leygardagur 28. juni 2003síða 7

12 Nr. 120 - 28. juni 2003 Nr. 120 - 28. juni 2003 13 NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Føðingar 18. juni fingu Dorte Krahl og Høgni Dalsgaard, Keypmannahavn, ein son. Hann var 55 cm langur og vigaði 3900 gr. 18. juni fingu Johanne Amanda, 5 ár, og Samuel Peter, 2 ár, ein beiggja. Hann var 52 cm langur og vigaði 3200 gr. Foreldur teirra eru Elisabeth og Flemming Abrahamsen, Ålborg. 21. juni fingu Mirjam og Eli Joensen, Århus, eina dóttur. Hon var 55 cm long og vigaði 4300 gr. 22. juni fingu Margret og Jóhan David Joensen, Klaksvík, eina dóttur. Hon var 51 cm long og vigaði 3600 gr. 23. juni fingu Diana á Skúr og Aref T. Olsen, Tórshavn, eina dóttur. Hon var 52 cm long og vigaði 3265 gr. Brúdleyp Í dag, 28. juni, kl. 14.00 giftast í Ebenezer, Anna Maria av Reyni og Heini Ellingsgaard, bæði úr Tórs- havn. Veitslan verður fyri innbodnum kl. 18.30 í Páll- stovu. Í dag, 28. juni, giftast í Prestagarðinum á Ziskatrøð Annika Vilhelm, Kunoy og Tummas Andreassen, Viðar- eiði. Opið hús verður í heimi teirra í Kunoy frá kl. 19.00. Øll eru hjartaliga vælkomin Í dag giftast í Nes kirkju, Joan Hansen, Nes og Jan Skoralíð, Leirvík. Veitslan verður fyri innbodnum á Muntra. Í dag, 28. juni, kl. 15.00 giftast í Fløng kirkju, Tórun Poulsen, Skipanes og Thomas Juul Andersen, Hede- husene. Veitslan verður fyri innbodnum á Stationsvej 18, 2640 Hedehusene. Í dag, 28. juni, kl. 15.30 giftast í Bangsbo Strand kirkju í Frederikshavn, Carina Johansen, Trongisvág- ur og Per Mortensen, av Skælingi. Brúdleypsadr.: Kalkværksvej 27, 9900 Frederiks- havn. Í dag, 28. juni, verða Barbara Olsen og Pætur S. Rasmussen vígd í býráðshúsinum í Havn. Tey, ið vilja gleðast saman við brúðarparinum, eru vælkomin í heimið hjá Gladys og Per Olsen, Børku- gøta 9, 100 Tórshavn. Opið hús millum kl. 15.00- 20.00. Ingolf Olsen 60 ár Mikudagin 25. juni fylti kendi danski gittarleikarin og sangarin Ingolf Olsen 60 ár. Ingolf er hálvur føroy- ingur. Mamma hansara, Kristianna, var úr Leynum, dóttir Martinus í Leynum. Hon fór niður til Danmark- ar miðsskeiðis í tríatiár- unum, giftist og búsettis í Blågårdsgade á Nørrebro í Keypmannahavn. Hon og maðurin, Axel, fingu synir- nar Ingolf og Robert. Ingolf hevur rættuliga gjørt vart við seg í Dan- mark, fyrst og fremst tí at hann gjørdi tað ógjørliga at spæla inn nakað so ómod- ernað sum sálmar hjá Bror- son og Kingo. Hetta gav honum tó eitt nærmast fólksligt gjøgnumbrot. Ingolf er gittarleikari, hann spælir lutt, syngur, er dosentur – og urgubyggjari. Hann var í læru hjá Froben- ius & Co frá 1960. Men gittarin hevði tokka hans- ara. Hann fór til Onglands at lesa hjá heimsgitna Jul- ian Bream. Og sum 20 ára gamal fór hann undir um- fatandi solistvirksemi, sum fekk hann til París, har hann í 1966 fekk eina stóra virðisløn í Concour Inter- nationale. Samstundis menti hann hina stóru síðuna av talenti sínum. Hann debuteraði sum sangari. Ingolf hevur eina serliga rødd, sum eis- ini týðum er at hoyra í bæði í Danmarks Radio og í Út- varpi Føroya, ikki minst tá Janus velur løgini. Berlingarin skrivaði týs- dagin, at røddin hjá Ingolfi er serlig – bæði høg og djúp, nátúrlig og affekter- að. Eitt avbera gott amboð til tey bæði tingini, hann hevur áhuga fyri: Tónleik- inum frá miðøldini, rene- sansuni og barokkinum, og tónleikinum úr 20. øld. Faktiskt var tað í einum verki hjá Antonio Bibalo, hann í sínari tíð trein fram á tí Jydsku Operaini. Tá var hann partur av navnframa ensamblenum, Prisma, hjá Tamás Vetös, og frá 1967 í Trio Mobile, saman við Mogens Elle- gård og Bent Lylloff. Sam- an við Toke Lund Christ- iansen og henrik Olsen tók hann eisini stig til stovnan- ina av Det Musikalske Triumvirat, og hevur ann- ars havt hundratals konsert- ir av øllum handa slag. Harumframt hevur Ingolf spælt inn nógvar plátur – m. a. við tónleiki hjá Bell- man, Laub og Carl Nielsen, umframt tær við Brorson og Kingo. Eisini var hann limur í teirri nevndini, ið hevur staðið fyri nýggju donsku sálmabókini, sum fyri fáum døgum síðani varð tikin í nýtslu. Ingolf Olsen hevur síðani 1970 undirvíst við konserv- atoriið í Keypmannahavn. Nú hann er vorðin seksti, gevst hann, og tað fer óivað at geva honum meiri tíð at syngja og spæla – og kanska vit aftur síggja hann á konsertferð í Føroyum… Saaby Manhertha Andreasen 85 ár 07.07.18 er Manhertha, vanliga nevnd Hertha borin í heim á Trøðni í Fuglafirði. Foreldur hennara vóru Anna og Albert Eldevig og kann hon henda dag hátíð- arhalda sín 85 ára føðingar- dag. Ein høgur aldur – ella hvat? Men Hertha kann í hvussu er fegnast og vera stolt yvir sítt verk sum mamma, omma, langomma og olduromma. Henda mynd vísir týði- liga hennara stoltleika yvir lítla Tór, ið er fjórseinata skot á stammuni. Skotini hava verið nógv, summi eru sprottin, nøkur standa í blóma og onnur eru við at falma. Eg vil sum yngsta dóttir hennara geva Herthu allan heiður og virðing fyri henn- ara stórsligna verk sum mamma. Hertha hevur klára og megna meir enn flest onnur menniskju hava uppliva ella kunna ímynda sær. Hennara kor hava ikki altíð verið løtt, hóast tað, hevur hon havt eginleika at geva familju síni eina barl- ast til orræði og stoltleika, har tey kunnu heinta megi og kraft at yvirliva tá ið trupulleikar valda. Tí hevur tú mamma uppi- borið at fáa lov at hvíla, at fáa lov til ikki at hava meir at hugsa um ella hava um- sorgan fyri, tí vóni eg at tú hevur góð fólk kring teg, ið passa og uppvarta teg, so dagligdagur tín gerst lættur og gevandi. Hjartaliga tillukku við degnum mamma. Anna Petur Even Djurhuus norskur konsul Tann 16. juni var Petur Even Djurhuus í Havn út- nevndur norskur konsul í Føroyum. Petur Even er sonur Bysse og Tórmóð Djurhuus í Hoydølum. Hann er út- búgvin løgfrøðingur frá Universitetinum í Keyp- mannahavn í 1988 og starvast hjá Advokatfelag- num yvir við Strond í Havn. Umframt advokatvirki sítt, so er Petur Even eitt nú nevndarlimur í Atlantic Petroleum og í Føroya Fiskavirking. Síðani 1998 hevur hann verið parnari í Advokatfelagnum yvir við Strond. Sámal Jacobsen 40 ár Sunnudagin 29. juni fyllir Sámal Jacobsen á Argjum 40 ár. Sámal er føddur og uppvaksin í Havn, sonur Beintu, f. Háberg, og Eiler Jacobsen í Havn. Hann er útbúgvin skipari og siglir við skipum hjá pápa sínum. Hann hevur siglt sum stýri- maður og skipari á Sólborg og siglir í dag sum skipari á Krúnborg. Sámal er giftur við Henriettu, f. Heinadótt- ir Heinesen, dóttir Mariu, f. Højsted, og Heina Heine- sen á Argjum. Saman reka tey eisini sólmiðstøðina Sólborg á Argjum. Sámal verður burturstaddur føð- ingardagin. NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Andlát 20.06 Esther Hvíthamar, Havn, ættað úr Sumba, 67 ár 23.06 Tummas Juul Joensen, Havn, ættaður úr Nólsoy, 83 ár 24.06 Lina Justinussen, Leirvík, ættað úr Fuglafirði, 91 ár Dagurin 28. juni. Eleonora. Nú á døgum stendur í álmanakkanum bara Karolina Amalia, sum er navnið á eini drotning, og sum er komið inn í álmanakkan, eftir at teir í 17. øld gjørdu av at seta føðingardagarnar kongum og drotning- um við dagarnar í álmanakkanum. Men henda Karolina Amalia er eingin halgikona heldur enn onnur konglig. Fyrr stóð navnið Eleonora, men satt at siga vita vit einki um, hvør ið hon var. Navnið er tað sama sum Helena. 29. juni. Pætursøka. Tíðliga í fornkirkjuni varð 29. juni hildin til minnis um, at bæði Pætur og Paulus vórðu tiknir av døgum henda dag, Pætur krossfestur við høvdinum niðureftir helst í 64, og Paulus hálshøgdur helst í 67. Dag- urin var so upprunaliga bæði ein pætursøka og ein páls- messa. Men seinni varð avgjørt, at so mætir menn áttu at havt hvør sín minnisdag, og Paulus fekk dagin eftir, 30. juni, sum sín halgidag, og 29. juni er so bara pætursøka. 30. juni. Lucina, deyð umleið ár 100. Kristin kona, sum sigst at hava verið upplærd av ápostlunum sjálvum. Ann- ars var dagurin, sum nevnt omanfyri, eisini ein pálsmessa. Ólavur Olsen 80 ár 20. juni fylti Ólavur Olsen í Havn 80 ár. Ólavur er fugl- firðingur, sonur Onnu Kathrinu, f. Haraldsen, úr Elduvík, og Jóhan Hendrik Olsen, vanliga nevndur Hendrik á Bug, ættaður úr Gøtugjógv. Sum ungur kom Ólavur til Havnar at ganga í skúla, síðan fór hann til Danmarkar, har hann gekk á hægri handilsskúla. Heim aftur komin fekk hann skrivstovustarv í Fugla- firði. Í 1949 giftist hann við Odu, f. Gaard Hansen, úr Havn, dóttir Andreu, f. Gaard, ættað úr Fámjin, og Óla Jákup Hansen, úr Horni í Havn. Oda og Ólav- ur búsettust í Fuglafirði og fingu tríggjar synir, Hera, Ova og Kára. Í 1957 flutti familjan til Havnar at búgva, tey keyptu eini rað- hús í J.Paturssonargøtu. Síðan 1972 hava tey búð í Grønulíð í Havn. Ólavur ar- beiddi eina tíð hjá grann- skoðarunum Jógvan Sund- stein og Paula Ellefsen. Seinni fekk hann starv sum landsgrannskoðari. Hetta starv røkti hann, til hann legði frá sær fyri aldur, 67 ára gamal. Sum pensionist- ur fær Ólavur tíðina at ganga við at passa hús og hava og svimja. Hann er al- tíð hjá, tá Havnar Hornork- estur spælir. Ólavur spældi sjálvur sum ungur í Fugla- fjarðar Hornorkestri, sum trummusláari. Allir tríggir synirnir spæla í Havnar Hornorkestri. Óla Jákup Hansen, verfaðirin, var ein av stovnarunum av Havnar Hornorkestri og spældi har. So hesin áhugin at spæla horn hjá yngru ættarlið- unum kemur helst frá báð- um familjunum. Óli Simonsen 65 ár Mánadagin 30. juni fyllir Óli Simonsen í Saltangará 65 ár. Hann er sonur Jóhan Esbern Simonsen úr Salt- angará og Karolinu, f. Peter- sen, av Selatrað. Óli tók læraraprógv í Havn í 1962, var lærari í Runavík í 3 ár, í Keypmanna- havn í 2 ár, aftur í Runavík í 5 ár, í Kalundborg í 2 ár og í Fuglafirði í 5 ár. Í 1980 tók hann aftur við starvi sum lærari í Runa- vík, og nú fór hann inn á ta leið, sum hann síðani hevur gingið: at arbeiða við menn- ingartarnaðum. Í 5 ár var hann lærari í Runavík, part- víst sum sjónráðgevari. 1985-88 starvaðist hann í Lítla Skúla í Runavík, sum er skúli fyri menningar- tarnað. Síðani 1988 hevur hann verið serlærari í Eyst- uroynni og sjónráðgevari fyri Føroyar. Frá 1965-67 var Óli á skeiði á Danmarks Lærer- højskole í søgu, støddfrøði og føroyskum. Hann var aftur á skeiði í 1973-74 í ráðgeving í at undirvísa sjónbrekaðum. 1984-86 var hann á skeiði fyri serlærar- ar, sum Danmarks Lærer- højskole skipaði fyri í Før- oyum. Óli Simonsen er giftur við Mourentsu Petersen úr Fuglafirði, børn teirra eru: Lena, Hilmar, Ester og Tóra. Rosmunda Joensen 70 ár Mikudagin 25. juni fylti Rosmunda Joensen í Fugla- firði 70 ár. Rosmunda er fødd og uppvaksin í Fugla- firði, hon er nummar trý í røðini av teimum átta børn- unum hjá Andreu, f. Daniel- sen, og Christian Sofus Eldevig í Fuglafirði. Hon giftist í 1951 við Jacob Oluf Joensen úr Fuglafirði, sonur Hannu, f. Jacobsen, og Andreas Joensen í Fuglafirði. Tey giftust inn til foreldrini hjá Jacob Olufi. Rosmunda og Jacob Oluf eiga fýra børn, tey eru: Hanna, Ann-Elisabeth, Sonja og Andras, ið eru tví- burar. Tá børnini vóru smá, og Jacob Oluf sigldi, hevði hon til arbeiði at gera trol fyri Trolvirkið í Fuglafirði, hetta arbeiðið gjørdi hon heima, meðan hon passaði børnini. Miðskeiðis í 60- unum fekk Jacob Oluf starv sum umsjónarmaður á Havsbrún, hetta starv røkti hann í 35 ár. Rosmunda og Jacob Oluf hava altíð staðið væl saman. Tá hann ar- beiddi á Havsbrún, var tele- fonin vanliga stilla heim til teirra eftir arbeiðstíð, og Rosmunda avgreiddi ofta samtalurnar við skipini, sum skuldu inn á Fugla- fjørð at landa. Rosmunda hevði í nógv ár handilin »Aldan«, ið m.a. seldi út- gerð til skip, saman við beiggja sínum Sigurðjón, sum annars fylti 60 ár, sama dag sum Rosmunda fylti 70. Hann býr í Grøn- landi í dag. Tá tey góvust við handlinum, fór Ros- munda at arbeiða á flaka- virkinum í Fuglafirði, har hon var arbeiðsformaður í fleiri ár. Seinni arbeiddi hon nøkur á Toystovuni í Fuglafirði. Sum yngri vóru Rosmunda og Jacob Oluf virkin í ítróttarfelagnum ÍF, har tey t.d. syrgdu fyri út- lendsku spælarunum, sum komu til bygdina. Ros- munda er virkin limur í pensionistafelagnum í Fuglafirði, har hon eisini situr í nevndini. Saman við manninum ferðast hon nógv uttanlanda. Annars nýtur hon sína tíð til at seyma, binda og brodera, hon ger eisini ymiskt til føroysk klæðir. Hon eigur 6 ommubørn og 3 lang- ommubørn. Øll fáa vit okkara ásettu tíð á fold, summi longri, og onnur styttri. Hetta seinra fekk mín góða vinkona Synnøve. Sjálvt um tað ikki er so lætt at festa nøkur orð á blað so fari eg at royna kortini. Vit komu at kennast sum smágentur í Árnafirði, og hava alla tíðina síðani havt samband okkara millum. Hon gekk eitt tíðarskeið á Húsarhaldsskúla í Klaks- vík, og flutti seinni norður higar, saman við systir sín- ari, at búgva. Eisini hevði hon arbeiði her norði, so tá vóru túrarnir nógvir í tali á gátt á Stoksoyrvegnum, og nógv komu á gátt hjá teimum báðum systrunum, og øll kendu seg sum heima. Tað vóru minnisríkar løtur, sum ongantíð verða gloymdar. Synnøve flutti so til Havnar at búgva og hevði vaski- arbeiði, og seinni fekk hon starv á fiskavirkið sum eftirlitsfólk. Øll sum hon arbeiddu saman við, hildu nógv av henni. Hon var trúføst og gjørdi sítt arbeiði til fulnar. Fyri nøkrum árum síðani fekk hon boð frá læknum at lív hennara fór at broytast, og gjørdust túrarnir fleiri í tali niður til Danmarkar á sjúkrahús. Kortini var hon altíð tann sama, altíð í góðum lag. Altíð við einum smíli, altíð positiv og smílandi . Eg minnist, hvussu glað hon var, tá ið eg spurdi hana, um hon vildi verða gumma at dóttir mínari Bjørt. Ikki visti eg tá, at hon skuldi burtur her av foldum bert góðan mánað seinni. Vit fingu eitt stutt tíðarskeið saman við henni, men eitt gott og minningarríkt tíðarskeið, sum altíð vil liva í minninum. Synnøve helt nógv av sínari familju, og vinum. Hvørja ferð hon var niðri á sjúkrahúsi, var Maud systir hennara við henni, og so var eisini tann síðsta túrin, tá eisini onnur vóru við teimum . Tað vóru nógv sum komu at siga Synnøve eitt síðsta farvæl og fylgdu henni til siðsta hvíldarstaðin her á fold. Góðu tit, Stefani, Jógvan, Maud, Ólavur, Joan, og Ásbjørn. Gud styrki tykkum, og okkum øll. Æra veri minnið um vinkonu mína Synnøve. Vinkona tín Erna Minningarorð Synnøve Justinussen Streymnes f. 14.01.1976 - d. 24.03.2003 Uni Danielsen grikskur konsul Fyrr í vikuni var Uni Dan- ielsen á grisku sendistovuni í Keypmannahavn, har hann formliga tók við starvinum sum griskur konsul í Før- oyum. Hann tekur við eftir pápa sín, Birgir Danielsen, sum doyði fyri knøppum tveim- um árum síðani. Uni Danielsen er stjóri á Flogfelag Føroya. C M Y K 13 12