leygardagur 13. september 2003síða 6

10 Nr. 173 - 13. september 2003 Nr. 173 - 13. september 2003 11 Tað er ein heilt ófatiligur sorgarleikur, ið hevur rakt Svøríki við morðinum á Onnu Lindh. Hetta er ein persónligur sorgarleikir fyri mann og synir. Hetta er ein politiskur sorgarleikur fyri fólkaræðið. Drápið er annað álopið á ta sermerktu politisku skipan, sum vit í umleið hundrað ár hava havt í Norðurlondum. Fyrra álopi var Palmemorðið, sum ikki varð upp- klárað. Henda politiska skipan, sum byggir á álit og opin- leika, altjóða solidaritet og dirvi til á uttanríkis- politiska pallinum at seta seg upp ímóti harð- ræðisligum politiskum atburði uttan mun til, hvaðan hesin atburður kom. Hendan skipan er einastand- andi í øllum heiminum, og svenski javnaðarflokk- urin hevur í heila øld verið heitasti talsmaður fyri júst hesari skipan við opinleika og áliti. Anna Lindh var sannførd talskvinna fyri hesi skipan. Hon førdi uttan at himprast linjuna hjá Erlander og Palme víðari. Men hon megnaði meira enn tað, hon megnaði at nútímansgera svenskan uttanríkis- politikk og hon megnaði at tilføra Europa eina sterka sosiala og solidariska dimensión. Solidari- teturin skudi ikki bert venda inneftir í EU men eisini úteftir mótvegis Triðja Heiminum.Anna Lindh segði frá, uttan mun til hvør móttakarin var og hon lat seg hvørki kúga av USA ella av nøkrum av teimum meria ella minni ivasomu monnunum, sum standa á odda í ávísum EU londum. Anna Lindh hevði stórar, bjartar og djarvar visiónir fyri Svøríki, ikki bert á uttanríkispolitiska økinum, men eisini á innanríkispolitiska økinum. Hon helt trúføst fast um tær upprunaligu sosialdemokratisku hugsjónirnar, samstundis sum hon hevði evnini til at tillaga hesar hugsjónir til nútíðarsamfelagið. Hetta var kanska ein orsøkin til ta mangan hatsku og bondsku skriving móti hennara persóni og móti hennara sjónarmiðum og hugsjónum. Anna Lindh hevði havt ivaleyst eina stóra framtíð heima í Svøríki so væl sum uttanlands, um henni hevði verið lív lagað. Anna Lindh var sterk, klók og djørv, viljaføst og sum menniskja var hon sermerkt í orðsins mest positiva týdningi. Hon hoyrdi til ein bólk av trúgvum og heitum Føroyavinum í svenska javnaðarflokkinum. Anna Lindh vitjaði sum ung í Føroyum, har hon átti góðar vinir serstakliga í tí SU- umhvørvi, ið var politiskt sera virkið og livandi í sjeyti og í áttatiárunum. Hon verður nógv saknað á politiska leikpallinum tað veri seg heima í Svøríki eins væl og á altjóða støði. Maður og synir hava mist eina góða konu og eina góða og fyrimyndarliga móðir. Svøríki og Norðanlond hava mist ein dugnaligan politikara og eitt stórt og gott menniskja. DAGSINS MEINING Sosialurin Anna Lindh VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 225429 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jógvan Fríðriksson Gjaranes 10. sept. 2003 Hin 14. september 2003 varpar hin Føroyska Sjó- manskirkjan (FSK) ljós á søguna og arbeiðið hjá sjómanskirkjuni. FSK varð stovnað í Runavík hin 8. juli 1981. Tess vegna hava vit valt Glyvra kirkju sum karm um hátíðargudstæn- astuna. Umboð fyri kirkju- ráðini, prestar og onnur innboðin vera til gudstæn- astuna saman við kirkju- liðnum á staðnum. FSK virkar innan karmar fólkakirkjunnar, ja, er ein partur av hennara virksemi. Vit eru í tøttum samstarvi við Donsku Sjómanskirkj- una (DSK). Vit eru í sam- vinnu við norðurlond í al- tjóða høpi so at skilja, at vit sum kirkja virka millum altjóða sjófólk. Á sama hátt útinna aðrar sjómanskirkjur tænastu millum føroysk sjófólk. FSK ger ikki mun á tjóðskapi, fólkasløgum og húðaliti. Vit virka á krist- num grundarlagi í mann- góðum verki. Vit bera orðið um Jesus Krist og ynskja at vera sjófólki, fastbúgvandi og vitjandi til tænastu. Í nógv ár hevur FSK havt fólk úti í teimum donsku sjómanskirkjunum. Talan er um assistentar og hús- møður. Eitt tíðarskeið vóru vit í San Pedro í Los Ange- les. Hetta var í samvinnu við norsku sjómanskirkj- una. Arbeiðið verður stuðl- að av kirkjunum, gávum frá einstaklingum og vinnu- ligum virksemi. Í 2002 játtaði Føroya Løgting FSK ein árligan stuðul til ein sjómansprest í Hull. Hesin peningur verð- ur goldin FSK sum ein blokkstuðul. Avtala varð gjørd við DSK um eitt samstarv. Samstarvið ber í sær tríggjar eindir: Tað staðbundnu kirkjuna í Hull, FSK og DSK. Starvsetan og skipan av starvinum er danskt málsøki, meðan Hull ger eitt viðmæli og FSK innstillar. Raksturin av sjómans- kirkjuni í Hull kostar árliga umleið eina millión krónur. Harafturat er vert at varn- ast, at ein grunnur eigur bygningin saman við DSK. Soleiðis sæð koma vit til skorin klæðir og skulu ikki hugsa um kirkju ella íbúð til prestin. Torført er at seta tøl á hetta virðið, tí vit spara eina íløgu í bygning ella leigu. FSK metir, at um vit umrokna hesi forrætt- indi til pening, so gjalda vit føroyingar væl minni enn helvtina av tí, ið sjómans- kirkjan í Hull árliga kostar. Sjómanspresturin í Hull er tekin um positivan hug- burð og nýhugsan. Politiski myndugleikin í Føroyum og umsitingin hava í sam- starvið við FSK gjørt eitt gott arbeiði. Kirkjuligi myndugleikin sýndi fram- tøkni, tá starvið varð við- mælt. Avtalan við DSK verður endurskoðað um tvey ár, og til ta tíð eru møguligar ábøtur verdar at umhugsa. Sjómanskirkjan ynskir at vera eitt friðskjól hjá tí siglandi fólkinum, tá komið verður í fremmanda havn. Til tess krevst eitt gott bak- land, og FSK takkar teim mongu, sum hava dugnað sjómanskirkjuni í forbøn, verki og fíggjarligum stuðli. Hugaligt er at síggja Merkið veittra í fremm- andum landi. Ímyndin av føroyskari mentan á kross- ristum dúki. Samstarv í norðurlendskum og altjóða høpi er við til at økja um sjónarringin samstundis sum ávarað verður ímóti trongskygni. Sjófólkið sigl- ir á øllum heimshøvum. Eingin tjóð kann vera alla- staðni. Samstarv er neyð- ugt. Føroyska Sjómanskirkjan TÍÐINDASKRIV Hóskvøldið 11. september kl. 20 skipa Fróðskapar- setrið og Føroya Fróðskap- arfelag fyri almennum fyri- lestri. Margrét Jónsdóttir, do- sentur á Háskóla Íslands, heldur fyrilestur, ið hon kallar: Íslendsk nýmyndan - sagnorðið ‘væða’ í saman- setingum. Tað forníslendska sagn- orðið væða kemur av navn- orðinum váð, sbr. t.d. rekkjuváð, nútíðaríslendskt voð. Nógv samansett sagn- orð á íslendskum enda við - væða, t.d. einkavæða, hnattvæða, rafvæða, sið- væða, tæknivæða og tölvu- væða. Merkingin er altíð tann sama: t.d. merkir rafvæða at ‘ravmagns- búgva’. Fyrstu sagnorðini av hesum slag gera vart við seg um miðja 20. øld. Nú veksur talið av hesum orðum skjótt, og tann gongdin hevur samband við ta alsamt vaksandi tøkni- menningina. Av nýggjum samansetingum ber til at nevna Windows-væða og ADSL-væða. Í fyrilestrin- um verður røtt um søguna hjá hesum sagnorðunum og ymsar spurningar teimum viðvíkjandi. Margrét Jónsdóttir tók cand. mag.-prógv í ís- lendskari málfrøði við Háskóla Íslands 1981 og hevur síðani starvast har. Hon er dosentur í "Ís- lendskum fyri útlendskar studentar". Margrét hevur skrivað undirvísingartilfar fyri útlendskar studentar, einsamøll og saman við øðrum. Hon hevur skrivað nøgd av greinum um mál- frøðilig evni, bæði av søguligum og samtíðar- ligum slag, flestar innan fyri bendingarfrøði. Fyrilesturin er á ís- lendskum. Úthendi (hand- outs) verða latin. Almennur fyrilestur á Fróðskaparsetrinum Høgni Hoydal landsstýrismaður Í lesarabrøvum í bløðunum eru komnar atfinningar móti Mentamálaráðnum og móti landsstýrismanninum í mentamálum í sambandi við setan av sjómanspresta- starvinum í Hull. Í hesum sambandi verða hesar við- merkingar gjørdar til at- finningarnar. Málið um føroyskan sjó- mansprest varð reist fyri Mentamálaráðnum 5. juli 2001, tá Føroyska Sjó- manskirkjan sendi áheitan til Landsstýrið um at skipa eitt føroyskt sjómanspresta- starv. Føroya biskupur, Hans Jacob Joensen, gav áheitanini sítt besta við- mæli. Áðrenn politisk støða varð tikin til málið, var ein arbeiðsbólkur settur at lýsa og greina allan spurningin um eitt føroyskt sjómans- prestastarv. Arbeiðsbólk- urin skrivaði eitt útgrein- andi álit, og álitið var handað landsstýrismannin- um tann 21. desember 2001. Seinni varð álitið latið øllum løgtingslimum. Í álitinum var arbeitt við tveimum møguleikum: 1) at stovnseta sjómans- prestastarvið undir føroyskari fólkakirkju, ella 2) at skipa sjómanspresta- starvið undir verandi skipan. Tað er óneyðugt at nevna, at landsstýrismaðurin í mentamálum vildi ynskt, at Fólkakirkjan varð yvir- tikin, og at vit sostatt kundu arbeitt við fyrsta møguleik- anum, men økið er tíverri ikki yvirtikið, og tí muga vit liva við verandi skipan. Um sjómansprestastarvið skuldi stovnast, áður enn Fólkakirkjan varð yvirtikin, mátti hetta sostatt gerast undir verandi skipan, har allir prestar (og sjómans- prestar) verða settir í Dan- mark eftir donskum sátt- málum. Hetta merkir t.d., at lønarviðurskifti, eftirlønir, trygging, røkt av starvs- fólki o.s.fr. eru donsk máls- øki burturav. Undir verandi skipan, tvs. so leingi Fólka- kirkjan ikki er føroyskt málsøki, er setanarmynd- ugleikin hjá sjómansprest- inum hjá Donsku Sjómans- kirkjuni og ikki her í Føroy- um. Herumframt skulu danskir sjómansprestar lúka somu treytir (og hava somu rættindi) sum danskir fólkakirkjuprestar, ið eru settir undir danska Kirkju- málaráðnum. Føroya Landsstýri vildi vera við til at hjálpa lands- monnum uttanlands (sjó- monnum, lesandi og føroy- ingum annars), og tí var uppskot um játtan til stuðul til Føroysku Sjómanskirkj- una við á eykajáttanar-løg- tingslógini fyri februar 2002. Sum grundarlag fyri støðutakan til játtanina lá notat og álitið, sum arbeiðs- bólkurin hevði handað landsstýrismanninum. Í notatinum stendur greitt, at Danska Sjómans- kirkjan er setanarmyndug- leiki, og at uppgávan hjá Føroysku Sjómanskirkjuni er at útvega fólk, og at end- urrinda Donsku Sjómans- kirkjuni tann partin av út- reiðslunum, sum partarnir gera avtalu um. Í notatinum stendur eisini, at Føroyska Sjómanskirkjan ynskir, at føroyingar sjálvir gjalda lønina til ein sjómansprest, soleiðis at føroyingar eisini kunnu avgera, hvør ið settur verður. Og í álitinum stendur at lesa á s. 12: "Verður stuðul játtaður føroysku sjómanskirkjuni, innan fólkakirkjan er yvirtikin, so verður stuðul- in at gjalda sum blokkstuð- ul til føroysku sjómans- kirkjuna. Føroyska sjó- manskirkjan ger neyðugar avtalur við donsku sjó- manskirkjuna um set- anarviðurskifti og starvs- økið hjá sjómanspresti." Føroyska Sjómanskirkjan gjørdi samstarvsavtalu við Donsku Sjómanskirkjuna. Mentamálaráðið hevur, eftir tilmæli frá Føroysku Sjómanskirkjuni, góðkent hesa avtalu. Sam- starvsavtalan millum før- oysku og donsku sjómans- kirkjuna hevur við sær, at føroyingar endurrinda Donsku Sjómanskirkjuni fyri kostnaðin av lønini til sjálvan prestin, og danir gjalda restina av rakstrinum av kirkjuni, herundir løn til hjálparfólk, bústað hjá presti, leigu av kirkju v.m. Í samstarvsavtaluni mill- um føroysku og donsku Sjómanskirkjuna stendur, at Føroyska Sjómanskirkj- an og kirkjuliðið í Hull skula ávíkavist innstilla og koma við úttalilsi um setan av sjómanspresti, og at Danska Sjómanskirkjan setur starvið. So leingi sum Fólkakirkj- an er danskt málsøki, er og verður setanarmyndugleik- in í Danmark. Tað hevur ongantíð verið ætlanin at flyta setanarmyndugleikan til Føroysku Sjómanskirkj- una ella til føroyskan myndugleika, so leingi sum fólkakirkjan ikki er yvir- tikin. Mentamálaráðið og landsstýrismaðurin hava tískil heilt einfalt ikki heimild at leggja seg út í setanina. Tað hevur eisini verið ført fram, at føroyski skatt- gjaldarin skal gjalda fyri hátíðarhald hjá Føroysku Sjómanskirkjuni sunnu- dagin tann 14. september á Glyvrum. Hetta er ikki beint. Føroyska Sjómans- kirkjan hevur fingið mark- aðan stuðul á Løgtings- fíggjarlógini til at gjalda løn til sjómansprestin í Hull. Grannskoðaður rokn- skapur fyri stuðulin fyri- liggur, og vísir hesin rokn- skapur, hvussu nógv er nýtt til løn. Ónýtt játtan, tvs. alt avlopið, verður at flyta aftur til landskassan. Há- tíðarhaldið á Glyvrum verður ikki goldið av hesi játtan, og sostatt ikki av føroyska skattgjaldaranum. Eg skal enn einaferð loyva mær at nevna, at eg fyrst og fremst vildi ynskt, at vit høvdu fingið okkara egnu føroysku fólkakirkju, og harvið eina føroyska sjómanskirkju, sum kundi samstarvað á jøvnum føti við norðurlendsku sjó- manskirkjurnar. So kundu vit sloppið undan slíkum fløktum loysnum sum her við sjómansprestinum í Hull. Men soleiðis gekk tað ikki, og tí valdu vit, eftir tilmæli frá Føroysku Sjó- manskirkjuni, ta næstbestu loysnina. Hetta varð gjørt, fyri ikki at forkoma málin- um. So leingi Fólkakirkjan ikki er føroyskt málsøki, er og verður sjálvur setanar- myndugleikin uttan fyri okkara myndugleikaøki, og hetta fær landsstýrismaður- in einki gjørt við. Hetta merkir so eisini, at ein møgulig kæra frá umsøkj- ara um setan av sjómans- prestastarvinum eigur at verða send til Donsku Sjó- manskirkjuna ella møgu- liga til danska umboðs- mannin. Hinvegin vil eg fegin fáa lýst, hvat ið er farið fram í mun til sjálva avtaluna, eitt nú um nakað er at við- merkja um avtalugrund- arlagið, og fari eg tí at biðja um eina frágreiðing frá Føroysku Sjómanskirkjuni hesum viðvíkjandi. Haraft- urat haldi eg, at tað er rætt longu nú at eftirmeta av- taluna, og ætli eg mær tí at heita á tann arbeiðsbólkin, ið skrivaði álit um føroyska sjómans-prestastarvið, at taka sær av hesum. Hetta mál er ein avleið- ing av, at kirkjan ikki er yvirtikin. Men kanska verður støðan ein onnur, tá starvið skal setast av nýggj- um um trý ár. Tá hava vit vónandi eina føroyska fólkakirkju, sum kann samstarva á jøvnum føti við eitt nú donsku fólkakirkj- una og donsku sjó- manskirkjuna. TÍÐINDASKRIV frá Føroyahúsinum Feløgini og Føroyahúsið eru farin undir vetrar- skránna, sum hevur tilboð av mongum slag. Tó er her at siga, at vit kunna borð- reiða, men vit kunna ikki noyða fólk til at koma innar. Húsið er fyrst og fremst karmur um tiltøkini. Øllum stendur í boði at koma við hugskotum og til- tøkum, sum kunna fjøltátta tilboðini í húsinum, sigur leiðarin, sum tó heldur at vanliga er undirtøkan góð til tey tiltøkini, sum eru. Húsið var fullsett leygar- kvøldið til dansin, sum Fótatraðk skipaði fyri. t.v.s uml. hálvtriðjahundrað fólk inni. Longu í august hava verið týsdagsdøgverðar, re- septión og fótbóltsdystur á stórskýggja, har eini 180 fólk vóru til dystin millum Føroyar og Ísland. Reseptión: Løgini Fríggjakvøldið 12. sep- tember verður reseptión, nú stórverkið Løgini til Føroya Kvæði er útkomin. Eftir tógvið stríð í út við fimm ár eydnaðist at fáa hetta verkið úr hondum greitt um ólavsøkumundið. Marianne Clausen kórdirigentur og tónleikagranskari hevur verið rithøvundi og ritstjóri. Marianne og faðir hennara Claus Clausen hava bæði savnað saman vísu- og sálmaløg í Føroyum og á annan hátt víst føroyskum sangi og tónleiki ans. Fyri sítt virki fekk faðirin vakra steinmynd fra Føroya Landsstýri í 1963. Hetta relieff av Janus Kamban hongur nú í Føroyahúsinum og er gáva frá Marianne og móðir hennara, tá ið faðirin var farin. Føroyahúsið og Marianne skipa fyri reseptiónini. Kaj Larsen, sum er kønur innan kvæðasavningina, fer at hugleiða um hetta og tað nýggja verkið. Marianne fer sjálv at greiða frá sínum arbeiði við lagasavningini. Húsakórið, sum hon stjór- naði í 22 ár, fer at syngja tríggjar sangir við kvæða- lag og Fótatraðk fer upp á gólv. Eisini verður borðreitt við sneisabitum og øðrum undir respetiónini. Bókin verður sjálvandi at fáa til keyps. Tíverri er tað tó hent, at meginparturin av upplagnum skal prentast umaftur, tí fleiri lýti eru í stórum parti. Hendan prent- ingin er farin í gongd. Danir vilja fegnir vita meira um Føroyar Ikki so sjáldan venda skúl- ar, feløg og onnur sær til okkara at fáa meira at vita um føroysk viðurskifti og um sjálvt húsið. Nú ein dagin var ein ungur arki- tektur. Hon skuldi tekna eini koreansk kulturhús og var tí og leitaði eftir in- spiratiónum hjá okkum. Týsdagin 16. septembur vitja fjøruti fólk við Norrøna Felagnum í Lyng- by. Tey skula eta kalvadøg- verða saman við okkum og eftir tað fer Sjúrður Skaale at siga frá um Føroyar. Hendan dagin vitjar ein annar kenningur. Tað er Stanley Samuelsen úr Fuglafirði sum saman við vinmanninum Hans Erics- son úr Svøríki fara at syngja fyri gestunum hetta kvøldið, har rokna verður við eini hundrað fólkum til kvøldið. Onkuntíð koma skúla- flokkar inn og fáa frásøgn í húsinum. Men stundum fer leiðarin sjálvur ella sama við øðrum út á onkun skúla ella okkurt felag at siga frá. Tað kann vera ein Rotary, rithøvundafelag, skótabólk- ur, vælgerandi bólkar av ymsum slag o.a. Listafólk, rithøvundar og veitslur Í september hevur Fanny Mouritsen úr Havn og Henry Mieseles úr New York framsýning í Stóru- stovu. Undan teimum vóru Niels Salmony aúr Trongis- vági og Bjørn Lerberg úr Noreg. Og soleiðis skiftir. Men mong av hesum fólk- um búgva nú í Danmørkini. Fanny í Sindal og Henry í Keypmannahavn. Føroya- húsið hevur hesar framsýn- ingar, men Listafelagið fer eisini at hava tvær fram- sýningar í heyst møguliga saman við kafékvøldi, sum vísir seg at vera sera heppin máti. Annika Brimheim er formaður í føroyska Lista- felagnum í Keypmanna- havn. Í fjørvetur vóru Oyggj- arnar tema. Tað vísti sega at hava góðan áhuga. Onkur oyggj kom ikki rættiliga upp í part tá, so tær koma nú í vetur. Nólsoyggin er á skránni síðst í septembur. Og nøkur munna eisini bíða eftir einum hugnaligum bingokvøldið, sum samtíðis er til frama fyri húsið. Fýra slík kvøld vera í heyst. Tað fyrsta verður 23. septemb- er. Í oktobur eru fleiri stór tiltøk so sum tann kenda vínveitslan 4. oktobur, har Pauli Joensen er vínkenn- arin og Stina Gudmunds- dóttir kokkurin. Tá fara Julianne Boys at spæla og Húsakórið skipar fyri sam- an við Føroyahúsinum. Kvinnufelagið skipar fyri- lestri um Villiam Heinesen og 10. oktobur verður aftur mentanarnátt í Keyp- mannahavn, har vit altíð eru við. Fótatraðk fer seinni í mánaðinum at skipa fyri almennum føroyskum dansi og eftir mánaðar- skiftið fer Ítróttarfelagið at hava ársveitslu og mann- ingin á Tvørábátinum lundaveitslu. VIÐMERKINGAR Viðmerkingar til skriving um sjómansprestastarvið Vetrarskráin hjá Føroyahúsinum C M Y K 11 10 Lesið -tað loysir seg