hósdagur 7. august 2003síða 10

Nr. 146 - 7. august 2003 19 Nr. 146 • hósdagur • 7. august 2003 • 77. árg. Tað er ikki á hvørjum degi at BMW skifta modell. Forgangarin til hendan nýggja BMW-5 kom á marknaðin í 1995. Vit royndarkoyrdu ein nýggjan BMW 520, sum er ein elegantur luksusbilur BILAR Magnus Gunnarsson Tað er nú nakað síðan fyrstu myndirnar av nýggja BMW-5 vóru at síggja í motorbløðunum. Bilurin hevur heilt annarleiðis design enn forgangarin, sum annars er ein sera snøggur bilur. At síggja ein bil á myndum og í veruleik- anum er ikki heilt tað sama. Nýggi BMW-5 tekur seg væl út bæði uttan og innan. Bilurin er vaksin allar vegir. Tað at aksilfrástøðan er vaksin við 6,2 cm ger, at meira pláss er til tey ferð- andi á baksterinum, eisini er viðførisrúmið vaksið frá 460 til 520 litrar. Við at brúka tilfar úr aluminium er bilurin nakað lættari enn forgangarin. BMW-5 er fyrsti bilur í heiminum við aktivari stýr- ing við variablari útveksl- ing, ið er treytað av ferðini, hendan skipan gevur bilin- um meira beinleiðis stýr- ing. Skipanin lættir eisini um við parkering, tá skal rattið einans snarast tvær ferðir úr borði í borð, í staðin fyri tríggjar og eina hálva ferð, um bilurin ikki hevði hesa skipan. iDrive skipan BMW-5 hevur eisini iDrive skipanina, sum er kend frá tí størra BMW-7, men hendan skipanin er nógv einfaldari og lættari at brúka. Høvuðskráirnar á iDrive skipanini eru: klima, kommunikatión, navigatión og entertainment. Í fyrstu atløgu fæst BMW-5 sum 520i, 530i og 530d, seinni koma aðrar útgávur sum t.d. 525i, 545i og M5 við V10 motori og 500hk. Umframt airbag framm- an, í síðunum, til høvdið og gardinairbag, hevur BMW 520i nógvar innbygdar trygdarskipanir. Standard- útgerðin er eisini sera um- fatandi, samstundis sum bilurin fæst við hópin av eykaútgerð sum t.d. naviga- tiónsskipan við 6,5" lit- skermi, Park Distance Control (PDC) framman og aftan, Xenon-forlyktir, ein- um sera framkomnum klimaanleggi, leðurinn- trekk og Head-up-display í forrútinum. 6-trins girkass- in er standard. BMW 520i er ein bilur, sum heilt víst kemur at gera seg galdandi millum kapp- ingarneytarnar í sínum klassa, bæði hvat útsjónd, komforti og koyrieginleik- um viðvíkur. BMW 520i: Framkomin elegantur luksusbilur BMW 520i Motorurin: 2,2 litur 6 syl bensin við 170 hk 0-100 km/t: 9,0 sek. Bensinnýtsla: 11,1 km/l (blandað koyring) Dekkstødd: 225/55-16 (standard) Stødd og vekt Longd 484,1 cm Breidd 184,6 cm Hædd 146,8 cm Eginvekt 1560 kg Viðførisrúm 520 litrar Prísur: kr. 477.600,- Søluumboð: Bilfríðkan Smiðjugerði FO-100 Tórshavn Tel. 317300 www.bilfridkan.fo Bilurin hevur heilt annarleiðis design enn forgangarin BMW 520i er ein bilur, sum heilt víst kemur at gera seg galdandi millum kappingarneytarnar í sínum klassa Nýggi BMW-5 er størri og rúmligari enn forgangarin Opel Corsa facelift Eftir at nýggi Opel Corsa hevur verið á marknaðinum í trý ár, verður bilurin frá 2004 nakað broyttur við t.d. nýggjum lyktum, frontplátu og kølaragittari. Eisini verða nýggir bensin- og diesel motorar á skránni Kelda: FDM/ Motor Maserati Quattro- porte Italski luksusbilurin Maserati Quattroporte verður at síggja á Frankfurt Motorshow í eini heilt nýggjari út- gávu, ið minnir um tann fyrsta Quattro- porte, sum kom á marknaðin í 1963. Quattroporte stendur fyri "fýra hurðar" Kelda: Bil Magasinet Subaru Legacy Ein Subaru Legacy við heilt nýggjum og markantum designi verður á Frankfurt Motorshow í sep- tember. Frá Subaru verður sagt, at bilurin fær meira sportligar koyrieginleikar og kemur við bæði fýra og seks syl. boxer- motorum Kelda: Bil Magasinet Umframt rúsdrekka- koyring er doyvandi heilivágur og narkot- ika vorðin ein alt meira álvarslig hóttan í ferðsluni í Dan- mark. Ein kanning vísir at alkohol, narkotika ella doyv- andi heilivágur eru orsøkin til minst sættu hvørja ferðslu- vanlukku FERÐSLUTRYGD Magnus Gunnarsson Læknar við Aarhus Kommunehospital hava kannað blóðroyndir frá 440 ymiskum persónum, sum eru deyðir í ferðsluni. Úr- slitini vóru ræðandi. Fjórði hvør hevði ov høga alko- holpromillu, meðan triðji hvør hevði narkotika ella doyvandi heilivág í blóð-in- um - t.v.s. fleiri enn tey sum vóru ávirkaði av alkoholi. Ábyrgdarhavandi yvirlækn- in metir, við støði í hesi kanning, at evnir sum alko- hol, rúsdrekka, narkotika ella doyvandi heilivágur eru atvoldin til minst sættu hvørja ferðsluvanlukku. Ein frágreiðing frá ferðslumálaráðnum í 1998 vísti á hættisligu støðuna. Niðurstøðan tá var, at doyvandi heilivágur og nar- kotika, einsamøll, ella sam- an við alkoholi, var við at blíva ein álvarsligur trupul- leiki í donsku ferðsluni, eins og í nógvum øðrum londum. Talan er um sera høg tøl, sum eiga at fáa politisku myndugleikarnar at vakna. Tað mest ræðandi er at lógarásett promillumørk eru fyri rúsdrekkakoyring, men eingi mørk eru fyri doyvandi heilivági ella narkotika. Tað er í sjálvum sær ikki ólógligt at koyra í ferðsluni við heilivági ella narkotiskum evnum í blóðinum. Tað er einans um hesi evni ávirka evnini hjá bilføraranum "at føre køre- tøjet på en fuldt betrygg- ende måde", sum tað stendur í donsku lógini. Kostnaðarmikil útgerð Ein annar trupulleiki er, at politiið onga útgerð hevur at máta um ein bilførari er ávirkaður av øðrum evnum enn rúsdrekka. Um teir hava ein illgruna, er blóð- royndin einasti møguleiki fyri at fáa hetta váttað. Hendan blóðroyndin skal síðan kannast av einum rættarlækna, sum kann siga hvørji evni eru í blóðinum, har kann vera alt frá nerva- heilivági til onnur hørð evnir. Hetta arbeiði er sera kostnaðarmikið, og enn mangla lógarásett mørk fyri hvussu nógv av hesum evnum kunnu vera í blóð- inum. Danska politiið send- ir árliga einans 200 blóð- royndir til kanningar fyri ferðsluvandamiklan heili- vág ella narkotika. Til sam- meting kann nevnast at umleið 5.000 norðmenn og 5.000 sviar hvørt ár verða dømdir fyri at koyra við doyvandi heilivági ella narkotika í blóðinum. Svøríki og Týskland hava innført null-markið, so har er onki at kjakast um. Týska politiið hevur eisini fingið royndarútgerð til at taka blóðroyndir á stað- num. Danska løgmálaráðið hevur sett eina nevnd, sum skal meta um revsikarmin fyri rúsdrekkakoyring og hvussu politiið kann fáa myndugleika at leggja upp í tá bilførarar koyra ávirkaðir av doyvandi heilivági ella narkotika. Kelda: FDM / Motor Heilivágur og narkotika: Álvarsligar hóttanir í ferðsluni C M Y K 19 18