fríggjadagur 11. juli 2003síða 7

Nr. 129 • fríggjadagur • 11. juli 2003 • 77. árgangur • www.sosialurin.fo FS Vágar - HB 2-3 (0-1): Vágamaður søkti sínar egnu Tór-Ingar Akselsen skoraði sigursmálið ímóti sínum fyrrver- andi liðfeløgum, tá FS Vágar og HB brustu saman í einum sera spennandi og málrík- um dysti 1. DEILD Stefan í Skorini HB dró longra stráið ímóti FS Vágum í einum sonnum gysara í Miðvági miku- kvøldið, og annan dystin á rað megnaði HB at hála trý stig í land, hóast havnar- menn lógu undir stórum trýsti frá mótstøðuliðnum. Tað var útiliðið, sum fekk betri byrjan og legði seg framum heilt tíðliga í dystinum. FS Vágar misti bóltin á miðvøllinum, og Rúni Nolsøe sendi Bjarna Jørgensen avstað í høgru. Hann rak inn í brotsteigin, har hann var leysur við mál- verjanum, og hann skoraði sítt fyrsta landskappingar- mál í ár við at senda bóltin ímillum beinini hjá Jákupi Joensen til 1-0. HB spældi betur fyri steðgin, og móti endanum av fyrra umfari hevði útiliðið tamarhald á støðuni og legði trýst á heimaliðið. Tað var eitt broytt HB- lið, sum kom til Vágarnar. Fleiri leikarar sótu uttanfyri við skaða og leikbanni. Hetta hevði við sær, at Eli Thorsteinsson var fluttur fram á miðvøllin, og Jan Dam fekk sín fyrsta dyst frá byrjan í verjuni. Bjarni Jørgensen var við frá byrjan í álopinum sam- an við Tór-Ingari Akselsen og Rógva Jacobsen í eini 4- 3-3 uppstilling. Tó var Nicu Dogaru aftur at síggja á miðvøllinum, eftir at hann leingi hevur sitið uttanfyri. FS Vágar ger bart Men í seinna hálvleiki broyttist alt. FS Vágar hevði nú lotið í ryggin og legði stórt trýst á HB- verjuna. Spælið bleiv nú alt meira flutt oman á HB- hálvuna, og hetta gav úrslit nakað inn í seinna hálvleik. FS Vágar vann eitt frí- spark úti í høgra borði, sum leikandi venjarin Jens Erik Rasmussen legði innfyri. Har var tann mjávaksni brasilianarin Clayton So- ares hægstur og javnaði fyri FS Vágar. Hóast vágamenn høvdu javnað, hildu teir fram við sínum atsóknum móti HB- málinum. Tá seinni hálv- leikur var meira enn hálv- runnin, fekk FS Vágar seinna málið. Bjarni Prior sendi ein langan bólt úr høgru til Jens Erik, sum rann ígjøgn- um verjuna í vinstra borði. Jens Erik tamdi bóltin og legði innfyri til Kim Poul- sen, ið stóð púra leysur beint frammanfyri málin- um, og hann hevði lætt við at leggja heimaliðið fram- um. Eitt sera vakurt mál, og rómur og fagnaður var nú um vøllin í Miðvági. Deyðbóltar bjargaðu HB Gleðin hjá heimaáskoðar- unum var tó stokkut, tí HB hevði ikki í kvittanum at geva skarvin yvir. HB fekk sítt útjavnandi mál, eftir at Sjúrður Ellef- sen hevði framt eitt púra óneyðugt brot inni í brots- teiginum. Í einum luftbólti við Rógva Jacobsen nýtti hann hondina til hjálpar, og dómarin peikaði á brots- sparksblettin. Hetta var ein sera býtt gerð, tí vandin var ikki so stórur, at neyðugt var at nýta hondina. Vága- menn vildu vera við, at bólturin var uttanfyri brots- teigin, tá Sjúrður nýtti hondina, men hetta metti dómarin ikki. Rógvi skeyt sjálvur brotssparkið. Hann sendi Jákup Joensen annan vegin og setti síðani bóltin í hina síðuna. Tríggjar minuttir seinni fekk HB sigursmálið, og lagnunnar speisemi vildi tað soleiðis, at tað var ein vágamaður, sum fekk tað vinnandi málið. HB fekk eitt fríspark stutt uttanfyri brotsteigin, sum Tór-Ingar Akselsen tók sær av. Hann langaði til, og skotið fór uppum verju- garðin og sat dygst uppi við samankomingina. Vágamenn fingu sum vátan vøtt frammaná, tí hó- ast FS Vágar hevði yvirvág í seinna hálvleiki, so var tað kortini HB, sum fór við sigrinum. Sagt verður úr Vágunum, at hetta var tað besta spælið, sum FS Vágar hevði víst í ár, men úrtøkan var kortini eingin. FS Vágar hevur framveg- is ongan heimdyst vunnið, og vágamenn tykjast at vera gandaðir á heimavølli. Í síðsta dysti ímóti NSÍ spældi FS Vágar eisini væl og brendi enntá eitt brots- spark. Eydnan er eftir øll- um at døma ikki við teim- um, tá teir spæla á egnum vølli. Eingin ivi er um, at hesin sigurin hevur stóran týdn- ing fyri HB, tí teir eru fram- vegis beint í hølunum á grannunum úr B36. HB hevur tveir teir seinastu dystirnar víst góðar dygdir, tí hóast liðið ikki hevur spælt upp til sítt besta, og nakrir av teimum bestu hava sitið uttanfyri, so hev- ur tað eydnast at fáa trý stig burturúr tveimum sera tor- førum útidystum í Klaksvík og Miðvági. FS Vágar - HB 2-3 (0-1) 0-1: Bjarni Jørgensen 1-1: Clayton Soares 2-1: Kim Poulsen 2-2: Rógvi Jacobsen, br. 2-3: Tór-Ingar Akselsen FS Vágar: Jákup Joensen - Bjarni Prior, Jóhannus Jo- ensen, Albert Ari Thomas- sen, Vladlens Osipovs - Jens Erik Rasmussen, Rói Árting, Ruslan Screlea, Sjúrður Ellefsen - Clayton Soares, Kim Poulsen (Birg- ir Joensen) HB: Poul Næs Joensen - Hans á Lag, Jan C. Dam, Símun Eliasen, Janus Joen- sen - Eli Thorsteinsson, Rúni Nolsøe, Nicu Dogaru - Rógvi Jacobsen, Bjarni Jørgensen (Páll F. Joensen), Tór-Ingar Akselsen Vágamaðurin í HB, Tór- Ingar Akselsen, fekk sigursmálið móti endanum av dystinum móti FS Vágum, tá hann sendi eitt fríspark beinleiðis í netið. Ein perla av einum máli í Miðvági Savnsmynd FÓTBÓLTUR Stefan í Skorini Tann 16. juli fer hópurin hjá FS Vágum til Íslands á venjingarlegu. Ferðin varar í eina viku, og liðið skal spæla tveir venjing- ardystir. Tann eini verður ímóti einum samansettum eyka- og unglingaliði hjá Akur- eyri, og hin verður ímóti samansetta liðnum Leift- ur/Dalvík. Leiftur er liðið, har Jens Martin Knudsen, John Petersen, Sámal Jo- ensen, Uni Arge og Jens Erik Rasmussen áður hava spælt. Nú spælir lið- ið í næstbestu deildini og hevur lagt saman við Dalvík. FS Vágar er í løtuni í niðurflytingarvanda, og vágamenn vóna, at hópur- in verður styrktur av hesi ferðini, so at liðið kann savna sær tey neyðugu stigini eftir summarsteðg- in. FS Vágar fer á venjingarlegu 13 12 Nr. 129 - 11. juli 2003 Í samband við Nord- vesten-tiltakið, vórðu norðurlendsk mál sett í fokus á ráð- stevnu í skúlanum á Kambsdali. Á mál- ráðstevnuni varð spurt, hvussu við varðveita norður- lendsku málini, og hvussu vit laga málið til nýggju tíðirnar NORDVESTEN Rúna Sivertsen Í øllum norðanlondum er eitt týdningarmikið kjak um ávirkanina av øðrum málum, serstakliga ensk- um. Norðurlendsku máløkini eru uppá seg smá, meðan stóra heimsmálið, enskt, ræður á nógvum økjum. Luttakararnir í panelin- um í skúlanum á Kambs- dali í farnu viku, vóru úr Føroyum, Íslandi og Noregi, sum øll høvdu inn- legg til evnið. Kjakið, sum sjálvsagt var ætlað á eini slíkari ráð- stevnu, mátti lúta fyri klokkuni. Dúgvan var nógv seinkað henda dagin, og tí byrjaði ráðstevnan ikki fyrrenn langt eftir ásettu tíðina. Mál er annað enn "snakk" Úr Noregi vóru tað Albert Einarsson og Endre Brun- stad, ið høvdu orðið. Albert Einarsson er seniorráðgevi hjá VOX, sum er ein altjóða miðdepil fyri innlæring hjá vaksnum. Í innleggi sínum, sum hann kallaði, "Mál er ikki bara at tosa", vísti hann fram eitt telduforrit, ið nýtt verður til innflytarar, sum skulu læra norskt. Endre Brunstad er dr.art. í norðurlendskum máli og arbeiðir á Nordisk Institutt á universitetinum í Bergen. Hann er knýttur at gransk- ingarætlanini, "Den nye norsken", sum kannar sam- bandið millum norskt og onnur mál, serstakliga enskt. Í innleggi sínum við- gjørdi hann serliga pur- ismu. Hann samanbar mál- økini og viðgjørdi fyri- munir og vansar við mál- reinskan. Hann vísti á, at vansarnir við reinskan eru fleiri, eitt nú gerast fólk ótrygg um egið málbrúk, og band verður lagt á málsligu skapanarevnini. Bei ella bless Úr Íslandi kom Kristján Árnason, professari við Háskóla Íslands. Hann tosaði um normativismu og purismu, sum hevur eyð- kent íslendingar í teirra hugburði til móðurmálið. Longu í Snorra Edda og teimum grammatisku rit- gerðunum finnast viðmerk- ingar um rætt og skeivt málbrúk. Rætta málbrúkið var at finna hjá yrkjarun- um. Síðani tá hava ís- lendingar havt tað klassiska fornsøgu- og yrkjaramálið sum fyrimynd. Nú á døgum leggja vit dent á at varðveita málið heilt aftur til upprunan, men spurningurin er, hvussu leingi hetta er sann- líkt og praktiskt gjørligt. Ber til at nýta eitt miðaldar- mál og framvegis halda tað reint, var ein av spurning- unum, ið Kristján setti fram. Hann vísti á, at meðan farvælheilsanin, "bei", ikki verður góðtikin sum ís- lendskt, verður "bless" roknað sum seríslendsk. Men veruleikin er, at bless eins væl og bei hevur sín uppruna enskum. It’s only words Jógvan í Lon og Jóhan Hendrik Winter Poulsen umboðaðu Føroyar á mál- ráðstevnuni. Jógvan í Lon kallaði sín fyrilestur, "Holdning til engelsk importord í Norden". Fyrilesturin bygdi á úrslit av meiningakann- ingum, sum vórðu gjørdar í málunum í Norðanlondum í 2002. Hendan meiningakann- ing var ein partur av eini størri málhugburðsætlan, sum fer fram í løtuni við heitinum, "Moderne im- portord i sprogene i Nord- en". Stórt spell, at mest spennandi parturin av fyrilestrinum hjá Jógvani í Lon, nevniliga samanber- ingin av úrslitunum úr Noregi, Íslandi og Føroy- um, lá eftir, tí tíðin gekk undan. Jógvan endaði sín fyri- lestur skemtiliga við at spæla eitt brot úr sanginum hjá bólkinum, Bee Gees, "It’s only words". Við hjólhesti av Velbastað Tá Jóhan Hendrik Winther Poulsen fekk orðið, var so lítil tíð eftir, at hann mátti lesa sum til marathon. Men tað gjørdi ikki mun hjá professaranum, sum hevði súklað allan vegin av Velbastað heilt inn á Kambsdal henda morgun. Jóhan Hendrik tosaði um eitt felags norðurlendskt talumál. Hann segði, at einaferð í "gráu" fortíðini hava norðbúgvar helst tos- að eitt felags lættskilt mál. Men við tíðini er hendur ein skilnaður, sum endaði við ymisku norðurlendsku málunum. Hann vísti á, at føroying- ar við síni klassisku lesi- úttalu av danska málinum, hava heldur lættari við at gera seg skilligar fyri flestu norðbúgvum. Hann segði eisini, at "gøtudanskt" er einasti máti at syngja kvæðini uppá. Nýggju krøvini í skúlanum um "normala" úttalu av danska málinum, ganga út yvir rættskrivingina, og ger málið fremmant mótvegis hinum norðurlendsku mál- unum. At SvF ger danskan tekst til norðurlendskar filmar, metir Jóhan Hendrik hevur eina negativa ávirkan, tá ræður um at skilja hesi mál. Professarin heldur, at serskilta føroyska úttalan av donskum er ein ment- anararvur, sum átti at verðið varðveittur saman við nútímans úttaluni. Um 60 fólk vóru samankomin í skúlanum á Kambsdali, tá norðurlendsk mál vórðu sett í fokus Mynd: Jóhan Heri Joensen Norðurlendsk mál í fokus Millum tónleikainnsløgini, sum eisini vóru á skránni, spældi evnaríki unglingin, Jóhan Hentze Mynd: Rúna Sivertsen Ikki allir luttakararnir á ráðstevnuni hildu evnið vera serliga áhugavert. Lítli Glenn úr Grønlandi fær sær ein lúr, meðan tosað verður um purismu, normativismu og importorð Mynd: Rúna Sivertsen C M Y K 12