týsdagur 5. august 2003síða 12

Nr. 144 - 5. juli 2003 23 23 Nr. 144 • týsdagur • 5. august 2003 • 77. árgangur • www.sosialurin.fo Nógv talar fyri, at mótbrekkan hjá teimum, sum í síðsta triðinginum av kappingini fara at renna aftaná odda- liðnum, verður sera brøtt 11. UMFAR SAMANUM Jóannes Hansen Næsta sunnudag verður bara ein triðingur eftir at hesum kappingarárinum. Enn er tíðin ikki komin at spenna trygdarbeltini fyri at tryggja sær mjúka lend- ing, men við støðutalvuni eftir ellivu umfør sum veru- leika og skránni hjá ein- støku liðunum sum grund- arlag er tað ikki heilt á berum at filosofera yvir, hvussu tað man fara at laga seg næstu vikurnar. Kappingin um at sleppa undan beinleiðis niðurflyt- ingini gerst alt minni. Skála tapti sunnudagin fyri tíggj- undu ferð í hesum kapping- arárinum, og liðini, sum teir skulu vinna seg fram- um, um teir skulu sleppa undan sessinum, sum teir hava hildið heitan í so nógv umfør, fóru uppaftur longri frá teimum. Við sigrinum á KÍ slapp VB av næstaftasta plássinum. FSV megnaði javnleik í Gøtu, men teir duttu niður aftur á næst- aftasta plássið, sum teir – heldur enn nakar annar – ikki tíma at vera á. Hýrurin á skálamonnum tykist ikki vera so ringur, men nú sansar av álvara at. Næsta sunnudag fara teir fyri fyrstu ferð at spæla á nýggja undirlagnum á Skála, og tað verður ikki eiti á uppgáva, sum verður á skránni. Gestirnir vera teir í oddaliðnum HB. Sam- stundis sum Skála fer at stríðast við HB, fara FS Vágar og VB at spæla í Miðvági. Um Skála tapir, so verður munurin undir øllum umstøðum uppaftur størri hjá Skála upp til áttanda plássið, enn hann er eftir ellivu umfør. Ongamanna landið Fyri EB/Streym var tað sjálvandi framúr hugaligt, at teir fyri aðru ferð í ár megnaðu at vinna 3–1 ímóti B36. EB/Streymur er framvegis á sætta plássin- um, sum er hægri, enn teir nakrantíð áður hava verið. Men tað eru møguleikar fyri, at teir kunnu røkka upp aftur hægri. Sunnudag- in skulu teir til Klaksvíkar, har teir áður hava staðið seg væl. EB/Streymur tykist hava einstaklingarnar, sum megna at fáa nógv burturúr, tá ið teir verða sendir í skjót mótálop. Lítil ivi tykist vera um, at EB/Streymur fer at røkka bestu endastøð- uni nakrantíð, men teir fara ikki at stríðast um heiðurs- krónurnar og harvið altjóða luttøku. KÍ tapti í Vági. Úrslitið er staðfesting av tí, sum hevur verið at sæð mesta partin av árinum. Avrikini eru mis- jøvn, og úrtøkan er ikki til meiri enn plasering mitt í talvuni. Tað kann ikki rokn- ast við endastøðu millum tey bestu, tá ið bara eitt stig fæst burturúr ímóti VB, sum higartil hevur stríðst fyri at sleppa undan niður- flytingini. Klaksvíkingar kunnu framvegis skava eitt sindur saman av stigum, men teir fara ikki at røkka heiðursmerkjum. Í summarsteðginum vón- aðu gøtumenn, at teir kundu vaska talvuna heilt blanka, og at teir so at siga skuldu byrja av nýggjum. Men teir hava framvegis lyklaspælarar á skaðalist- anum, og úrslitini í steypa- finaluni og á heimavølli ímóti FS Vágum hava verið vónbrot. Teir eru tólv stig aftanfyri oddaliðið, og harvið sær tað heilt svart út fyri, at GÍ enn eina ferð skal sleppa upp í part í al- tjóða kappingunum. Trio vorðin til kvartett í toppinum B36, HB og NSÍ vóru í summarsteðginum trioin, sum tað varð roknað við skuldi kappast um atgongu- merkini til altjóða fótbólt næsta ár. Hesi trý feløgini eru framvegis øll við í hesi kappingini, men støðutalv- an boðar frá, at B68, sum í ellivu dystum bara hevur latið sjey mál fara ígjøg- num, eisini er kandidatur til altjóða fótbólt. Í løtuni eru teir á bronsuplássinum, meðan NSÍ – í hvussu so er í hesi vikuni – má smyrja seg við fjórða plássinum. Tað eru framvegis møgu- leikar fyri, at tað, sum nú vendir upp, kann venda niður, tá ið øll liðini hava spælt sjey ferðir afturat. Men kortini er tað soleiðis, at tað skal alt meiri til, sum umfar fer at detta av um- fari, at troðka seg uppaftur í spíssin. HB er tvey stig frammanfyri B36. B36 má roknast sum favorittur á heimavølli ímóti B68 næsta sunnudag, men HB má roknast sum størri favoritt- ur, tá ið nummar eitt sunnu- dagin fer at spæla á Skála ímóti nummar tíggju. Um HB vinnur, og um B36 ikki vinnur, so verður munurin næstan órógvandi stórur, um spenningurin er met- ingargrundarlagið. HB, sum ímóti NSÍ vann 1–0 fyri fyrstu ferð síðani 16. september í 2001, tá ið teir í sekstanda umfarinum vunnu á heimavølli ímóti EB/Streymi – tykist eisini eiga lættari uppgávur á, enn hini oddaliðini eiga. HB og NSÍ hava spælt tvær ferðir, og HB skal spæla ímóti B36 og B68 í Gundadali. B36 eigur umframt heima- dystir ímóti HB og B68 í Gundadali NSÍ í Runavík. B68 skal spæla ímóti NSÍ á heimavølli og báðum havn- arfeløgunum á útivølli, og NSÍ eigur B36 á heimavølli og B68 á útivølli. Umframt hesar lykla- dystirnar kunnu aðrir sjálvandi fara at vísa seg týdningarmiklir fyri enda- støðuna. HB eigur tríggjar dystir á uttanfyri Havnina. Teir eru á Skála (nú sunnu- dagin) og í Gøtu (annan sunnudag), har teir mugu roknast sum favorittar, og so á Eiði, har teir onkra ferðina áður ikki hava fingið fult. B36 skal til Klaksvíkar, har KÍ ivaleyst í hvussu so er fer at gera eina roynd at vísa at vaska ússaligu úrslitini ímóti B36 burtur, og B36 skal til Gøtu. B68 skal til Vágs, har tað er torført hjá øllum at vinna, og NSÍ skal bæði til Vágs og Klaksvíkar. HB tykist eiga slættastu gøtuna Rómurin var øgiligur, tá HB í fjør ognaði sær gullið. Enn er langt eftir á mál, men tað tykist kunna benda tann vegin, at HB skal gerast fyrsti meistarin síðani GÍ í 1993-1996, sum megnar at endurvinna meistaraheitið Í løtuni er Fótbólts- sambandið í samráð- ingum við landsliðs- venjaran um møgu- liga leingjan av samstarvinum FÓTBÓLTUR Jákup Mørk Inniverandi undankapping- in hjá føroyska fótbólts- landsliðnum er nú um at nærkast endanum. Hetta merkir samstundis, at sátt- málin, sum FSF og Henrik Larsen hava havt, nú er um at renna út, og tí er spurn- ingurin, hvørt talan skal vera um framhald við sam- starvinum. Samráðast Tað eydnaðist okkum ikki mánadagin at fáa orðið á Jens Erik Magnussen, sum er formaður í landsliðs- nevndini hjá FSF, men Ísak Mikladal, aðalskrivari, váttar fyri Sosialinum, at Fótbóltssambandið í løtuni er í samráðingum við Hen- rik. Hetta fær illa merkt ann- að enn, at tað er eitt før- oyskt ynski um, at Henrik Larsen í øllum førum tvey ár afturat verður føroyskur landsliðsvenjari. Og tað man lítið vera at ivast í, at stórur partur av fótbóltshugaðu Føroyum eisini hevur ynski um, at Stóri verður verandi her eina tíð afturat. Byrjan hansara í sessinum var kanska av tí heldur tyngra slagnum, og orðini um setanina vóru nógv. Eisini á hesum síðum varð funnist at, at tað gekk ov long tíð, áðrenn hann kom til Føroya at síggja nakran dyst, eins og tað eisini varð mett sum dekan ov nasadjarvt, at hann skuldi boða frá, at nú skuldu Føroyar hava í minsta lagi sjey stig. Framburður Tey sjey stigini, koma Før- oyar so neyvan at fáa, hóast tað enn resta nakrir dystir at spæla í undankappingini. Hinvegin er einki at ivast í, at Føroyar ongan tíð hava verið so nær við so nógvum stigum í nakrari undan- kapping, sum vit hava verið hesaferð. Móti Skotlandi var tað bert ein bøkkur á Svangaskarði, sum oyði- legði føroyska møguleikan at skjóta seg upp á 3-0. Í Týsklandi var Hjalgrím Elttør bert sentimetrar frá at javna til 2-2 í seinastu løtuni av dystinum, og bæði á Laugardalsvøllinum móti Íslandi og á Tórsvølli móti Týsklandi, var tað ikki fyrr enn í evstu løtu, at mótstøðuliðini skoraðu sigursmál síni. Hetta eru í øllum førum úrslit, sum boða frá før- oyskum framburði, og tá venjari so eisini tykist hava funnið seg væl til sættis í føroysku mentanini, er tað tí helst væl skiljandi, at før- oysku fótbóltsbossarnir vilja leingja samstarvið. Hvussu tað higartil hevur gingist við samráðingum, vil Ísak Mikladal ikki siga nakað sum helst um, men føroyska landsliðið fer í næstum undir tær tríggjar seinastu uppgávurnar, og einki er at ivast í, at bæði FSF, leikararnir og Henrik Larsen sjálvur fegnir høvdu vilja sæð eina avkláring á málinum, soleiðis at hetta ikki kann koma at órógva fyrireikingarnar. FSF vil hava Henrik at halda fram Henrik Larsen og FSF eru í løtuni í ferð við at samráðast um, hvørt talan skal vera um leingjan av samstarvinum C M Y K 22