týsdagur 22. juli 2003síða 18

34 Nr. 123 - 3. juli 2003 Nr. 123 - 3. juli 2003 35 KONSERT Eyðun Klakstein Tá ið tíðindafundur var um ólavsøku- konsertina fyri góðari viku síðani, helt onkur fyri, at tað er so lítið har eftir í MC Hár, at bólkurin mátti broyta navn til MC Skall. Tað gera Niels Uni og teir ikki, men teir verða hinvegin við á ólavsøkukon- sertini við fullum útblástri. MC Hár er ein bólkur, sum hevur verið rímiliga fastur gestur á ólav- søkukonsertini seinastu árini, og gittarspælari Jens V. Jakobsen heldur, at teir eiga ein heimavøll á ólavsøku- pallinum. – Eg haldi, at vit eru tann bólkurin, sum hóskar best til ólavsøkukonsert- ina. Tað eru ið øllum førum eingin annar bólkur, sum fær 3000 fólk at rópa... ja, orðið lata vit vera við at seta á prent her. Men tað er ein sannroynd, at MC Hár við sínum lívliga rapp-rock tón- leiki og stundum ónærisligu tekstum kann fáa líva í stórar áhoyrarafjøldir. Vent í holuni og á pallinum MC Hár verður bara ein av bólkunum í stóru rúgvuni, tá ið ólavsøkukonsertin verður hildin í Kommunuskúlagarð- inum sunnukvøldið 27. juli. Afturvendandi konsertin verður í ár hildin fyri 18. ferð, men hon hevur ikki altíð verið so væl fyri, sum hon er nú. Fyri sjey árum síðani vóru eini 600 fólk á konsertini, men seinastu árini hevur talið verið omanfyri tey 3000. Síðani konsertin fekk innivist í Kom- munuskúlagarðinum miðskeiðis í høvuðsstaðnum hevur grundarlagið undir konsertini verið tryggjað. Har- afturat hava fyrireikararnir roynt at fingið væl umtóktar konsertbólkar at spæla, og tað hevur lokkað fólk. – Ólavsøkukonsertin var í nógv ár eitt býtisbarn, men seinastu árini hava vit vent einum buldrandi undirskoti til eina javnvág, og eisini tónleikarar hava fingið gleði av hesum, tí vit hava kunnað gjørt ymisk tiltøk saman við teimum, sigur Kaj Johannesen, for- maður í Føroyar Undirhaldstónleikara- felag (FUT), sum skipar fyri konsert- ini. Inntøkurnar frá seinastu konsert- unum eru millum annað brúktar til eina útgávu við livandi tónleiki og til Prix Føroyar, sum FUT er ein partur av. 20 sleppa ikki við Bólkarnir á konsertini í ár eru Terji og Føstufressar, Frændur, Monkey Mon- golia, Headache Blues Treo, Déjá Vu, Take Off, All That Rain, roWan og Troels Skovgaard. Flestu av hesum bólkum eru kendir í Føroyum, og teir hava áður víst stór- ar dygdir sum konsertbólkar. Helst ókendasta navnið er Monkey Mongolia, sum er vinnarin av PopTop kappingini, og tað er siður, at hesin bólkur sleppur at byrja ólavsøkukon- sertina. Troels Skovgaard er virdur danskur gittarspælari, og hann kemur higar við sínum egna bólki at spæla. Umframt tey 10 nøvnini, sum eru komin á plakatina, vóru tað nógv onn- ur, sum vildu sleppa við til stóru kon- sertina. – Ólavsøkukonsertin er vorðin tann størsta konsertin í landinum, og tað er stórur áhugi millum tónleikarar fyri at sleppa at verða við. Tað standa eini 20 bólkar og banka upp á hurðina, men vit kunnu ikki taka fleiri við, sigur Kaj Johannesen, formaður í FUT. – Vit hava valt bólkarnar eftir dygd. Bæði Prix Føroyar og G! festivalurin hava tungan og ráan tónleik, men so- leiðis verður ikki á ólavsøkukonsertini. Vit vilja hava tónleikarar at spæla, sum duga at stemma síni ljóðføri, sigur Kaj Johannesen og sipar helst til, at talan skal vera um góðan og væl spældan tónleik, sum tey flestu kunnu taka til sín. Líkist sær sjálvari Ólavsøkukonsertin hevur seinastu ár- ini líkst sær sjálvari, og tað kann bæði metast sum ein stór styrki og ein trupulleiki. Orsøkin til, at konsertin er livnað uppaftur er helst, at Kommunuskúla- garðurin er vorðin karmur, og at nógvir av best umtóktu føroysku bólk- unum hava spælt á konsertini. Fólk vita, at tey fáa góðan tónleik frá ymsum bólkum, og tí leita tey aftur til hesa stóru konsertin. Hinvegin er tað ikki so nýskapandi við hesi endurtøku, men verður hugt uttanlands eftir líkn- andi konsertum, so sæst, at talan er um líknandi konsept. FUT hevur fleiri ferðir tosað um, at okkurt útlendskt navn kundi komið at spæla á ólavsøkukonsertini, og hetta hugskot endurtók Kaj Johannesen á tíðindindafundinum í farnu viku. Men í ár verður tað so ein sera spennandi føroysk skrá, at bólkar sum Føstufressar og Frændur ivaleyst fara at lokka tey meira tilkomnu á konsert- ina. Frá býtisbarni til stórt hitt 10 bólkar spæla á stóru ólavsøkukonsertini, sum er vorðin størsta einstaka konsertin í landinum. Seinastu sjey árini er konsertin farin frá at verða eitt býtisbarn til at verða eitt stórt hitt millum føroyskan ungdóm, sum leita í stórum tali til konsertina Rókur Jakobsen og hinir í MC Hár plaga at seta lív í áhoyrarafjøldina til ólavsøkukonsertina. Mynd: Jens Kristian Vang Rói Christiansen er gittarspælari í bólkinum Déjá Vu, sum stóð seg væl í Prixnum og sum hevur verið uttanlands og spælt fyrr í ár. Mynd: Jens Kristian Vang C M Y K 35 34