leygardagur 27. september 2003síða 21

10 Sosialurin Nr. 183 - 27. september 2003 HARLEY DAVIDSON Áki Bertholdsen aki@sosialurin.fo – Tað er ljóðið frá motorinum, sum ger tað nakað heilt serligt. Jóan Petur Joensen úr Klaks- vík ivast ikki í, hví tað er nakað heilt serligt fyri hann at koyra á eini Harley Davidson. – Motorurin hevur eitt fantast- iskt ljóð. Motorurin ljóðar so sermerkt, at tað kennist altíð aftur og ein Harley Davidson hoyrist altíð burturúr. Kemur ein riðil av motorsúkklum koyrandi, og ein Harley er ímillum, er tað hana tú hoyrir. Sostatt er hesin klaksvíking- urin komin upp í tann vaksandi skaran av føroyingum, sum eru blivnir púra býttur uppi í hesi legendarisku og søguligu ameri- kansku motorsúkkluni. Og hann er ikki einsamallur um at halda, at ljóðið er ser- merkt. Teir, sum gera súkklurnar, hava eisini lagt seg eftir at fáa motorljóðið at bróta frá øllum hinum og Harley Davidson hevur enntá fingið skrásettan einkar- rætt uppá hetta ljóðið. Tað merk- ir, at ongin annar, um ger motor- ar til motorsúkklur, hevur loyvi at gera teir so, at teir ljóða sum ein Harley Davidson. Tað er eisini sermerkt við Harley Davidson, at tað ber so væl til at byggja tær um og -út, næstan sum einum lystir. Tað merkir, at við smáum broyting- um ber aloftast til at brúka ein eykalut til eina súkklu, hóast hann í veruleikanum er gjørdur til eina heilt aðra súkklu. – Hetta var upprunaliga við til at gera Harley Davidson til tað, hon var, tí teir, sum koyrdu motorsúkklu yvir í USA fyrr í tíðini, vóru mangan menn, sum ikki høvdu nakað serligt av pengum. Løgreglan koyrdi eisini á Harley Davidson og teirra súkklur skuldu altíð vera nýggj- ar. So hvørt, sum teirra súkklur vórðu settar, bar sostatt altíð til at fáa fatur á bíligum eykalutum. Og tá ið pengarnir ikki vóru nógvir, kom tað væl við, at tað var so lætt at fáa fatur á eyka- lutum og at byggja sær sína egnu súkklu, ofta burturúr lutum til nógvar ymiskar súkklur. Hetta, at hvør maður, ella kvinna, kann hava sítt egna "modell" er eisini ein partur av sjarmuni við at koyra Harley Davidson og tað er ikki óvanligt at síggja fleiri Harley Davidson súkklur, har ongin er líka. Gott útsýni og frísk luft Hjá nógvum, sum koyra á motorsúkklu, hevur ferðin alt at siga. Soleiðis er tað ikki hjá Harley-fólkinum. – Ein Harley Davidson er ongin rasarasúkkla. Tann, eg keypti mína súkklu frá, segði, at hann einaferð hevði havt hana uppi á 180 km/t, men tað man so verða avgjørt tað hon klárar. – Sjálvur dámar mær best at liggja um 100 km/t. Tá er av- slappandi at koyra. Eg kann seta meg upp afturá, so eg siti væl við góðum útsýni í allar ættir. Og so havi eg hetta fantastiska ljóðið í oyrunum, samstundis sum eg fái nokk av frískari luft. Jóan Petur Joensen siglir við Maersk, so tað er avmarkað, hvussu góðar stundir hann hevur at íðka sítt frítíðarítriv nummar eitt. –Í øðrum londum hugsa tey mest um, antin tey hava tíð at koyra ella ikki. Í Føroyum skalt tú fyrst vita, um tú hevur tíð og síðani skalt tú hugsa um veðrið. Tá ið stevnan var í Suðuroy fyrsta vikuskiftið í september, var hann á skeið í Danmark og har frætti hann um ætlanin at hava motorsúkklustevnu í Suðuroy. – Eg gjørdi av at melda meg til. Eg kom so heim við flogfar- inum leygardagin, fór beint til Klaksvíkar eftir súkkluni og fór so suður við Smyrli leygar- kvøldið. Hann fekk so veitsluna við og slapp so at koyra saman við øll- um hinum 60 motorsúkklunum í Suðuroy sunnudagin. Men hansara áhugi fyri Harley Davidson er ikki so gamal. – Eg havi altíð havt áhuga fyri motorsúkklum, men serligi áhugin fyri Harley Davidson er komin seinni. Men tá ið ein vin- maður so fekk eina Harley Davidson, varð áhugin vaktur. Eg fekk so eitt tilboð um at keypa eina súkklu. – Tá ið eg sá hana, varð liðugt. Avgerðin um at keypa hana varð tikin á staðnum. Tað var onki við at spyrja hvørki gentu ella nakr- an annan eftir: Hasa súkkluna mátti eg eiga. Hetta eru nú tvey ár síðani, men av tí, at hann er siglandi maður, hevur hann lítið og onki koyrt á henni. Ætlanin við at koma til Suður- oyar at koyra var fyri ein part at sleppa at koyra. – Men endamálið var eisini at hitta aðrar Harley-koyrarar og at fáa samband við onkran. Hann sigur, at í Norðoyggjum er tað nokk so einsligt at koyra Harley og vegirnir eru ikki so nógvir. Tí er tað gott at sleppa av oynni at royna seg. Og væl hevur eydnast. Hann fekk samband við teir Harley koyrararnir, sum vóru á stevnuni og tí teir hava longu avtalað at hittast aftur seinni í hesum mánaðinum. – Tað er hugaligt at vera sam- an við øðrum og tað er hent at hava onkran at spyrja til ráðs, tá ið okkurt skal gerast við súkkl- una, tá ið eykalutir skulu útveg- ast o.s.fr. Hetta var fyrstu ferð, at Jóan Petur er á motorsúkklustevnu, men hetta verður heilt avgjørt ikki síðstu ferð, sigur hann, so væleydnaða heldur hann at hendan stevnan var, hóast hann bara fekk helvtina av henni við. – Hetta var fyrstu ferð at eg havi verið á slíkari stevnu. Men tað verður heilt avgjørt ikki síðstu ferð, tí hetta var nógv størri og betri, enn eg hevði hugsað mær. Tað er ongin ivi, at verða fleiri stevnur av hesum slagnum, fari eg við, sigur hesin Harley- maðurin úr Klaksvík. Ljóðið frá motorinum ger tað til nakað serligt Jóan Petur Joensen úr Klaksvík kom líka úr Danmark at koyra á motorsúkklu í Suðuroy í ein dag. Men so er motorsúkklan heldur ikki hvør sum helst. Tað er ljóðið frá motorinum, sum ger tað til nakað heilt serligt at koyra Harley Davidson, sigur klaksvíkingurin Motorsúkklustevnan í Suðuroy var tann fyrsta stevnan, sum Jóan Petur Joensen hevur verið á, men hetta verður ikki tann seinasta. Her er hann , høgrumegin, undir liðini á Ove Ritter á Kolavegnum í Hvalba tá ið motorsúkklustevnan var í Suðuroy, fyrr í mánaðinum Sosialurin Nr. 183 - 27. september 2003 11 Filmsúrvalið hetta skeiðið er soleiðis, at heilt nýggir norður- lendskir filmar verða sýndir. Harafturat eru hetta filmar, sum annars ikki høvdu verið vístir eini føroyskari áskoðarafjøld. Umframt at verða nýggir, eru norðurlendsku filmarnir eisini valdir eftir filmslistarligum dygdum og einum varisliga mettum filmssøguligum virði. Millum norðurlendsku filmarnar er altíð ein fremmandur fuglur, hesuferðina ein filmur, sum inuittar hava gjørt í bygdini Igloolik í Norðurkanada. Sýning- arnar verða mikukvøld klokkan 20:00. Lagt verður fyri við fremsta danska leikstjóranum Lars von Trier og nýggja filmi hansara Dogville, har Nicole Kidman hevur høvuðsleiklutin sum hin vakra Grace. Hesin filmur verður sýndur í Høllini í Norðurlanda- húsinum hin 15. oktober klokkan 20. Filmurin Dogville varð fyrstu ferð sýndur í Cannes í ár. Annar filmurin í røðini er eisini danskur. Tað er Jannik Johansen sum hevur gjørt eina stuttliga søgu úr størsta listarliga ráninum í Danmark, tá ein Rem- brandt málningur varð stolin. Filmurin lýsir fyrst og fremst faðir og son, sum eru við í hesu- m margháttliga ráninum. Film- urin Rembrandt verður sýndur 12. november. Hetta er fyrsti filmurin hjá unga Jannik Johan- sen. Í leiklutunum síggjast fremstu donsku filmsleikararnir beint nú. Í jólamánaðinum sýnir films- felag Norðurlandahúsins norska filmin Himnarúmd. Uppruna- heitið á hesum nýggja norska filmi er "Himmelfald". Leikstjóri er hin ungi Gunnar Vikene og hann letur leikin fara frama á psykiatriskari deild, beint upp undir jól. Í leiklutunum eru Marie Bonnevie og kendi danski leikarin Kim Bodnia. Gunnar Vikene verður mettur sum nýggja stóra navnið innan norska filmslist. Spennandi jólafilmurin "Himnarúmd" verður sýndur 3. desember 2003. Fyrsti filmurin í nýggja árinum er úr Íslandi. Aftur er talan um ein ungan leikstjóra, Dagur Kári, sum ger fyrsta spælifilmin Nói, Albinói. Filmurin er um trupla dreingin Nóa, sum er albino og býr á bygd í Íslandi. Happing ger ikki tilveruna lættari. Hesin hugvekjandi, virðislønti filmur verður sýndur í Norðurlanda- húsinum mikudagin hin 21. januar 2004. Annar filmurin í nýggja árin- um er Atanarjuat, sum er inuitta- mál úr Norðurkanada og merkir "Hann, ið rennur, sum fyri lívinum". Leikstjórin Zakarias Kunuk (f. 1958) er úr bygdini Igloolik, har filmurin er tikin. Hann vann fyrstu virðisløn, Camera d’Or í Cannes, tá kapp- ast varð um besta filmin, sum leikstjórar, ið royna seg fyri fyrstu ferð, hava gjørt. Filmurin, sum byggir á staðbundnan skald- skap av mannamunni, er drúgvur — varir útvið 3 tímar. Sýningin er 11. februar. Í sambandi við altjóða kvinnu- dagin vísir Klipp, Filmsfelag Norðurlandahúsins, svenska filmin Lilja 4-Ever. Hetta er filmur um 16 ára gomlu Lilju, sum er vaksin upp í fyrrverandi Sovjettsamveldinum og ikki eigur sýru í vegg, tá mamman rýmir til USA við einum fremm- andum manni. Tá hon møtir Andrei tykist alt annaðleiðis. Hann billar henni inn, at í Svø- ríki er eitt betri lív hjá ungum baltiskum kvinnum. Og har byrjar søgan, sum ikki er tespi- lig. Lukas Moodyson hevur leikstjórnað og eins og í undan- farnu filmunum prógvar hann enn einaferð framúr hegni tá umræður arbeiði við ungum fólki. Sterki og viðkomandi filmurin "Lilja 4-Ever" verður sýndur í Norðurlandahúsinum tveir dagar eftir altjóða kvinnu- dagin, hin 10. mars 2004. Sjeyndi og seinasti filmurin á skránni hjá Klippi, Filmsfelagi Norðurlandahúsins, er Sibelius. Filmurin, sum er spildurnýggjur, lýsir lívið, kærleikan og tón- leikin, hjá kendasta tónaskaldi finnlendinga Jean Sibelius. Karmurin um søguna er hin gamli Sibelius, sum í húsunum "Ainola" minnist aftur á barna- árini, tá hann sum tvey ára gamal gerst faðirloysingur. Vit fylgja tónaskaldinum lestrarárini í Helsingfors, Berlin og Wien og fáa innlit í stríðið hjá hinum aldrandi Sibeliusi, tá hann berjist við áttindu symfoniina, sum allur heimurin bíðar eftir. Hann av- byrgir seg frá verðini og blakar lidnu symfoniina á bálið. Men alla tíðina hevur hann Aino við liðina. Timo Koivusalo er leik- stjóri og Martti Suosalo hevur leiklutin sum Sibelius. Filmurin "Sibelius" verður sýndur hin 14. apríl 2004. Prísur á atgongumerkjum er 60 kr til hvørja sýningina, men tilsamans 220 kr, um atgongu- merkini til allar 7 sýningarnar verða keypt í senn og innan 1. oktober 2003. Sjey sýningar í klipp Vetrarskráin hjá Filmsfelag Norðurlandahúsins KLIPP vetrarhálvuna 2003/2004 er klár Filmurin Rembrandt verður sýndur 12. november Í jólamánaðinum sýnir filmsfelagið norska filmin Himnarúmd Fyrsti filmurin í nýggja árinum, Nói, Albinói, er úr Íslandi 11. februar verður filmurin Atanarjuat sýndur 10. mars er filmurin Lilja 4-Ever á skránni Sjeyndi og seinasti filmurin á skránni er Sibelius Lagt verður fyri við fremsta danska leikstjóranum Lars von Trier og nýggja filmi hansara Dogville C M Y K 41 40