týsdagur 22. juli 2003síða 26

50 Nr. 123 - 3. juli 2003 Nr. 123 - 3. juli 2003 51 C M Y K 51 50 FØSTUFRESSAR Eyðun Klakstein Tað er einki at ivast í, hvat mest for- vitnisliga navnið á ólavsøkukonsertini hesaferð er. Terji og Føstufressar hava ikki spælt saman í nógv ár, og teir hava bara giv- ið eina plátu út, men talan er um kanska mest virdu føroysku plátuna nakrantíð. Tað var í 1990, at plátan við Terja og Føstufressum kom út, og hóast móttøkan í byrjanini ikki var nakað serligt, so vaks hendan plátan seg stóra og sterka í árunum, sum komu. – Hetta er tann fløgan, sum hevur havt størst týdning fyri meg, og sum eg havi verið mest nøgdur við, sigur sangarin Terji Rasmussen um útgáv- una, sum hann kallar sítt høvuðsverk. Teir frálíku sangirnir á hesi útgávu hava staðið ímóti tíðarinnar tonn, og teir standa eins sterkir í dag, sum teir gjørdu fyri 10 árum síðani og meira. Ongantíð ligið fyri Tað verður gamla manningin í Føstu- fressum, sum fer at spæla á ólavsøku- konsertini, og teir ælta sær at spæla sangirnir av útgávuni frá 1990 – Vit gleða okkum sjálvsagt sera nógv til at spæla saman aftur. Tað hevur í veruleikanum ongantíð ligið fyri hjá okkum at spæla saman, tí at bassspælarin hjá okkum, Arnold Lud- vig, hevur búð uttanlands síðani 1991, og aðrir hava eisini verið nógv uttanlands, sigur Terji Rasmussen. – Vit skulu bara uppfríska tónleikin, og fleiri av okkum hava eisini spælt sangirnar frá fløguni við øðrum bólk- um gjøgnum árini. Tað verður eingin trupulleiki, tí at tónleikararnir í hesum bólkinum eru teir bestu í Føroyum. Manningin í Føstufressum er: Terji Rasmussen, Rógvi á Rógvu, Arnold Ludvig, Magnus Johannesen, Leivur Thomsen og Eyðun Nolsøe. Fressarnir syngja aftur Høvuðsnavnið á ólavsøkukonsertini er Terji og Føstufressar, sum standa fyri eini tí bestu føroysku tónleikaútgávuni nakrantíð. Teir fara at spæla við upprunaligu manningini Leivur Thomsen spælir gittar í Føstufressum Mynd: Jens Kristian Vang