týsdagur 23. september 2003síða 9

Nr. 179 - 23. september 2003 17 Talvið hesa vikuna Dúgliga hevur verið telvað um russiska meistara- skapin. Yvir 50 stórmeistarar, harav nógvir úr topp 30 í heiminum. Kasparov og Kramnik luttóku tó ikki. Eisini í Russlandi fingu vit tveir vinnarar, nevnliga teir navnframu Peter Svidler, sum vann GM-kapp- ingini í Norðurlandahúsinum í 1997, og Alexander Morozevich. Báðir fingu sjey stig av níggju møguligum. Svidler bleiv kosin vinnari vegna betri mótstøðustig, umframt at hann vann á Morozevich miðskeiðis í kappingini. Talvið hesa vikuna er frá fyrsta umfari. Svidler,P (2723) - Sherbakov,R (2555) 56th ch-RUS Krasnoyarsk RUS (1), 03.09.2003 1.e4 c5 2.Rif3 Ric6 3.d4 cxd4 4.Rixd4 Rif6 5.Ric3 d6 6.Bg5 Bd7 (Sokallaði Rauzer varianturin í sisilionskum) 7.Fd2 Rc8 8.f4 Rixd4 9.Fxd4 Fa5 10.e5 dxe5 11.fxe5 e6 12.0—0—0 (Áhugaverd støða, sum er púra opin. Eisini er møguligt: 12.exf6 Fxg5 13.Rie4 sum eisini er gott fyri hvítan) 12...Bc6 13.Rib5! Bxb5 14.exf6 Bc6 15.h4 g6 16.Bc4 (Hvítur er væl betri útviklaður) 16...Fc5 17.Fd3 Ff5 18.Fb3 (Peikar óført móti e6. Svarta støðan tykist vónleys) 18...Rd8 19.Rdf1 Fg4 Støðan eftir 19...Fg4 20.Bxe6! (Avgerandi) fxe6 21.Rf4! (neyðugt er at fylgja væl upp uppá góðar leikir) Fe2 22.f7+ Kd7 23.Rd4+ Bd6 24.Rhd1 Bd5 25.Rxd5! exd5 26.Fxb7+ og svartur gavst vegna 26...Bc7 27.Rxd5+ Ke6 28.Fc6+ Bd6 29.Rxd6 Rxd6 30.Fe8+ 1—0 Danin Curt Hansen og sviin Evgenij Agrest endaðu fremstir í NM, sum bleiv telvað í Århus, meðan Flóvin Tór Næs bleiv aftastur í sterku kappingini TALV Carl Eli Nolsøe Samuelsen Í frálíkum umstøðum í År- hus fingu norðurlendskir telvarar høvi at kýta seg ímóti hvøjum øðrum. Ein teirra varð Flóvin, sum einsamallur umboðaði Før- oyar. Hini norðurlondini høvdu tvey umboð hvør, uttan Danmark sum hevði trý umboð, orsakað av tí eina umboðnum úr Føroy- um. Leikliga gongdin Sviin Jonny Hector legði bestur út við sigrum í trim- um teimum fyrstu umfør- unum, men fall síðani spakuliga burturfrá oddin- um. Íslendarin Helgi Olafs- son og Curt Hansen vórðu fremstir eftir seks umfør- um, og meðan Helgi eins og Hector dragnaði eitt petti, helt Curt fram við góða spælinum. Teir einastu ið megnaðu at fylgja við dananum, vórðu Evgenij Agrest og Hannes Stefansson. Fyrr- nevndi kláraði í tøkum tíma, við sigri á Flóvini í síðsta umfari, at fáa Curt aftur. Curt valdi við hvíta fólkinum at taka ein skjót- an risikofrían javnleik í síðsta umfarinum ímóti Stefansson. Flóvin skuldi eitt nú telva móti átta stórmeistarum. Ein spennandi avbjóðing, sum tó bleiv ein ov stór uppgáva hjá havnarmann- inum. Hálvt stig av ellivu møguligum varð úrtøkan hjá Flóvini. Javnleik fekk Flóvin móti stórmeistar- anum Lars Schandorff í fimta umfari. Næsta kappingin hjá Flóvini verður í oktobur í Føroyum, tá hann saman við fýra øðrum føroyingum fara at royna seg í 2nd Klaksvík International. Meira um IM-kappingina verður at frætta í næstu viku. Sí www.faroechess.com um nærri upplýsingar um kappingina. 1. deild menn v t d v - j - t mál mál +/- stig 1 HB 16 10 - 5 - 1 36 15 21 35 2 B36 16 11 - 1 - 4 34 17 17 34 3 B68 16 9 - 5 - 2 23 12 11 32 4 NSÍ 16 8 - 4 - 4 29 16 13 28 5 KÍ 16 7 - 2 - 7 25 25 0 23 6 EB/Streymur 16 5 - 6 - 5 29 33 -4 21 7 GÍ 15 4 - 5 - 6 20 26 -6 17 8 VB 15 3 - 4 - 8 15 25 -10 13 9 FS V 16 3 - 2 -11 22 39 -17 11 10 Skála 16 2 - 0 -14 9 34 -25 6 2. deild menn v t d v - j - t mál mál +/- stig 1 ÍF 16 12 - 3 - 1 36 13 23 39 2 Sumba 16 9 - 4 - 3 32 13 19 31 3 TB 15 9 - 2 - 4 45 22 23 29 4 AB 16 6 - 5 - 5 27 21 6 23 5 KÍ 16 7 - 1 - 8 31 47 -16 22 6 B36 16 6 - 3 - 7 27 21 6 21 7 VB 15 6 - 2 - 7 28 19 9 20 8 B71 16 5 - 2 - 9 24 22 2 17 9 LÍF 16 5 - 1 -10 21 44 -23 16 10 B68 16 2 - 1 -13 9 58 -49 7 Máltindarnir 1. deild menn Hjalgrím Elttør KÍ 13 John Petersen B36 9 Heðin á Lakjuni B36 8 Sorin Anghel EB/S 8 Andrew av Fløtum HB 8 Jákup á Borg B36 7 Rógvi Jacobsen HB 7 Helgi L. Petersen NSÍ 7 Clayton Soares FSV 6 Sonni L. Petersen NSÍ 6 Birgir Jørgensen VB 6 Milan Kulic VB 6 Súni Fríði Johannesen B68 5 Birgir Joensen FSV 5 Krzystof Popczynski GÍ 5 Súni Olsen GÍ 5 Tór-Ingar Akselsen HB 5 John Heri Dam B68 4 Egil á Bø EB/S 4 Hans Pauli Samuelsen EB/S 4 Ronnie Samuelsen EB/S 4 Kim Poulsen FSV 4 Símun Samuelsen GÍ 4 Karsten From HB 4 Rúni Nolsøe HB 4 2. deild menn Kaj Roest TB 10 Áki Mørk B36 9 Eirikur Joensen Sumba 9 Dan Mortensen TB 9 Hanus Eliasen ÍF 8 Eyðun Samuelsen AB 7 Høgni Zachariasen ÍF 7 Allan Michelsen TB 7 Pætur Dam Jacobsen AB 6 Ken Bærendsen ÍF 6 Helmar Lassen KÍ 6 Óli Johannesen TB 6 Sigmundur Mikkelsen VB 6 Jónsvein Thomsen B71 5 Tummas Pauli Olsen B71 5 Eyðolvur Petersen ÍF 5 Erling Fles KÍ 5 Olgar Danielsen KÍ 5 Rasmus Nolsøe TB 5 Jón Pauli Olsen VB 5 Dánjal Petur Johansen B36 4 Axel Højgaard B68 4 Símun Hansen B71 4 Kaj Eli Poulsen LÍF 4 Magnus Dalbø LÍF 4 René Thomsen Sumba 4 Endaliga støðan GM C. Hansen (2618) Danmark 8,0/11 GM Agrest (2605) Svøríki 8,0 GM Stefansson (2560) Ísland 7,0 GM Olafsson (2498) Ísland 6,0 GM Hector (2538) Svøríki 6,0 GM Gausel (2533) Noreg 5,5 IM Palo, (2510) Danmark 5,5 FM Lehtinen (2362) Finnland 5,0 GM Kallio (2471) Fin 5,0 GM Schandorff (2525) Danmark 5,0 IM Lie (2440) Noreg 4,5 FM Flóvin Tór Næs (2330) Føroyar 0,5 Tveir norður- landameistarar 17 16 Nr. 179 - 23. september 2003 Sunnudagin fara B36 og HB innanhýsis at gera av, um tað skal vera annað ella hitt havnarfelagið, sum skal vinna meistaraskapin 16. UMFAR SAMANUM Jóannes Hansen Havnin hevði undanvind í illsligu fótbóltslíkindunum sunnudagin. HB vann av- gjørda toppdystin ímóti B68 2–0, og við 2–1 sigri í Runavík syrgdi B36 fyri, at HB ikki longu eftir 16. umfarið meiri ella minni gjørdist meistari. Undan næstsíðsta umfar- inum hevur HB 35 stig, B36 hevur 34 stig, B68 hevur 32 stig, og NSÍ hevur 28 stig. Tað resta tvey um- før, og tískil er teoretiski møguleikin hjá NSÍ í ár at vinna fyrsta FM heitið nakrantíð heilt burtur. Toftamenn hava fram- vegis møguleikan at vinna fyrsta FM heitið síðani í 1992, men í veruleikanum er hann burtur. Um B68 ikki fer heilt niður við nakkanum eftir leikliga vónbrotið og tapið í Gunda- dali, so mugu teir metast at hava møguleikar at vinna bæði á heimavølli ímóti GÍ og á útivølli í Vági. Men tað er á ongan hátt nóg mikið hjá B68 at fáa fult í sínum avbjóðingum. Møguleikin hjá teimum er eisini treytaður av, at HB og B36 spæla javnt, og at KÍ í síðsta umfarinum í Gunda- dali fær øll stigini frá HB. Tað er ikki so langt síðani, at VB fekk málleysan javn- leik á territorinum hjá HB, men tað má metast heilt lítið ella rættari einki sann- líkt, at HB skal kiksað á heimavølli ímóti lítið sannførandi klaksvíking- unum, tá ið mest fer at standa á. At HB ikki skal fáa meiri enn tvey stig afturat, um B68 møguleikin framvegis skal verða varðveittur kemst av, at nú er neyðugt hjá toftamonnum at fáa fleiri stig enn HB. Eftir 2–0 sigurin á heimavølli er HB betri í innanhýsis kapp- ingini við B68. Tað skal ein heilt góður vilji at finna aðrar møgu- leikar, enn at avgerðin um FM heitið fer at fella, tá ið grannarnir í Gundadali fara at bresta saman næsta sunnudag. B36 eigur heimadyst, og tí verða tað teir í árstalsfelagnum, sum fara at fáa áskoðarainntøk- urnar. Um tað fer at enda við javnleiki, so verður HB framvegis besta boðið upp á FM heitið. Hjá B36 er tað knívskorðið. Teir skulu vinna næsta sunnudag, um teir skulu verða meistarar. Um tað fer at eydnast hjá teimum at vinna, so verður FM møguleikin stórur, tí B36 skal í síðsta umfarin- um til Gøtu. Tá kann støðan gerast heilt margháttlig, um B36 altso nú sunnudagin fer at fáa alt ímóti HB. Einasti møguleikin hjá GÍ enn eina ferð at sleppa upp í part í UEFA Cup er treyt- aður av, at B36 verður meistari. So sleppur GÍ upp í part í altjóða fótbólti, tí teir á Ólavsøku taptu steypafinaluna ímóti B36! Deyðbóltsstøðurnar Ofta verður tikið til um eitt nú íslendskan og norskan fótbólt, at flestu málini verða skorað í sambandi við deyðbóltsstøður. Onkra ferðina áður hava vit víst á, at gongdin við lutfalsliga nógvum málum í sambandi við fríspark, hornaspark, innkast og sjálvandi brots- spark eisini hevur gjørt seg galdandi í føroyskum fót- bólti. Gongdin í teimum báðum oddadystunum sunnudagin var gott dømi um hetta. Í Gundadali vórðu bæði málini skorað eftir deyð- bóltsstøður. Hitt fyrra eftir hornaspark, og hitt seinna eftir innkast. Í Runavík vóru tvey av trimum málum skorað í sambandi við deyðbólts- støður. Sjúrður Jacobsen úr NSÍ javnaði til 1–1 eftir hornasparksinnlegg, og Jens Kristian Hansen stútaði sigursmálið hjá B36 – eftir hornaspark. Í Gundadali megnaði B68 ikki at spæla seg til upplagdar málmøguleikar. Teir tiltuskaðu sær fríspark úr nett somu støðu, sum Øssur Hansen hina ferðina skoraði ímóti Slovenia. Øll hildu ondini, meðan Øssur gjørdi seg til at skjóta sunnudagin, men so søplaði B68 møguleikan burtur í kombinatión, sum heilt kiksaði, uttan at Øssur slapp framat. Botnurin lætti sær á Skála fekk sunnudagin trý stig á heimavølli ímóti VB. Men bjargingin undan aftasta plássinum er fram- vegis fimm stig burtur. Tað er hon, tí FS Vágar á heimavølli megnaði at vinna ímóti KÍ, sum eftir summarsteðgin bara hevur vunnið ímóti EB/Streymi og Skála, og sum má metast at hava havt eitt rættuliga kiksað kappingarár. At FS Vágar fekk øll stigini ímóti KÍ, meðan VB tapti á Skála hevur við sær, at tað brennur ikki sørt undir VB. Næstniðasta plássið er bara tvey stig burtur. FS Vágar fær sunnudagin vitjan av Skála, meðan VB skal til Eiðis, og í síðsta umfarinum fer VB at fáa vitjan av B68, meðan FS Vágar skulu spæla í Runavík. VB eigur útsetta avbjóð- ing á Vágseiði ímóti GÍ. Tann uppgerðin er ásett at verða nú mikukvøldið. Um VB fer at megna at fáa alt, so verður rættuliga torført hjá FS Vágum at sleppa burtur av næstaftasta pláss- inum. Um tað eydnast FS Vágum at fáa stig nú sunnudagin, so hevur tað við sær, at tað undan sein- astu umfarinum verður greitt, at Skála næsta kapp- ingarár verður í næstbestu deildini. Eysturoyggin hevur longu tryggjað sær nýtt umboð í 1. deild. Leygar- dagin flutti ÍF, sum hevur átt mest støðuga liðið í næstbestu deildini, upp aftur í 1. deid, sum teir fluttu niður úr á seinasta leikdegnum í 1999. Heldur ikki hesa ferð eydnaðist tað hjá B68 at varðveita næstbesta liðið í 2. deild í meiri enn eitt kappingarár. Royn er flutt upp í 2. deild, og í løtuni bendir nógv á, at tað verð- ur næstbesta liðið hjá HB, sum skal spæla ímóti LÍF ella B71, sum leygardagin styrkti um sína støðu, um eitt pláss í næstbestu deild- ini. FM heitið er komið í Gundadal Í Havn syrgdi HB fyri, at tað framvegis verða teir, sum skulu gera av, hvar gullið skal enda Mynd: Finnur Justinussen Tó at B68 framvegis hevur møguleikan, so tykist spurningurin um gullið nú vera eitt mál millum tey bæði havnarfeløgini, og B36 greiddi í so máta sína skyldu í Runavík Mynd: Álvur Haraldsen C M Y K 16