hósdagur 7. august 2003síða 7

12 Nr. 146 - 7. august 2003 Nr. 146 - 7. august 2003 13 GALLUP- SPURNARKANNING Páll Holm Johannesen Eftir, at Vinnuhúsið al- mannakunngjørdi úrslitið av spurnarkanningini, hava fleiri havt á málið, at talan er um bílagt ar- beiði frá Vinnuhúsinum, sum skal nýtast til í her- ferð ímóti arbeiðara- feløgunum. Stovnurin, ið hevur latið kanningina um arbeiðsmarknaðinum úr hondum er Gallup- Føroyar. Stjórin, Ellindur Egilstrøð, leggur dent á, at stovnurin aldrin ger viðmerkingar til úrslitið av slíkum kanningum. – Vit verða biðin at gera kanningar fyri nógv- ar ymiskar stovnar, og tað einasta, vit skulu tryggja okkum er, at spurnarkanningarnar eru rættvísar, og síðan avger stovnurin, ið eigur kann- ingina, hvat hann vil gera við hana, greiðir Ellindur frá. 500 fólk er nóg mikið Vanliga verður mett, at um 1000 fólk eiga at verða spurd, um spurnar- kanningar skulu verða umboðandi fyri øll. Tað er ein matematiskur frymil, ið hevur funnið fram til at júst 1000 er rætta talið. Til kanningarnar hjá Gallup-Føroyum verða vanliga bert góð 500 fólk spurd, og tí kann spurn- ingur setast við, um kanningar hjá stovninum eru umboðandi – og har- við geva rættvísa mynd av. hvat fólk halda um eitt ávíst evnið. Til tann spurningin svarar Ellindur Egilstrøð, at munurin millum at spyrja 500 og 1000 fólk ikki er so stórur, og tí hevur stovnurin valt eina fasta mannagongd við at spyrja 500 fólk til hvørja kanning, tí verður mett, at 500 er nóg mikið. Leiðandi spurningar Til kanningina hjá Vinnu- húsið kunnu spurningar setast við, um allir spurn- ingar kunnu sigast at verða objektivir. Einstak- ir spurningar, sum: »um fólk ynskja broytingar á arbeiðsmarknaðinum, so vit ikki koma í somu støðu aftur við longum verkfalli«, kunnu eftir fimm vikur í verkfalli tykjast leiðandi. Flestu fólk vóru rættiliga troytt av drúgva verkfallinum, og tískil er svarið hjá flestum føroyingum giv- ið frammanundan. – Kanningin fyri Vinnu- húsið viðger eina djúpa konflikt millum tveir partar, sum júst høvdu verið í verkfalli, og allir spurningar kunnu disku- terast um teir eru leið- andi, og tað er upp til einstaklingin at avgera, um júst hasin spurning- urin er leiðandi, svarar Ellindur Egilstrøð fyri Gallup-Føroyar. Hann leggur annars dent á Gallup-Føroyar hevur sum uppgávu at tryggja at allir spurning- ar eru neutralir. Vanliga mannagongd er, at stovn- urin, ið ynskir kanning- ina kemur við einum uppleggi um spurningar, har Gallup síðan formu- lerar endaligu spurning- ar, greiðir Ellindur Egils- trøð. Ellindur Egilstrøð, Gallup-Føroyar: – Vit skulu tryggja at spurnarkanningar eru rættvísar Stjórin í Vinnuhúsini letur bæði væl og illa at kanningini hjá Gal- lup. Hann hevði ikki væntað, at so nógv tóku undir við verk- fallinum í vár. Jan Mortensen fegnast tó um, at føroyingar ynskja broytingar á føroyska arbeiðs- marknaðinum GALLUP- SPURNARKANNING Páll Holm Johannesen Stjórin í Vinnuhúsinum er sera fegin um, at spurnar- kanningin um føroyska ar- beiðsmarknaðin endaliga er almannakunngjørt. Spurd- ur, um tað er av tilvild, at kanningin júst kemur nú Vinnumálaráðið júst hevur lagt uppskot fram til hoyr- ingar hjá feløgunum á ar- beiðsmarknaðinum, svarar Jan Mortensen, at har er eingin samanhangur. – Vit gjørdu kanningina í juni mánað, og síðan hevur verið summarfrítíð, og tí- skil hevur úrslitið ikki kunnað verið almanna- kunngjørt fyrr enn nú, svar- ar stjórin í Vinnuhúsinum. Til spurningin, um tað ikki kann tykjast heldur løgið, at ein av høvuðspørt- unum í stríðnum á føroyska arbeiðsmarknaðinum letur gera ein kanning um eina støðu, har parturin sjálvur er innblandaður, svarar Jan, at tá fakfeløgini ikki vilja kanna, hvørja støðu teirra limir hava til verkfalli, mugu arbeiðsgevararnar royna. Vildu hava greitt svar Orsøkin til, at Vinnuhúsið vildi hava eina spurnar- kanning var, at stovnurin, undir verkfallinum í vár, ferð eftir ferð hoyrdu frá virkisleiðarum kring land- ið, at teirra arbeiðararnir ikki tóku undir við verk- fallinum. Fyri at fáa fulla greiðu á um so var statt varð neyðugt við einari spurnarkanning, har verka- fólki kundu svara anonymt. – Úrslitið av kanningini er eitt gott amboð fyri báð- ar partar, tí vit hava lyndi til at byrgja okkum inni í okk- ara fýrkantaðu verð, og kanningin kann við til at seta tingini í øðrvísi per- spektiv, greiðir Jan Morten- sen Yvirraskaður Jan Mortensen varð ikki sørt yvirraskaður av nøkr- um av úrslitinum í kanning- ini. Sjálvur hevði hann ikki væntað, at so stórur partur tók undir við verkfallinum (helmingurin tók undir við verkfallinum, blðm.). Hin- vegin fegnast hann um, at so stórur partur av føroy- ingum ynskja broytingar á arbeiðsmarknaðinum, so hann var bæði postivt og negativt yvirraskaður, sum hann málber seg. Gallup-kanningin hjá Vinnuhúsinum er gjørd fyri at trumfa arbeiðsrættin ígjøgn- um saman við polit- iska myndugleika- num, sigur Ingeborg Vinther GALLUP- SPURNARKANNING Páll Holm Johannesen Forkvinnan í Føroya Ar- beiðarafelag, Ingeborg Vin- ther, gevur ilt av sær, nú kanningin hjá Vinnuhús- inum er almannakunngjørd. – Tað er als ikki uppgávan hjá arbeiðsgevarunum at gera spurnarkanning um okkara limir. Teir kenna eingi mørk fyri, hvussu langt teir kunnu fara, og haldi hatta er rættiliga frekt gjørt, sigur Ingeborg Vinth- er. Arbeiðsrætturin trumfast ígjøgnum Hon heldur eisini, at øll hava gloymt arbeiðsgevar- arnar, sum eisini vóru ein partur í verkfallinum í vár, og leggja alla skuldina fyri verkfallið á fakfeløgini. Ingeborg er ikki í iva um, at Gallup-kanningin skal nýt- ast til trumfa arbeiðsrættin ígjøgnum, sum hon málber seg. Forkvinnan í Føroya Ar- beiðarafelag er ikki í iva um, at meiningin við kann- ingin hjá Vinnuhúsinum er at hjálpa politiska myndug- leikanum við at lóggeva fyri einum føstum gerðar- rætti í Føroyum. Fólk kenna ikki avleiðingarnar Ein meiriluti av føroying- um ganga inn fyri, at ein serligur rættur verður settur á stovn, sum skal taka sær av ósemjum á arbeiðs- marknaðinum. Spurd um hvussu hon fatar ta støð- una, nú hon arbeiðir so hart fyri, at eingin fastur gerðar- rættur skal verða settur á stovn frá politiskari síðu, svarar Ingeborg, at fólk ikki kenna avleiðingarnar av einum arbeiðsrætti, og tí- skil vita tey ikki, hvat tey hava svarað. – Høvdu fólk vita, at ein arbeiðsrættur hevur við sær, at stórur partur av verkfalsrættinum verður skerdur, høvdu avgjørt svara øðrvísi, sigur Inge- borg Vinther at enda. Jan Mortensen, stjóri í Vinnuhúsinum: – Kanningin er eitt gott amboð fyri báðar partar Ingeborg Vinther: -Arbeiðsgevararnir eru farnir ov langt – Nú eru arbeiðsgevararnir farnir ov langt. Tað er ikki teirra uppgáva at gera kanning um okkara limir Savnsmynd Jan Mortensen, Stjórin í Vinnuhúsinum, sigur seg verða bæði positivt og negativt yvirraskaðan av kanningini hjá Gallup Savnsmynd Ein meiriluti av føroyingum ynskja ein serligan rætt, ið kann skjótt og greitt taka sær av ósemjum á arbeiðsmarknaðin- um. Á floksbýtinum gongur týðuliga fram, at fólkafloksveljarar eru heitast fyri, at ein serligur rættur verður settur á stovn GALLUP- SPURNARKANNING Páll Holm Johannesen Seinnapartin týsdagin kunngjørdi Vinnuhúsið eina spurnarkanning, ið Gallup-Føroyar hevur latið gjørt. Í døgunum 16. til 22. juni vórðu 522 fólk spurd um, hvørja støðu tey høvdu um støðuna á føroyska arbeiðsmarknaðinum. Í kjalarvørrinum av upp- skotinum hjá Vinnumála- ráðnum um ein arbeiðsrætt ella ein fastan gerðarrætt, sum hann verður kallaður í Føroyum, røkist fyri, at ein meiriluti av føroyingum taka undir við einum ser- ligum rætti, ið skjótt kann taka avgerðir um ivamál í sáttmálum á arbeiðs- marknaðinum. Størsti meiriluti í Fólkaflokkinum Í alt siga 60 % av teimum spurdu, at tey eru samd í, at ein serligur rættur verður settur á stovn. 21% av teimum spurdu eru ósamd, meðan 19% siga seg ikki vita. Spurningurin um at seta ein rætt at taka sær av ósemjum á arbeiðsmarkn- aðinum hevur leingi verið umrøddur sum eitt stríð millum fakfeløgini og arbeiðsgevararnar Verður nærri hugt at floksbýtinum, eru tað ser- liga fólkafloksveljarar, ið eru heitast fyri serliga rætt- inum. Heili 77% taka undir við honum. Í hinum trimum stóru flokkunum er eisini meiriluti millum veljar- arnar fyri einum serligum rætti, men munurin á teimum, ið eru samd og ósamd er væl minni enn hjá fólkaflokkinum. Hetta býtið er ikki óvæntað, tí kanska serliga hava báðir teir vinstrahallu flokkarnar, Javnaðarflokk- urin og Tjóðveldisflokkurin ígjøgnum tíðina havt ein sermerkt samband við før- oysku fakfelagsrørsluna. Søguliga sæð hava báðir flokkarnir hava verið mál- gagn hjá ávísum fakfeløg- um, og hóast sambandið millum flokkarnar og fak- feløgini hevur verið mink- andi seinnu árini, so kemur tað valla óvart á nakran, at veljarar hjá hesum flokkum eru varnari fyri at seta ein rætt á stovn. Á sama hátt hava vit ikki havt nakran flokk, ið ser- merkt hevur havt samband við arbeiðsgevarasíðuna, men ein fer neyvan heilt av leið, um ein nevnir Sambandsflokkin og kanska serliga Fólka- flokkin sum søguliga báðir hava talað arbeiðs- gevaranna søk. Hvussu er og ikki við floksbýtinum, so er gongur fram við Gallup-kanningini hjá Vinnuhúsinum, at ein meiriluti av føroyska fólk- inum ynskir ein serligan rætt settan á stovn. Í løtuni er stríðið um tað skal lóggevast ella um feløgini á arbeiðsmarknað- inum sjálvi skulu koma til sættis um ein fastan gerðar- rætt. Hóast tann spurning- urin ikki framgongur í kanningini, so kundi verði áhugavert at fingið at vita, hvørja áskoðan fólk høvdu til júst tann spurningin. Nærum níggju av tíggju føroyingum eru samdir í, at ov nógvar trætur eru á føroyska arbeiðsmarknaðinum GALLUP- SPURNARKANNING Páll Holm Johannesen Tað er eingin ivi millum føroyingar, eftir drúgva verkfallið í vár, at vit hava alt ov nógv verkføll og trætur á føroyska arbeiðs- marknaðinum. Nærum níggju av tíggju føroying- um eru antin púra samd, samd ella nærri samd í, at træturnar á arbeiðsmarkn- aðinum í Føroyum eru ov nógvar. Fólkið stuðlar arbeiðsgevarum Í Sosialinum fyrr í vikuni førdi forkvinnan í Føroya Arbeiðarafelag, Ingeborg Vinther, fram í samband við nýggja uppskotið hjá Vinnumálaránum, at hon helt ikki, at føroyingar høvdu fleiri verkføll enn onnur lond. Eftir útalilsini hjá Inge- borg, gav umboðið fyri arbeiðsgevararnar, Jan Mortensen, ilt av sær, og skýrdi forkvinnuna í Før- oya Arbeiðarafelag at bera fram ósannindi. Hann vísti á, at fakta vísir, at Føroyar eru eitt land við nógvum verkføllum. Uttan at taka dagar ímill- um, hvør hevur rætt, so vísir kanningin, ið Vinnu- húsið hevur latið gjørt, at føroyingar halda, tað eru ov nógvar trætur á føroyska arbeiðsmarknaðinum. Rætting Undirritaði hevði í gjár ein grein um Búa Dam, ið seinasta hálva árið hevur verið á Kuba. Onkrar misskiljing er í greinini. Nakað nógv er gjørt av í setninginum um, at føroysk konufólk eru afturlatin seksuelt orsaka av kristnidóminum. Høvuðspersón- urin meinti, at føroyingar sum heild kunnu tykjast heldur afturlatnir í teirra rørslum, sammett við kub- anar, og tað lá partvís var okkara fatan av kristnidóm- urin. Útalilsini kunnu fatast sum ein háan ímóti føroyskum konufólkum, og tað er als ikki tað, sum liggur í tí. Vit biðja orsaka um mistakið -páll Vit hava ov nógv verkføll ! Føroyingar ynskja ein serligan rætt C M Y K 13 12