mikudagur 2. juli 2003síða 14

26 Nr. 122 - 2. juli 2003 Nr. 122 - 2. juli 2003 27 Vestmannadreingir fyri fyrstu ferð Eftir at hava verið framvið í hinum trimum kappingun- um eydnaðist tað hesa ferð Havfrúnni at gera bart 5–MANNAFØR DREINGIR Jóannes Hansen Frammanundan høvdu teir verið fyrst nummar trý og so tvær ferðir nummar tvey. Kappróðrarárið hevur ikki heilt verið soleiðis hjá vest- menningum, sum tey plaga at vera. Men dreingirnir syrgdu leygardagin á Jóan- søku fyri, at tað aftur í ár – í hvussu so er eina ferð – var neyðugt at skipa fyri móttøku av kappróðrar- vinnara í Vestmanna. – Vit hildu okkum liggja væl fyri, og tá ið vit komu á mál, hildu vit, at vit vóru fyrstir, men vit tordu ikki at trúgva tí, fyrenn vit sóu vestmenningarnar á havn- arøkinum fegnast um sigur- in, sigur Jóhannus Johanne- sen, sum er annar av lær- monnunum og bátsformað- ur umborð á Havfrúnni. Saman við honum var Tummas Olsen, sum er hin lærmaðurin, eisini við til at manna Havfrúnna í fjør. Allir hinir umborð royna seg fyri fyrstu ferð í kapp- róðri, so tað kann ikki sig- ast annað, enn at tað hevur roynst væl. Elsti maðurin er akkurát vorðin átjan ár, og tann yngsti er fimtan ár. Sílið og Tjaldrið royndu at bjóða av, og Blikur var eisini væl við. Men sum í so nógvum øðrum kapping- um fyrr í ár, so vísti tað seg hesa ferð, at tað ikki bar til at taka bátin, sum hevði fingið besta startin. Hav- frúgvin megnaði at varð- veita oddastøðuna, og hóast Sílið var fyrst at fara undir endaspurtin og munurin fram í oddin tóktist minka eitt vet, so svaraðu vest- mannadreingir aftur og vunnu rudduliga. Sílið er framvegis best fyri í FM kappingini. Mun- urin aftur til Havfrúnna er fimm stig, og vestmanna- dreingir hava ikki mist mót- ið um, at tað skal eydnast at vinna FM heitið, sum teir seinast vunnu í 1999, tá ið báturin var nýggjur. Teir, sum manna Havfrúnna, eru Remi Egilsnes – Tummas Olsen, Jóhannus Johanne- sen, Bogi Nielsen, John Martin Andreasen, Egil Heinesen og Heini Jo- hansen. Royndin Fríða var á start- málinum, men vágsdreingir vóru ikki við í jóansøku- kappingini. Teir høvdu trupulleikar við róðrinum. Roynt varð við nýggjum róðri, men tað sat ikki, sum tað skuldi, og so var einki annað at gera enn at geva skarvin yvir, áðrenn start- skotið small. Kendu seg kroystar at vinna Eftir sigurin á Jóan- søku halda teir um- borð á Jarnbardi ván- ir vera fyri at vinna FM, men teir ásanna, at kappingin verður stór 6–MANNAFØR MENN Jóannes Hansen Hóast hetta er fyrsta árið, at teir manna Jarnbard, so er talan um roynda manning, sum leygardagin gjørdist triði vinnarin í kappingini millum 6–mannaførini við monnum og harvið so at siga tók sigurin frá vág- bingum umborð á Smyrli, sum vóru einasta vónin hjá suðuroyingum fyri sigri á Jóansøkuni. Teir umborð á Jarnbardi hava verið framvið á hinum stevnunum, og sigurin og harvið tey sjey stigini á Jóansøku bera við sær, at teir bara eru trý stig aftan- fyri Smyril. – Vit vóru greiðir yvir, at um spenningurin um FM heitið skuldi varðveitast, so var neyðugt hjá okkum at fáa fult hesa ferð. Vit vóru sera uppsettir, og sjálvandi eru vit ovurfegnir um, at tað eydnaðist. Hetta hevur við sær, at tað verður rættu- liga spennandi at rógva aft- ur leygardagin, sigur Leiv- ur Johannesen, sum er ann- ar av toftimonnunum og bátsformaður umborð á Jarnbardi. Hvat høvdu tit gjørt undir venjing fyri at økja um møguleikan at vinna? – Talan var bara um at justera smálutir. Tað ber ikki til at venja so nógv, nú tað er so stutt millum kapp- ingarnar, men munurin hevur fleiri ferðir verið so lítil, at tað telur nógv at fáa smáar lutir justeraðar. Eru tit á FM kós? – Smyril liggur framveg- is best fyri, og kappingin á Jóansøku vísti, at umframt okkum og Smyril kunnu Páll Fangi og Strálan gera seg galdandi í teimum trim- um kappingunum, sum framvegis eru eftir. Men sigurin hjá okkum í Suð- uroy ber við sær, at tað er upp til okkum sjálvar at gera av, um vit skulu vinna FM ella ikki. Nær vóru tit greiðir yvir, at tit høvdu vunnið? – Vit vóru væl við allan vegin, og á fyrsta teininum kappaðust vit við Páll Fanga, sum fekk besta startin av øllum. Men vit vistu eisini, at í undanfarnu kappingunum hava teir umborð á Smyrli havt ein framúr endaspurt. Vit hildu okkum vera fyrstar á mál, og tað vísti seg tíbetur, at sjálvt um Smyril hevði góð- an endaspurt, so høvdu vit nóg mikið at geva av. Mun- urin var ein stórur skutur, so tað var rættuliga tætt, ásannar Leivur Johannesen. Tá ið Jarnbardur kom aft- ur til Havnar varð skipað fyri móttøku í Knørra neyst- inum. Knørrafelagið, sum Jarnbardur er partur av, heldur til í neystinum undir Kolagarðinum hjá Valdemar Lützen við síðuna av skeiva pakkhúsinum. Har var suppa at fáa leygarkvøldið, og teir umborð á Jarnbardi halda, at tað eru vánir fyri suppu aftur nú leygarkvøldið, men so skulu smáu marginalirnir aftur vera í parti við teimum. Nógvar royndir Fleiri, sum eru við til at manna Jarnbard, hava áður verið við til at vinna FM, men teir hava ikki verið við til at manna Jarnbard áður. Um tað fer at eydnast Jarn- bardi at vinna FM, so verð- ur tað fyrsta ferðin yvir- høvur, at Jarnbardur við monnum vinnur FM. Kvinnurnar hava fleiri ferðir víst, at tað er einki í vegin við bátinum. Fleiri av manningini hava áður vunnið FM við Havn- arbátinum, og onkrir hava vunnið FM við Gongurólvi og Sílinum. Talan er harvið um rættuliga roynda mann- ing. Elsti maðurin er 30 ár, og tann yngsti er 24. Miðal- aldurin man liggja um 25–26 ár. Teir, sum manna Jarnbard, og sum vunnu á Jóansøku leygardagin, eru hesir: Jóhan Joensen – Jó- han Hansen, Andreas Poul- sen, Jákup Zachariassen, Thomas Christiansen, Heini Tausen og Leivur Jo- hannesen. Eingin skalar Ørvin Hesa ferð eydnaðist tað Kvívíkinginum at leggja Argjabátin aft- urum seg í kappingini um næstfremsta plássið 8–MANNAFØR Jóannes Hansen Munurin aftur til kapp-ing- arneytarnar var ikki so stórur á málinum, sum hann hevur verið í onkrari av hinum kappingunum. Men tað var eingin ivi um, hvør fór at vinna. Ørvur var eina bátslongd framman- fyri tann næsta á mál, og tað tóktist sum um, at um teir høvdu havt verið meiri hóttir, so høvdu teir um- borð á Ørvi verið førir fyri at sett uppaftur meiri á. Eingin skalaði Ørvin hesa ferð, og tað tykist ikki serliga sannlíkt, at nakar fer at skala honum í næstu kappingunum. Eftir tættan start, har Ørvur, Kvívíking- ur og Argjabáturin á fyrsta teininum høvdu fylgst lið um lið, so sigldi Ørvur frá hinum. Á 1000 metra mál- inum var hann hálva báts- longd frammanfyri hinar. Tá ið hálvt málið var rógvið, hevði Kvívíkingur- in hug til at leggja seg upp á síðuna av Ørvi, sum kortini svaraði aftur og økti til eina bátslongd. Merkisvert var tað, at Argjabáturin hesa ferð ikki megnaði at halda Kvívíkin- gin aftanfyri seg. Ljósablái báturin fylgdi væl við, meðan reyði Argjabáturin ikki megnaði at varðveita sína støðu frá undanfarnu kappingunum. Sjálvt um teir tóktust toga nógv í árar- nar, so munaði tað ikki, sum tað plagar og í staðin fyri at flyta frá øðrum og fram á fremsta plássið, so duttu teir á Argjabátinum aftur á triðja plássið. Sjálv- andi var tað ikki soleiðis, at teir høvdu ætlað, at tað skuldi laga seg á Jóan- søkuni. Manningin á Ørvi hevur verið rættiliga stinn í kappingini í ár og vann aftur á jóansøku Mynd: Høgni Jacobsen Gongurólvur vísti Jarnbardi frá sær Hóast Jarnbardur aftur hesa ferð tóktist ætla sær at basa fav- orittinum, og tað leingi tóktist skula eydnast, so vísti Gongurólvur at enda neyðuga treystleikan 6–MANNAFØR KVINNUR Jóannes Hansen Lítil ella rættari sagt eingin ivi er um, at Gongurólvur fer at vinna FM. Tær hava vunnið allar fýra kapping- arnar, og nú er tað bara ein spurningur, um tað fer at eydnast teimum at vinna FM heitið nú leygardagin, ella um tær skulu bíða inn- til á Vestanstevnuni í Sandavági annan leygar- dag. Gongurólvur við kvinnum hevur ikki vunnið FM síðani í 1995. Tvær tær síðstu ferðirnar hevur Jarnbardur rættuliga bjóðað Gongurólvi av. So- leiðis var eisini á Jóansøk- uni. Jarnbardur fekk besta startin, og stóran part at 1000 metra teininum tóktist tað sum um, at tann eina vikan, sum tær umborð á Jarnbardi høvdu lagt afturat stuttu venjingartíðini, skuldi hava við sær, at tær fóru at vinna. Jarnbardur var fremstur, og tað var ikki fyrrenn í sjálvum enda- spurtinum, at tær noyddust at geva skarvin yvir. Gongurólvur hevði ong- antíð slept Jarnbardi leys- um. Í endaspurtinum megnaði Gongurólvur at leggja seg á odda, men tær umborð á Jarnbardi royndu at svara aftur. Tað eydnaðist ikki heilt, tí á málinum var Gongurólvur ein stóran skut ella eina lítla hálva bátslongd frammanfyri. Men avrikið hjá Jarnbardi kundi bent á, at tað eisini verður spennandi í Fugla- firði leygardagin. Páll Fangi og Lómur vóru leingi við í kapping- ini. Lómur misti eitt sindur í endaspurtinum, meðan Páll Fangi var so mikið væl við, at munurin frá Gongur- ólvi og aftur til tær úr Klaksvík bara var ein báts- longd. Tað kundi bent á, at fleiri enn tveir bátar eisini fara at vera við í kappingini um fremstu plássini í næstu róðrunum. At tað ikki eydnaðist Bliki at fáa meiri enn trý stig, meðan Sílið sum tepur vinnari fekk fult hevur við sær, at tað er púra opið í FM kappingini millum Havnina og Argir 5–MANNAFØR GENTUR Jóannes Hansen Argir 22 og Havnin 21. So- leiðis er støðan í gentu- kappingini, nú tað resta tríggjar kappingar. Við sigrinum á Jóansøku lyfti Sílið sær upp á 21 stig. Blikur, sum hevur verið fremstur, er framvegis á odda, men tær megnaðu bara fjórða plássið í Jóan- søkuróðrinum, og tað hevur við sær, at munurin frá Bliki og aftur til tær á Sílin- um bara er eitt stig, og har- við er kappingin púra opin. Stóran part av 1000 metra teininum vóru tað teir fýra bátarnir, sum end- aðu á fýra teimum fremstu plássunum, sum lógu rættu- liga tættir á odda. Havnar Róðrarfelag átti tveir av fremstu bátunum. Drekin kappaðist leingi við Hav- frúnna, og hesir báðir bátar- nir vóru so tættir, tá ið teir fóru um málið, at tað á upptøkunum ikki bar til at siga hvør var frammanfyri av teimum. Tí fingu báðir bátarnir fimm stig. Sjey stig fekk Sílið, sum gekk sera væl á síðstu metr- unum. Sílagenturnar vóru ein stóran hálvan skut fram- manfyri hinar á málinum. Við bæði gull og silvur krónum á Jóansøkuni stað- festu gentubátarnir hjá Havnar Róðrarfelag, at tað stendur væl til hjá teimum. Um tær skulu vinna FM er kortini ikki heilt víst. Tað verður Blikur av Argjum eisini við til at gera av. Hesa ferð høvdu argjagent- urnar ikki marginalirnar á síðani síðu. Tær vóru eina bátslongd aftanfyri vinn- arabátin, men tað bar bara fjórða plássið og harvið trý stig við sær. Argir og Havnin stavn um stavn Tað eydnaðist Sílinum at vinna á jóansøku, og tær liggja nú bert eitt stig aftanfyri Blik Mynd: Høgni Jacobsen Kappróðrarúrslit á Jóansøku 2003 49 bátsmanningar róðu FM-róður á Jóansøku á Tvøroyri. Úrslitini vóru hesi: Fimmmannafør, dreingir 1 Havfrúgvin 5:01:19 2 Sílið 5:04:05 3 Tjaldrið 5:10:12 4 Blikur 5:15:18 5 Junkarin 5:19:10 6 Kollur 5:26:15 7 Fípan Fagra 5:29:05 8 Báran 5:29:06 Royndin Fríða 0:00:00 Seksmannafør, kvinnur 1 Gongurólvur 5:08:02 1G 2 Jarnbardur 5:09:18 1G 3 Páll Fangi 5:10:00 1G 4 Lómur 5:10:10 1G 5 Smyril 5:22:04 1G 6 Fuglfirðingur 5:32:21 1G 7 Fortuna 5:34:16 Fimmmannafør, gentur 1 Sílið 5:23:19 2 Havfrúgvin 5:23:51 2 Drekin 5:23:51 4 Blikur 5:25:32 5 Ørnin 5:33:43 6 Firvaldur 5:36:32 7 Junkarin 05.43.68 8 Tjaldrið 9 Fípan Fagra 5:55:58 10 Hulda 5:56:16 11 Kollur Seksmannafør, menn 1 Jarnbardur 07.22.19 2 Smyril 07.23.05 3 Páll Fangi 07.25.16 4 Strálan 07.26.16 5 Lómur 07.26.19 6 Sølmundur 07.29.08 7 Sundabáturin 07.31.17 8 Gongurólvur 07.33.24 9 Riddarin 07.40.22 10 Snopprikkur 07.53.07 11 Hvessingur 07.54.01 Áttamannafør 1 Ørvur 7:02:10 2 Kvívíkingur 7:04:06 3 Argjabáturin 7:05:12 4 Knørrur 7:13:00 5 Teistin 7:35:03 Tíggjumannafør 1 Nólsoyingurin 9:10:19 2 Eysturoyingur 9:14:05 3 Havnarbáturin 9:18:13 4 Vestmenningur 9:26:18 Fimmmannafør, dreingir nr. stig 1 Sílið 26 2 Havfrúgvin 21 3 Blikur 15 4 Tjaldrið 14 5 Fípan Fagra 5 6 Royndin Fríða 4 7 Junkarin 2 8 Kollur 1 9 Bárnan 0 Seksmannafør, kvinnur nr. stig 1 Gongurólvur 28 2 Páll Fangi 18 3 Lómur 14 4 Jarnbardur 10 5 Smyril 8 5 Fortuna 5 7 Fuglfirðingur 5 Fimmmannafør, gentur nr. stig 1 Blikur 22 2 Sílið 21 3 Havfrúgvin 13 4 Drekin 16 5 Firvaldur 5 6 Ørnin 5 7 Fípan Fagra 2 8 Kollur 0 8 Junkarin 0 8 Tjaldrið 0 8 Hulda 0 Seksmannafør, menn nr. stig 1 Smyril 24 2 Jarnbardur 21 3 Strálan 14 4 Páll Fangi 14 5 Lómur 7 6 Sølmundur 3 6 Sundabáturin 2 8 Gongurólvur 1 9 Snopprikkur 0 9 Kollfirðingur 0 9 Fortuna 0 9 Riddarin 0 Áttamannafør nr. stig 1 Ørvur 28 2 Argjabáturin 23 3 Kvívíkingur 16 4 Knørrur 13 5 Teistin 8 6 Toftabáturin 3 7 Gullbrandur 0 Tíggjumannafør nr. stig 1 Eysturoyingur 24 2 Nólsoyingur 21 2 Havnarbáturin 18 4 Vestmenningur 12 C M Y K 27 26