leygardagur 19. juli 2003síða 7

12 Nr. 135 - 19. juli 2003 Nr. 135 - 19. juli 2003 13 NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Føðingar 4. juli fingu Kirstin og Høgni Hammer ein son á Herlev Amtssygehus. Hann var 55 cm langur og vigaði 5300 g. Hann eitur Levi Høgnason Hammer. 6. juli fingu Sólmai Danielsen og Birgir Ørn Gunnarson, Tórshavn, eina dóttur. Hon var 55 cm long og vigaði 3850 gr. 9. juli fingu Tóna í Niðristovu og Ernst Olsen, Tórshavn, tvíburðar, dóttur og son. Gentan var 52 cm long og vigaði 2800 gr, drongurin var 52 cm langur og vigaði 2700 gr. 9. juli fingu Sonja og Esmar Simonsen, Søldarfirði, eina dóttur. Hon var 45 cm long og vigaði 2275 gr. 10. juli fingu Gemma og Jógvan Sofus Mørkøre, Eiði, eina dóttur. Hon var 51 cm long og vigaði 2800 gr. 11. juli fingu Tina og Petur A. Johannesen, Hoyvík, ein son. Hann var 55 cm langur og vigaði 4100 gr. 13. juli fingu Sunnrid Poulsen og Ragnar H. Thom- sen, Norðskála, eina dóttur. Hon var 55 cm long og vigaði 4950 gr. 14. juli fingu Maiken Streymoy og Jákup Martin á Válinum, Vestmanna, eina dóttur. Hon var 54 cm long og vigaði 3310 gr. 14. juli fingu Kristina Nónklett Hansen og Jógvan Martin Hansen, Glyvrum, ein son. Hann eitur Filip. Hann var 56 cm langur og vigaði 4750 gr. 14. juli fingu Annika Petersen og Bjarni Rubeksen, Hoyvík, eina dóttur. Hon var 52 cm long og vigaði 3150 gr. 16. juli fingu Gunnbjørg Andreasdóttir, Bø, og Andras Andreasen, Norðradali, ein son. Hann var 53 cm langur og vigaði 3640 gr. 16. juli fingu Katrina Guttesen og Arthur Poulsen, Esbjerg, ein son. Hann var 54 cm langur og vigaði 4800 gr. Andlát 12. juli Rólant Vaag Høgnesen Klaksvík, búsitandi í Herlev, 75 ár 14. juli Otto Christiansen, 82 ár. Urbana Poulsen Klaksvík, búsitandi á Tvøroyri, 87 ár Ella Jacobsen Morkranes, búsitandi í Tórshavn, 90 ár 17. juli Martin Joen Jacobsen Sandavágur, 64 ár Dagurin 19. juli. Justa, deyð umleið ár 300. Halgisøgan sigur, at hon og systirin Rufina beindu fyri skurðgudamyndini Salambo í Sevilla í Spaniu. Tær vórðu báðar píndar og tiknar av døgum. Navnið merkir tann rættvísa. 20. juli Elias. Dagurin verður hildin til minnis um profetin Elias, sum Kongabøkurnar í Gamla testamenti siga frá. Í Føroyum hevur hann fingið navnið Líggjas. Bíbilskt navn, ið merkir Jahve er Guð mín. 21. juli. Evenus. Grikska navnið Evenus er ikki at finna í halgimannatali, men er onkursvegna komið upp í álmanakkarnar frá 1727. Í dag, 19. juli, flytir køks- handlin, Kvik-Køkar, av Heykavegnum, har teir áður hava hildið til, yvir í bygningin hjá Bakaríðnum hjá Gunnleivi við Hoyvíks- vegin í Havn. Hans Micha- el Hansen, sum eigur og rekur Kvik-Køkar, sigur at teir nú fáa yvir hundrað fermetrar meira at ráða yvir. Nýggi handilin er 250 fermetrar. Hans Michael yvirtók Kvik-Køkar fyri trimum árum síðan. Nú kunnu fólk sjálvi gera av, hvussu nógv tey vilja gjalda fyri køkarnar. Um tey sjálvi heinta køkin og seta hann saman, eru nógv- ir pengar at spara, sigur Hans Michael. Í nýggju hølunum er eisini ein søluframsýning av máln- ingum hjá 25 ára gamla Kristian Tórsson úr Klaks- vík. Móttøka verður í handlinum frá kl. 10-14, har kaffi og køkur eru tey vaksnu, og okkurt eisini er til børnini. Kvik-Køkar í nýggj hølir LIST Tíðindaskriv Í býráðssalinum hjá Runa- víkar Kommunu hava málningar hingið síðani Eystanstevnan var hildin í ár. Listakvinnurnar, sum sýna fram eru Anja Hentze og Karolina Danielsen. Hetta er háárstíð í ferðavinnuni og nógv fólk vitja býin. Í sambandi við at kunningarstovan í Saltangará og býráðssalurin eru í sama bygningi, er avgjørt at lata býráðssalin og framsýningina upp fyri ferðafólki. Framsýningin er opin mánadag til fríggjadag frá klokkan 9 til 16. Seinasti dagur er 31. juli. TÍÐINDASKRIV Í døgunum frá 25. til 31. juni 2003 luttóku næming- ar úr Tórshavnar Musikk- skúla á norðurlendskari tónleikastevnu hjá Nordisk Musikpædagogisk Union (NMPU) í Íslandi. Talan var um tveir bólk- ar, eitt harmoniorkestur og ein guitarbólkur. Harmoni- orkestrið, undir leiðslu av Peder Riis-Jensen, varð mannað av børnum í aldrin- um frá 10 til 15 ár, meðan guitarbólkurin, ið Ólavur Jakobsen og Bo Isholm stjórnaðu, varð mannaður við framkomnum næming- um. Bólkarnir høvdu konsert- ir saman og hvør sær. Ein felags konsert var í stásiliga tónlistarskúlanum í Kópa- vági. Konsertin varð stór- liga fagnað. Eisini luttók guitarbólkurin í eini felags norðurlendskari tónleika- guðstænastu í Digranes- kirkjuni, har ið bólkar úr øllum norðurlondum settu dám á. Harmoniorkestrið fekk eisini høvi at framføra í størstu sølumiðstøðini í Íslandi, Smáralind kallað. Teir ungu tónleikararnir vitjaðu eisini føroyska sjó- mansheimið í Reykjavík, Ørkina, har framførsla var. Útferðir vóru eisini á skránni ymsastaðni á Reykjavíkarleiðini. Umframt hesar fram- førslurnar luttóku øll tey føroysku børnini í einum megnartiltaki, saman við eini 200 øðrum børnum og ungum úr norðurlondum. Verkið ið framført varð, var til á staðnum, soleiðis at skilja, at øll vóru við til at gera tónleikin. Til tónleikin var so dansibólkar settir at gera dans og riggaði hetta sera væl. Øll stevnan endaði við stórari konsert, har ið verkið varð framført. Eini 250 ungir tónleikarar, kór og dansarar á palli: Eitt ordans brak. Paul Griffiths, ið dagliga er lærari á lærda tónlistar- skúlanum Guildhall School of Music í London, stjórn- aði hesi framførslu, har ið børn og ung úr norðurlond- um í felagsskapi skaptu og framførdu hetta stórfingna verk. Ferðalagið taldi um eini 70 fólk og var hetta eitt sera kostnaðarmikið tiltak. Foreldrini, børnini og lær- rarnir høvdu ymisk tiltøk fyri at fíggja ferðina og varð eisini latin dyggur stuðul frá stovnum og fyri- tøkum. Hetta eru vit sera takksom fyri. Hesi stuðlaðu ferðini: Atlantic Airways, Tórs- havnar Býráð, Nordisk Ministerråd (BUK), Ment- anargrunnurin, Mentamála- ráðið, Sonning-Fonden, Den Letterstedske Fond, Fitur, Føroya Sparikassi, Tórshavnar Musikkskúli, Napoleon Nólsoy, Hotel Føroyar, JB Trade, Argja Skúli, Keypssamtøkan, SMS, Kemilux, Vestur- kirkjan, Merlot, Pizza 67, Damfar, Skálabúðin, Hjá Gunleivi, Niels L. Arge, Simme, Restorffs Bryggja- rí, Frans Restorff, Litaval, Føroya Bjór, Wrangler, TIGI, Skálkur, Gallan, Hjalmar Jacobsen, Mikla- garður, Maria Poulsen, Havnar Bio, Hjá Fróða, Hotel Hafnia, Nantong, Balslev og Gullhornið. Musikkskúlin á tónleikastevnu Málningaframsýning í Saltangará Hans Michael Hansen framman fyri Kvik-Køkum við Hoyvíksvegin NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Keld Ellevang deyður Hósdagin 17. juli andaðist Keld Elle- vang í Ålborg, 69 ára gamal. Í Havn munnu mong kenna hann frá tíðina, tá hann starv- aðist sum prentari í býnum. Hann var giftur við Jonnu, elstu dóttir Helgu og Jóhan Godt- fred í Vági. Tey bú- settust í Husum í Keypmannahavn og fingu børnini Vinnie, Frank og Boga. Keld varð føddur í Keypmannahavn og lærdi til typograf. Í mong ár starvaðist hann á Politiken, og Jonna hevði starv í danska postverkinum. Í 1975 fluttu tey til Føroya. Keld arbeiddi sum prentari á Dagblaðnum, 14. September og Sosialinum, og eitt skifti hevði hann prentsmiðju saman við einum øðrum. Eisini í Føroyum arbeiddi Jonna á Post- verkinum. Fyri 12 árum síðani fluttu tey aftur til Dan- markar og búsettust í Ålborg. Tey seinastu árini hevur Keld ikki livað væl. Hilmar Bech 70 ár Kring um í landinum man hann vera best kendur sum politikari, í Porkeri kanska uppaftur betur kendur sum lærari. Hilmar er føddur í Porkeri. Mamman, Jóhanna Jensen, var av Strondum og pápin, Jacob M. Bech, var porkeningur. Hilmar Bech var ein av teimum 20 løgtingsmonn- unum í 20. øld, sum gjørd- ust løgtingsformenn. Hann varð valdur á Ting fyri Javnaðarflokkin í Suðuroy í 1970, eftir at tingmaður floksins í Porkeri í mong ár, Jóhan Danbjørg, var deyð- ur. Hilmar var tingmaður út í eitt til 1984, og seinni hevur hann onkuntíð verið varamaður. Hann var løg- tingsformaður í valskeiðin- um 1979-80. Hann hevði eisini onnur álitisstørv. Var í stýrinum fyri ALV 1972-2000, í nevndini fyri Tryggingar- sambandið 1985-95, í stýr- inum fyri Húsalánsgrunnin í 6 ár og í stýrinum fyri 60- miljóna grunnin frá 1986. Eisini var hann bygdar- ráðslimur í Porkeri 1962- 66. Hann varð valdur í Kirkjuráðið í Porkeri í 1973 og varð formaður í 1990. Hilmar tók læraraprógv í Haslev í 1958. So var hann lærari í Vági í eitt ár. Hann var lærari í Porkeri1959-99, fyrstilærari frá 1967. Hann giftist við Kristinu Samuelsen úr Tjørnuvík. Tey fingu børnini Jóhannu og Dann, og abbabørnini eru seks í tali. Frítíðarítriv hjá Hilmari er at fara í fjørðin. Eisini prátar hann nógv við fólk og skrivar niður mangt og hvat um hendingar fyrr í tíðini og hvussu fólk livdu fyrr. Sylverius og Marius Jacobsen 50 ár Í dag, leygardagin 19. juli verða tvíburabrøðurnir Syl- verius Jacobsen á Skála og Marius Jacobsen í Leirvík 50 ár. Teir eru leirvíkingar, synir hjá Malenu, vanliga nevnd Malla, f. Øregaard, og Suna Jacobsen, bæði úr Leirvík. Sylverius er føddur í Klaksvík seks tímar eftir at eineggjaði tvíburabróðurin, Marius, var føddur í Leir- vík. Eftir at Marius var føddur, bleiv mamman í skundi flutt við útróðrar- bátinum Gulakletti til sjúkrahúsið í Klaksvík, har Sylverius er borin í heim. Hetta var undir læknastríð- num í Klaksvík. Sylverius fór í læru á Skála Skipasmiðju 1. mars 1970, og hevur hann arbeitt har síðan tá. Hann hevur búð á Skála síðan 1973 og er í dag smiðjumeistari á Skála Skipasmiðju. Hann er giftur við Sannu, fødd Berg, av Skála. Tey eiga tríggjar døtur: Paula, Sun- fríð og Elisabeth, eisini eiga tey 3 ommu og abbabørn. Sylverius hevur verið limur í Javnað-ar- flokkinum frá ungum av, og hevur hann verið uppstill- aður fyri flokkin í Eystur- oynni. Hann er formaður fyri Meinigheitsstýrið á Skála, og brúkar hann stór- an part av síni frítíð har. Marius lærdi eisini á Skála Skipasmiðju, síðan gekk hann á maskinskúla og fekk maskinistprógv. Hann hevur arbeitt á silda- mjølsverksmiðjuni í Fugla- firði og í smiðjuni hjá Br. Petersen í Fuglafirði. Eina tíð var hann arbeiðsfor- maður á flakavirkinum Frost í Leirvík. Í dag ar- beiðir hann á brennistøðini hjá IRF á Hagaleiti í Leir- vík, har hevur hann verið við frá byrjan. Marius er giftur við Annu, f. Thom- sen, av Skála. Tey búgva í Leirvík og eiga trý børn: Malan, Jørgin og Petur Súni. Eisini eiga tey eina ommu- og abbadóttir. Marius hevur verið limur í Javnaðarflokkinum frá ungum av, og hevur hann eisini verið uppstillaður fyri flokkin í Eysturoynni. Hann hevur verið deknur í Leirvíkar Kirkju í 27 ár, eisini er hann virkin í Meinigheitshúsinum í bygdini. Mariusi dámar sera væl at ganga, og gong- ur hann nógv í fjøllunum. Hann er eisini grindafor- maður. Sylverius hevur opið hús á Skála leygarkvøldið 19. juli, og Marius heldur føð- ingardagin saman við sín- um nærmastu á Muntra í Fuglafirði sunnukvøldið 20. juli. Petur Jacobsen 50 ár 10. juli fylti stjórin á út- varpsrásini Rás2, Petur Jacobsen í Søldarfirði, 50 ár. Petur er føddur í Søldar- firði, sonur Inger, f. Ras- mussen, og Dávur Jacob- sen í Søldarfirði. Sum tvey ára gamal flutti hann saman við foreldrum sínum til Havnar at búgva. Í 1959 fluttu tey til Klaksvíkar, tá pápin, Dávur Jacobsen, sum var byggimeistari, var við til at byggja Klaksvíkar Sjúkrahús. Sum 14 ára gamal fór Petur í læru sum bilmekanikari hjá Rósing Rasmussen í Søldarfirði. Hetta var í Í 1967. Hann var onkran túrin til skips meðan hann lærdi. Seinni fekk hann sær egnan lastbil og koyrdi í eini trý ár. Í 1977-78 var hann verk- førari á bilverkstaðnum hjá Johannes Berg á Glyvrum. Í 1979 stovnaði hann sína egnu fyritøku í Søldarfirði, Essan, sum var ein verk- staður til umvæling av last- bilum, bussum, gravi- maskinum og øðrum tung- um akførum. Í 1981 flutti Essan inn í nýggj og størri hølir í Søldarfirði. Tá Petur gavst við Essuni síðst í 80- unum, fekk hann sær egnan dekkverkstað í Søldarfirð og umboðaði amerikansku Goodyear dekkini. Í 1995 stovnaði hann ADJ-Sound, sum tók sær av at útleiga tónleikaútgerð til konsertir og onnur stór tiltøk. Í 1999 stovnaði hann útvarpstøð- ina Rás2, eftir at útvarp- støðin, Atlantic Radio, var hildin uppat. Rás2 sendi fyrstu ferð 14. desember 1999. Síðan tá hevur Petur saman við familjuni og øðrum starvsfólkum rikið hesa útvarpstøðina við Hoyvíksvegin í Havn. Petur er giftur við Randi, f. Sam- uelsen, av Tvøroyri. Børn- ini hjá teimum eru: Anja, Dávur, Jan, Ronny og Ingi. C M Y K 13 12