fríggjadagur 19. september 2003síða 3

4 Nr. 178 - 20. september 2003 Nr. 178 - 20. september 2003 5 Klaksvíkar bókasavn fer aftur at skipa fyri tiltøkum í vetur. Byrj- að verður aftur týs- kvøldið 23. september við einum einum fyrilestri TILTØK Solby A. Eliasen solby@sosialurin.fo Fyrilesturin, sum verður týskvøldið, verður hildin av Doris Hansen. Hann fer at snúgva seg um støðuna hjá teimum brekaðu í dag. Føroya Landsstýri hevur avgjørt, at 2003 skal verða ár teirra brekaðu. Føroyar eru sostatt eitt av mongum evropeiksum londum, sum hava valt at seta viðurskifti teirra brekaðu á dags- skránna í ár. Hetta skal verða við til at flyta mørk og broyta almenna hugburðin, so framtíðar forðingar fyri tey brekaðu verða eitt sindur lættari at vinna á. Bókasavnið hevur eisini valt at varpa ljós á " Ár teirra brekaðu" og tískil byrja tiltøkini í ár við ein- um fyrilestri um støðuna hjá teimum. Nýtt tiltak Bókasavnið hevur saman við barnaansingarstovnun- um í fleiri ár havt tiltøk fyri børnum undir skúlaaldur, og nú er tíðin komin eisini at gera okkurt fyri børnum, sum ganga í skúla. Tí er ætl- anin í vetur at fara undir eitt nýtt tiltak fyri børnini. Annan hvønn hósdag verður upplestur og byrjað verður hósdagin 25. september klokkan 17. Tá verður lisið úr bókini "Emil úr Lønne- bergi". Øll børn eru vælkomin til upplesturin eisini saman við foreldrum. Ein skrá er gjørd yvir upplestrardagarnar, og hvat lisið verður. Skráin fæst á bókasavninum og sæst á heimasíðuni hjá bókasavn- inum www.kb.fo. Tiltøk á Klaksvíkar bókasavni Lasse Klein í trupulleikum Fyri fáum døgum síð- ani varð gjørt vart við, at formaðurin í landsfelagi Sjálvstýr- isfloksins, Lasse Klein, á duldan hátt hevði umsett grein úr donsku Weekenda- vísini til egið lesara- bræv, og kann hann nú koma í trupul- leikar. Bæði formað- urin í danska blað- mannafelagnum og løgfrøðiligi konsul felagsins meta tað vera brot á lógina um upphavsrættin, og kunnu teir krevja stórt endurgjaldskrav ella fara í rættin, um tíðindamaðurin á Weekendavísini, Hans Mortensen, ynskir hetta LÓGARBROT Heini í Skorini heini@sosialurin.fo Í seinastu viku hevði Lasse Klein lesarabræv í Dimma- lætting og Sosialinum við heitinum "Ein samgonga á vegamóti". Síðani kom í øðrum lesarabrævi frá Sjúrða Skaale fram, at greinin í brotum varð um- sett orðarætt úr atfinnandi grein um bretsku Blair- stjórnina í donsku Week- endavísini, uttan at víst varð á nakra keldu. Bert vórðu nøvnini á politiskum flokkum skift út. Lasse skal gjalda við kassa 1 Formaðurin í landsfelagi Sjálvstýrisfloksins, Lasse Klein, hevur síðani víst á, at hann bert hevur fingið íblástur og ikki umsett nak- að, men danska blað- mannafelagið ynskir nú at hyggja nærri at málinum, sum kann fáa avleiðingar fyri sjálvstýrismannin. - Talan er um brot á lóg- ina um upphavsrætt, og tískil fara vit beinanvegin at hyggja nærri at málinum og upplýsa viðkomandi tíð- indamann á Weekenda- vísini um hetta, og so er tað í seinasta enda hansara avgerð, um vit sum fak- felag skulu fara víðari við málinum, sigur formaðurin í danska blaðmannafelagn- um, Mogens Blicher Bjerregaard. Spurdur, hvørjar ítøki- ligar avleiðingar kunnu væntast, sparir formaðurin ikki uppá krútið. - Uttan sjálvur at hava kannað málið kann eg við støði í upplýsingunum úr Føroyum siga, at Lasse Klein skal gjalda við kassa 1. Endurgjaldskrav verður í fyrsta lagi kravt frá honum, um Hans Mortensen á Weekendavísini ynskir tað, og síðani kann málið fara víðari í rættin, um tað verð- ur neyðugt, vísir ein av- gjørdur fakfelagsformaður á. Fleiri lógarbrot Løgfrøðiligi konsulin í danska blaðmannafelagn- um, Christian Dølpher, vís- ir somuleiðis á, at Lasse Klein hevur framt lógarbrot á fleiri økjum. - Fyrst og fremst hevur hann ikki søkt um loyvi at nýta greinina, síðani hevur hann tikið æruna fyri sjálv- ur at vera høvundur uttan at upplýsa keldur, og í triðja føri hevur hann í veruleik- anum broytt eina grein hjá øðrum tíðindamanni við at skifta nøvn á flokkum út. Við hesum hevur hann framt fleiri lógarbrot, sigur løgfrøðingurin. Víðari vísir hann á somu avleiðingar sum formaður- in, og undirstrikar hann, at farið verður víðari við mál- inum. - Tíðindamaðurin á Weekendavísini skal fyrst og fremst upplýsast um málið frá okkum, og síðani er tað í seinasta enda hans- ara avgerð, um vit sum fak- felag skulu ákæra Lassa Klein. Í fyrstu atløgu fara vit í øllum førum víðari við málinum til Hans Mort- ensen á Weekendavísini. Um hendingin gerst rættar- mál, kemur tað sambært løgfrøðinginum undir heitið "civilt søgsmål". Stórt endurgjaldskrav Løgfrøðiligi konsulin Christian Dølpher sigur, at talan kann gerast um stórar peningaupphæddir, hóast hann ikki longu nú kann upplýsa, hvussu stórt endurgjaldskravið verður. - Við fleiri brotum á lóg- ina um upphavsrætt kann føroyski politikarin koma at gjalda stóra peningaupp- hædd, men nøgdin á endur- gjaldskravinum er eisini tengd at, hvussu tíðarkrevj- andi greinin hevur verið fyri Hans Mortensen á Weekendavísini. Løgfrøð- ingurin á blaðmannafel- agnum sigur, at hevur Hans Mortensen nýtt nógva tíð, kann upphæddin gerast enn størri. Christian Dølpher vísir tó á, hvussu avgerandi tað er, um Lasse Klein hevur beinleiðis umsett ella bert fingið íblástur. - Tað er jú altíð loyvi at fáa íblástur, og tískil mugu vit nú kanna, í hvussu stóran mun hann hevur nýtt greinina hjá Hans Mort- ensen. Weekendavísin seinasta orðið Sum áður nevnt fer danska blaðmannafelagi í øllum førum at hyggja nærri at málinum og upplýsa Week- endavísina um, hvat Lasse Klein hevur gjørt, og síðani mugu teir bíða eftir aftur- svarið frá blaðnum. - Um blaðmaðurin ella Weekendavísin ynskja at hyggja nærri at málinum og møguliga krevja endurgjald fyri beinleiðis umseting ella kopiering, taka vit ábyrgdina í størsta álvara at verja rættindini hjá okkara limum, men tað er so teirra avgerð, hvat víðari hendir, sigur Christian Dølpher, løgfrøðiligur konsul í danska blaðmannafel- agnum. Viðmerkjast skal, at yvirritaði ikki fekk orðið á Hans Mortensen frá Week- endavísini, sum hevur seinasta orðið. Soleiðis samanber Sjúrður Skaale í lesarabrævi 15. september greinarnar báðar, og er hetta eitt av fleiri líkandi dømum. Weekendavísin: "De (t.e. Blair stjórnin, ss) kom ind med en fant- astisk entusiasme, og en overvældende styrke. Og de besluttede at fortsætte på samme måde i regering, som de havde gjort i opposition. Med de samme metoder. Derfor lækkede de alting. Parlamentet får ikke længere tingene at vide først. Regeringen lækker til venligt- sindede journalister. Det er mangel på respekt for parlamentet. Det skaber foragt for politik, og det skader journalistik i ekstrem grad. Journal- ister har måttet finde sig i at blive hængt ud, tyr- anniseret og undergrav- et i forhold til redaktør- er. Beskeden er: Hvis du skriver som vi vil have, får du noget. Hvis ikke er din karriere i fare." Lassi Klein: "Teir yvir- tóku landsins stýri við eini ótrúligari idealismu fyri skjótt seks árum síðani, og ruddaðu alt framman fyri sær við einari styrki sum ikki var sædd áður, og teir samtyktu at halda fram í landsstýrinum á sama hátt sum teir høvdu gjørt í andstøðu. Við somu atferð. Hetta er orsøkin til, at teir leka øll tíðindi. Løgtingið fær ikki longur boð- skapin um málsviðgerð- irnar fyrst. Landsstýris- menn leka til góðu vinir sínar í fjølmiðlaheim- inum. Eingin virðing er fyri løgtinginum longur. Hesin arbeiðsháttur skapar vanvirðing fyri politiska arbeiðinum, og skaðar arbeiðið hjá journalistum í stóran mun. Fjølmiðlafólk hava verið noydd at funnið seg í at verða hongd út, kúgað og trælkað. Boðini eru greið: skrivar tú sum vit vilja hava, so fært tú nakað. Um ikki, so er tín karriera í vanda." Lasse Klein kann í framtíðini koma í trupulleikar vegna brot á lógina um upphavs- rætt. - Lasse Klein skal gjalda við kassa 1, um hann hevur framt lógarbrot, og um tíðindamaðurin á Weekenda- vísini ynskir hetta, sigur for- maðurin á danska blað- mannafelagnum Í aftursvari sínum til skuldsetingarnar um lógarbrot og møgu- ligu avleiðingarnar sigur Lasse Klein, at alt ov nógv er gjørt av, og at hann ikki óttast stórvegis avleiðingar. – Vit fáa øll íblástur okkara ymsastaðni frá, sigur formaðurin í landsfelagi sjálvs- týrisfloksins LÓGARBROT Heini í Skorini heini@sosialurin.fo Lasse Klein kennir seg ikki hóttan, hóast hann sambært berandi kreftum í danska blaðmannafelagnum hevur framt brot á lógina um upphavsrætt. - Eg kann ikki hugsa mær, at teir fara víðari við málinum. Teir skuldu held- ur fegnast um, at greinir teirra verða nýttar, sigur Lasse Klein. Hann vísir á, at hóast greinin í Week- endavísini um bretsku Blair-stjórnina varð nýtt sum útgangsstøði í lesara- brævi hansara um Tjóð- veldis- og Fólkaflokkin, varð talan um egin sjónar- mið, sum hóska til føroysk viðurskifti. - Tveir dagar eftir, at eg fekk áheitan frá Fregnum at skriva til blaðið, læs eg úr Weekendavísini, og tá gjørdi eg av at nýta grein- ina um bretsk viðurskifti til mína egnu skriving í Fregnum, og fólk eru samd við mær í, at somu hugsanir eru galdandi fyri føroysku samgonguna, sigur Lasse Klein. Ásannar eisini mistak Tó sigur sjálvstýrismaðurin úr Eysturoynni, at hann skuldi havt upplýst um kelduna. - Eg havi viðgingið, at eg skuldi gjørt greitt, hvaðani íblástur mín kom, og tað er so eitt mistak, eg ásanni, og so er málið út av verðini, sigur Lasse Klein, sum als ikki metir talan vera um nakað lógarbrot. - Vit fáa øll íblástur okkara ymsastaðni frá, og um hetta skal dragast fram, skulu rættiliga nógv onnur mál eisini fram í ljósið, vísir hann á. Lasse spyr, hvussu ein t.d. kann skriva nakað um Magnus Heina- son, um hann ikki hevur fingið upplýst um søguligu mannin í søgubókum okk- ara, og á henda hátt nýta vit øll keldur ymsastaðni frá til egið brúk. - Stórir søguligir menn høvdu vent sær í grøvini, um teir ikki vórðu endur- givnir av ættarliðunum eftir teir, vísir Lasse Klein á. Yvirdrivið Lasse Klein harmast um, at gerð hansara á henda hátt verður gjørd til nógv meiri, enn hon í veruleikanum er. - Eg havi bert lýst føroysku politisku viður- skiftini við støði í út- lendskari grein, sum hósk- aði sera væl til, og tískil er hetta yvirdrivið, har alt ov harðliga er farið til verka. Hóast hann ásannar, at hann skuldi upplýst um kelduna úr Weekendavísini, metir hann seg als ikki hava framt revsivert brot á lógina um upphavsrættin, og hevur hann ongar við- merkingar til skuldseting- arnar frá danska blað- mannafelagnum. Lasse Klein vísir skuldsetingum aftur C M Y K 5 4