týsdagur 15. juli 2003síða 8

Nr. 132 - 16. juli 2003 15 14 Nr. 132 - 16. juli 2003 Palli Dalsgaard - bók um staðanøvn uttangarðs í Skálavík og litir á seyði Palli Dalsgard í Skála- vík, sum fylti 75 ár mánadagin 14. juli, hevur givið út áhuga- verdu bókina "Staða- nøvn uttangarðs í Skálavík og litir á seyði". Bókin er prýdd við myndum, sum vísa nøkur av staðanøvnunum og við kortum, sum vísa hvar tey ymisku støðini eru BÓKAÚTGÁVA Magnus Gunnarsson Tað munnu vera ómetaliga nógv staðanøvn til í Før- oyum, tá ein heil bók sum hendan kann skrivast um staðanøvnini uttangarðs í einari bygd. Tað munnu eisini vera fá sum hætta sær undir eitt so stórt og krevj- andi arbeið, sum hetta í veruleikanum er. Men tey sum kenna Palla Dalsgaard vita, at tá hann fer í gongd við eina uppgávu, so verður hon fullførd út í æsir. Tað má vera ein rættuligur fongur hjá fólki í Sand- oynni at fáa eina slíka bók. Eisini tá hugsað verður um at hetta er tilfar, sum hevur ligið í nógv ár. Tá løgtingið eftir kríggið setti eina staðanevnd at taka sær av at savna inn tilfar um staðanøvn, varð heitt á lær- arar í teimum ymisku bygd- unum um at taka sær av hesi uppgávu. Ein teirra var Leifur Tróndarson (1901- 1980), sum var lærari í Skálavík. Hann gjørdi eitt gott arbeiði og fekk góða hjálp frá staðkendum fólki. Tá Leifur doyði, 78 ára gamal í 1980, lá nógv skrivligt tilfar um staða- nøvn uttangarðs í Skálavík eftir hann. Tað bleiv so Palli Dalsgaard, sum átók sær uppgávuna at geva út bók- ina við staðanøvnunum uttangarðs í Skálavík. Leifur Tróndarson, sum savnaði tilfarið, hevur skrivað um hvørt einstakt staðanavn, hví tað eitur so, og um søgnina sum møgu- liga er knýtt at navninum, hetta hevur Leifur gjørt við sínum serstaka málburði. Tíðirnar broytast, fyrr vóru staðanøvnini ein nátúrligur partur av gerandisdegnum, fólk gingu nógv í haganum, bæði millum bygdir og í sambandi við arbeiði. Øll kendust við staðanøvnini og høvdu tey á munni hvønn einasta dag. Í dag ganga fólk lítið í bø og haga, staðanøvnini fáa frið, tí ongin hevur brúk fyri teimum longur. Talan er um eina sera snøgga og væl úr hondum greidda bók við nágreini- ligari frágreiðing um staða- nøvnini uttangarðs í Skála- vík. Bókin er eisini prýdd við myndum, sum vísa nøkur av staðanøvnunum og við fullfíggjaðum kort- um sum vísa nágreiniliga hvar tey ymisku støðini eru. Aftast í bókini skrivar Palli um lit á seyði, hetta er er eisini tilfar, sum Leifur Tróndarson hevur savnað. Bókin er 88 síður, hon er prentað á Dimmalætting í 400 eintøkum. Hon fæst til keyps í bókabúðunum í Havn og á Mølini í Skála- vík. Leifur Tróndarson var føddur 25. oktober 1901 í Skálavík. Hann var sonur Mariu, f. Joensen, og Trónd Petersen á Trøð, bæði úr Skálavík. Hann tók læraraprógv á Føroya Lær- araskúla í 1932 og var lærari á Føroya Fólkaháskúla frá 1933-34, og lærari í Skálvík í 1934, hann var ferðalærari í Dímun frá 1935-38, og ferðalærari í Nes-Vági og í Vikarbyrgi frá 1938-43. Hann varð settur sum lærari í Skálavík í 1943, og røkti hann hetta starv til 1. september 1969, tá hann fór frá fyri aldur. Hann var deknur í Skálavík og limur í kirkjuráðnum alla sína læraratíð, tey nógvu árini sum formaður. Hann var giftur við Marin, f. Olsen, úr Skálavík, tey áttu sonin Trónda, sum býr í Skálavík. Leifur andaðist 15. juli 1980, 78 ára gamal. Palli Dalsgaard í Skálavík hevur givið út bókina "Staðanøvn uttangarðs í Skálavík og litir á seyði". Bókin kom út samstundis sum hann sjálvur fylti 75 ár Mynd: Álvur Haraldsen Í bókini eru fullfíggjaði kort, sum vísa hvar tey ymisku støðini eru Leifur Tróndarson 1901-1980 C M Y K 14