týsdagur 12. august 2003síða 5

8 Nr. 149 - 12. august 2003 Nr. 149 - 12. august 2003 9 Bjarni Djurholm, vinnumálaráðharri, leggur nú skrivlig prógv á borðið um, at Karsten Hansen sigur ósatt um tíðarfreistina sum orsøk til, at Norðoyatunnilin ikki hevur fingið pening játtaðan. - Umsiting mín er einki minni enn vanvird av Fíggjarmálaráðharra num, sigur Bjarni Djurholm NORÐOYATUNNILIN Heini í Skorini »Bjarni var ov seinur við umbøn síni, og tískil lúkaði hann ikki krøvini at fáa pening játtaðan«, vóru rám- andi orðini í seinastu viku hjá Karsten Hansen, fíggj- armálaráðharra, í sambandi við eykajáttanina til Norð- oyatunnilin, sum enn ikki fyriliggur. Bjarni Djurholm, lands- stýrismaður í vinnumálum, hevur í aftursvari sent Sosi- alinum skjøl, sum kunnu benda á, at Karsten Hansen ber ósannindi í sambandi við, at umbønin um eyka- játtan ikki uppfylti krøvini við tíðarfreistini. Norðoyatunnilin skildur frá øllum hinum Fíggjarmálaráðharrin vísti í seinastu viku á, at av tí at umbønin kom ov seint og ikki var útreiðsluneutral, lúkaði hon ikki tey krøv, sum ásett vórðu um eyka- játtan í rundskrivi í januar, men hesum vísir Bjarni Djurholm beinleiðis aftur, ikki við orðum, men við skjølum, hann í vikuskift- inum hevur sent Sosialin- um. Skjølini vísa, at í umbøn- ini til eykajáttan fyri mars eru fýra mál. Hesi eru søla av Ternuni, avtøka av Vinnuframagrunninum, landsvegur í sambandi við Norðoyatunnilin og setan av kærunevnd í umsiting av barsilsskipanini. Hesi fýra mál vórðu send Fíggjarmálaráðnum 24. februar í somu umbøn í sama skjali, og sambært Bjarna Djurholm fingu øll málini pening játtaðan, uttan Norðoyatunnilin. Tað, vinnumálaráðharrin við hesum vísir á, er, at talan ikki kann vera um nakra tíðarfreist, sum ikki er lúkað. - Av eini ella aðrari or- søk, vit ikki kenna til, var tað bert Norðoyatunnilin, sum ikki fekk pening játt- aðan. Øll hini málini í okk- ara umbøn fingu pening uttan vegagerðin í sam- bandi við Norðoyatunnilin, sigur Bjarni Djurholm. Talan kann sostatt ikki verða um, at Vinnumála- ráðið hevur verið ov seint við umbønini um eykajátt- an til tunnilsvegin, tí biðið varð um eykajáttan til nevndu trý endamál í senn. Í prinsippinum er talan ikki um útreiðsluneutrala um- bøn, men sæð burtur frá eykajáttanini til Vinnu- framagrunnin, so varð talan stórt sæð talan um út- reiðsluneutrala umbøn. Bjarni vísir við hesum á, at um Vinnumálaráðið veruliga hevði verið ov seint við umbøn síni og harvið ikki lúkaði tíðar- freistina, høvdu hini málini í somu umbøn sjálvsagt heldur ikki fingið pening. - Men tað fingu tey, og tískil er tað ein beinleiðis lygn frá Karsten Hansen, sum hevur sorterað Norð- oyatunnilin burtur frá hinum málunum, sigur ein avgjørdur og bersøgin Bjarni Djurholm. Hann vísir víðari á, at stórt sæð var talan um útreiðslu- neutralitet, við tað at gamla Ternan samstundis varð sett á sølulistan fyri 350.000 krónur, meðan umbønin til Norðoyatunnilin var á 400.000 krónur. Umframt hetta sigur Bjarni Djurholm, at í sam- bandi við fyrispurningin til eykajáttanina var tætt sam- starv millum Atla Eiriks- son, fulltrúða í Vinnumála- ráðnum, og Atla Leo, full- trúða í fíggjarmálaráðnum. Rundskrivið umfataði ikki mars mánað Karsten Hansen sipaði í seinastu viku eisini til áðurnevnda rundskriv, sum varð sent øllum stýrunum, har víst varð á treytirnar fyri eykajáttan. Men sam- bært Bjarna Djurholm um- fataði hetta rundskriv bert august og oktober mánað, og ikki mars, tá umbøn Vinnumálaráðsins um m.a. pening til Norðoyatunnilin varð viðgjørd í Fíggjar- málaráðnum. - Tískil hongur einki saman hjá Karsten Hansen, og tað tykist, sum hann bert heldur á við ákærandi lygn- um móti mær og míni um- siting, slær Bjarni Djur- holm fast. Umsitingin vanvird Sambært Bjarna Djurholm kann hann ikki lata fara aftur við borðinum, at um- siting hansara verður niður- gjørd og ákærd fyri vána- ligt arbeiðslag. - Sum landssýrismaður ætli eg mær ikki at lata slík- ar høpisleysar ákæringar standa ósvaraðar, tí hetta umfatar alt arbeiðsfólk okkara í umsitingini, eisini P/F Norðoyatunnilin og landsverkfrøðingin, sigur landsstýrismaðurin í Vinnumálum. Sum aftursvar til skuld- setingar Karstens um, at umbønin til pening til Norðoyatunnilin kom ov seint, hevur Bjarni Djur- holm á henda hátt skjal- prógva, at í øllum førum varð umbønin um pening til fýra mál send sama dag, og at bert peningur til Norð- oyatunnilin varð hildin aftur. Bjarni Djurholm: Karsten vanvirðir umsiting mína Bjarni Djurholm leggur nú skjøl á borðið, har víst verður á, at søkt varð um pening til fýra mál sama dag, og at bert peningur til Norðoyatunnilin ikki varð játtaður Karsten Hansen, fíggjarmálaráðharri, verður av Bjarna Djurholm ákærdur fyri at bera ósannindi viðvíkjandi eykajáttan til Norðoyartunnilin, og leggur Bjarni í dag skjøl á borðið sum prógv fyri hesum NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Í gjár, mánadagin 11. august, fylti Andrea á Regni á Toftum 85 ár. Føðingardagin helt hon seinnapartin sunnudagin á Eysturoyar Røktarheimi, har hon hevur verið tey seinastu árini. Eftir eitt strik lammaðist hon, og tað ber illa til at siga nakað, men Andrea er púra klár, hon fylgir væl við, og sjálv- andi kendi hon tey, sum sunnudagin vóru inni á gólvinum og heilsaðu uppá. Andrea giftist 9. juni í 1940 við Johan Olsen ella Hanni uppi á Regni, sum hann varð nevndur á Toft- um. Tey fingu sær seinni á Regni sum eftirnavn. Hanni, sum var óførur út- róðrarmaður, var eisini á Røktarheiminum í nøkur ár, áðrenn hann doyði 26. oktober í 1997. Tá var hann 81 ára gamal. Andrea muni hava nóg mikið at takast við heima við hús. Hon og Hanni fingu tíggju børn: Elisa- beth, Páll, Dina, Guttorm, Herborg, Árna, Jonhard, Elsa Maria, Jóna og Jógvan Martin. Elisabeth býr í Runavík, Páll í Saltnesi, Dina í Fuglafirði, Guttorm í Gøtu, Herborg og Jóna í Havn, Árna býr niðri, Elsa Maria í Noregi, og Jonhard og Jógvan Martin búgva á Toftum. Foreldrini hjá Hanna vóru Elisabeth og Guttorm Olsen. Hon var ættað úr Túni á Toftum og doyði longu í 1929, meðan Gutt- orm livdi til 30. januar í 1961. Hann varð 81 ára gamal og búði alla tíðina inni hjá Andreu og Hanna, sum hevði yvirtikið barna- heimið. Tað hevur altíð verið nógv samband millum Svínoy og Toftir. Upp ígjøgnum tíðirnar hava ikki so fáar giftir verið millum hesi bæði plássini, og ein av hesum var so tann mill- um Andreu og Hanna á Regni. Andrea er ættað uttan av Bø í Svínoy, og hon plagdi ofta saman við sínum at vitja aftur um sumrarnar. Foreldrini hjá Andreu vóru Dina og Poul Sivert Hansen. Tey fingu átta børn: Hanus, Óli, Hans Dávid, Esmar, Elsebeth Malena, Andrea, Behrendt, ið doyði sum smádrongur, og Bertha. Eftir á lívi eru Elsebeth Malena, sum giftist til Vágs, Andrea og Bertha, sum í nógv ár búði í Svínoy, og sum nú í fleiri ár hevur búð í Hvannasundi. Hanus búði fyrsi í Svínoy og síðani í Havnini, har Esmar var heilsølumaður, Óli var lærari í Søldarfirði, og Hans Dávid búði í Svínoy. Í gjár, mánadagin 11. august, fylti Sigrun Skála- garð í Klaksvík 40 ár. Hon er leiðari á HF skúlanum í Klaksvík og er tískil væl kend millum nógv av yngra fólkinum í Norðoyggjum. Sigrun er ættað úr Klaks- vík. Foreldrini eru bæði av Kirkju. Bethuel er av Deild, og Solborg úr úti í Hús- inum, sum tað verður nevnt. Bethuel og Solborg búðu tey fyrstu árini á Kirkju, og í 1967 fluttu tey til Klaksvíkar. Sigrun er yngst av fýra systkjum. Hon er gift við Hans Ólavi Skálagarð í Klaksvík, og tey eiga tvær gentur – Ingun og Aleksandra. Sigrun tók HF prógv í Klaksvík í 1983. Í 1992 leyk hon prógv á lærda há- skúlanum í Århus. Høvuðs- lærugreinin er atronomi ella stjórnufrøði. Føroying- arnir, sum hava astronomi sum høvuðsgrein eru ikki nógvir. Hjálærugreinirnar eru støddfrøði og alisfrøði. Síðani 1992 hevur Sig- run starvast í HF skúlanum í Klaksvík og studenta- skúlanum á Kambsdali. Tíðliga í 1995 gjørdist hon leiðari á Klaksvíkar HF skeiði, og hon er framvegis í tí starvinum. Boð hava ofta verið eftir Sigrun at undirvísa á tekniska skúl- anum í Klaksvík. Millum næmingarnir ber Sigrun orð fyri at vera góð- ur lærari. Hon gevur nógv, og hon roknar við, at næm- ingarnir eisini gera nógv við skúlatingini. Hon dugir sera væl at vera vinur við næmingarnar og samstun- dis at krevja nógv av teim- um. Tað er ikki minst Sig- run fyri at takka, at um- hvørvið á HF skúlanum í Klaksvík sigst vera sera gott. Sigrun er limur í nevnd- ini fyri Norðoya Spari- kassa. Hon er útnevnd av ídnaðarmálaráðnum til tann nevndarsessin. Í frítíðini fæst Sigrun nógv við at binda. Troyggj- urnar, sum hon hevur bund- ið, eru nógvar, og hon hev- ur vunnið onkra kapping í at gera bindingarmynstur til troyggjur. Hósdagin 7. august hevði Finn Rubeksen í Havn 25 ára starvsdag hjá Ivan Johansen Bilum. Finn byrjaði sum bil- mekanikaralærlingur hjá Ivan Johansen á Láarvegn- um í 1978. Síðan tá hevur hann starvast í fyritøkuni sum bilmekanikari. Hann hevur víðkað sína útbúgv- ing og er í dag service- teknikari við Citroën sum sergrein, hendan útbúgving verður leypandi dagførd við skeiðum hjá Citroën í Danmark. Í juni 2003 tók hann eisini motorpassara- útbúgving. Finn er sonur Jónu og Bent Rubeksen á Hálsa- tjørn í Havn. Hann er giftur við Mariu, f. Petersen, úr Havn, og eiga tey tveir synir. Dagurin 12. august. Klara, deyð í 1253, var av aðalsætt úr Assisi. Fór upp í fylgið hjá hinum heilaga Fransi, og eggjað av honum grundlegði hon eitt nunnukleystur og skipaði eina nunnuskipan, klarissurnar nevndar. Navnið er latínskt, og merkir hin kenda ella skæra. Andrea á Regni 85 ár Sigrun Skálagarð 40 ár Finn Rubeksen 25 ára starvsdag Í tíðindablaðnum »Føroya Sosial- Demokratur«, leygardagin 27. juni 1953, standa tey sum fingu realprógv, millum- skúlaprógv og students- prógv fyri 50 árum síðan. Eisini er ein grein um próvtøkurnar, har m.a. verður skrivað um vánaligu umstøðurnar vóru hjá ungdóminum at fáa útbúgving PRÓVTØKUR Magnus Gunnarsson Navnframir skúlamenn eru farnir at tala meira og meira ímóti núgaldandi próvtøku- skipan, serliga millum børn, ið vilja royna hægri skúlaskap. Tílíkar upptøku- royndir, ið nú fara fram, geva ivaleyst onga sanna mynd av kunnleika barnanna, og úrslitið verður tí, at hesar royndirnar veruliga kunnu koma at forða evnagóðum børnum at troyta landsins lærdómskeldur og nema tann vísdóm, ið kann koma at verða av so avgerðandi týdningi fyri alt lívið. Ivaleyst verður tað tí ikki leingi, til vit fáa eina tíðarhóskandi og meira rættvísa próvtøkuskipan. Nú ein fjøld av ungdómi fer heim við próvseðlinum í hondini er eisini vert at minnast tann dapra veruleika, at kring um landið sita hundraðir av børnum, ið als eingi líkindi hava at ogna sær nakran kunnleika. Faðirin er kanska ein vánaliga stillað- ur fiskimaður ella arbeið- ari, ið als ikki hevur ráð at senda børn síni til skúlarnar í stórbygdunum. Her er hópur av børnum við góð- um evnum. Tað, at hesi evnini ikki koma til sín rætt og eingi líkindi hava at mýkjast og mennast, er ein drápuligur missur fyri viðkomandi ungfólk sjálvi, men tað ið verri er, er, at samfelagið meira enn nakar annar missur í stórum. Hetta er harði lutur teirra, ið ikki eru fødd við pen- ingamappuni í hondini og tíverri vil hetta samfelags- órættvísi ikki verða av vegnum, so leingi vit liva undir einari samfelagsskip- an við framíhjárættindum fyri teimum múgvandi og als ongum rætti fyri teim- um, ið bera dagsins byrðar og hava tað møðisliga starvið, at tæna sum skrá- stívarar undir glæstristil- veru teirra múgvandi. Øll tey, ið nú kunnu gleða seg yvir endaða próv- tøku, eiga tí at leggja upp í hin heilaga bardagan og ikki helma í fyrr enn hitt fagra málið er vunnið: Somu líkindi og sami rættur fyri øll landsins børn at troyta landsins lærdóms- keldur. Realprógvini Oda Diana Arge Trygvi Finnbjørn Askham Poula Bærentsen Virgar Tórarson Dalsgaard Elly Maria Davida Dam Christian Sigmundur Djurhuus Rosa Irena Djurhuus Marjun Isholm Helena Restorff Jacobsen Knud Lützen Sólrun Mohr Dann Mortensen Arnold Karbech Mouritsen Carl Oliver Næss Bjarni Olsen Anna Poulsen Petur Poulsen Heðin Samuelsen Asbjørn Simonsen Katrin Thorkildshøj Carl Wilhelm Weihe Myrna Aabæk Millumskúlaprógvini Thomas Arge Richard Bjarki Johan Bugatsch Gunnvør Hammersheimb Christiansen Eivind Vøgg Guttesen Ella Hjalt Eðin Wenningsted Jacobsen Flóvin Jacobsen Elbert Joensen Eyðna Kristina Joensen Kamma Reinert Joensen Magda Joensen Eyðun Johannesen Sólbrún Kjeld Eyðum Conradsson Joensen Sólrun Bergljót Ludvig Jørgen Winther Lützen Jórun Matras Heðin Sigfríður Eliassonur Nielsen Óttar Nielsen Beinta Samuelsen Gorm Lindenskov Simonsen Agnas Sundstein Jákup Weihe Ole Wang Heðin Wardum Annfinnur Zachariasen Studentsprógvini 15 studentar tóku prógv í 1953 Nýmálsligir: Hilma Viðstein, Tórshavn Kirstin Bech, Tórshavn Sigrun Danielsen Stykkið Johanna Davidsen, Skála Johanna Mortensen, Tvøroyri Augusta Nielsen, Tórshavn Matematiskir: Benadikt Davidsen, Sandur Óla Jákup Hansen, Sørvágur Marita Arge Magnussen, Tórshavn Anfinnur Mikkelsen, Leirvík Poul Olsen, Eiði Petur Sigurd Rasmussen, Tórshavn Jørmund Reinert, Norðradalur Marius Thomassen, Tórshavn Marjun Weihe, Tórshavn Fimtan fingu studentsprógv í 1953 C M Y K 9 8