fríggjadagur 4. juli 2003síða 15

28 Nr. 124 - 4. juli 2003 C M Y K 28 Nr. 124 - 4. juli 2003 29 29 So tapti HB sín fyrsta dyst í landskapping- ini, tá teir máttu lúta fyri arvafíggindanum B36. Men teir í HB munnu iðra seg yvir tapið, tí teir høvdu yvirvág stórar partar av dystinum FÓTBÓLTUR Stefan í Skorini Fleiri HB-leikarar og við- haldsfólk mundu standa heldur spyrjandi eftir dystin móti grannunum miku- kvøldið. Hvussu kundi tað bera til at tapa ein dyst, har HB skapti so nógvar mál- møguleikar og hevði fult tamarhald undan steðgin- um? Onkur helt fyri, at hetta var sum at stjala bomm frá børnum. Men tað hava B36-ararnir helst einki ímóti, so leingi børnini við bommunum eru í reyðum og svørtum búna. Og hesi bommini smakka óivað ógvuliga væl hjá teimum flestu B36-arum. Tá fyrri hálvleikur var liðugur, og HB var framm- anfyri við einum máli, vóru tey flestu á einum máli um, at oddaliðið undan hesum umfarinum fór at vinna hendan dyst. HB hevði nevniliga verið fullkomiliga dominerandi fyri steðgin. HB-leikararnir dugdu væl at leggja trýst á bólthaldaran hjá mótstøðu- liðnum, og hetta oyðilegði alt uppspælið hjá B36, sum tveitti sera nógvar bóltar burtur. Mangan kendu B36- leikararnir seg noyddar at spæla aftureftir vøllinum ella at royna langar bóltar, sum HB-verjan ikki hevði stórvegis trupulleikar av. Hetta gav HB gott høvi at fremja nógvar atsóknir móti B36 málinum, har Tróndur Vatnhamar, sum annars spældi ein brand- dyst, hevði úr at gera. Mangan runnu teir hvítu runt sum fluga í fløsku og vistu ikki rættiliga, hvar teir skuldu vera. B36 hevði eina góða roynd frá Jákupi á Borg heilt tíðliga í dystinum, men so tók HB yvir. Rógvi Jacobsen og Andrew av Fløtum vóru allatíðina vandamiklir við sínum ágangandi spæli. Rúni leggur HB framum Fyrstu vandamiklu roynd- ina hevði Rógvi. Vantandi samskifti millum Pól Thorsteinsson og Tróndur Vatnhamar endar við, at Rógvi fær bóltin á brots- teigarmarkinum, og hann langar til, men Tróndur bjargar út til horna. Andrew av Fløtum fær høvdið á hornasparkið, men bólturin dettur niður á tvørstongina og av vøllinum. Lítla løtu seinni sleppir Andrew av Fløtum leysur inn í brotsteigin, men Rúni Elttør takklar í síðstu løtu. Carsten From var eisini nær við at fanga ein langan bólt, men Tróndur var kvikur út úr málinum. Boð vóru í heilum eftir B36-verjuni hesa løtuna, og tað eydnaðist at halda mál- ið reint eina løtu. Men eftir ein hálvan tíma gekk tað ikki longur. Cars- ten From breyt ígjøgnum í vinstra borði og legði eftir jørð innfyri. Tróndur fekk hondina á bóltin, sum rull- aði út til Rúna Nolsøe, ið langaði til úr fimm metra fjarstøðu. Málið kom, með- an Pól Thorsteinsson lá uttanfyri og fekk forbind- ing um høvdið. Rógvi Jacobsen hevði møguleikan at leggja HB framum 2-0 stutt fyri steðg- in. Tróndur missir eitt skot frá Andrew av Fløtum, og Rógvi er fyrstu á returin- um. Hann skýtur tó beint í krovið á Tróndi. B36 hamskiftir B36 leikararnir fingu óivað ein veruligan uppsang í hálvleikinum, tí teir vóru sum hamskiftir, tá teir komu útaftur. Teir fingu nú sett fleiri álop í verk, og Bárður Johannesen fekk nakað at síggja til. Dysturin var nú meira javnur. John Petersen fekk ein stóran møguleika stutt inn í seinna hálvleik. Heðin varð sendur avstað í vinstru og legði innfyri til John, sum var púra leysur, men hann prikaði bóltin framvið mál- inum. Tjúgu minuttir inn í seinna hálvleik fær B36 útjavnandi málið. Allan Mørkøre sendir fram til Jákup á Borg, sum er farin avstað í høgru síðu. Hann dregur inn í brotsteigin og leggur út frá til Heðin á Lakjuni, sum skýtur fyrstu ferð, men bólturin fer í hondina á Hans Lag. Brotsspark til B36, sum liðformaðurin John Peter- sen tekur. Hann sendir bólt- in róliga í høgru síðu, og Bárður tveitir seg hinvegin. Hetta gav B36 blóð á tonna, og teir vóru nú ikki bangnir fyri at leypa á. HB helt hinvegin eisini fram við sínum ágangandi álops- spæli. Tað gekk tó ikki so væl at spæla seg fram til opnar málmøguleikar sum í fyrra hálvleiki. HB var allatíðina vanda- mikið, og serliga ferðmikli Carsten From breyt ofta ígjøgnum í høgru síðu. Nógvir vandamiklir bóltar komu inn í brotsteigin hjá B36, men tað síðsta vantaði hvørja ferð. Bólturin ferð- aðist mangan runt í B36- brotsteiginum, uttan at nak- ar HB-ari fekk fótin á. Jákup fær sigursmálið Tá fimm minuttir eru eftir av vanligu leiktíðini fær B36 sigursmálið. Ein lang- ur bóltur verður sendur fram til John Petersen, sum forleingir bóltin fram til Heðin á Lakjuni, ið var sum ein hvirluvindur framvið Halli Danielsen. Heðin leggur innfyri til Jákup á Borg, ið avgjørdur setir innaru síðu á bóltin, og málverjin hevði ongan møguleika at bjarga. Eufor- iskur stemningur í B36- húsinum. Eftir hetta málið sendi HB bókstaviliga alt sítt fólk niðan í brotsteigin til tey bæði hornaspørkini, sum HB fekk móti endanum. Bárður Johannesen var eis- ini mitt í rokanum, men einki kom burturúr. Samanumtikið má sigast, at hóast HB spældi væl gjøgnum allan dystin og skapti nógvar málmøgu- leikar, so var tað B36, sum megnaði at halda høvdið kalt frammanfyri málinum og fór við sigrinum. HB-B36 1-2 (1-0) 1-0: Rúni Nolsøe, 31. 1-1: John Petersen (br.), 66. 1-2: Jákup á Borg, 85. HB: Bárður Johannesen - Hans á Lag (Bjarni Jørgen- sen, 76.), Eli Thorsteins- son, Símun Eliasen, Janus M. Joensen - Hallur Dani- elsen, Rúni Nolsøe, Martin Christensen - Rógvi Jacob- sen, Andrew av Fløtum (Tór-Ingar Akselsen, 83.), Karsten From B36: Tróndur Vatnhamar - Allan Mørkøre (Fróði Cle- mentsen, 79.), Pól Thorst- einsson, Rúni Elttør, Kenn- eth Jacobsen - Heini í Skor- ini (Bergur Midjord, 89.), Klæmint Matras, Jens Kr. Hansen (Sverrir Kjærbo, 81.), Jákup á Borg - John Petersen, Heðin á Lakjuni Gul kort: HB: Martin Christensen, Rúni Nolsøe, Rógvi Jacobsen, Hans á Lag B36: Allan Mørkøre, Kenneth Jacobsen HB-B36 1-2 (1-0): B36 nýtt oddalið Rúni Nolsøe takklar Heina í Skorini, sum liggur leysur í luftini. Dómarin Dagfinn Olsen gav eisini Rúna gult kort fyri hesa takklingina MYND: Jens Kr. Vang Rógvi Jacobsen og Pól Thorsteinsson dystast í luftini. B36 fór við fimta sigrinum á rað upp á ovastu rók í 1. deild MYND: Jens Kr. Vang