leygardagur 4. oktober 2003síða 19

36 Nr. 188 - 4. oktober 2003 Nr. 188 - 4. oktober 2003 37 Venja at skjóta flogfør niður Flogskiparar á amerikonskum jagaraflogførum fáa miðvísa venjing í at skjóta ferðamannaflogfør niður, sigur ein av ovastu leiðarunum í flogvápninum. Ralph Eberhart, generalur, sigur, at flogskipararnir venja fleiri ferðir um vikuna. Endamálið er sambært generalinum at venja flogskipararnar við, at teir einaferð kunnu koma í ta støðu, at teir noyðast at skjóta eitt ferðamannaflogfar við fleiri hundrað ósekum ferðafólkum niður. Hjá teimum flestu flog- skiparunum er hetta púra óhugsandi, men vandin fyri, at yvirgangsmenn fara at ræna flogfør og at nýta tey eins og 11. september í 2001, ger, at flogskipararnir noyðast at venja seg við tankan, sigur Ralph Eber- hart. Generalurin sigur, at flogskipararnir eru fyrireikað- ir nú, men eins og flogskipararnir vónar hann, at teir ongantíð fáa brúk fyri tí, teir hava vant. Tit finna einki Iranski forsetin, Mohammad Khatami, endurtekur nú, at land hansara hevur einki at fjala fyri eftirlits- monnunum hjá altjóða kjarnorkustovninum IAEA. Sama hvussu teir kanna og leita, finna teir einki, sigur forsetin. IAEA hevur givið iransku myndugleikunum freist til tann 31. oktober at lata stovninum allar upplýsing- ar um landsins kjarnorkuætlanir. Higartil hevur Iran sett seg upp ímóti kravinum, og júst í hesum døgum eru samráðingar millum Iran og IAEA um kravið. So seint sum í gjár hevði Khatami sjálvur fund við um- boð fyri kjarnorkustovnin. Samstundis komu tíggju eftirlitsmenn hjá stovnin- um til Iran. Teir næstu fjúrtan dagarnar skulu teir ferðast aftur og fram í landinum í einari roynd at skrá- seta allar smálutir í iransku kjarnorkuverkætlanini. Amerikanarar leggja Iran undir at hava ætlanir um at gera kjarnorkuvápn, men tað avsanna iranar. Teir siga, at kjarnorkan skal einans nýtast til friðarlig endamál. Fingramerki í passið Løgmálaráðharrarnir í ES-londunum hava nú sam- tykt, at umframt mynd skulu fingramerki setast í vis- um og uppihaldsloyvi. Endamálið við samtyktini er at gera tað truplari at falsa slík skjøl og at steðga ólógligum innflytarum, men samtyktin er eisini liður í stríðnum ímóti yvir- gangi. Løgfrøðiligi ES-kommiserurin, Antonino Vitorino, sigur, at allir ráðharrarnir tóku undir við uppskotinum. Borgararnir í ES-londunum skulu eisini hava okkurt frámerki í síni pass afturat myndini, og talan kann vera um fingramerki. Amerikonsku myndug- leikarnir hava kravt, at í framtíðini skulu evropear- arnir hava eitt frámerki afturat myndini, ætla teir sær til USA uttan visum. ES-løgmálaráðharrarnir siga kortini, at tann nýggja samtyktin kemst ikki av amerikanska kravinum, og at USA hevur heldur ikki lagt trýst á ES í hesum máli. Misnøgd við kríggið Ein nýggj meiningakanning vísir, at meiri enn helm- ingurin av amerikanska fólkinum heldur, at tað var skeivt av USA at leypa á Irak. Kanningin, sum sjónvarpið CNN og The New York Times hava gjørt, vísir, at 53 prosent av teimum spurdu halda, at tað var skeivt at leypa á Irak. 44 prosent siga, at tey eru nøgd við uttanríkispolitikkin hjá Bush, forseta, men 50 prosent halda ikki, at for- setin hevur verið heppin í uttanríkispolitikkinum. CNN og The New York Times spurdu eisini, hvønn fólk fara at velja á næsta forsetavalinum. 44 prosent svaraðu, at tey ætla sær at velja Bush, og onnur 44 prosent svaraðu, at tey ætla sær at velja tað demokrat- iska valevnið, sum fer at stilla upp ímóti forsetanum. UTTAN ÚR HEIMI Vápnaeftirlitsmenn úr USA, Bretlandi og Avstralia hava heldur ikki funnið nøkur hópoyðingarvápn í Irak. Men teir siga seg hava funnið prógv fyri, at landið ætlaði at gera slík vápn VÁPNALEIT Árni Joensen: fartekst@mail.dk -Vit hava ikki funnið nakrar vápnagoymslur, men vit kunnu framvegis ikki siga við vissu, um irakar høvdu slíkar vápnagoymslur fyri kríggið. Tað einasta, sum vit nú hava eftir at gera, er at kanna, hvat so er vorðið av vápnunum, sigur amer- ikanarin David Kay, sum er leiðari hjá teimum amerik- onsku, bretsku og avstralsku vápnaeftirlits- monnunum, sum seinastu mánaðarnar hava leitað eftir hópoyðingarvápnum í Irak. David Kay segði á tíð- indafundi í gjár, at hann og hansara menn hava heldur ikki funnið nakað prógv fyri, at Irak var til eiðar at nýta evnafrøðilig ella lív- frøðilig vápn ímóti her- monnunum, sum lupu á Irak. Var tað so, eru eingi prógv fyri tí í dag, segði hann. Fjaldu ymiskt Sambært leiðaranum hjá eftirlitsmonnunum hevur Irak eisini havt ætlanir um at útvega sær kjarnorku- vápn, men David Kay sig- ur, at enn hava eftirlits- menninir ikki funnið nak- að, sum prógvar, at irakska stýrið gjørdi nakra roynd á hesum øki aftan á 1998. Bæði David Kay og Don- ald Rumsfeld, verjumála- ráðharri, løgdu á tíðinda- fundinum dent á, at eftir- litsmenninir eru ikki lidnir við sínar kanningar, tí fleiri støð eru ikki kannað enn. David Kay nevndi í hesum sambandi, at tað ber til at fjala hópoyðingarvápn í einum vanligum bilhúsi, so tað sigur seg sjálvt, at tað er lætt at fjala slík vápn, segði hann. Sambært David Kay eru amerikonsku, bretsku og avstralsku eftirlitsmenninir komnir fram á umleið tíggju ídnaðarvirkir, sum kunnu setast í samband við hópoyðingarvápn, og hann sigur eisini, at eftirlits- menninir hava funnið nógva útgerð, sum irakar fjaldu fyri ST-vápnaeftir- litsmonnunum, tá teir leit- aðu í Irak seinasta vetur. Teir hava eisini funnið nak- rar rannsóknarstovur og nakrar loyniligar bygning- ar, sum irakska fregnartæn- astan hevði, og sum kunnu setast í samband við hóp- oyðingarvápn. Millum ann- að hava eftirlitsmenninir funnið eina rannsóknar- stovu inni í einum fongsli, og sambært David Kay er tað ikki óhugsandi, at irak- ar hava gjørt evnafrøðiligar royndir við fangum har. Ikki samsvar Amerikonsku, bretsku og avstralsku eftirlitsmenninir siga seg hava prógv fyri, at irakar beindu fyri teldu- útgerð og forritum, sum kunnu hava havt samband við hópoyðingarvápn. Sambært David Kay bendir nógv á, at Irak varðveitti fleiri smáar verkætlanir og ymsa útgerð aftan á 1991, sum kundu gera landið ført fyri at gera hópoyðingar- vápn eftir stuttari tíð. Men tað eru eingi prógv fyri, at landið nakrantíð setti hesar ætlanir í verk, og sambært David Kay bendir nógv á, at landsins møgu- leikar at gera hópoyðingar- vápn vóru nógv skerdir og kanska als ikki vóru til staðar. Hóast frágreiðingin hjá eftirlitsmonnunum er ein fyribilsfrágreiðing, sigur David Kay, at sama hvat tað endaliga úrslitið verður, so fer tað ikki at samsvara við tær fregnartænastufrágreið- ingar, sum komu um við- urskiftini í Irak undan krígnum. Eingi hópoyðingarvápn at finna í Irak Irak hevði eingi hópoyðingarvápn, sum kundu hótta USA, sigur leiðarin hjá amerikonsku, bretsku og avstralsku vápnaeftirlitsmonnunum, David Kay Frítíðarundirvísingin á Oyrarbakka veturin 2003/2004 Motiónsfimleikur menn Mánadag 21.00–22.18 Erling Petersen tlf. 423194 Fríggjadag 21.00–22.18 _________________________________________________________________________________ Postalínsmáling Mikudag 19.00–22.30 Eydna Johansen tlf. 422335 _________________________________________________________________________________ Handarbeiði Týsdag 18.45–22.15 Katrin Hansen tlf. 423491 _________________________________________________________________________________ Klænkiskeið Mikudag 18.30–22.00 Edna Einarsson tlf. 421289/217089 _________________________________________________________________________________ Fimleikur kvinnur Týsdag 19.30–20.48 Lovisa Ellendersen tlf. 268401 _________________________________________________________________________________ Fimleikur gentur 4 til 6 ár Mánadag 16.00–17.00 Birna Larsen tlf. 422265 7 til 10 ár Mánadag 16.00–18.00 Birna Larsen tlf. 422265 _________________________________________________________________________________ Øll undirvísing er treytað av nóg stórari luttøku og góðkenning frá myndugleikunum. Luttøku- gjaldið er 300 kr. fyri hvørja lærugrein, tó 500 kr. fyri motiónsfimleik menn, og tað skal verða flutt á konto skúlans nr. 6460-1001908 í Føroya Banka beinanvegin, tá ið undirvísingin er byrjað. Skúla- næmingar gjalda 30 kr. Fráboðan og nærri upplýsingar hjá faklærara. Felagsskúlin á Oyrarbakka Tlf. 422084 Til Sølu ! Harley-Davidson FLH 1200. Prísur : Gev eitt boð Kann síggjast og roynast í Tórshavn, sí eisini www.hd.fo Ring 0045 51844758 / 0045 87254758 Toyota Avensis 1.8 SOL Toyota Avensis 1.8 SOL, árg. 02/00, til sølu. Bilurin er silvurgráur og hevur koyrt 20.500 km. Prísuppskot: kr. 165.000. Tel. 211950 ella 317565 Jørð til sølu Um nóg høgt boð fæst, er jørð í Svínoy til sølu: Uttangarðs: 6 gyllin Fyri Handan Fjøll Innangarðs: 4.130 m2 við Gamlagarð Tlf. 318353 · 518353 Jólasølan hjá Føroya Heima- virkisfelag verður í Badmintonhøllini 29.–30. november. Tekning á tlf. 317911 innan 20. oktober. Fyri at fáa so nógv hugskot sum gjørligt, kunnu limir,sum ikki hava so nógvar lutir sum til ein bás, luttaka har tey verða sett saman við øðrum, og samstundis kunnu tey tosa um, hvussu básurin skal passast. Føroya Heimavirkisfelag STONGT frá 6. til 31. oktober 2003 Suðuroyar Sunnari Sjúkrakassi Bilverkstaðurin í Statoilstøðini í Leirvík er latin upp aftur • Persónbilar, lastbilar & Bussar • Alt vanligt service arbeiði • Oljuskift • Dekkskift JKH Verkstaðurin 520 Leirvík Tlf. 443363 C M Y K 37 36