týsdagur 15. juli 2003síða 9

Nr. 131 - 15. juli 2003 17 Annar sigurin á rað hjá nýggja bátinum hjá Havnar Róðrar- felag ber við sær, at tað nú stendur upp til tær sjálvar, um tær skulu basa teimum á Argjum í FM kappingini 5–MANNAFØR GENTUR Jóannes Hansen Tað eru framvegis fleiri boð upp á FM heitið í kapp- ingini millum 5–mannafør við gentum. Blikur er eisini eftir Vestanstevnuna fremst í FM kappingini, men nú hava tær á Argjum rættuliga fingið kapping frá Dreka manningini, sum rættuliga hevur gjørt um seg, síðani tær fingu nýtt far at rógva í. Fyrst vann Drekin í Fugla- firði, og leygardagin vóru tær aftur fyrstar á mál. Tað hevur við sær, at Drekin bara er eitt stig aftanfyri Blik, og harvið er tað upp til Dreka manningina at gera av, um tær skulu vinna fyrsta FM heitið í gentu- kappingini til Havnar Róð- rarfelag, uttan at tað er Sílið, sum stendur fyri tí. Sílið vann FM í fjør, og Drekin við gentumanning hevur ongantíð vunnið FM. Drekadreingirnir vunnu í 1993 og aftur í 1996 og í 1997. Sílið, sum endaði á triðja plássinum leygardagin, og Havfrúgvin, sum gjørdist nummar fýra, hava fram- vegis møguleika at vinna FM. Um Sílið skal gerast meistari, so skulu tær vinna á Ólavsøku, og so skal Blikur ikki verða nummar tvey. Møguleikin hjá Hav- frúnni er eftir soltna úrslitið hesa ferð nógv minni. Hav- frúgvin skal vinna á Ólav- søku, og so skulu fleiri aðrir lutir ganga upp. Tað ger einki, um Sílið verður nummar tvey, tí so verður Havfrúgvin meistari við sama stigatalið sum Sílið. Men um tað skal eydnast Havfrúnni at vinna FM við sama stigatali sum Sílið, so skal onkur annar bátur enn Blikur ella Drekin gerast nummar trý, og tað er rættuliga óhugsandi. Leygardagin var Ørnin nummar fimm í heima- sjógvi. Tær vóru eina lítla bátslongd aftanfyri Hav- frúnna. Junkarin og Fir- valdur hildu umleið somu plássini, sum tær hava gjørt fyrr í summar. Einki var at síggja til Fípuna Føgru, sum hevur verið við í øllum hinum kappingunum. Har- afturímóti var Tekla við. Hon var m. a. mannað við fleiri, sum undanfarnu árini hava sett dám á umborð á Páll Fanga, og sum nú eru komnar av flatlondum at halda summarfrí. Sílið tóktist fáa besta startin, og eina løtu høvdu tær hug at fara tað mesta av einari bátslongd frá kapp- ingarneytunum. Havfrúgv- in fylgdi væl við fyrra part- in av málinum, men sum kappingin leið, vóru tað Blikur og Drekin, sum bjóðaðu av, og hesir báðir bátarnir vunnu á Sílinum. Drekin var drúgvastur, og so er stóri spurningurin, hvussu tað verður á Ólav- søku. Blikur er framvegis fremstur, men úrslitini hjá Drekanum tvær tær sein- astu ferðirnar leggja upp til, at tær eru favorittar at vinna á Ólavsøku og harvið at gerast meistarar. Í Sandavági varð enn eina ferð sjón fyri søgn, at teir umborð á Eysturoyingi trívast illa, tá ið tað er nakað at í sjónum 10–MANNAFØR Jóannes Hansen Fyri aðru ferð í summar eydnaðist tað leygardagin Nólsoyinginum at vinna ein FM róður. Tey sjey vinnara stigini bera við sær, at Nólsoyingurin framvegis hevur møguleika fyri at vinna fyrsta FM heitið síðani 1989. Undan Ólav- søkuni eru fyritreytirnar greiðar, og tær siga, at tað ikki ber nólsoyingum sjálv- um at gera av, um teir skulu vinna FM. Nólsoyingurin er trý stig aftanfyri Eysturoyingin. Tað hevur við sær, at um nólsoyingar skulu hava nakran møguleika at vinna FM, so skulu teir vinna á Ólavsøku. Og so skal Eyst- uroyingurin ikki vera fremri enn nummar trý. So fær Nólsoyingurin sjey stig og kemur upp á 40, og Eysturoyingurin fær í mesta lagi fýra stig og kemur eisini upp á 40. Tá ið tað stendur á jøvnum í FM kappingini siga reglurnar, at tann vinnur, sum stóð seg betri í ólavsøkuróðrinum. Hetta er møguleikin hjá Nólsoyinginum, men tað kann kortini ikki sigast annað, enn at tað er rættu- liga sannlíkt, at tað skal eydnast Eysturoyinginum á Ólavsøku at endurvinna FM heitið. Nólsoyingar stýrdu Tað var rættuliga tætt á fyrstu metrunum í Sanda- vági. Vestmenningurin, sum higartil í ár ikki hevur staðið seg soleiðis, sum hann hevur gjørt nógvu tey undanfarnu árini, hekk væl uppi í fyrstu tvey hundrað metrarnar og kanska reiði- liga tað. Bátarnir vóru rættuliga tættir, men kortini var tað heilt skjótt, at Nólsoyingurin legði seg framum hinar, og so megn- aðu teir tað sama, sum teir og hinir vinnararnir hava megnað fyrr í ár. Havnar- báturin og Eysturoyingurin gjørdu onkra roynd at hótta fremsta plássið hjá nólsoy- ingum, og onkra løtuna var tað heilt tætt, men so høvdu teir umborð á Nólsoyingin- um eyka orkuna. Undan endaspurtinum fór Nólsoyingurin frá kapp- ingarneytunum. Hann kom á mál eina bátslongd framman fyri Eysturoying- in. Millum Havnarbátin og Eysturoyingin var kapping- in rættuliga stór um næst- fremsta plássið. Men Eyst- uroyingurin var eitt lítið vet frammanfyri. Havnarbáturin hevur ikki fingið tað burturúr árinum, sum róðurin á Norðoya- stevnu legði upp til. Men teir umborð á Havnarbátin- um taka kappingina í rætt- uliga stórum álvara, og úr- slitið í Sandavági vísti, at teir hava møguleika at vera við í kappingini, og harvið hava teir við sigri á Ólav- søku møguleika at bjarga róðrarárinum. Í síðstu viku var Havnarbáturin vesturi í Vágum. Manningin koyrdi vestur og fyrireikaði seg í róðrarøkinum, har kapping- in var leygardagin. Nú er Havnarbáturin aftur á Havnarvág, har teir fyri- reika seg til kappingina í heimasjógvi, sum verður annan mánadag. Rættuliga á útivølli Eysturoyingurin hevur vunnið tríggjar róðrar, og hann er framvegis favoritt- ur at vinna FM. Kappingar- nar higartil vísa, at tað ser- liga er hjá Eysturoyingin- um, at tað kemur illa við, um tað er eitt sindur at í sjónum. Teir tykjast ikki trívast í øðrum enn deyða- vatni, og teir trívast best í kapping á 2000 metrum og á sløttum. Á Norðoyastevnu róðu 10–mannaførini 1500 met- rar í Klaksvík. Tá vóru um- støðurnar ikki optimalar. Vindurin var nógvur ímóti, og hóast Eysturoyingurin hevði góðan endaspurt, so var tað Havnarbáturin, sum vann. Á Skálafjørðinum og Kollafirði varð róð á 2000 metrum, tað var slætt, og Eysturoyingurin var báðu ferðirnar fyrstur á mál. Á Jóansøku var málið 2000 metrar. Men tað var eitt sindur av aldu úti á 2000 metra málinum, og tað tóktist ikki líka teimum, sum frammanundan høvdu vunnið rættuliga sannfør- andi tvær ferðir. Í hvussu so er megnaðu teir ikki at basa Nólsoyinginum. Í Fuglafirði var púra slætt, og Eysturoyingurin vann á 2000 metra teinin- um. Í Sandavági vóru ikki somu umstøður, sum tær vóru í Fuglafirði, og Nóls- oyingurin vann á 1000 metrum. Á Ólavsøku verður FM kappingin avgjørd. Málið verður 900 metrar, og tað er eingin ivi um, hvørjar umstøður teir umborð á Eysturoyinginum ynskja sær. Á Ólavsøku er oftast rættuliga slætt. Onkra ferð- ina er tað kortini eitt sindur ófriðarligt frá Argjalandin- um og inntil bátarnir koma í lívd av Molanum, men tað valdast sjálvandi um ættina. Enn er ov tíðliga at slota eftir forsøgnum fyri kapp- róðrarveðrið á Ólavsøku. Men teir umborð á Eystur- oyinginum ynskja sær allar aðrar ættir enn landsynn- ing, og tí ynskinum fara øll, sum ætla sær á Ólavsøku, at taka undir við teimum í. Nólsoyingur hevur fram- vegis møgu- leikan Drekin er nú besta boðið Fyri aðru ferð í summar eydnaðist tað leygardagin Nólsoyinginum at vinna ein FM róður Mynd: Álvur Haraldsen 17 16 Nr. 131 - 15. juli 2003 Men kortini er rættu- liga ivasamt, um teir í Knørrafelagnum kunnu gera nakað við Smyril, sjálvt um teir leygardagin vunnu fyri aðru ferð í ár 6–MANNAFØR MENN Jóannes Hansen Ein av mest spennandi og torførastu kappingunum at rokna út hevur higartil í summar verið tann millum 6–mannaførini við monn- um. Smyril hevur verið roknaður sum størsti favo- ritturin, og vágbingar hava vunnið tríggjar róðrar. Men tað hevur fleiri ferðir myndast soleiðis, at tað ikki hevur verið fyrrenn á síðstu metrunum, at teir hava vunnið. Tí hevur tað verið rættuliga spennandi, bæði tá ið Smyril hevur vunnið, og tær tríggjar ferðirnar, tá ið hann ikki hevur vunnið. Leygardagin vístu teir umborð á Smyrli aftur ógvusligan endaspurt, men teir vóru ov stuttir. Ella ov seinir at spurta, ber tað kanska eisini til at siga. Jarnbardur, sum vann á Jóansøku, var aftur hesa ferðina fyrstur á mál. Menninir umborð á Jarn- bardi hava altíð staðið í skugganum av kvinnu- manningini. Undanfarnu árini hava teir ongantíð vunnið. Men nú hava teir umborð á nýggja bátinum vunnið tvær ferðir. Tey sjey stigini, sum teir fingu í Sandavági, bera við sær, at Jarnbardur ikki er heilt avskrivaður í FM kappingini. Men tað verður kortini tørført at røkka Smyrli. Vágbingar hava 36 stig, meðan Jarnbardur á næstfremsta plássinum hevur 32 stig. Kravið til teir umborð á Jarnbardi er sostatt, at teir vinna á Ólavsøku, og so skulu aðrir bátar hjálpa so mikið til, at Smyril verður trýstur aftur á í hvussu so er fjórða plássið. Tað tykist rættuliga óhugsandi, men tað ber ikki heilt til at avskriva møgu- leikan. Serliga tá havt verð- ur í huga, at hjá Smyrli hevur tað fleiri ferðir ikki verið fyrrenn á teimum síðstu hundrað ella tvey hundrað metrunum, at teir hava bart seg úr miðjuni og fram í spíssin, og tá har- afturat verður lagt, at málið á Ólavsøku verður væl styttri, enn málini hava verið higartil í ár. Um Jarnbardur vinnur á Ólavsøku, og um Smyril verður nummar fýra, so fara bátarnir at standa javnir í stigum, og so verð- ur Jarnbardur meistari, tí hann hevur betri úrslit í ólavsøkuróðrinum. Men teir umborð á Smyrli plaga at svara aftur, tá ið tað ikki hevur hilnast so væl. Teir taptu fyri Páll Fanga á Fjarðastevnuni, og so vóru teir øgiligir í Kolla- firði, teir taptu fyri Jarn- bardi á Jóansøkuni, og so vunnu teir í rimmar enda- spurti á Varmakeldustevn- uni, og so er spurningurin, hvat teir fara at vísa á Ólavsøku, eftir at teir ikki vunnu í Sandavági. Skiftandi og tætt Í Sandavági var rættuliga tætt millum teir mongu bát- arnar. Enn eina ferð vóru teir umborð á Hvessingi bragdligir á fyrstu metrun- um, og enn eina ferð duttu teir langt aftur í røðina. Sølmundur hevur ikki staðið seg nakað serligt higartil í ár. Hann endaði á fimta plássinum, men hann setti fitta løtu dám á, og saman við Stráluni, sum endaði á fjórða plássinum, var hann eina løtu heilt frammi í spíssinum. Tá ið gott og væl hálvt málið var rógvið, fór stóra feltið at líkjast alt meiri tí, sum tað hevur verið undan- farnu ferðirnar. Páll Fangi og Jarnbardur vóru fremst- ir, og so varð bíðað eftir, hvat Smyril, sum rættuliga beskeðin helt seg afturi á fjórða plássinum, fór at gera. Smyril tók dyk á seg síðstu stóru hundrað metr- arnar, og hann megnaði akkurát at leggja Páll Fanga afturum seg. Men hann megnaði ikki at gera nakað við Jarnbard. Munurin frá Jarnbardi og til Smyril var ein stórur skutur ella ein lítil hálv bátslongd, og frá Smyrli og aftur til Páll Fanga var munurin minni enn so. Frá Jarnbardi og aftur til Sølmund á fimta plássinum var ikki ein bátslongd. So tað er møguleiki fyri nógvum vinnarum í ólav- søkuróðrinum. Men í FM kappingini eru tað bara tvey boð. Smyril er stór- favorittur. Spurningurin er, um Jarnbardur, sum leygar- dagin setti tingini upp á pláss, fer at gera nakað við vágbingar, tá ið Jarnbardur fer at rógva í heimasjógvi. Lupu á bláman Eingin vandi var á ferð, men tað sá eitt sindur ógvusligt út, tá ið 6–mannaførini við monnum komu á mál í Sandavági, ella kanska gjørdu landgongd, sum tað sá út. M a n n i n g a r n a r royndu at fáa sum frægast burturúr, tá ið tær vóru á aldukamb- inum. Tá varð spurtað so nógv, sum tað bar til. Tað var stutt av endamálinum og inn á sandin. Menninir um- borð á Lómi, 6-manna- farinum hjá Argja Róðrarfelag, spentu í, tá ið teir stutt frá mál- inum vóru á aldu- kambi, og áðrenn teir vistu av, var skúmandi sjógvur kring teir. Tað sá eitt sindur ógvusligt út, tá ið tveir av manningini lupu fyri borð fyri at fáa bátin leysan aftur. Men har var eingin vandi á ferð. Jarnbardur bjóðar av í FM kappingini Ein av mest spennandi og torførastu kappingunum at rokna út hevur higartil í summar verið tann millum 6–mannaførini við monnum Mynd: Álvur Haraldsen C M Y K 16