leygardagur 27. september 2003síða 12

22 Nr. 183 - 27. september 2003 VB-TB 0-1 (0-0): Aldursforsetin hongur í Møguleiki røkist nú fyri, at talan verður um lokaluppgerð millum TB og VB, tá seinasti spurningurin um upp- og niður- flyting skal svarast 2. DEILD Jákup Mørk jakup@sosialurin.fo TB er enn felagið, sum hev- ur bestu kortini á hondini, tá tosað verður um møgu- leikan at fylgja ÍF upp í bestu deildina. Hóskvøldið spældu tvøramenn útsetta dystin móti VB í Vági, og her eydnaðist teimum at fáa øll stigini norður aftur við sær. Sum skilst, so var nakað av vindi, og órógvaði hetta spælið hampuliga nógv, so- leiðis at talan sjáldan var um nakað væl skipað fót- bóltsspæl, men tað vóru tó gestirnir, sum høvdu munin fyri tað mesta. Leingi var tó líkt til, at talan skuldi gerast um mál- leysa uppgerð, men eitt lítið korter fyri leiklok eydnaðist tó einum fyrrver- andi VB-leikara at skjóta avgerandi málið. TB spældi seg ígjøgnum í vinstru síðu, og tá sent varð innfyri var Olivur Abrahamsen ísa- kaldur og við innaru-síðuni beindi hann bóltin í málið, og so var stór frøi á TB- leikarum og – -viðhalds- fólkum. Við sigrinum er TB nú aftur á næst ovasta plássin- um í deildini, og tí kunnu teir framvegis gera av sjálv- ir, hvussu lagnan skal verða. Einasta liðið, sum hevur møguleika at taka teir aftur, er Sumba, men hvussu stórur hesin møgu- leikin er, er í løtuni nakað óvist. Fyrst og fremst tí dómsnevndin enn ikki hevur gjørt av, hvussu verð- ur við teimum trimum stig- unum, sum Sumba á skriv- araborðinum hevur vunnið frá AB, og hartil tykist eftirverandi dystarskráin hjá sumbingum nakað tor- førari enn hjá TB. Ikki minst tá Sumba í seinasta umfarinum skal á vitjan í Fuglafirði. TB skal í teimum báðum seinastu dystunum splæa móti KÍ og B71, og so er spurningurin, hvussu talvan sær út, sá seinasta umfarið er leikt. Ein møguleiki er í øllum førum, at TB skal takast við besta liðið hjá VB í dystum um upp- og niðurflyting, og um tað verður støðan, so er einki at ivast í, at tað er ein upp- gerð, sum fer at hava alstór- an ans kring alla oynna. TB vann útsetta dystin í aðru deild móti VB, og er nú aftur á næst ovasta sessinum í aðru deild Mynd: Áki Bertholdsen Vinnur Skála ikki botnuppgerðina sunnudagin er sessurin í deildini fokin UPPTAKT Jákup Mørk jakup@sosialurin.fo Hóast Skála at kalla alt árið hevur átt botnsessin í fyrstu deild hjá monnum, og hóast teir fyri tað mesta hava verið roknaðir sum upp- lagdir dumpikandidatar, so er enn vón fyri, at liðið eisini komandi árið skal royna seg millum tey bestu. Kravið í so máta er tó greitt. Tvær ferðir trý skulu á kontina í teimum báðum seinastu umførunum. Hvørki meira ella minni. Sunnudagin vitjar Skála í Miðvági, har FS Vágar seinasta vikuskiftið fekk fyrsta heimasigurin á árin- um til høldar, og einki er at ivast í, at heimaliðið her ætlar sær eina endurtøku. Ikki minst tí ein sigur í dystinum bæði kann gera av við beinleiðis niður- flytingarvandan, og – ikki minst – tí liðið tá møguliga kann lyfta upp um VB. Tað er eingin loyna, at breiddin í hópinum hjá FS Vágum hevur verið til próvtøku síðani summar- steðgin, og tó at tað enn eru fleiri, sum eru burtur frá, so er kanska so spakuliga farið at líkjast aftur hjá teimum. Hvørki Kim Poul- sen ella Bjarni Prior kann tó roknast við restina av árinum, men hinvegin hava onkrir »nýggir« mans tó verið til venjingar hesa vik- una. Silva hevur drigist við skaða og noyddist av vøll- inum móti KÍ fyri viku síðani, men hann er so spakuliga farin at venja aftur. Tað er Jóhannis Joen- sen eisini, eftir at hann hevur verið úti í ein mánað. Og so hevur Eyðfinn Fjallsbak eisini verið at sæð á vøllinum fyri fyrstu ferð síðani hann skeyt tvey av málunum, tá FS Vágar í triðja umfari vann 3-2 suð- uri í Vági. Spurningurin er so, hvørt venjingarstøðan hjá hesum leikarunum er nóg góð eftir drúgvu steðg- irnar, men onkur broyting má so gerast, nú Elfinn Ørvarodd er leikbannaður. Alt at vinna Hjá Skála eru eingi leik- bann at dragast við hesa- ferð, men hóskvøldið var tó ivasamt, um allir leikarar- nir fóru at verða tøkir. Bogi Gregersen og Jonhard Frederiksberg hava báðir drigist við skaðar, men roknað verður tó við, at teir eru tøkir. Hinvegin var heldur meira ivasamt við Sveini Justinussen, sum meiddi seg í hondbóltsdysti og Paula Hansen, sum hevur havt nakað av krími. Tað er tó einki at ivast í, at um hesir bara eru so nøkunlunda klárir, so verða teir við. Støðan er jú tann, at Skála einki hevur at missa, og við seinasta dyst- inum á heimavølli móti EB/Streymi, ið einki hevur at spæla fyri, so er kanska ikki heilt ógjørligt hjá liðnum at endurtaka bragd- ið frá í fjør, tá teir vunnu tríggjar teir seinastu lands- kappingardystirnar og har- við lyftu seg upp um strik- una. Fyri fyrst mugu teir tó hugsa um dystin nú sunnu- dagin, og so fæst at vita, hvørt dysturin annan sunnudag kann brúkast til nakað sum helst. Um alt ikki skal standa og rilla í seinasta dystinum, skal VB hava stig við sær av Eiði sunnu- dagin UPPTAKT Jákup Mørk jakup@sosialurin.fo Tað stendur nógv á vágbingum fyri tíðina. Flaggskipið í fótbólti – besta mansliðið - sum vann gull fyri bara trim- um árum síðani er av álv- ara komin í svarta økið, og nú skulu menn av álv- ara taka sær um reiggj, um talan ikki skal gerast um upp- og niðurflyting- arstríð við annan av grannunum. Sunnudagin fer VB á vitjan á Eiði, har heima- liðið í ár hevur staðið seg framúr væl. Einasta liðið, sum hevur fingið alt við sær av Eiði í ár, er KÍ, men skal VB ikki dettu niður um strikuna undan seinasta umfarinum, so kann gerast neyðugt at fáa trý stig sunnudagin. Sum skilst, so eru eingir skaðar, sum hótta nakað av liðunum, men fyri VB kann tað kanska koma væl við, at EB/- Streymur longu nú hevur tryggjað sær tilveruna í deildini. Partvíst tí leik- ararnir hjá EB/Streymi nú bert hava æruna at stríðast fyri, og partvíst tí tað ikki kann útilokast, at Piotr Krakowski, í tann mun tað er gjørligt, letur leik- arar ferðast niður til triðju deild, har EB/Streymur stríðist fyri uppflytingar- møguleikanum. Hvussu er og ikki, so er einki at ivast í, at VB fer at stríðast av øllum alvi, og so er spurningurin, hvørt tað er nóg mikið til at mana niðurflytingar- spøkilsið burtur. EB/Streymur-VB: Kroystir vágbingar FS Vágar-Skála: Nú má røkka ella støkka C M Y K 22 Nr. 183 - 27. september 2003 23 Fiskivinnuroyndir 2004 – Lýsing eftir umsóknum Hvat er fiskivinnuroyndir? Fiskivinnuroyndir er ein játtan hjá Fiskimálaráðnum, sum stuðlar undir gransk- ing og menning innan fiskivinnuna. Fiskimálaráðið hevur gjørt av, at umsóknir til verkætlanir innan fylgjandi øki hava fyrimun: • Fiskiskapur við ábyrgd • Gagnnýtsla av øllum • Sjómatartrygd og nøgdsemi brúkarans • Virðisøking av upsatilfeinginum • Búskaparlig og samfelagslig menning av fiskivinnuni • Heilsa,Trygd og Umhvørvi Hvør kann søkja? Fyritøkur, almennir stovnar og einstaklingar kunnu søkja um stuðul úr Fiski- vinnuroyndum. Um tørvur er á at orða hugskot til ítøkiligar verkætlanir ber til at seta seg í samband við samskiparan um hetta. Umsóknir skulu verða Fiskimálaráðnum í hendi í seinasta lagi mánadagin 10. november kl 16.00. Sí adressu niðanfyri. Meira fæst at vita: Programm, umsóknarbløð og vegleiðing fæst frá á heimasíðuni hjá Fiskimálaráðnum www.fisk.fo.Og Vinnuhúsinum www.industry.fo.Áhugaði eru eisini vælkomin at venda sær til Ásmund Guðjónsson, samskipara, við møgu- ligum spurningum og øðrum. Ásmundur Guðjónsson, samskipari tel: 353030 Fiskimálaráðið fartel. 228001 Yviri við Strond 17-19 faks: 353035 Postboks 347 t-postur: asmundurg@fisk.fo 110 Tórshavn Hey gentur og dreingir! Fimleikafelagið Ljósið Komið og havið tað kuuuul saman, meðan vit læra at dansa við íblástri frá MTV. Vit byrja mikudagin 1. oktober kl. 17.00-18.00 í Nonnuskúlanum. Ring til Hip Hop og Funk Súsonnu á tel 315467/ 265058 og melda til. Fimleikaárið 2003/04 team85 Tvøroyrar kvøldskúli veturin 2003/2004 Tvøroyrar Kvøld- og Ungdómsskúli bjóðar í vetur hesi skeið fram: Frítíðarundirvísing Lærugrein Tilmelding hjá tlf. _______________________________________________________________________ Hondarbeiði Judith Holm 371168 _______________________________________________________________________ Seyming Anna Mortensen 372810 _______________________________________________________________________ Veving Óluva Joensen 371001 Kirsten Danielsen 371934 _______________________________________________________________________ Máling/tekning Palle Julsgart 371699 ella 371976 _______________________________________________________________________ Matgerð (Klænkikostur) Tina Midjord 371962 _______________________________________________________________________ Fyrstahjálp Naja Mortensen 371567 _______________________________________________________________________ Tónleikur: Hornblástur Jens Knudsen 223053 Tróndur Enni 256699 Kórsangur (gospel) Jens Knudsen 223053 Tónleikur fyri kór og urgu í Tvøroyar kirkju Jens Mortan Mortensen 375917 (byrjar 22/10 kl. 19.30) _______________________________________________________________________ SRC/ROC-VHF-skeið Don Petersen 218335 _______________________________________________________________________ Undirvísing í teld: Tekstviðgerð Heri Thorsteinsson 371632 _______________________________________________________________________ Venjingar í heitum vatni Giktasvimjing Marjun Olsen 371642 Venjingar fyri ryggin Lise Schou 371133 lokalnr. 155 ella 371582 _______________________________________________________________________ Øll undirvísing er treytað av nóg stórari luttøku og góðkenning av myndugleikunum. Tilmeldingargjaldið er 100 kr. + 3 kr. fyri undirvísingartíman. Tvøroyrar Kvøld- og Ungdómsskúli Tlf. 371582 www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo 23