hósdagur 17. juli 2003síða 6

10 Nr. 133 - 17. juli 2003 Nr. 133 - 17. juli 2003 11 Í samband við kreppuna í alivinnuni verður tosað um, hvør eigur váðan. Váðan eiga fyrst og fremst partaeigarnir í teimum feløgum, ið reka alivinnuna, og harnæst eru tað peningastovnarnir. Hetta skuldi verið so einfalt, ella er tað nú tað? Um vit skulu trúgva teimum kreftum, ið hava eina heldur naiva uppfatan av búskapi, so eigur landið at lata alivinnuna og tey virki, ið fíggja, sigla sín egna sjógv, og so fara marknaðarkreftirnar at orna rest. Tað kemur at henda ein sokallað "justering". Trupulleikin er bara tann, at slíkar bláoygdar teoriir ikki passa til føroyska búskapin. Sjálvt liberalismunar flagg- beri USA hevur ikki álit á, at marknaðarkeftirnar auto- matiskt orna alt, tá tað kemur til egnan flogídnað og stál- ídnað. Heimurin er ongatíð svartur ella hvítur. Eitt stórt land við nógvum vinnugreinum, kann dúva upp aðrar vinnugreinar, skuldi ein einstøk vinnugrein farið fyri bakka. Í einum slíkum landi kunnu marknaðarkreftirnar orna tingini, tá talan er um ein avmarkaðan part av vinnuni, ið ikki upp á nakran máta er ein dominerandi partur í samfelagsbúskapinum. Danir selja framvegis bacon, Lego og Danfoss termostattar fyri tað, um fiski- vinnan ella tekstilvinnan er í trupulleikum. Her í Føroyum er trupulleikin heilt ein annar. Vit hava alt ov fáar útflutningsvinnur. Fer alivinnan fyri bakka, ja so merkir tað í hvussu so er eitt fall uppá ein fjórðing í før- oyska útflutningsvirðinum. Longu sum er, er støðan álvarslig, og tað fall í útflutningsvirðinum, ið longu nú kann staðfestast, fer at sláa ígjøgnum hjá keypmonnum og klippistovum seinni í ár og næsta ár. Trupulleikin í alivinnuni er ein landstrupulleiki og bú- skaparliga stagneringin kann skjótt gerast ein samfelags- kreppa í orðsins rætta týdningi. Tí er tað gott, at alivinnan fer at verða viðgjørd politiskt, tí trupulleikin kann skjótt gerast politiskur allíkavæl, og tá er betur hjá politiska valdinum at verða uppá forkant. At dúva uppá, at marknaðurin justerar seg sjálvan kann verða ein vanlukka. Eina slíka "justering" sóu vit fyrst í nítiárunum. Trupulleikin var bert tann, at fólk, ið gjørdust arbeiðsleys ella mistu virkir fóru ikki heim til hús og uppfunnu nýggjar vinnur, sum tey annars burdu gjørt sambært liberalistiskari teori. Tey stungu í sekkin og fluttu niður til Danmarkar, ístaðin fyri eldhugað at kasta seg yvir innovativa nýggja framleiðslu. "Justeringin" merkti, at fólk flutti av landinum. Hetta er ein sannroynd, og yngru betongliberalistarnir í Tjóðveldisflokkinum mugu koma við einari frágreiðing, um hví hetta ikki kann henda aftur. Tá nú alivinnan verður viðgjørd, so eiga politikarar tó at verða á varðhaldi, so Fólkaflokkurin ikki fer at skriva gávukekkar út. Skal landið veita styrk av onkrum slag, og tað má eitthvørt land viðhvørt, so eiga treytir at fylgja við til tey, ið áttu váðan. Studningspolitikkur hevur verið tabu evni í nógv ár, tí heimurin er gjørdur svart/hvítur, við tí úrsliti, at vit eru farin úr veitini einu megin vegin í veitina hinu megin vegin. DAGSINS MEINING Sosialurin At váða sær VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 225429 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Ása Andreasen Tórshavn 16. juli 2003 Havi hug at gera eina við- merking til Búa Tyril, sum í eini viðmerking í Sosialin- um og Dimmalætting 16. juli 2003 greiddi frá, at hann hevði sæð pædofilt tilfarð verða spreitt út á einari føroyskari heima- síðu. Eg haldi tað verða gott, at Búi setur hetta evn- ið á dagskránna. Fólk sum hava ábyrgd av heimasíð- um, har t. d. tjaktorg er ein møguleiki, hava ábyrgd av tí, sum liggur á hesum síð- um. Tjaktorg ein løtt kelda at spjaða ótespiligt tilfar Fyri uml. 1,5 árum síðani var eg úti fyri einari líkn- andi hending, sum Búi greiddi frá. Eg sat og "surf- aði" eitt sindur á internetin- um eitt kvøldið. Kom fram á nakrar slóðir um nýggjar føroyskar heimasíður og helt tað kundi verið áhuga- vert at síggja, hvat føroy- ingar nú høvdu funnið uppá. Ein av hesum føroysku heimasíðum hevði eitt tjak- torg, sum eg fór inn á. Orð- ini í einum av innleggunum bendu heilt týðuliga á pædofili. Tað vóru orð sum "adults, parents, sex" o.l. Harafturat hevði viðkom- andi eisini lagt nakrar slóðir á tjaktorgið. Eg varð øgiliga kløkk av hesum, men helt at eg skuldi kanna hetta nærri og fór inn á eina slóð. Tann slóðin beindi meg beint inn á eitt tað mest óhugnaliga eg havi verið úti fyri. Ein síða við myndum av børnum og slóðum við sigandi teksti, so sum "Father and 10’year old" o. l. Tú kanst ikki ímynda tær, hvat fyri myndir vóru at síggja hand- an hesar slóðir. Eg var veruliga skakað og illa fyri av hesum og ringdi sjálvandi beinan- vegin til eigaran av heima- síðuni og spurdi, um við- komandi varð greiður yvir, hvat stóð á hansara heima- síðu/tjaktorgið. Tað var við- komandi ikki, hann hevði ikki verið inni á tjaktorg- inum í eina tíð. Lítla løtu seinni var innleggið slettað. Ringdi til politistøðina Eg ringdi síðan til politi- støðina í Tórhavn og greiddi frá hendingini. Helt at løgreglan átti at veri á- hugað í hesum, tí talan var um eina føroyska heima- síðu, og tí var tað sannlíkt, at talan var um ein føroy- ing. Eg eri annars rættiliga vís í, at talan veruliga var um ein føroying, tí nøkur av orðunum í innlegginum vóru føroysk, hóast tey flestu vóru á enskum. Eg helt, at tað burdi verið í áhugamálunum hjá før- oysku løgregluni at fingið slíkar upplýsingar, og tí ringdi eg til teirra. Vakthavandi løgreglu- maðurin segði, at hetta gjørdu teir einki við í Før- oyum. Hann bað meg ringja til Keypmannahavn!!! Hann vildi ikki eingang vita, hvør føroyska heima- síðan var!!! Eg fór so at leita mær telefonnummarið hjá donsku løgregluni fram og ringdi til løgregluna í Keypmannahavn, sum hevði eina deild, ið arbeiðir við slíkum málum. Tá eg læs viðmerkingina hjá Búa Tyril, sum hevði sæð pædofilt tilfar spreitt út á føroyskari heimasíðu, helt eg, at eg skuldi siga frá mínum upplivilsi. Í hesum sambandi vil eg nevna, at talan er um tvær ymiskar heimasíður. Eg havi ikki illgruna til, at eigarin av heimasíðuni yvirhøvur er innblandaður í hetta. MEN eg vil bara minna fólk, sum eiga og umsita heimasíður, á at ansa eftir teimum. Tit hava samábyrgd, um slíkt tilfar verður breitt út um- vegis tykkara heimasíður. Eg vóni at løgreglan í Tórshavn hevur fingið eina aðra mannagongd hesum viðvíkjandi. Tað kann ikki verða meiningin, at ein borgari, sum ger sína skyldu, verður biðin um sjálv/-ur at ringja til løg- regluna í Danmark við slík- um málum. Pædofili á føroyskum heimasíðum Torfinnur Jákupsson Grannatjóð okkara Ísland má sigast at vera best um- boðaða tónleikaútlandið á G! festivalinum, ið verður um vikuskiftið í Gøtu. Og festivalurin, ið eftir ætlan skuldi sjósetast fríggja- kvøldið, byrjar nú kvøldið fyri - við einum røttum íslendskum byrjunarskoti. Fyriskipararnir fyri G! festivalin avgjørdu í sein- astu viku at byrja festivalin eitt kvøld fyrr, og skráin fyri fyrsta festivalkvøldið, tvs. hóskvøldið, inniheldur ikki færri enn tríggjar ís- lendskar bólkar. Ein av høvuðspersónunum á G! skrivstovuni í Syðrugøtu, Sólarn Solmunde, heldur eina góða orsøk vera til, at tað eru tríggir íslendskir bólkar við á festivalinum í ár. "Persónliga meti eg ís- lendska rokkpallin vera á einum sera høgum støði. Í mun til m.a. tann føroyska tónleikapallin, haldi eg, at íslendingar fara longur, tá ið teir leita sær eftir íblástri, og tí mennist tónleikurin kanska eisini skjótari enn tann føroyski," sigur hann. "Tí meti eg eisini, at eitt gott útboð av íslendskum tónleiki hesum viðv. kann vera sera mennandi fyri føroyska tónleikapallin." "At hóskvøldið, ið nú er fyrsta festivalkvøldið, inni- heldur allar teir íslendsku bólkarnar á festivalinum er eitt sindur stuttligt," heldur Sólarn. "Eg var í Íslandi herfyri, har eg hitti Ensimi. Tað vóru í veruleikanum teir, ið komu við hugskot- inum um at hava eitt kvøld, áðrenn festivalurin byrjaði, har fólk kundu líkasum hita upp til festivalin." Ensimi er fyrsti bólkur á høvuðspallinum á gøtu- sandi fríggjakvøldið. "Tað helt eg vera eitt frálíkt hugskot. Tað er bæði feitt fyri teir sum tónleika- bólk og okkum sum fyri- skiparar. Soleiðis sleppa teir betri framat við sínum tónleiki, og vit kunnu bjóða festivalgestunum eitt feitt tiltak afturat." "Og á henda hátt koma fólk kanska eisini fyrr á festivalin, so vit fáa gjørt meir arbeiði fyrr, so sum tað at avgreiða atgongu- merki osfr." Hóskvøldið byrjar við íslendska sangaranum og lagsmiðnum Rúnar. Rúnar Íslendingar sjóseta G! 2003 Framhald á næstu síðu er m.a. kendur úr íslendska bólkinum Náttfari, og er skyldur við føroysk nøvn sum Hanus G. Johansen, og altjóða nøvn sum Bob Dylan. Næst á pallinum verða Úlpa, ið áður hava verið at hoyrt í Føroyum, og m.a. finnast á savnsfløguni hjá Tutl „Tutl 25 ár". Úlpa er ein av best kendu bólk- unum í Íslandi, og endaðu m.a. á triðjaplássinum fyri bestu fløgu í Íslandi í 2001. Úlpa hava ein seregnan tónleikastíl, ið ber brá av melidiøsa og eksperimen- terandi rokktónleikinum. Síðst á pallinum verður bólkurin Ensimi, ið sein- astu árini hevur vunnið sær alsamt størri virðing. M.a. vunnu teir sær heiðurin sum besti nýggi bólkur í Íslandi í ’99 við sínum progressiva og melidiøsa rokktónleiki, og hava teir síðani verið á fleiri stórum konsertferðum, eitt nú í USA. Byrjunarskotið til festi- valin hóskvøldið, ið bert inniheldur íslendskar bólk- ar, er kanska eisini ein ábending um, hvussu fyri- skipararnir fyri G! festi- valin raðfesta sín áhuga í at fáa tónleik, ið rørir seg millum tónleikararnar í umhvørvinum hjá Grót, út ímillum fólk. Tað er eingin loyna, at av nógvu nøvnun- um á G! festivalinum eru fleiri, ið vanligi áhoyrarin í Føroyum lítið og onki kennir til. M.a. teir, ið fara á pallin í Losjuni hóskvøld- ið. Er so ikki ein vansi í at bjóða so fjølbroyttan tón- leik fram fyri einum so "lítlum" el. "óroyndum" á- hoyraraskara at kalla, sum tí føroyska? "Jú, tað er sjálvandi ein vansi í tí. Men eg sakni eina broyting í hugburðinum hjá fólki, ein størri opinleika fyri nýggjum tónleiki. Før- oyingar er ov afturhaldnir. Tey eru mestsum bangin fyri at hoyra okkurt nýtt." Hann heldur, at skuldu bara bólkar spælt, ið fólk kendu frammanundan, so hevði eingin møguleiki ver- ið fyri, at festivalurin hevði verið bótaførur. Sólarn heldur, at ein lutfalsliga bí- ligur, ókendur bólkur kann bera nógv størri íblástur til føroyska tónleikapallin, enn ein dýrur bólkur, ið øll hava hoyrt fyrr. Tónleikasamtakið Grót er einasti tónleikapallurin hjá nógvum av føroysku tónleikarunum í dag. Er hetta eisini ein háttur at skapað ein føroyskan tón- leikapall fyri teim út- lendsku tónleikabólkunum, ið royna at vinna fram uttan fyri sínar egnu landoddar? "Jú, tað er tað. Eg haldi, at høvuðsendamálið hjá Grót er at hjálpa tónleik-in- um frameftir, og tvs. bæði føroyskum og útlendskum. Tað hevur verið tað, vit hava lagt mest dent á tey seinnu árini, haldi eg. Hóast G! 2003 bert er okk- ara fyrsti veruligi festivalur, tykist hann longu at hava lagt grundarlagið undir ein- um fjølbroyttum útlendsk- um tónleikapalli á G!, og tað er sera spennandi," heldur Sólarn. Afturat fleiri útlendskum fjølmiðlum, ið koma hendavegin at vitja festivalin, verða eisini fleiri umboð fyri útlendsk plátu- feløg. Er hetta ein bein- leiðis avleiðing av, at tit hava fleiri útlendskar bólk- ar við á festivalpallunum? "Í ein ávísan mun, ja. T.d. hevur ein av útlendsku bólkunum, ið fara at spæla her á festivalinum, í sein- astuni havt samband við tvey stór plátufeløg í Bret- landi, og G! festivalurin verður fyrsti pallurin, teir koma at royna seg framman fyri umboðunum fyri hesi plátufeløg. Tað er ómeta- liga spennandi fyri okkum, ið fyriskipa, og ikki minst eisini fyri teir føroysku bólkarnar, ið spæla á festivalinum í ár. Líknandi møguleikar, vóna vit, vaksa alsamt í framtíðini." Útlitini fyri, at G! festi- valurin fer at gerast størsti føroyski pallurin hjá tón- leikarum at gera vart við seg úteftir, tykjast sambært Sólarn Solmunde góð. Sigast má so, at framtíðin sær spennandi út hjá teimu- m á G! skrivstovuni í Syðrugøtu. Eivind Jacobsen Strendur Seinastu tíðina hava fleiri bankastjórar víst á, at alivinnuni tørvar kapital. Øll alivinnan er um at fara á húsagang. Long tíð er síðan ILA varð staðfest fyrstu ferð. Tí meini eg avgjørt, at orsøkin til støðuna er, at alt ov nógv er sett út. Vinnan hevur expanderað meira enn eginpeningurin upp á uml. 5-600 mió. kundi bera. Váðin var heilt einfalt ov stórur. Men tað er sjálvandi lætt at siga í dag. Okkurt má gerast. Men ivi tykist verða um, hvør hevur ábyrgd og eigur at taka um endan. Bæði fyrr- verandi og núverandi løg- tingslimir vísa á, at bank- arnir eiga ábyrgdina. Tað skilji eg ikki rættuliga. Uppgávan hjá bankum er at forrenta pengar, sum palliba o.o. hava lánt bank- unum. Hetta gerst bert um lænt verður til fyritøkur og persónar, sum gjalda lán aftur við rentum. Taka bankarnir ábyrgd fyri sam- felagnum og geva lán uttan at fáa pengarnar aftur, er tað ikki bankarnir, men palliba o.o. sum gjalda. Um Bankarnir heldur velja at lækka innlánsrent- una, taka tey, sum hava inn- lán sínar pengar út. T.d. gera Arbeiðarafeløg pen- sjónsavtalur uttanlanda. Tryggingarfeløg keypa Obligatíonir ella partabrøv uttanlanda. Úrslitið er, at bankarnir ongar pengar hava at lána út. Hækka bankarnir útláns- rentuna, velur palliba bíliga útlendska bilfígging frá bilhandlarum. Úrslitið av hesum er, at bert tey, sum ikki gjalda lán aftur, biðja um lán. Havast skal eisini í huga, at bankar ikki kunnu taka okursrentu tá tað gongur væl, fyri at geva aftur tá tað gongur minni væl. Tekur Føroya Løgting ábyrgd?! Løgtingslimir kunnu gera ymiskt. T.d. taka ábyrgd fyri tí lóggávu, teir sjálvir hava gjørt. Bankarnir hava fleiri ferðir víst á, at um aliloyvi kundu verið sett í pant hevði tað økt um møguleik- arnar fyri fígging. Útlendingar kunnu í mesta lagið eiga 33%. Hetta er ein forðing fyri at kapitalur kemur í vinnuna. Landið gav aliloyvir grat- is, ókeypis, forerandi fyri einki, til ávísar persónar. Alt framtíðarvirðið av ali- vinnuni er tí avreitt til nøkur útvald, sum við vinningi hava selt aliloyvir. Hetta er við til at drena vinnuna fyri milliónir í likviditeti. Havi ikki nakra meining um, hvat rættast er at gera. Men mál, sum hava stóran týdning fyri samfelagið enda sum oftast í lands- kassanum. Ikki bara í Før- oyum. Hetta hendur, sjálvt um øll (uttan fólkaflokk- urin?) eru samd um, at har hoyra tey ikki heima. Livst so spyrst. VIÐMERKINGAR Alivinna-kapitalur Henrik Old Nú avgerðin er tikin um, hvør skal gera samferðslu- havnina á Trongisvágsfirði, sær tað út til, at tann part- urin av løgtingslógini um samferðsluhavnina, har sagt verður, hvar mesta grótið skal takast frá til samferðsluhavnina, er burt- urgloymdur. Tá triðja viðgerð av hes- um máli skuldi avgreiðast í løgtinginum, fekk ein var- hugan av, at ein politisk samsvørjing hevði tikið seg upp ímóti at knýta sam- ferðsluhavnina saman við tunnilsgerðini millum Øra- vík og Hov, soleiðis sum løgtingið við aðru viðgerð hevði samtykt stutt framm- an undan. Tað sær út til, at lands- verkfrøðingurin eisini hev- ur fingið boð um, at tað ikki hastar at gera tær kjarnuboringar, sum teir sjálvir ráða til, áðrenn byrjast kann við tunnils- gerð í neðra millum Øravík og Hov. Uppá fyrispurning frá Vinnunevndini um kjarnu- borðingarnar ikki kundu gerast skjótari enn tríggjar til fýra mánaðir, svaraði landsverkfrøðingurin, at um politiski viljin var til staðar, so kundi borast longri enn vanligan ar- beiðsdag og sostatt kundi tíðin til hesar kjarnubor- ingar styttast munandi. Men sjálvt um ljóst hevur verið alt samdøgrið síðsta mánaðin er bert bora í 8 tímar. Sostatt verða hesar royndarborðingar við vilja toygdar so langt út, sum møguligt, og nú hoyrdist í útvarpinum at hetta fór at taka rúma tíð enn. Tað gekk skjótari hjá NCC at bora, spreingja og koyra út úr Vágatunnlinum, enn tað gongur hjá lands- verkfrøðinginum at bora eitt klænt hol beint niður- eftir í Hovshaganum. So tað er týðiligt at boðini eru »so seint sum gjørligt«. Tað er heilt ófatiligt, at tað skal verða neyðugt hjá landsverkfrøðinginum at gera dýpdarmátingar á Trongisvágsfirði fyri at finna fram til um nýggi Smyril kann leggja at aðrastaðni á fjørðinum, tá teir sum skulu gera nýggju havnina kunnu gera hana lidna í novembur næsta ár, og Smyril í besta lagi fer úr Spaniu hálvan oktober. Betur mátti verið at brúkt hesar pengar og kreftir upp á at kjarnubora Øravíkar megin. Eisini eigur at verða mint á, at norska felagið, sum boraði Vágatunnilin skeyt upp at bora og sikra tunn- ilin millum Øravík og Hov uttan at gera hann koyri- kláran, fyri at fáa fatur á grótinum. Hetta kundi ger- ast fyri millum 65 og 70 mió. og verða liðugt næsta summar. Um landsstýrissamgong- an roknar við, at hetta bara verður gloymt burtur, so skulu teir trúgva umaftur, tað eru einans fjúrtan dagar eftir, til tingið kemur saman aftur. Annars fari eg at ynskja byggifelagnum, sum skal gera samferðsluhavnina, góða eydnu við arbeiðnum. Kunngjørt verður fyri ætt og vinum, at góði maður, abbi og langabbi okkara OTTO ELIESAR CHRISTIANSEN ættaður úr Sumba búsitandi í Havn andaðist á Eldrasambýlinum í Hoydølum tann 14. juli, 82 ára gamal. Jarðarferðin verður úr Vesturkirkjuni hósdagin 17. juli kl. 13.00. Fyri tey avvarðandi Maria Ikki at bora Øravík - Hov – er hol í høvdi Framhald av síðu 10 C M Y K 11 10