týsdagur 12. august 2003síða 13

Nr. 149 - 12. august 2003 25 EB/Streymur fekk beinanvegin tvey mál ímóti sær, og so bar ikki til at dúva upp á snarálopini, sum áður hava gjørt av við klaksvíkingar FÓTBÓLTUR Jóannes Hansen Tað er gott lag í Klaksvík, nú KÍ í kvøld fer vestur til Noregs at spæla í UEFA Cup ímóti gamla felagnum hjá Jákupi Mikkelsen, Molde. Sunnudagin segði KÍ heimaáskoðarunum, sum eftir vónbrotið í Vági ikki vóru so nógvir, sum teir onkra ferðina fyrr í ár hava verið, farvæl, og tað gjørdu teir við maner. Hjalgrím Elttør var stóra hetjan í 4–1 sigrinum á EB/Streymi. Hann skoraði øll fýra málini, og harvið er hann, nú tveir teir fyrstu triðingarnir eru farnir av kappingarárinum, ovastur á skjúttaralistanum. Tað er merkisvert, tí eftir at KÍ hevði fingið Jacob Bymar til felagið tóktist ætlanin vera, at Hjalgrím skuldi vera miðvallari í vinstru, meðan Bymar skuldi hava Ova Nysted undir liðini á sær í álopinum. Eftir at belgiumaðurin stakk av, eru ætlanirnar broyttar. Nú er Ove Nysted, sum sunnu- dagin var álitisfullur liðfor- maður, í miðverjuni saman við Aleksander Djrodjevic, og teir funnu væl saman. Eyðun Klakstein hevði fingið miðvallarplássið í vinstru, sum stóð tómt, nú Hjalgrím var farin fram í toppin, og hugflogsríki Klaksteinurin tók av. Sum í seinna umfarinum í heima- dystinum ímóti GÍ, so var hann ofta upprunin til skjótt og hugflogsríkt samanspæl. At Ove Nysted var í verjuni, meðan smærri spælarar vóru har frammi, hevði við sær, at álops- spælið gekk fyri seg fram eftir vøllinum í staðin fyri í luftini. Atli Danielsen var mest framrættaði miðvall- arin, og hann tóktist stór- trívast í hesum leiklutinum. Góða løtan EB/Streymur tóktist ikki ætla at pakka seg niður allar 90 minuttirnar, sjálvt um teir í útgangsstøðuni bara høvdu Sorin Anghel á toppinum. Magni á Lakj- uni, sum var eitt sindur skaðadarvaður og tók seg úr stríðnum miðskeiðis í seinna umfarinum, og Hans Pauli Samuelsen høvdu hug at stuðla álopsmanninum. Fyrsta korterið hevði EB/Streymur onkran møguleika, sum kundi havt borið mál við sær, um teir høvdu verið hepnir. Eitt nú sendi Sorin Anghel í samankomingina. Spurningurin er so, hvussu tað hevði tørnað út, um royndirnar høvdu eydn- ast. Men tað var skjótt, at fyritreytirnar fyri endur- tøku av avrikinum á norð- oyastevnu fyri tveimum árum síðani vóru burtur, og so hevði EB/Streymur ikki so nógv av bjóða uppá, og í fyrstu atløgu mugu teir hyggja langt eftir fimta plássinum, sum teir fóru til Klaksvíkar fyri at fáa fatur á. Trýstið á EB/Streyma verjuna var stórt, og teir vóru ikki nóg stinnir at halda ágrýtnu mótstøðu- monnunum burtur. Tvey tey fyrstu málini luktaðu av mistøkum, og tá ið so Sorin Anghel fram ímóti enda- num noyddist at taka seg burturúr, tí hann hevði trupulleikar við liðbond- unum í fótliðnum, so varð púra greitt, at KÍ fór at vinna trivaligan sigur og harvið at tryggja sær øll seks stigini ímóti EB/Streymi í ár. Tað er eitt sindur merkisvert, tá ið samstundis verður havt í huga, at EB/Streymur hevur fingið øll seks stigini ímóti B36, sum fleiri ferðir í ár hevur farið heilt illa við KÍ. Málini Eyðun Klakstein var meist- ari fyri uppspælinum undan fyrsta málinum. Hann sneiddi framvið verju- spælara, fór til baklinjuna og legði út frá til púra leysa Hjalgrím Elttør, sum takkaði fyri og sendi upp undir nettakið. Tá ið Hjalgrím Elttør økti til 2–0, var tað Atli Daniel- sen, sum fekk tonna á innlegg úr høgru. Hjalgrím rann inn um verjuna og var tryggur, tá ið hann sendi framvið Gunnari á Steig. Í sambandi við 3–0 málið, tá ið seinna umfarið var meiri enn hálvrunnið, var Atli Danielsen aftur meistari fyri uppspælinum. Aftur hesa ferð eydnaðist at spæla Hjalgrím blankan, og aftur hesa ferð sveik málrevurin ikki. Ronnie Samuelsen pynt- aði um. Hann var rættuliga leysur í KÍ brotsteiginum, tá ið hann royndi ímóti málinum. Tað tóktist sum um klaksvíkingarnir hesa løtuna ikki tóku verjupartin í heilt sama álvara, sum teir verða noyddir at gera, tá ið teir hóskvøldið fara á vøllin í Molde. Higartil hevur tað ikki eydnast hjá Jacob Bymar at fáa mál í KÍ troyggjuni. Fram ímóti dystarenda var tað um reppið, at tað eydn- aðist. Bymar royndi við skoti, Gunnar á Steig hálv- bjargaði og umvegis ein verjuspælara endaði bólt- urin hjá Hjalgrími Elttør, sum takkaði fyri. Tvær aðrar ferðirnar var um reppið, at Hjalgrím náddi fram og fekk stýrt bóltinum í kassan, men tað hevði líka sum verið ov nógv av tí góða! Dysturin í tølum: KÍ-EB/Streymur 4-1 (2-0) 1-0: Hjalgrím Elttør 2-0: Hjalgrím Elttør 3-0: Hjalgrím Elttør 3-1: Ronnie Samuelsen 4-1: Hjalgrím Elttør Dómari: Dagfinn Olsen KÍ: Kartin Joensen – Jan Andreasen, Ove Nysted, Alexandar Djordjevic, Harley Bertholdsen – Arnold Joensen, Jan Joensen (Allan Joensen, 56.), Atli Danielsen, Eyðun Klakstein – Jakob Bymar, Hjalgrím Elttør Gult kort: Ove Nysted, Eyðun Klakstein EB/Streymur: Gunnar á Steig – Hallur Jacobsen (Gert Hansen, 46.), Andzrei Pacek, Egil á Bø, Esmar Eiðisgarð – Hans Pauli Samuelsen, Marni Djurhuus, Marek Vierzbicki, Ronnie Samuelsen, Magni á Lakjuni (Jákup Martin Joensen, 69.) – Sohrin Angel (Teitur Joensen, 76.) Gult kort: Andzrei Pacek KÍ–EB/Streymur 4-1 (2-0): Hjalgrím var á toppinum Hjalgrím Elttør skeyt seg upp á ovastu føroysku máltindar- nar við fýra málum í Klaksvík Christian Høgni Jacobsen tykist hava ilt við at fáa fótafesti á Vejle liðnum, har hann sunnudagin bara var seinna partin av seinna umfarinum DANMARK 1. DEILD Jóannes Hansen Eftir stóra tapið í Køge næstsíðsta vikuskifti ráddi um hjá Vejle at fáa høvdið fyri seg aftur, tá ið teir sunnudagin høvdu vijtan av grannunum úr Fredericia, sum fyrrverandi Vejle ven- jarin, Ole Fritzen, hevur ábyrgdina av. Í fjør vann Fredericia báðar dystirnar ímóti Vejle, og samantaldi málmunurin var 7–1. Men hesa ferð eydnaðist tað hjá Vejle. Í tropiska sólskininum og hitanum á vøllinum í Nørreskóginum sóu 1.249 áskoðarar longu eftir at seks minuttir vóru farnir Vejle skjóta sigurs- málið. Málskjútti var mið- vallarin Mads Beierholm, sum verður mettur at vera ein hin evnaríkasti ungi spælarin í næstbestu deild- ini. Í 2. hálvleiki trýsti Frede- ricia fyri at javna, og teir raktu eina ferð í stólpan, men tað eydnaðist teimum ikki at fáa mál. Christian Høgni Jacob- sen var á Vejle beinkinum tríggjar teir fyrstu fjórð- ingarnar av tíðini. Í 68. minutti kom hann á vøllin. Hann loysti málskjúttan av. Sunnudagin eigur Vejle torføra uppgávu á útivølli. Tá skulu teir spæla í Silke- borg, har niðurflytararnir hava fingið sera góða byrjan. Sunnudagin vunnu teir 2–1 á útivølli ímóti FC Nordjylland. Amager aftur á kortið Í mong ár hevur dreymurin á Amager verið, at teir skulu vera eitt alternativ í superliguni til hini feløgini í Keypmannahavn. Tað munnu vera eini tjúgu ár síðani, at Kastrup og Fremad Amager skiftust um at bjóða seg fram í bestu deildini, uttan at tað eydnaðist teimum at býta seg føst. Samanleggingar hava verið framdar fyri at styrkja um fíggjarliga og ítróttar- liga grundarlagið. Tað hava ikki øll viðhaldsfólkini verið so fegin um. Granna- felagið er ikki altíð tað, sum viðhaldsfólkini halda mest av. Hóast samanleggingar so hevur tað roynst illa á vøllinum. Men nú tykist ein glotti at hómast, og ama- gerkanarnir eru aftur farnir at droyma stórar dreymar. Fremad Amager er nú fremsta felagið á Amager. Síðsta kappingarár fluttu teir úr triðju bestu og upp í næstbestu deildina. Úrslit- ini í tveimum teimum fyrstu umførunum hava verið so góð, sum tað hevur borið til. Fyrst vunnu teir 3–2 á Eysturbrúgv ímóti Skjold, og sunnudagin vunnu teir 3–1 á heimavølli ímóti FC Aarhus. Harvið eru teir millum oddaliðini, og so møta nógvir áskoð- arar upp. Í dýrdarveðrinum sunnudagin vóru teir 1.229. B93 tapti 3–1 á heima- vølli ímóti AC Horsens og Johan B. Hansen, niðurflyt- ararnir úr Køge, sum næst- síðst hølvaðu Vejle av, taptu 2–1 í Køge, Ølstykke vann 3–1 á útivølli ímóti Brøns- høj, og Skjold fekk fyrstu stigini, tá ið teir vunnu 3–1 í Odense ímóti B1913. Vejle fyrstu stigini 25 24 Nr. 149 - 12. august 2003 C M Y K 24 At Popczynski er skaddur ber við sær, at gøtumenn ikki megna at umseta leik- liga bróðurpartin til mál og harvið stig FÓTBÓLTUR Jóannes Hansen Einki var at siga til tað, at teir á heimaliðnum í Runa- vík vóru fegnir, og at teir úr Gøtu iðraðu seg, tá ið dóm- arin hevði bríklsað fyri síð- stu ferð. NSÍ hevði fingið øll stig- ini, og harvið eru teir fram- vegis við í stríðnum um heiðursmerkini og Europa Cup plássini. GÍ tapti enn eina ferð, og harvið eru teir á veg ímóti vánaligasta kappingarárinum nógvu tey seinastu árini. Tað kom bara eitt mál, og tað fekk NSÍ stutt undan steðginum. Talan var um gávu frá gøtumonnum. NSÍ roynd at leypa á var av, tá ið Janik, sum saman við Súna Olsen stríddist væl á sentr- ala miðvøllinum, legði á brotsteigar markinum upp á tvørs til Helga L. Petersen, sum smekkaði til. Bólturin støkk í stólpan og út frá aftur til Ian Højgaard, sum noyddist at draga eina ferð, áðrenn hann við fløtum skoti sendi í málið. Upplagdu málmøguleik- arnir kundu teljast á aðrari hondini. Áslakur R. Peter- sen, sum var í høgru í sera framrættaðu GÍ uppstilling- ini, kiksaði fluktskot fyri opnum máli, eftir at Símun Samuelsen hevði lagt inn- fyri úr vinstru. Tá vóru 20 minuttir farnir, og tveir minuttir seinni endurtók søgan seg í hinum enda- num. Hesa ferð var tað Helgi L. Petersen, sum kiksaði fluktskotið fyri opnum máli, eftir at Sjúrð- ur Jacobsen hevði lagt inn- fyri úr vinstru. Í 2. hálvleiki hevði Súni Olsen besta møguleikan, tá ið hann varð spældur leysur í brotsteiginum og eitt vet til høgru. Tað tóktist so ógvuliga lætt at bjarga hjá Jens Martini Knudsen, sum var júst á rætta plássinum. Soleiðis var tað hvørja ferð. Jens Martin toygdi seg onga ferðina, tí tað var ikki neyðugt. Men tað var týðu- ligt, at tað kom sera væl við hjá NSÍ, at teir høvdu so royndan málverja og liðfor- mann, sum støðugt helt lið- feløgunum til. Besti NSÍ møguleikin í 2. hálvleiki var tá ið Andy Ol- sen sneiddi seg til baklinj- una í vinstru og legði út frá í brotsteigin, men skot- royndin hjá Helga L. Peter- sen varð blokerað. Álopskendir Gøtumenn vístu beinanveg- in, at teir vóru ikki komnir til Runavíkar fyri at verja egið mál í góðveðrinum. Teir vóru í 3-4-3 útgangs- støðu, og teir vóru leikliga fyri tað mesta eitt vet omaná. Bartal og Poul fingu báðir tíðliga í 1. hálv- leiki gult kort, og tað líka sum lá í luftini, at ein óheppin takling afturat kundi kosta óheppið gult kort og harvið útvísing, men teir báðir og Leivur Hansen vóru sannførandi og nýttu allar sínar royndir. Hjá NSÍ var tað handi- kapp, at Jónstein Petersen, sum plagar at finna væl saman við Sjúrða Jacobsen og sum plagar at vera turboin í vinstra borði, ikki var við hesa ferð. Fleiri av krossbóltunum hjá GÍ vórðu lagdir innfyri úr høgru, men tað gjørdist ongantíð vandamikið. Í bestu árunum hjá Símuni Petur Justinussen høvdu ivaleyst nógvar vandamikl- ar stútroyndir verið ímóti NSÍ málinum. Hesa ferðina var tað bara ein. Bárður á Lakjuni, sum var miðfram- herji, stútaði eftir frísparks- innlegg úr høgru, stútarin var góður, men Jens Martin hevði tak á støðuni. Sum seinna umfarið leið tóktist tað sum um GÍ spæl- ararnir fingu betri tamar- hald á spælinum. Miðverj- arnir luttóku í uppbyggj- andi partinum saman við Súna Olsen og Janik, og teir fingu pláss til tað. NSÍ liðið hevði alt sum tað var hug til at taka seg eitt vet aftur fyri at verja leiðsluna, og tað eydnaðist. Óli Hansen og Messias góvu ongantíð framrættaðu gøtumonnunum plássið, sum teir tóktust hava fyri neyðini, um tað skuldi eydnast hjá teimum. Hevði Popczynski í full- góðari venjing verið fram ímóti NSÍ brotsteiginum, so hevði tað heilt víst borið til at temja, snara sær á og royna ímóti málinum ella at spæla viðspælarar leysar, men so langt kom tað ongantíð. NSÍ verjan var væl skipað og tøtt, og teir gjørdu ikki stórvegis mis- tøk. Í hvussu so er gjørdu teir einki at tí slagnum, sum GÍ gjørdi stutt fyri hálvleik, og sum heimamenninir høvdu format til at gera nyttu burtur úr og harvið at skjóta málið, sum í síðsta enda vísti seg at vera nóg mikið til trý stig og harvið framvegis møguleika fyri heiðursmerkjum og kanska endurtøku av altjóða luttøk- uni komandi ár. Um gøtumenn skulu hugsa um altjóða fótbólt komandi ár, so mugu teir seta sítt álit á, at B36 verð- ur meistari umframt at teir hava vunnið steypakapp- ingina. Men eisini hvat hes- um viðvíkur sær svart út hjá gøtumonnum í løtuni. Dysturin í tølum: NSÍ-GÍ 1-0 (1-0) 1-0: Ian Højgaard 41. Dómari: Suni Johansen NSÍ: Jens Martin Knudsen – Brynjolvur Nielsen, Óli Hansen, Messias Pereira, Sjúrður Jacobsen – Gert Langgaard, Kári Hansen, Ian Højgaard (Rúni Rasmus- sen, 67.), Andy Olsen (Just- inus R. Hansen, 67.) – Sonni L. Petersen (Bjarki Danielsen, 76.), Helgi L. Petersen Gult kort: Messias Pereira, Bjarki Danielsen GÍ: Jacek Przbylski – Bart- al Eliasen, Poul Ennigarð, Leivur Hansen – Jónreid Dalheim, (Høgni Madsen, 76.), Súni Olsen, Zdzislaw Janik, Henning Jarnskor (Hanus Jacobsen, 62.) – Áslakur R. Petersen, Bárð- ur á Lakjuni, Símun Samuel- sen Gult kort: Bartal Eliasen, Poul Ennigarð, Leivur Han- sen B36 vann týdning- armiklu botnupp- gerðina á B71 leyg- ardagin, og sandoy- ingar eru nú ógvu- liga sperdir í botn- inum í 2. deild 2. DEILD Stefan í Skorini Í fjør spældi B71 upp- og niðurflytingardyst ímóti EB/Streymi, eftir at sandoyingar endaðu á øðrum plássi í 2. deild. Í ár stríðist liðið hinvegin í skeiva endanum av stiga- talvuni, og eftir tapið leygardagin liggur B71 sera tungt í botninum í 2. deild. Tað var annars útiliðið, sum legði seg framum, tá Páll á Reynatúgvu skor- aði fyri B71. B36 misti bóltin á hálvuni hjá B71, sum setti eitt skjótálop í verk. B71 hevði nú yvir- tal, og endin var, at Páll á Reynatúgvu gjørdist leys- ur við málverjanum, eftir at hann dróg framvið ein- um verjuleikara, og lands- stýrismaðurin skoraði trygt. Hetta var beint fyri steðgin. Fyrri hálvleikur var annars javnur, har B71 tó hevði havt fleiri opnar málmøguleikar. B36 tók yvir Eftir steðgin var tað tó B36, sum stýrdi dyst- inum, og heimaliðið legði stórt trýst á B71 málið. Tíggju minuttir inn í seinna hálvleik eydnaðist tað B36 at javna. Tórálvur Poulsen royndi seg við skoti, sum Valde- mar Novicki í málinum hálvbjargaði. Bólturin datt út til Áka Mørk, sum langaði til frá brotsteigar- markinum, og so var 1-1. Hóast B36 hevði yvir- vág, gekk tað ikki so væl at spæla seg fram til opn- ar málmøguleikar, og leingi sá út til, at dysturin fór at enda við javnleiki. Men tá tólv minuttir vóru eftir at spæla, fekk B36 aftur mál. Hesuferð var tað Jón Brekku, sum áður hevur spælt við B71, ið skoraði. Dánjal Petur Johansen fangaði eitt innlegg úr vinstru við handaru stong og legði eftir jørð innfyri til Jón Brekku, ið stóð leysur í málteiginum, og hann hevði lætt við at skjóta B36 framum. Bert tveir minuttir seinni var aftur galið í verjuni hjá B71. Dánjal Petur Johansen var fyrst- ur á einum hornasparki. Hann skoraði til 3-1, og so var dysturin í roynd og veru avgjørdur. Hetta var ein sera kær- komin sigur hjá B36, sum hevur vunnið báðar dystirnar eftir steðgin, og havnarliðið fór eisini framvið LÍF í stigatalv- uni. Sandoyingar munnu hinvegin kenna seg sera sperdar í botninum, tí at nú eru bert trý stig niður til B68 á aftasta pláss- inum. B71 hevur eisini mist fólk í steðginum. Símun Hansen er farin til AB, og Mustapha Kamal Ndaw úr Gambia er farin av landinum aftur. B36-B71 3-1 (0-1) 0-1: Páll á Reynatúgvu 1-1: Áki Mørk 2-1: Jón Brekku 3-1: Dánjal Petur Johansen B36-B71 3-1 (0-1): Sandoyingar sperdir NSÍ–GÍ 1-0 (1-): NSÍ hóraði akkurát undan Tað eydnaðist NSÍ at basa grannunum úr Gøtu, og harvið ogna sær trý stig í harða stríðnum um sessirnar beint undir oddinum