týsdagur 2. september 2003síða 11

Nr. 164 - 2. september 2003 21 AB-Sumba 2-0 (0-0): FSF hevur góðkent sigurin Argjamenn vunnu dystin á vøllinum við tveimum móti ongum, men sumbingar vilja vera við, at seinni málskjúttin als ikki hevði loyvi at spæla 2. DEILD Jákup Mørk jakup@sosialurin.fo Argjamenn vóru í góðum lag, tá dysturin móti Sumba varð blástur av leygardagin. Við tveimum málum seint í dystinum høvdu Hans Jørgen Djurhuus og Tom Iburg syrgt fyri næsta sigrinum á rað, og brádliga er liðið nú aftur farið at hóma heiðursmerki, tó at tað neyvan verður til nakað uppflytaratos í hesum umfarinum. Hava kært Hjá Sumba kom tapið sum vera man illa við, nú teir stríðast við TB um sessin, sum kann geva atgongd til fótbólt í bestu deildini komandi ár. Og at seinna málið varð skotið av einum leikara, sum Sumba ikki metti hava loyvi at spæla, mundi neyvan gera lagið betri. Sumbingar vilja nevnliga vera við, at Tom Iburg, sum altso skeyt seinna málið hjá AB, ikki hevur loyvi at umboða felagið. Hetta tí tað sambært kappingarregl- unum ikki er loyvt leikara at flyta felag eftir 10. aug- ust. Sumbingar vísa á, at tað ikki var fyrr enn 22. august, at AB sendi FSF umsókn um leysgeving, og hartil verður sagt, at hendan um- sóknin ikki varð gingin á møti, tí farið var út um tíðarfreistina í grein 15 í kappingarreglunum. Á Argjum vilja tey vera við, at leikarin hevði loyvi at spæla, tí talan ikki var um at skifta felag. Tom Iburg leikti við B36 í fjør, men í ár hevur hann verið burturstaddur, og tí metir AB ikki, at talan er um avmarking sambært kapp- ingarreglunum. Karl Vidtfeldt, sum er kappingarleiðari hjá FSF, váttaði eisini mánamorgun- in, at leikarin hevði loyvi at spæla við AB í dystinum. - Talan er ikki um, at leik- ari skiftur felag. Tað hildu vit at byrja við, og tí var umsóknin um spæliloyvi ikki gingin á møti. Síðani vórðu vit tó kunnaðir um, at leikarin hevur verið í Danmark í eitt ár, og tá er støðan ein onnur. Her fellur leikarin undir grein 14, stk. 1, har tað stendur, at leik- loyvi fellur burtur, tá flutt verður uttanlands. Tí er hetta ikki ein spurningur um, at leikari flytir millum feløg, men einans um at geva honum loyvi at spæla við AB, sigur Karl Vidtfeldt um málið, sum soleiðis tykist avgreitt. Dysturin í tølum AB-Sumba 2-0 (0-0) 1-0: Hans Jørgen Djurhuus 2-0: Tom Iburg Kappingarstjórin sigur, at Tom Iburg hevði loyvi at spæla við AB, og argjamenn sostatt halda fast í stigunu 21 20 Nr. 164 - 2. september 2003 FS Vágar–B68 0-2 (0-0): Tolin trívst ásannaðu skilagóðu og ágrýtnu toftamenninir Hóast tað gekk meiri enn ein tími, áðrenn teir fingu hol á, so var eingin ivi um, at liða- vrikið hjá B68 var nóg sannførandi til at fáa øll stigini FÓTBÓLTUR Jóannes Hansen joannes@sosialurin.fo Tað sást væl, hvat av liðunum á vøllinum í Miðvági er við í stríðnum um oddaplássið, og hvat liðið liggur væl longri niðri á talvuni. FS Vágar legði bragdliga fyri, og høvdu teir kent sína vitjunartíð, so kundu teir havt skorað bæði eina og tvær ferðir, áðrenn gestirnir av Toftum rættuliga høvdu fótað sær. At Hans Fróði Hansen beinanvegin lá flat- ur og var fitta løtu uttanfyri og fekk viðgerð, bar eitt sindur av klutri í toftaverj- uni við sær. Hesa løtuna og í fyrra partinum av fyrra umfarinum sum heild, hevði heimaliðið tríggjar møguleikar, har teir við størri gjøgnumbrotsstyrki kundu havt sett trygga B68 málverjan undir størri trýst, enn teir gjørdu. Jens Erik Rasmussen varð einsamallur ígjøgnum eftir verjukiks, men Dánial Hansen fekk hann aftur, og so spurdist einki burturúr tvørbóltinum. Tvær ferðir snarkontraði FS Vágar, teir komu í góðar støður, men einki spurdist burturúr hjá Clayton Soares og Birgiri Joensen. Hetta var vitjunartíðin hjá heimaliðnum. Stútt og støðugt setti B68 seg á spælið. Eitt sindur av grúsi var í maskinarínum í onkr- um ódnum, men rimmar sterka verjan og royndu lyklaspælararnir í fremru ketunum kendu sína ábyrgd. Tað hekk alt betri saman, og undan steðgin- um vóru einstakar støður, sum kundu havt givið leiðslumálið, ið B68 legan longdist eftir. Eftir eitt av mongu uppspælunum í vinstru fekk John Heri Dam eftir fríspæling frá Øssuri Hansen skot á, bólt- urin fór framvið málverjan- um, og tað kom óvart á Kristian Anton Andreasen, sum var staddur ein hálvan metur frá linjuni, at bóltur- in rakti í hann. Og í síðsta minuttinum fekk Dánial Hansen skot á úr ellivu metrum eftir langt innkast úr vinstru, men Jákup Joensen bjargaði. Miðvøllurin avgerandi B68 var í 4–4–2 útgangs- støðu, meðan FSV meiri tóktist vera í 4–3–3 upp- stilling, har Clayton Soares og Ruslan Screlea hjálptu Jens Eriki Rasmussen mitt á, og Sjúrður Ellefsen og Elfinn Ørvarodd vóru heilt í borðunum og Birgir Joen- sen miðframherji. B68 hevur nakrar av royndastu og bestu miðvall- arunum í landinum, og tað var rættuliga avgerandi. Øssur Hansen er væl fyri, og Fróði Benjaminsen vísti hesa ferð, sum hann eisini hevur gjørt tríggjar tær seinastu ferðirnar, allar tær góðu dygdirnar, sum eru í kanska evnaríkasta mið- vallaranum í landinum. Hann vann eina rúgvu av nærdystum, bæði í luftini og á jørðini, hann dugdi at sleppa sær av við bóltin, tá ið tað skuldi gerast skjótt, og hann var ein meistari í at bjóða av ein ímóti einum og sneiða ein og tveir og onkra ferðina tríggjar av sær. Mótstøðumenninir mundu gera í hvussu so er tjúgu fríspark ímóti honum, og Fróði átti sín stóra lut í báðum málunum. At B68 royndi at varð- veita ferðina, og at teir ofta megnaðu skjótt samanspæl strongdi mótstøðumennin- ar, sum høvdu ilt við at fóta sær, og sum annað umfarið leið alt meiri og meiri runnu teir aftaná mótstøðu- monnunum og heldur sparkaðu enn spældu, tá ið teir endiliga fingu fatur á bóltinum. Málini Intensiteturin varð varð- veittur í meiri enn ein tíma. B68 framspælini og inn- leggini tóktust ongan góðan at eiga, tá ið tey komu í brotsteigin, og hóast B68 verjan við ótroyttiliga Ják- upi Eli Olsen á odda var stinn og skilagóð, eisini eft- ir at Hans Fróði Hansen var farin av vøllinum, og teir spældu 3–5–2, so lúrdi møguleikin fyri, at heima- liðið kanska kundi fáa eitt mál. At Fróði Benjaminsen og Jann Ingi Petersen býttu um, so Fróði eina løtu varð tann meiri framrættaði sentrali miðvallarin, bar størri tyngd við sær, men tað var deyðbóltsstøða í 68. minutti, sum bar fyri B68 forloysandi málið við sær. Fróði Benjaminsen vann fríspark mitt á FSV helvt- ini. Øssur Hansen, sum í 1. hálvleiki hevði kiksað úr átjan metrum, eftir at Fróði hevði vunnið fríspark, royndi eina ferð afturat, og hesa ferð bar betri til. Bólt- urin sigldi omanfyri mann- garðin og upp í málhornið. Tað er eftir frísparksmál av hesum slagnum, at tað er at undrast á, hví so stórur manngarður, sum tekur sýnið frá málverjanum, verður settur. Leiðslumálið tók eitt sindur av broddinum. Heimaliðið tóktist hava ilt við at trúgva uppá, at tað skuldi bera til at koma afturíaftur. B68 royndi at varðveita leikferðina. Tað eydnaðist partvís, og tað var eftir bóltvinning mitt á tveir minuttir undan leik- loki, at teir øktu til 2–0 og harvið staðfestu sigurin. Miðvallarin í høgru, Bogi Petersen, vann bóltin, spældi Fróða Benjaminsen, sum beinanvegin stakk fram ímillum. Jann Ingi Petersen sleit seg leysan av miðverjuni og trillaði illa kroystur bóltin framvið málverjanum, sum royndi at koma út ímóti. Ivaleyst fleiri B68 áskoð- arar enn nakrantíð áður vóru eygnavitni til, at teirra lið telvaði seg í støðu, har teir sjálvir kunnu gera av, um teir skulu enda á topp- inum ella ikki. Ei undur í at lagið var gott, og vágamenn staðfestu, at teir høvdu verið uppi ímóti skilagóð- um og ágrýtnum mótstøðu- liði. FS Vágar–B68 0–2 (0–0) 0–1: Øssur Hansen 68. 0–2: Jann Ingi Petersen 88. Dómari: Páll Augustinus- sen FS Vágar: Jákup Joensen – Jógvan H. Samuelsen, Jó- hannis Joensen (Eyðfinn Fjalsbak, 81.), Albert Ari Thomassen, John Johansen – Ruslan Screlea, Clayton Soares, Jens Erik Rasmus- sen – Sjúrður Ellefsen (Bjarni Prior, 52.),Birgir Joensen, Elfinn Ørvarodd (Rói Árting, 74.) Gult kort: Sjúrður Ellefsen B68: Albert Sævarsson – Dánial Hansen, Hans Fróði Hansen (Jóhan Petur Poulsen, 62.), Jákup Eli Olsen, Arnbjørn Danielsen – Bogi Petersen, Jann Ingi Petersen, Fróði Benjamin- sen, Øssur Hansen – Kristi- an Anton Andreasen (Eyð- stein Skipanes, 78.), John Heri Dam Gult kort: eingin Toftamenn halda framvegis kósini, og nú eru bara tvey stig upp til oddasessin í deildini savnsmynd Sandoyingar fingu trý sera kærkomin stig í Leirvík, har heimaliðið nú er í álvarsligum vanda 2. DEILD Jákup Mørk jakup@sosialurin.fo Tað hevur ikki verið nakað serliga hugaligt hjá B71 seinastu nógvu umførini. Liðið, sum undan árinum hevði ætlanir um at liggja í betra endanum, har sum strítt verður um uppflyting, er steðgað at kalla heilt upp, og so hvørt sum kapp- ingarneytarnir hava skavað stig inn undir seg, er dreymurin um uppflyting umskeplaður til eina marru um niðurflyting. Soleiðis var í øllum førum fram til leygardagin, tí her eydnaðist loksins sandoyingunum at vinna. Og at tað so var ímóti júst LÍF, sum við hesum datt niður um strikuna, mundi ikki gera dagin hjá sandoy- ingum verri. Leingi var tó líkt til, at talan skuldi verða um eina málleysa uppgerð. Bæði liðini royndu hvør í sínum lagi, men har var hampu- liga langt ímillum møgu- leikarnar. Men í seinastu løtu gjørdu Jónsvein Thomsen um seg. Hann hevur í alt ár verið eitt av álitunum á liðnum, og nú tørvurin var størstur, var tað eisini hann, sum tryggjaði liðnum stigini. Hjá Leirvíkingum merkti tapið hinvegin, at niðurflytingarvandin nú er heilt nær. Enn eru fýra stig niður til B68 og beinleiðis niðurflytingina, og tí bend- ir alt nú á, at talan verður um ein av teimum heilt avgerandi dystunum, tá B68 vitjar í Leirvík um tvær vikur. Ein dystur, sum kann avgera, hvørt leirvík- ingar fyri fyrstu ferð síðani 1980 skulu síggja besta lið sítt spæla í triðju deild. Dysturin í tølum LÍF-B71 0-1 (0-0) 0-1: Jónsvein Thomsen LÍF-B71 0-1 (0-0): Sandoyingar uppfrá C M Y K 20 Lýsið við brúktum bilum