fríggjadagur 8. august 2003síða 4

Listastevnan 2003 sett, og ellivu yrkjarar virðisløntir SETAN Heri á Rógvi Kanska tað vóru fleiri tóm setur enn fólk við setanina av Listastevnuni. Í ár varð setanin hildin í kykmynda- myrkrinum í Havnar Bio. Orsøkin til kykmyndahøll- ina var, at ein filmur skuldi sýnast, og Le Cirque Invis- ible er ikki so at skumpa av pallinum í Norðurlanda- húsinum. Setanin í ár var fyri eyga og oyra nógv minni spenn- andi enn í fjør. Tað kann undran ein, at tað ikki verð- ur gjørt meira burturúr og kanska meira alment, at Listastevnan, sum størsta árliga mentanartiltak fer av bakkastokki. Á skránni vóru røður frá mætum fólkum. Stjórin fyri Norðurlandahúsið bjóðaði vælkomin og segði nøkur um stevnuna. Landsstýrismaðurin í mentamálum, Høgni Hoy- dal, setti sjálva Listastevn- una. Hann legði í røðu sín- ari stóran dent á, at tað var mentanin, sum gjørdi tað liviligt í Føroyum. Hann byrjaði røðu sína við at siga frá, at landafrøð- ingurin Hans Holm eina- ferð hevði sett sær fyri at finna annað stað í heim- inum, sum líktist Føroyum sum mest. Hann fann tvey onnur støð. Munurin var tann, at tað var bara í Før- oyum, at tað búðu fólk. Og Høgni Hoydal segði seg vera ernan av, at tað var so livilig, spennandi og ríkt í Føroyum við so góðari og fjøllbroyttari mentan. 11 yrkjarar Í hesari kappingini er tað ikki, sum við flestum øðr- um kappingum, at tað bert er ein vinnari. Høgni Djurhuus, limur í dómsnevndini í yrkinga- kappingini, var væl upp- lagdur við setanina, og orð- ini fullu væl frá honum. Saman við Kim Simon- sen og Bergljót av Skarði hevur hann mannað eina dómsnevnd, sum skuldi velja út millum innsendar yrkingar í eini yrkinga- kapping. Kappingin varð útskrivað í sambandi við Listastevnuna, og vinnarar- nir vóru kunngjørdir á setanini mikukvøldið. Áhugin hevur eftir øllum at døma verið øgiligur. Ikki færri enn 126 yrkjarar sendu í alt 426 yrkingar inn. Í sínari grundgeving nevndi dómsnevndin mill- um annað, at leitað varð eftir poetiskum spenningi, yrkjarum, sum finna nýggj- ar metaforar og frástøðan til evni. Málið í yrking- unum skuldi hvørki vera ov danskt eiheldur ov gerand- isligt. Og alt hetta hava teir ellivu yrkjararnir, sum eru nevndir aðrastaðni á síðuni, megnað at gjørt. Summir enntá í fleiri førum. Dómsnevndin er av teirri fatan, at nógvar av yrking- unum er á einum høgum støði, og við vegleiðing kann nógv spennandi spyrj- ast burturúr hjá góðu yrkj- arunum. Teir ellivu yrkjararnir fáa 5.000 krónur hvør fyri ómakin. Yrkingarnar verða ikki givnar út í bók, men verða lisnar í útvarpi Før- oya teir dagarnar, Lista- stevnan er. Vit hava við loyvi frá Listastevnuni prentað eina av yrking- unum. Moving north Eftir at ein yrking varð lis- in, og spennandi kórið Tar- ira hevði framført, segði Sunnleif Rasmussen nøkur orð. Hann er heiðursforseti fyri Listastevnuna, og hans- ara uppgáva er at tryggja listarliga støði. Og eftir hansara tykki kann Listastevnan bjóða list á sera høgum støði. Men tað listarliga høga støði er ikki altíð tað, vit kenna frá stóru miðlunum, helt hann fyri. So kundu reyðu stólarnir í kykmyndahøllini koma til sín rætt. Filmurin Moving North varð vístur. Filmurin er settur saman av tíggju stuttfilmum. Hvør einar fimm minuttir til longdar, og temaið í øllum er dansur. Og sjálvandi er føroyski dansurin eisini við í hesum norðurlendska samstarv- inum. Tað er leikstjórin, Katrin Ottarsdóttir, sum hevur gjørt ein stuttfilm um føroyskan dans. Í hennara filmi sita fyrst nakrar før- oyingar og smakka sær á við donskum øli í Keyp- mannahavn. Eftir at nakað er komið niðurum verður farið upp á gólv. Ein dalb- ingur við eyðkendari rødd skipar Regin Smið. Filmur- in er ein lýsing av føroyska dansinum í stevi, sosialum samanhangi og sangi. Film- urin er sermerktur, og fólk skulu sjálvi sleppa at upp- liva filmin og gera sínar egnu metingar. Men filmurin er ikki helvtina so undar- ligur sum onkur av hinum filminum í Moving North. Men vit døma ikki um, hvør er betri. Øll Norðanlond uttan Grønland eru um- boðaði, og serliga íslendsku filmarnir eru spennandi. Við tíggju stutt- filmum byrjaði so Listastevnan 2003. Næstu ellivu dagar- nir fara at vísa, hvat føroyingar siga um list á sera høgum støði. Modernisma Modernisma er ein brotin rútur sum stendur og gálvar eftir tær tíðliga og seint, har hugtøk reflektera í brotum sum standa hóttafull eftir, torir tú inn torir tú út, og tú liggur í andvekri og telur brotini og ger støðuna upp í morgin skal tað verða. Modernisma er ein vongbrotin fuglur sum yvirhálar hinar innanvert, (halt mær til góðar, eg visti ikki, at kaffið var so heitt), og tú undrast hví tú ikki hevur ansað eftir tí fyrr hví júst nú, eg leggi kortini í skuffuna áðrenn húsið rapar. Modernisma er ein halgidómur sum fær regnið at tagna og sílini sum liggja inni á botni at skríggja hvørja ferð SVF endursendur gjar og flidna rendur uttan at nakað hendir og vónloysið aftur sjálvt spyr um tað kann sleppa til viðgerðar í harðari kapping við útsynning og tað sum við honum kemur. John Dalsgarð Høgt flúgvandi list 11 yrkjarar Hesir ellivu yrkjararnir fingu virðisløn í yrkingakappingini í sambandi við Listastevnuna: John Dalsgarð Sólrún Mikkelsen Oddfríður Marni Rasmussen Theodor Eli Dam Olsen Hans Jácob Kollslíð Jóngerð Poulsen Niclas Rasmussen Bárður Persson Høgni Egholm Alexander Kristiansen Martin Mouritsen Birgir Kruse fær handað Tingakrossin sum sýmbol uppá, at hann, sum umboð fyri Tórshavnar kommunu, verður formaðurin fyri Listastevnuna 2004. Mynd: Maria Olsen Hann dugir annað enn at stjórna symfoniorkestrum. Martin Mouritsen verður her virðisløntur fyri sínar dygdir sum yrkjara. Mynd: Maria Olsen 6 Nr. 147 - 8. august 2003 Nr. 147 - 8. august 2003 7 Strandfaraskipið Teistin, sum siglir millum Gomlu Rætt og Skopun, hevur ikki verið í sigling síðani 5. mai. – At eitt skip er úr sigling so leingi er ikki rímiligt, sigur stjórin á Strand- ferðsluni, Kristian Davidsen, sum tó hevur fingið lovað, at skipið verður klárt at taka í sigling aftur áðrenn 1. september STRANDFERÐSLAN Ingrid Bjarnastein Nýggjasta skipið í flot- anum hjá Strandfaraskipum Landsins, Teistin, hevur verið burtur úr sigling síðani 5. mai í ár. Nú skriva vit august, og skipið er framvegis á turrum á Skipasmiðjuni á Skála. Talan er um góðar tríggj- ar mánaðar, at skipið hevur verið burtur úr sigling, og metir stjórin á Strandferðsl- uni, Kristian Davidsen, ikki, at hetta er rímiligt. – At eitt skip er so leingi burtur úr flotanum kann ikki góðtakast í sær sjálv- um, sigur hann. Bógskrúva Í løtuni verður bíðað eftir einum luti til bógskrúvuna, so hon kann rigga sum hon skal. Talan er um eina stýr- ing til ein elektromotor, sum ger, at bógskrúvan kann brúka fulla virkt. – Hetta er ein garanti- trupulleiki, sum skal rigga. Vit vóru ein royndartúr við Teistanum fyri tveimum ella trimum vikum síðani, og tað riggar ikki heilt við el-skipanini á skipinum. Tá var spurningurin so um vit skuldu seta Teistan aftur í sigling fyribils, men vit hava gjørt av, at bíða til Teistin siglir sum hann skal, greiðir strandferðslu- stjórin frá. Ein av orsøkunum til, at arbeiðið hevur drigið út er verkfallið, sum var fyrr í vár. Skipasmiðjan á Skála hevur eisini havt trupulleik- ar við at fáa el-skipanina at rigga. – Vit hava heitt staðiliga á Skipasmiðjuna um at fáa arbeiðið liðugt, og vit hava fingið lovað, at tað verður í august, so áðrenn 1. sept- ember verður Teistin aftur í sigling, sigur Kristian Davidsen. Meðan Teistin hevur ligið á turrum hevur Ternan røkt siglingina um Skopunar- fjørð. – Ternan klárar at nøkta tørvin um summarið tá veðrið er gott. Tað er eisini ein av orsøkunum til at vit vilja hava Teistan áðrenn veturin kemur og veðrið verður verri. Tá vit hava fingið skipið aftur, verður ein eftirmeting gjørd, og vitað verður, hvat kundi verið gjørt betri, sigur Kristian Davidsen, stjóri á Strandferðsluni at enda. Teistin klárur í august At tilsøgnin um veiðiloyvi hjá Sp/f Nakki verður tikið aftur, má hava við sær, at øll hini 32 loyvini, sum vórðu givin eftir somu treytum, verða tikin upp aftur til nýggja viðgerð og møguliga tikin aftur. Alt annað er grovt brot á rættartrygdina, sigur Halgir Winther Poulsen, advokatur JÓGVAN S MÁLIÐ Rúnar Reistrup - Hetta er eitt sindur verri enn tað, sum vit higartil hava upplivað. Dómurin verður útintur, uttan at maðurin fær høvi at siga sína meining. Tað plaga vit ikki at gera her um okkara leiðir, sigur Halgir Winther Poulsen, advokatur, spurdur um hvussu grovt hann metir avgerðina hjá fiskimálaráðnum um at taka tilsøgnina um veiði- loyvi hjá Sp/f Nakki aftur, gera seg inn á rættartrygd- ina hjá einstaka borgaran- um. Í umbidnu frágreiðing síni um sonevnda Jógvan S málið, sum Halgir Winther Poulsen læt fiskimálaráð- harranum mánadagin 4. august, skrivar advokaturin, at eftirsum at landsstýris- málanevndin byggir sína avgerð um Jógvan S málið á, at atlitini, ið lógu til grund fyri avgerðini um at játta tilsøgn um veiðiloyvi vóru ósaklig, má tað merkja at øll hini 32 málini, sum hava verið viðgjørd út frá sama grundarlagi, eisini hava verið viðgjørd á ein ósakligan hátt. Tí mugu øll hini 32 málini um flyting av veiðiloyvum eisini takast upp av nýggjum og møgu- liga takast aftur, um loyvi hjá Sp/f Nakki verður tikið aftur, skrivar advokaturin. »Verður tað hinvegin ikki gjørt, og verður loyvið til Sp/f Nakk tikið aftur, gera myndugleikarnir seg sekar í grovum broti móti javnrætt- indum borgaranna«, sten- dur at lesa í frágreiðingini hjá Halgir Winther Poulsen. Fiskimálaráðharrin, Jacob Vestergaard, valdi miku- kvøldið at taka tilsøgnina um veiðiloyvið hjá Sp/f Nakki aftur, eftir trýsti frá landsstýrismálanevndini. Halgir Winther Poulsen, advokatur, um Jógvan S avgerð: Grovt brot á rættartrygdina Á Skipasmiðjuni á Skála verður arbeitt við at fáa nýggjasta skipið í flotanum hjá Strandfaraskipum Landsins aftur á sjógv Teistin hevur verið úr sigling síðani 5. mai í ár. Strandferðslustjórin hevur tó fingið lovað, at hann verður klárur at taka í nýtslu aftur áðrenn 1. september C M Y K 7 6