøgdir við luttøkuna leygarkvøldið. - Tjaldið var fultsett, og hýrurin var góður, siga teir. Tað eru teir báðir, Mark Joensen og James Olsen, ið skipa fyri hesum tiltøkum. Á heimasíðuni, www.barnaprix.fo, siga teir millum annað, at teir við hesum tiltaki kunnu verða við til at lata upp dyr fyri tey børn, sum hava evnir og ynskja at stíga á yrkisliga tónleikaliga pallin. Enn ein finalistur í Nósabarnaprix Tað var 13 ára gamla, Rebekka Rafael Petersen úr Kollafirði, sum vann annað undanumfarið í Nósabarnaprix í Kollafirði leygarkvøld-ið. Hon hevði uppiborið sigurin, siga fyriskipararnir C M Y K 14