leygardagur 27. september 2003síða 7

12 Nr. 183 - 27. september 2003 Nr. 183 - 27. september 2003 13 NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Føðingar 12. september fingu Eyðvør á Fløtti og Rene Thomsen, Korinth, Fyn, eina dóttur. Hon var 54 cm long og vigaði 4268 gr. 14. september fingu Linda Hansen og Poul Nolsøe Sørensen, Norðragøtu, ein son. Hann var 52 cm langur og vigaði 3300 gr. 15. september fingu Inger Olsen og Kári Troest, Saltangará, eina dóttur. Hon var 52 cm long og vigaði 3450 gr. 15. september fingu Joan Jacobsen, Skopun, og Magni Jacobsen, Glyvrum, ein son. Hann var 55 cm langur og vigaði 4110 gr. 16. september fingu Elisabeth Henriksdóttir og Brian Anthoniussen, Tórshavn, ein son. Hann var 58 cm langur og vigaði 4400 gr. 18. september fingu Lis og Atli Hansen, Klaksvík, ein son. Hann var 52 cm langur og vigaði 3700 gr. 19. september fekk Sóley Joensen, Glejbjerg, ein son. Hann var 52 cm langur og vigaði 3400 gr. 19. september fingu Astrid og Hans Meinhard Midjord, Tórshavn, eina dóttur. Hon var 54 cm long og vigaði 4200 gr. 20. september fingu Marianna og Høgni Hansen, Fuglafirði, ein son. Hann var 54 cm langur og vigaði 3900 gr. 20. september fingu Pernille Krogh, Miðvági, og Óli Reynskor, Sørvági, eina dóttur. Hon var 57 cm long og vigaði 5275 gr. 21. september fingu Marjun og Krissfinn Lydersen, Klaksvík, ein son. Hann var 54 cm langur og vigaði 3970 gr. 21. september fingu Erik Johansen og Olfa Trabelsi Johansen, Miðvági, eina dóttur. Hon var 54 cm long og vigaði 3500 gr. 23. september fingu Jórun A. Viderø og Eyðun Nielsen, Tórshavn, eina dóttur. Hon var 57 cm long og vigaði 4450 gr. 23. september fingu Eyðbjørg og Erik Lervig, Leirvík, ein son. Hann var 55 cm langur og vigaði 4220 gr. 23. september fingu Joan Djurhuus, Hvalvík, og Fríði Danberg, Vágur, ein son. Hann var 53 cm langur og vigaði 3560 gr. 23. september fingu Rósa Maria og Martin Brodersen, Tórshavn, tvíburðar, son og dóttur. Gentan var 51 cm long og vigaði 3220 gr, drongurin 49 cm langur og vigaði 2470 gr. 24. september fingu Joan á Fløtunum og Eyðun Christiansen, Lamba, ein son. Hann var 54 cm langur og vigaði 3950 gr. Andlát 16. september Jákup Hermansen, Leynar, 57 ár 18. september Marit Christiansen, á Kirkju, 80 ár 21. september Kristianna Suggate,fødd Petersen, ættað av Steig í Sandavági, búsitandi í London,84 ár Petur Arge Nielsen, vanliga nevndur Petur hjá Niels í Heiðunum, 85 ár Páll Narve, føddur í Tórshavn, búsitandi í Frede- riksberg, 69 ár 23. september Clara Nielsen, Vestmanna,76 ár Jón Johansen 40 ár Í dag, leygardagin 27. sep- tember, fyllir Jón Johansen í Havn 40 ár. Jón er føddur og uppvaksin í Havn, sonur Theu, f. Joensen, úr Hesti og Karl Johansen, Karl hjá Talis, úr Havn. Jón er útbúgvin bil- mekanikari, hann lærdi hjá Frits Jensen í Gundadali. Áðrenn hann fór í læru, var hann ørindadrongur hjá Tórshavnar Kommunu ein tíð. Hann arbeiddi sum postboð í umleið fimm ár, áðrenn hann í umleið 1989 fekk starv sum oljufýrser- vicemaður hjá Shell. Hann er B36´ari sum tey flestu á Abbatrøð, umframt tað er hann næstformaður í B36. Eisini var hann í fleiri ár startdómari hjá Róðrar- sambandinum. Hann er eisini virkin í politikki og er kassameistari í Suður- streymoyar Javnaðarfelag. Honum dámar sera væl at fáast við kríatúr, og hevur hann seyð, gæs og dunnur á Ternuryggi. Jón er giftur við Tóru Poulsen úr Nólsoy og eiga tey fýra børn, Julian 13 ár, Rannvá 10 ár, Elsa 8 ár, og Karl 3 ár. Føðingardagin heldur Jón í Keypmannahavn sam- an við konuni. Hósdagin 25. september fylti Niels Pauli Djurholm, Kollafirði, níti ár. Hann er føddur á Glyvrum, sonur Hans Djurholm, navigatiónsskúla- lærara og skipasýnismann og Inger f. Weihe av Selatrað. Teir vóru tveir brøður. Lassen doyði í 1992. Niels Pauli tók læraraprógv í 1935 og var lærari á Toftum og í Gøtu, áðrenn hann gjørdist lærari í Kollafirði í 1937. Frá 1949 til hann fór úr starvi í 1981, var hann fyrsti- lærari í Kollafirði. Hann er kendur fyri at hava verið ein sera nær- lagdur og dugnaligur lærari. Lærarastarvið var fyri hann eitt kall, sum hann røkti samvitskufult. Í 1957-58 var hann á ársskeiði í Danmark. Umframt at vera lærari, røkti hann fleiri álitisstørv. Frá 1949 og næstu 30 árini var hann organistur í kirkjuni í Kollafirði, umframt, at hann bæði var limur í sóknar- stýrinum og í meinigheitsráðnum. Í sínum virkna felagslívi, var hann millum teirra, sum stovnaðu Kolla- fjarðar Ítróttarfelag. Hann var eisini kommunuskrivari í Kollafirði í útvið 30 ár. Niels Pauli fekk sær konu úr Kollafirði. Gunda hevur verið honum ein góður stuðul. Komm- unuskrivstovan var í heimi teirra, so har kom nógv fólk á gátt, og mangur drekkamuður var skonktur. Har varð kommunuskatturin álíknaður, og Djurholm, sum hann vanliga verður nevndur, stóð eisini fyri at heinta inn hendan skatt. Tey veittu eisini kollfirðingum aðrar tænastur t.d. at skriva testa- menti, sjálvuppgávur, ognarupp- gerðir, umsóknir o.m.a. Teirra heim var eitt opið stað fyri tey, sum høvdu hjálp fyri neyðini og søktu sær góð ráð. Har vóru mál avgreidd, sum í dag krevja fleiri ársverk á stovnum, sum ikki geva tað inniligu, persón- ligu og vinarligu viðgerð, sum tey góðu gerandis sum heilagt, á morgni sum seint á kvøldi. Tá var einki, sum æt frá kl. 8 til 16. Honum dámar væl náttúruna, og so leingi hann orkaði, gekk hann mangan túrin frá Sjógv til Vest- manna, tá hann kom á vitjan. Yvir hundrað ferðir hevur hann verið uppi á Árnadalstindi. Niels Pauli hevur altíð dámt væl at lisið, og hevur vitjað nógv Landsskjalasavnið. Í nógv ár hjálpti hann Páll Nolsøe við Sigl- ingarsøguni, har hann eisini fær tøkk fyri stuðulin í fororðunum til seks tey síðstu bindini. Har verður eisini víst á, at hann átti ein stóran part av tilfarinum í bind 14. Eisini hevði hann rættlesturin av teimum fimm síðstu bindunum. Nú verfaðir er farin um tey níti árini, vil eg takka fyri tað, tit hava verið og eru fyri meg og mína familju, við bestu ynskjum um eitt framhaldandi gott lívskvøld. Øssur Niels Pauli Djurholm 90 ár NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Lene Rauff Nielsen 50 ár Í dag, leygardagin 27. september, fyllir Lene Rauff Nielsen í Hoyvík 50 ár. Lene er fødd í Brande í Jútlandi, dóttir Rigmor og Hans Rauff Nielsen. Eftir at havið tikið HF-prógv lærdi hon til sosialráðgeva í Odense og var liðug í 1976, tá hon kom til Føroya og arbeiddi á kriminalforsorgini í 1976-77. Eftir tað fór Lene aftur til Danmarkar, har hon arbeiddi sum sosialráðgevi í Odense til 1985, tá hon flutti til Føroyar at búgva og fekk arbeiði á Almannastovuni, har hon starvast enn í dag. Í nøkur ár var hon eisini nevndarlimur í Sosialráð- gevarafelag Føroya. Lene er gift við Jógvan Dahl, studentaskúla- lærara. Tey búgva í Hoyvík og eiga tvey børn, Hannu, sum er 22 ár, og Martin, sum er 19 ár. Lene verður ynskt hjartaliga tillukku við 50 ára føðingardegnum. starvsfelagarnir Dagurin 27. september. Kosmus (eisini skrivaður Cosmas), deyður í umleið ár 300. Tikin av døgum undir Diocletianus keisara. 28. september. Venceslaus, deyður í 935. Sonur hertogan Vratislav í Bøhmerlandi. Av øvund læt heidni bróðirin Boleslav hann myrða. Gjørdist verndarhalgimenni hjá Bøhmen og er jarðaður í Sankta Vensils Kapelli í Vituskirkjuni í Prag, sum er bygd oman á toftunum av tí rotundu, sum hann sjálvur læt byggja. Føroyska navnið er Vensil. Hammershaimb-ættin kemur úr Bøhmerlandi,og Wensil próstur skrivaði navn sítt Venceslaus Ulricus Hammershaimb (1819-1909). Navnið er slaviskt og merkir hin heiðurskrýndi. Lucas Debes deyður hendan dagin í 1675, 52 ára gamal. 29. september. Mikkjalsmessa. Dagur hildin høvuðs- einglinum Mikael til heiðurs. Ein av teimum mishalgi- døgunum, sum nógv hevur verið hildið um í Føroyum, serstakliga av tí hann hevur verið so nær knýttur at seyðahaldi. Líka í hesi øldini vita fólk um at siga, at lestur hevur verið lisin mikkjalsmessudag eftir teksti úr Opinberingini (12, 7-12) Dilkadagur. Bíbilska navnið merkir hvør er sum Harrin. Bent Mortensen 70 ár Sunnudagin 28. september fyllir Bent Mortensen í Vági 70 ár. Bent er føddur og uppvaksin í Vági. For- eldrini vóru, Bette, f. Niel- sen, úr Vestmanna, og Palli Mortensen, vanliga nevnd- ur Argja Palli, ættaður av Argjum. Sum 14 ára gamal fór Bent í smiðjulæru hjá páp- anum, sum hevði smiðju í Vági. Í 1953 fór hann til Danmarkar á Haslev Hånd- værkerhøjskole, har hann gekk veturin 1953-54. Í 1954-55 arbeiddi hann á maskinverksmiðjuni hjá Burmeister & Wain í Keypmannahavn. Í 1955- 56 sigldi hann við trolara, og í 1958 tók hann maskin- meistarprógv, 1. part. Í 1960 kom Bent aftur í starv í smiðjuni hjá pápan- um, Palla Mortensen, og í 1976 yvirtók hann virkið, sum í dag kallast P/F Tangavirkið í Vági. Á virk- inum arbeiða í dag 10 mans. Umframt alt vanligt maskinarbeiði hava teir millum ár og dag gjørt nógvar ketlar til oljufýr- ingar og tangar í øllum støddum. Bent var í nógv ár nevndarlimur í Vágs Hand- verkmeistarafelag. Bent var giftur við Jonnu, f. Dam, úr Porkeri, sum doyði í 1972, tey fingu fimm børn. Í 1975 giftist hann uppaftur við Katu, f. Skorastein, ættað úr Leirvík, sum eigur ein son. Tey eigur 14 ommu- og abbabørn. 30 ár eru liðin síðan nakrir ungir føroyingar eitt fríggjakvøld fyrst í sep- tember 1973 hittust til eina samkomu á Oxford Allé 3A úti á Amager. Hetta var byrjanin til eitt evangeliskt útisetaverk, sum fekk navn- ið Kristnastova. Tað vóru tey bæði Susan og Øssur Berghamar, sum vóru flutt úr Føroyum til at arbeiða millum føroyingar í Keyp- mannahavn. Susan er fødd og upp- vaksin í Hounslow uttan fyri London. Sum ung gekk hon á Moorlands bíbliu- skúla, har fleiri føroyingar eisini hava gingið. Øssur er úr Havn, for- eldrini vóru: Tinna, f. Han- sen, av Toftum, og Sigurd Berghamar úr Havn. Øssur er útbúgvin skrivstovumað- ur og hevur t.d. arbeitt í Sjóvinnubankanum, á skrivstovuni á Landssjúkra- húsinum og á bilasølu. Susan og Øssur møttust í Onglandi, og tey giftust í Onglandi í 1970. Nógvir føroyingar búðu í Keypmannahavn í 1973, men tó munandi minni enn í dag. Flogsamband við Føroyar var bert tríggjar ferðir um vikuna, flogið var við Fokker Friendship pro- pellflogførum, og tað tók fýra tímar at flúgva millum Føroyar og Danmark. Nakað av kristiligum virksemi var millum før- oyingar í Keypmannahavn hesa tíðina. Føroyskar gudstænastur vóru hildnar í Sámuelskirkjuni í Thors- gade, og longur niðri í gøt- uni var danska brøðra-sam- koman, har mánaðarlig før- oysk møtir vórðu hildin. Hóast hesi tiltøk var tørv- urin á einum miðvísum arbeiði millum føroyingar í Keypmannahavn, eitt stað, har føroyingar kundu venda sær við bæði andaligum og sosialum spurningum. Einki hotel var fyri før- oyskar sjúklingar og teirra avvarðandi, sum komu niður í sjúkraørindum, og eingin almenn føroysk ráð- geving, sum vit kenna hana í dag. Síðani arbeiðið í Kristna- stovu byrjaði, hava vitjanir millum føroyskar sjúkling- ar á Rikissjúkrahúsinum verið fastur táttur av virk- seminum. Virksemið á Oxford Allé vaks nógv hesi árini og skjótt blivu hølini ov lítil. Í 1979 vórðu eini størri hús keypt á Birmavej 36 á Amager, sum vóru væl egnað til endamálið. Síðan virksemið byrjaði hava fríggjakvøldssam- komurnar í Kristnastovu verið nógv vitjaðar. Eisini eru møti og sunnudagsskúli sunnudagar. Føroyski presturin í Keypmannahavn og Kristnastova skiftast um at hava andaktir á Hotel Tórshavn aðru hvørja viku. Av og á er eisini samkoma fyri eldri føroyingar. Kristnastova skipar hvørt ár fyri legum fyri føroyskar útisetar ymsastaðni í Dan- mark. Susan og Øssur hava verið við frá byrjan og eru enn virkin í Kristnastovu. Tey eiga tveir synir, Andrew, sum hjálpir til í arbeiðinum í Kristnastovu og Kristin Filip, sum býr í Randers. Susan og Øssur eiga fimm barnabørn. Í sambandi við at 30 ár eru liðin síðan hetta arbeiði millum føroyingar í Keyp- mannahavn byrjaði, verður stevnudagur fyri fyrr- verandi útisetar í sam- komuhúsinum Siloa í Fuglafirði í dag. 30 ár í Kristnastovu Øssur og Susan Berghamar hava verið leiðarar í Kristnastovu í 30 ár C M Y K 13 12