týsdagur 7. oktober 2003síða 12

Nr. 189 - 7. oktober 2003 23 Gullveitsla í Fuglafirði Seinasta umfarið í aðru deild var á skránni leygardagin, og meðan fuglfirð- ingar kundu taka sær av løttum móti 2. DEILD Jákup Mørk/Jóannes Hansen jakup@sosialurin.fo joannes@sosialurin.fo Spenningurin í aðru deild var fyri tað mesta útloystur, tá seinsta umfarið var á skránni. ÍF hevur alt árið víst seg at vera í einum flokki fyri seg, og tó at teir hava tapt móti teimum báð- um niðastu liðunum í deild- ini, so hevur oddasessurin ongantíð av álvara verið í vanda. Hvørja ferð tað hevur staðið nakað á, hava teir tvørturímóti reist seg eitt stórt fet omanfyri hini liðini, og eftir greiða sigur- in á Sevmýru í heyst mundi eingin vera í iva um, hvønn vegin tað bar. Týdningarleysar uppgerðir Og á seinasta leikdegi var eingin sum heilst ivi um, at ÍF var rætti vinnarin av deildini. Sumba var á vitj- an, og teir sluppu bara at spæla við eina løtu. Í hálv- leikinum stóð á jøvnum 1- 1, men so setti ÍF ferð á, og við fimm málum á rað staðfestu teir endaligt, at talan verður um fótbólt í bestu deildini komandi ár. Næst fremsta liðið í deildini er TB, og teir løgdu ikki ov nógv fyri, tá vitjað varð á Sandoynni. Endaliga úrslitið av dystinum varð 4- 0 til B71, men tað hoyrir helst við søguna, at TB her royndi at spara nakrar av vanliga føstu monnunum. Liðið hevur tveir altavger- andi dystir móti Skála fyri framman í dystinum um at fáa pláss í fyrstu deild kom- andi kappingarár, og so vórðu eingi óráð tikin fyri. Í Havn høvdu B36 og B68 avgreitt sínamillum uppgerðina longu fríggja- kvøldið, og her eydnðiast toftamonnum at siga farvæl við deildina við einum stigi um ikki annað. B68 var annars á odda 3-1 eitt skifti, men teir megnaðu ikki at halda fast um leiðsluna. Í Klaksvík tók KÍ á sein- asta leikdegi móti AB. At fleiri KÍ spælarar í 1. deild vóru leikbannaðir hevði við sær, at onkrir av stuðulsspælarunum á næst- besta KÍ liðnum vóru í Gundadali. Tí var miðalald- urin á liðnum í Klaksvík rættuliga lágur. Meiri enn helmingurin av spælarun- um hava unglingaaldur, og teir stóðu seg væl. Hetta er kanska eitt sindur undar- ligt, tá ið havt verður í huga, at KÍ unglingarnir ikki megnaðu at spæla seg víðari í FM kappingina. Men tað hevur ikki verið fyrr enn eftir summarsteðg- in, at skil er komið á ung- lingaliðið, sum vann kapp- ingina í heyst millum B36, LÍF, NSÍ og KÍ. At evnaríku unglingarnir fingu tað at rigga sum lið eigur ikki minst nýggi venjarin hjá teimum – hann var eisini á beinkinum leygardagin – Jóan Pauli Jacobsen heiður- in fyri. Eftir lestrarár á flat- londum er hann í summar komin aftur til Klaksvíkar. KÍ hevði fleiri málmøgu- leikar ímóti AB, men tað eydnaðist bara eina ferð at fáa mál. Marius Nystrøm, sum var miðvallari í vinstru, stýrdi tætt undir málinum eftir innlegg úr høgru, sum var farið fram- við fleiri við– og mótstøðu- monnum, bóltinum í málið. Tá restaðu tað tjúgu min- uttir. LÍF skal spæla fyri lívinum Einasti dysturin, sum hevði nakað veruligt uppá seg, varð leiktur í Vági leygar- dagin. Har var LÍF á vitjan, og undan uppgerðini stóð greitt, at taparin av dystin- um varð partur av seinastu báðum dystunum um upp- og niðurflyting millum aðru- og triðju deild. Og her eydnaðist VB at vinna. VB hevði fyri tað mesta eina trygga leiðslu í dystinum, men seinastu løt- una løgdu gestirnir nógv fyri, men nóg mikið varð tað ikki. Og soleiðis noyð- ast leirvíkingar nú at leingja kappingarárið nak- að, áðrenn teir kunnu fara í vetrarfrí. Úrslit B68-B36 3-3 B71-TB 4-0 ÍF-Sumba 6-1 KÍ-AB 1-0 VB-LÍF 4-3 B36 togaði seg á sein- asta leikdegi fram á silvurplássið, tá teir enn einaferð vístu, at teir trívast væl í vindi FÓTBÓLTUR Jákup Mørk jakup@sosialurin.fo Fyrr varð ofta tikið til, at regn og vindur var B36- veður. Undir hesum búði tann sannroynd, at B36 í fimti- og seksti árunum mundi hava eitt hitt best stríðandi liðið, og at teir tí ofta stóðu seg best, tá fótbóltslíkindini ikki vóru av teimum allar bestu. Og okkurt bendir á, at hetta framvegis er støðan. Í øllum førum hevur B36 nú tveir útidystir á rað vunnið truplar dystir í sonnum ódnarveðrið, og í so máta kunnu tey í árstalsfelagnum bara iðra seg um, at veðrið var somikið gott, tá dysturi móti HB var á skránni. Gjørdu skjótt av Í Gøtu sunnudagin var tað B36, sum hevði vindin und- an, og fyri steðgin høvdu teir við trimum málum at kalla punktera allan spenn- ing í dystinum. Fyrsta málið var eisini ein beinleiðis avleiðing av vindinum. Heðin á Lakjuni sendi horna innfyri, og utt- an stórvegis hóvasták tók vindurin bóltin beint í meskarnar. B36 helt á at trýsta, og tvær ferðir afturat fyri steðgin øktu teir um munin. Fyrst var tað Allan Mørk- øre, sum í seinastu gerð síni hetta árið fór einsamallur gjøgnum GÍ-verjuna, áðr- enn hann potaði í málið. Í skotroyndini fekk Allan samstundis ein vøddaskaða í lærið, og so var kapping- arárið liðugt fyri hansara viðkomandi. Og stutt eftir var tað Jens Kristian Han- sen, sum gjørdist púra leys- ur og rundaði málverjan, áðrenn bólturin at enda varð sendur í netið. Og eftir steðgin tóktist B36 bara at halda fram. John Petersen økti til 4-0, og møguleikin var eisini til 5-0, tá B36 fekk brotsspark. Jákup á Borg royndi tó at verða dekan og smartur, tá hann heldur enn at skjóta móti málinum bara gav bóltinum eitt lítið skump. Jens Kristian Hansen kom nevnliga rennandi aftanf- yri, men tá hann skeyt beint í krovið á málverjanum, og so var tann royndin av ongum. Ístaðin var tað GÍ, sum fram móti dystarenda kundi seta punktum fyri dystin, tá Gidek sendi fríspark beinleiðis í netið. Ov stuttir B36 kundi eftir dystin stað- festa, at teir við hesum høvdu vunnið seg upp á næstovasta sessin á stiga- talvuni, nú B68 einki fekk í Vági. Sum so mundi tað eisini vera ein lítil troyst, men tað er tó eingin loyna, at talan alt í alt var um vónbrotnar leikarar, sum fingu heiðursmerkini hongd um hálsin. Frá byrjan varð lagt upp til, at hetta liðið skuldi vera tað sterkasta í landinum, men alt ov ofta høvdu mongu stjørnurnar á liðnum ilt við at finna saman til eina heild. GÍ endaði árið á sjeynda plássinum við lakastu úr- tøkuni, sum teir hava havt í fyrstu deild. Einki er tó at taka seg aftur í, at margin- alarnir so avgjørt ikki hava verið við liðnum hetta kappingarárið. Skaðarnir hjá lyklaleikarum hava ver- ið bæði nógvir og drúgvir, og so hevur unga mann- ingin ikki havt neyðugu tyngdina til at halda liðnum har, sum teir vanliga meta seg hoyra heima. Í steypa- kappingini gjørdist tað tó til silvur, men hóast hetta man vera ein troyst, so var tað ikki nóg mikið at senda liðið út aftur í Europa kom- andi kappingarár. Dysturin í tølum GÍ-B36 1-4 (0-3) 0-1: Heðin á Lakjuni, 11 0-2: Allan Mørkøre, 21 0-3: Jens Kr. Hansen, 28 0-4: John Petersen, 71 1-4: Zdzislaw Janik, 90 GÍ: Hallur Hansen – Bartal Eliasen, Poul Ennigarð, Kaj ennigarð, Leivur Hansen – Súni Olsen, Zdzislaw Janik, Símun Samuelsen, Áslakur R. Petersen – Hans Pauli Petersen, Bárður á Lakjuni B36: Tróndur Vatnhamar – Allan Mørkøre, Pól Thor- steinsson, Rúni Elttør, Sverrir Kjærbo – Niels Joensen, Klæmint Matras, Jens Kristian Hansen – John Petersen, Jákup á Borg, Heðin á Lakjuni GÍ-B36 1-4 (0-3): Silvur í stormi Komandi tvey árini verður Føroya Tele høvuðsstuðul hjá elsta hondbóltsfel- agnum í landinum HONDBÓLTUR Jákup Mørk jakup@sosialurin.fo Hetta er fyrstu ferð, at Føroya Tele er høvuðs- stuðul hjá einum hond- bóltsfelag, men seinnu árini hevur tað tó verið alt meira vanligt, at stóru fyritøkurnar í landinum hava valt at stuðlað ítróttafeløgum. Richard Mortensen, marknaðarleiðari hjá Før- oya Tele, segði á fundin- um, at hetta við sponsor- avtalum er ein heldur øðr- vísi háttur at lýsa uppá. - Her hevur tú møgu- leikan at fanga potenti- ellar kundar, meðan tey eru í eini avslappaðari støðu, og tað í sjálvum sær kann virka positivt. - Hartil er tað eisini okkara fatan, at Neistin sum ítróttafelag hevur nøkur virði, sum vit eisini vilja seta í samband við okkum sjálvi. Eitt nú eru tey aloftast við í kapping- ini um at vera best og størst, og ikki minst sýnir felagið við ungdómsar- beiði sínum atlit til per- sónliga menning. Neistin hevur annars lagt nógv fyri, nú felagið brynjar seg til eitt nýtt ár. Hjá monnunum hevur fel- agið fingið tilgongd av stórskjúttanum, Dragisa Stojovic, umframt einum í føroyskum høpi nýggj- um útlendingi, sum eitur Buha Blagoje. Hjá kvinnunum er Lina Andriulyte úr Litava nýggjur útileikari, um- framt at Linda á Dunga er komin heim úr lestrarør- indum at verja málið. Neistin nýggjan høvuðsstuðul Eyðólvur Petersen við steyp- inum hjá ÍF. Fuglfirðingar vunnu sannførandi kapping- ina í aðru deild, og komandi ár skulu tei yvirtaka sessin hjá FS Vágum í bestu deild- ini. TB og Skála fara at stríð- ast um seinasta sessin Mynd: Finnur Justinussen 23 22 Nr. 189 - 7. oktober 2003 Tað sást ikki á B68 avrikinum, at teir høvdu silvurkrónur- nar at spæla um, meðan mótstøðu- menninir vóru í vanda fyri at flyta niður VB–B68 Jóannes Hansen joannes@sosialurin.fo Setningarnir vóru heit ymiskir. Á Vágseiði spældi heimaliðið leygardagin fyri at sleppa undan hótt- anini av niðurflyrting. Gestirnir av Toftum vóru fríggjakvøldið komnir suð- ur at fyrireika seg til stríð fyri at fáa silvurkrónurnar. Tað eydnaðist hjá VB, og tað miseydnaðist hjá B68. Umstøðurnar vóru ikki til flótandi fótbóltsspæl. Tað snúði seg um at stríðast. Tað reið leingi um snarið, og tað koppaði heimaliðn- um til fyrimunar. Gestirnir høvdu stórar trupulleikar at standa á beinunum á hála undirlagnum, og tað kom heilt ofta fyri, at teir meiri lógu enn stóðu. Einasta málið skoraði altíð vandamikli Birgir Jørgensen, tá ið tað restaðu fimm minuttir eftir. Innleggið kom úr vinstru, og mitt fyri málinum smekkaði málrevurin høvdið undir bóltin, sum við nógvari ferð fór í net- takið aftanfyri Albert Sævarsson, sum ongan sum helst møguleika hevði at bjarga. B68 hevði onkra roynd úti frá, sum Bjarni Johan- sen ongar trupulleikar hevði at verja fyri. Tofta- menn hava seinastu ferðir- nar havt trupulleikar í álopspartinum, og soleiðis var tað aftur hesa ferð. Hvørki Øssur Hansen ella Jann Ingi Petersen vóru á miðvøllinum, og tað tóktist liðið ikki megna at bera. Tapið hevði við sær, at B68 spælararnir fingu bronsukrónurnar. Tær fara at verða handaðar á árs- veitsluni hjá felagnum, sum verður nú leygar- kvøldið. Burtur úr vanda Vágbingar tóktust vita, hvat tað snúði seg um. Áskoðararnir stuðlaðu teimum væl, og VB spæl- ararnir vóru meiri ágang- andi, enn teir hava verið í so nógvum øðrum dystum fyrr í ár. Undan steðginum vildu teir hava dómaran at bríksla fyri brotssparki, tí B68 verjan hevði ov gott tak á einum av álopsspæl- arunum, men Oddmar Andreasen bríkslaði ikki. VB hevði onkrar skot- royndir úti frá, sum Albert Sævarsson ongar trupul- leikar hevði at taka sær av. Sum heild vóru málmøgu- leikarnir ikki nógvir. Birgir Jørgensen fekk fulla nyttu burturúr tí eina, sum so mangur annar ikki hevði megnað at umsett til mál. At Birgir megnaði hetta var sera týdningarmikið fyri VB. Vágbingar vóru lættir, tá ið teir fóru úr kuldanum á Vágseiði og heim til heita drekkamunn- in. Eftir at teir hava livað í óvissu um lagnuna hjá teirra liði í fleiri vikur, kunnu teir nú hvíla seg og vita, at teirra lið aftur kom- andi ár fer at fáa møgu- leika at vísa, at tað er ein sjálvfylgja, at VB og Vágur eru partur av fótbólts- stríðnum, har tað rættuliga gongur fyri seg. Toftamenn fóru norður um aftur við blandaðari kenslu. Eftir eitt sindur trilvandi kappingarbyrjan og fjórða pláss í summar- steðginum vunnu teir við sjey sigrum á rað seg heilt upp á toppin. Men teir taptu gulldystin í Gunda- dali, tá ið mest um galt, og nú taptu teir aftur, tá ið tað ráddi um at verja silvur- plássið. Dysturin í tølum VB–B68 1–0 (0–0) 1–0: Birgir Jørgensen 85. Dómari: Oddmar Andrea- sen VB: Bjarni Johansen – Predrag Zivkovic, Eyðun Jacobsen, Janus Kjærbo – Mortan úr Hørg, Milan Kuljic,Slobodan Madzar, Anders Sørensen, Palli Augustinussen – Birgir Jørgensen, Brian Andersen Gult kort: Slobodan Mad- zar 35. B68: Albert Sævarsson – Jóhan Petur Poulsen, Hans Fróði Hansen, Arnbjørn Danielsen (Mannbjørn Nesá, 78.), Jákup Eli Olsen – Bogi Petersen (Oleif Joensen, 85.), Fróði Benja- minsen, Dánial Hansen, Eyðstein Skipanes (Øssur Jacobsen, 75.) – Súni Fríði Johannesen, John Heri Dam Gult kort: Oleif Joensen 85. VB-B68 1-0 (0-0): VB syrgdi fyri sær sjálvum NSÍ-FS Vágar 2-0 (0-0): NSÍ vísti onga náði Veteranurin og spæl- andi venjarin var mest eyðsýndi vága- maðurin, tá ið liðið tapti í Runavík og samstundis vinkaði farvæl við bestu deildina FÓTBÓLTUR Jóannes Hansen joannes@sosialurin.fo Tað vóru tey, sum høvdu hættað sær úr Vágum og til Runavíkar fyri at fylgja við í, hvussu hótta fótbóltsliðið hjá teimum fór at standa seg. Men tað var skjótt, at tað gjørdist greitt, at bjarg- ingarkransurin hjá vága- monnum lá í hondunum á EB/Streymi eitt sindur innari og hinumegin Skála- fjørðin. FS Vágar var ong- antíð verulig hóttan ímóti NSÍ. Gestirnir høvdu í 1. hálvleiki bóltin nógv. Jens Erik Rasmussen var á fram- rættaða miðvallarplássin- um væl upplagdur, bólt- tryggur og hugflogsríkur. Men tað var ikki nóg mikið. Tað var ov lítil tyngd og saft og kraft í álopspartin- um. Clayton Soares var fleiri ferðir um at gerast vandamikil, men hann hevði ikki marginalirnar á sínari síðu. Onkra ferðina gloymdi hann bóltin eftir, tá ið avgerandi dragingin skuldi gerast, og aðrar ferð- ir var hann ov seinur at smekka til. Birgir Joensen lúrdi eitt sindur til høgru, og tað var onkra ferðina um reppið, at góði sparkifør- leikin skuldi royna Jens Martin Knudsen, men tað varð ongantíð so mikið ágangandi, at tað kundi gerast hóttafall fyri heima- liðið. Harvið var eisini veik- leikin hjá FS Vágum, sum í bítandi heystarveðrinum sendi teir út í kuldan, settur í glas og rammu. Í verju- partinum vóru teir ikki nóg tryggir, á miðvøllinum var verjukendi stuðulin hjá Jens Eriki Rasmussen ikki nóg hollur, og tá ið tað við- hvørt líktist góðum saman- spæli, so spurdist úrtøka ikki burturúr, tí álopspart- urin var ov tunnur. Jens Erik Rasmussen hevði góða skotroynd úti frá, sum fór dygst framvið, Clayton Soares var tætt við at umseta frísparksinnlegg, og tað var meiri av tí slagn- um. Í 2. hálvleiki noyddist NSÍ miðverjin Áki L. Han- sen eina ferð at beina bólt- inum út til horna, tá ið hann annars var á veg í málið. Men tað bar ikki mál við sær, og tað eru tey, sum telja og geva stig og harvið lyfta lið úr vandastøðu. Framúr mál NSÍ var ikki sinnað at geva nakað burtur, hóast venjar- in hevði broytt liðið í fleiri ódnum. Áki L. Hansen fekk møguleikan í miðverjuni, og Messias Pereira kom undan steðginum inn fyri skadda Helga L. Petersen. Karsten From var vongverji í høgru. Hann gjørdi ikki so nógv um seg í 1. hálvleiki, men í 2. hálvleiki, tá ið NSÍ hevði fríska lotið undan, var hann fleiri ferðir ágang- andi. Seinna umfarið var eitt lítið korter gamalt, tá ið unglingaspælarin Andy Ol- sen legði NSÍ framum. Hann var við frá fyrsta bríksli í miðvallarplássin- um í vinstru, sum skaddi Jónstein Petersen annars hevur átt. Í 2. hálvleiki fór Andy í álopið, meðan Messias fór í miðvallar- plássið í vinstru. Andy fekk bóltin stungn- an fram ímillum. Vága- menninir dúvaðu upp á rangstøðuna, men linju- verjin segði einki, og so var ungi maðurin kaldur og lyfti upp um Jákup Joensen, sum kendi seg noyddan at leypa út út málinum. Níggju minuttir seinni staðfesti Sjúrður Jacobsen heimasigurin og harvið, at FS Vágar skuldi flyta niður. Og tað var vorðið sum mál. Eftir innkast í høgru og tvørtur um og út frá, royndi vinstrabeinti vongverjin seg úr 25–30 metrum. Mál- verjin mundi ikki síggja bóltin beinanvegin, tí nógv fólk var fyri, og tá ið hann sá bóltin var einki at gera. Tað sang í nettakinum, tá ið bólturin var komin strúk- andi dygst inn undir saman- komingina. Dysturin í tølum NSÍ–FS Vágar 2–0 (0–0) 1–0: Andy Olsen 58. 2–0: Sjúrður Jacobsen 67. NSÍ: Jens Martin Knudsen – Karsten From, Óli Hansen, Áki L. Hansen, Sjúrður Jacobsen – Gert Langgaard, Ian Højgaard, Kári Hansen, Andy Olsen, Helgi L. Petersen (Messias Pereira, 44.), Sonni L. Petersen Gult kort: Kári Hansen 68., Ian Højgaard 90. FS Vágar: Jákup Joensen – Sjúrður Ellefsen, Vlad Odi- pov, Albert Ari Thomassen, Jóhannis Joensen (Rói Árting, 70.) – Hegga Samu- elsen (Hannus Olsen, 65.), Jens Erik Rasmussen, Rusl- an Screlea, Silva de Braga – Birgir Joensen, Clayton Soares Vágamenn stóu eftir við svartaperi, og eftir tapið í Runavík stóð greitt, at teir fara beina leið niður aftur í aðru deild C M Y K 22