týsdagur 14. oktober 2003síða 11

Nr. 194 - 14. oktober 2003 21 Við einum knúsandi sigri í seinna upp- og niðurflytingardystinu m staðfesti Skála, at munurin millum fyrstu og aðru deild er ovurstórur FÓTBÓLTUR Jákup Mørk Skálafólk høvdu leitað sær niðan á vøllin leygardagin. Hóast veðrið loksins var til tað, so mátti fjallgongan bíða í øllum førum ein dag afturat, tí dysturin leygar- dagin kom fram um at kalla alt annað. Sessurin í bestu deildini stóð upp á spæl, og í sjálvum sær er tað einki minni enn eitt bragd, at liðið yvirhøvur hevði togað seg somikið væl upp. Trý umfør fyri kapping- arlok stóð í øllum førum einki serligt til, men tríggir sigrar á rað høvdu tó kopp- að øllum á, og við einum 1- 1 javnleiki á Tvøroyri í fyrra dystinum sum barlast, mundu vónirnar vera heilt góðar, nú seinasta takið skuldi takast. Klassamunur Og lat tað verða sagt bein- anvegin, at Skála ikki hevði nakrar sum helst trupul- leikar við at halda fast um sessin, tá alt kom til alt. Fyrstu løtuna leikaði kanska nóg so javnt á, men tað var skjótt sjónligt, at heimaliðið var betri fyri enn gestirnir. Munurin á leikferðini í fyrstu og aðru deild kom beinan vegin greitt til sjóndar, og tó at TB hevur einar tveir-tríggjar spælar- ar, sum megna at umstilla seg til skjótaru leikferðina, so var hetta ongantíð nóg mikið. Gaman í hevði TB fyrstu løtuna onkran hend- inga møguleika, men tað var Skála, sum hótti, og tað var ikki annað enn vænt- andi, tá teir eftir góðum korteri fingu lagt seg á odda. Men fyri TB mundi mátin, sum hetti hendi uppá, koma illa við. Jon- hard Frederiksberg elti aft- urlegging til TB-málverjan, og tó hesin skuldi sparka burtur, traff hann Jonhard beint í dintilin, og so var lag á manni at rætta kósina á bóltinum, soleiðis at hann sneiddi inn um stólpan. Og so var Skála á vinn- arakós. Jonhard Frederiks- berg fekk eina sanna perlu til 2-0, tá hann eftir banda- spæl á brotsteigarmarkin- um langaði bóltin upp undir nettakið, og tá Alexandur Johansen elegant lyfti upp um málverjan til 3-0, stóð skriftin á vegginum við neon-stavum. Undan triðja málinum hevði TB tó gyltan møgu- leika at birta sær vónina aftur. Óli Johannesen varð togaður niður í brotsteig- inum, og brotsspark varð dømt. Óli skeyt sjálvur, men Eugen Voda, sum fyrst hevði fingið gult fyri at provokera eitt sindur, tveitti seg til vinstru og vardi. Dómarin metti tó, at mál- verjin hevði flutt seg av linjuni áðrenn skoti, men tó at Óli fekk nýggja roynd, og tó at hesa ferð sendi móti hinari síðuni, so vardi Voda aftur fyri. At hann hesaferð í nógv størri mun flutti seg av strikuni, tóktist dómarin tó ikki at lata við seg koma, og so fekk TB ikki gjørt nógv meira. Eyðmýking Um TB hevði nakra vón eftir steðgin, skal vera ósagt, men taktiskar flyt- ingar tóktust í hvussu so er benda tann vegin, at nú skuldi alt satsast. Ikki minst tað at Óli Johannesen varð fluttur longur niðan, skuldi kanska økja um trýstið á Skála, men úrslitið av hes- um gjørdist ongan tíð sjón- ligt. Skála tóktist ikki nervast tað minsta av hesum, og tá Jonhard so skeyt sítt triðja mál, bendi tað tann vegin, at talan kundi gerast um sanna eyðmýking fyri TB. Tað gjørdist tað eisini, men tað var tó ikki fyrr enn í seinastu minuttunum, at talan veruliga gjørdist um sorl. Jonhard slapp enn einaferð á talvuna, áðrenn hann varð klappaður av vøllinum. Hanus Thorleifs- son økti til 6-0, tá Alexand- ur frekt rullaði tvørturum, tá hann varð leysur við málverjanum, og at enda kundi Alexandur sjálvur staðfesta eyðmýkingina. Aftur gjørdist hann púra leysur innan fyri fløtu TB- verjuna, og hesa ferð lyfti hann elegant upp um mál- verjan, áðrenn leiðin gekk út til hornaflaggið, har ein sonn jubel-scena kundi haldast. Troyggjan varð hongd upp á hornaflaggið, og so var bara at veittra í paradu-stíli frammanfyri fagnandi áskoðarunum. Løtu seinni bríkslaði Birgir Sondum fyri seinastu ferð, og so var alt liðugt. Skála er framvegis í fyrstu deild, og aldursforsetin mátti enn einaferð ásanna, at tað er ovurstórur munur á teimum báðum bestu deild- unum. Dysturin í tølum Skála-TB 7-0 (3-0) Skála vinnari við saman- lagt 8-1 1-0: Jonhard Frederiksberg 2-0: Jonhard Frederiksberg 3-0: Alexandur Johansen 4-0: Jonhard Frederiksberg 5-0: Jonhard Frederiksberg 6-0: Hanus Thorleifsson 7-0: Alexandur Johansen Dómari: Birgir Sondum. Hevði fyri tað mesta gott tak á, men lat onkursvegna TB sleppa ókeypis avstað við tveimum óvanliga grov- um fríspørkum seinastu løtuna. Skála: Eugen Voda - Dusan Jaic, Arnold Berg, Hanus Thorleifsson, Jonhard Frederiksberg (Teitur Joensen, 84), Alexandur Johansen, Julian Florescu, Pauli G. Hansen, Bogi Gregersen, Bárður Daniel- sen, Bent Djurhuus TB: Magni Hentze - Jón Johannesen, Óli Johanne- sen, Jens Rói Sørensen, Olivur Abrahamsen, Bárð- ur Dimon (Birgir Rasmus- sen, 80), Einar Petersen (Mortan Enni, 30), Rasmus Nolsøe, Hallur Christian- sen, Kaj Roest (Allan Poul- sen, 66), Dan Mortensen Skála-TB 7-0 (3-0): Klassamunur Jonhard Frederiksberg hevur júst skorað eitt av sínum fýra málum, og saman við liðfeløgunum fegnast hann um, at plássið í deildini nú er púrasta víst TB fekk ein møguleika at koma íaftur dystin, tá Óli Johannesen varð togaður niður í brotsteiginum, men hóast hann fekk tvær royndir, so megnði landsliðsskiparin ikki at skora 21 Eftir eitt sabbat-ár hevur fyrrverandi landsliðsskiparin fingið hug til venj- arastarvið aftur, og nógv bendir á, at tað verður B36, sum hann skal standa á odda fyri komandi ár FÓTBÓLTUR Jákup Mørk Eftir at hann í fjør hevði tikið um endan í HB, og saman við Kára Nielsen leitt liðið til gullið, bar inniverandi kappingarár einki venjarastarv við sær til Jóannes Jakobsen. Høvuðsorsøkin til hetta var tó einamest privatar orsøkir, tí fyrrverandi lið- skiparin á landsliðnum sá seg ikki hava stundir til at nýta so nógva tíð til fót- bóltin, sum eitt venjara- starv í fyrstu deild krevur. Nú er tó líkt til, at um- støðurnar eru betri í so máta, og Jóannes sigur eis- ini sjálvur, at tað er nógv, sum bendir á, at hann nú aftur fer at royna seg. - Nøkur feløg hava spurt seg fyri, og sjálvur havi eg eisini góðan hug til hetta, so tað sær út, at eg veri venjari komandi ár. Akku- rát hvar, fái eg tó ikki sagt í løtuni, sigur Jóannes um hetta. Helst í B36 Eitt av feløgunum, sum treiskar leysasøgur vilja vera við skal vera eftir Jóannes, er B36. Har er enn eingin venjari funnin, men tað tykist í øllum førum ikki ósannlíkt, at hesin verður júst Jóannes Jakob- sen. Á ársveitsluni hjá felag- num leygarkvøldið boðaði formaðurin í B36, Kristian á Neystabø, frá, at Ion Geolgau ikki heldur fram í sessinum, men at tað enn ikki er greitt, hvør verður venjari. - Hetta er eitt mál, sum vit arbeiða við, og vit hava sjálvandi nøkur nøvn í kik- aranum. Meira enn tað fái eg ikki sagt í løtuni, segði formaðurin, tá vit sunnu- dagin spurdu um viðmerk- ingar til málið. Tað skilst tó á prátinum í og kring felagið, at talan helst verður um eina før- oyska loysn, og so er í øllum førum nærliggjandi at halda, at talan verður um Jóannes. Aðrir føroyskir venjarar í fyrstu deild í ár hava verið Petur Mohr, Jan Joensen, Jógvan Martin Olsen, Johan Nielsen og Albert Ellefsen, men sum er talar lítið fyri, at tað verður nakar av hesum. Ein møguleiki, sum eisini hev- ur verið nevndur, er Sig- fríður Clementsen, sum hevur roynt seg sum ung- dómsvenjari og hjálpar- venjari hjá besta liðnum í felagnum. Men enn er hann kanska nakað feskur sum venjari, og hartil hevur hann leikt saman við fleiri av leikarunum, so tað bend- ir tann vegin, at hann helst má bíða í nøkur ár. Men tað munnu fuglfirðingar helst einki hava ímóti, tó at heldur einki er avgjørt har enn. Nr. 194 • týsdagur • 14. oktober 2003 • 77. árgangur • www.sosialurin.fo Jóannes Jakobsen helst til B36 Daiva breyt ring- fingurin Sigurin sunnu- dagin kann gerast dýrur hjá VB, tí mitt í seinna hálv- leiki var Daiva Toumaite so óheppin at bróta sær ringfingurin á høgru hond, so hon helst má sita uttanfyri fleiri dystir KVINNUHOND- BÓLTUR Hilmar Jan Hansen At alt kann hava sín prís, mátti VB sanna sunnudagin, tá topp- skjúttin frá undanfarnu kapping, Daiva Tou- maite, miðskeiðis í seinna hálvleiki noyddist út við skaða. Eftir at hon hevði verið hjá lækna aftan á dystin, fekk hon stað- fest, at ringfingurin á høgru hond var brotin. Enn er ikki greitt, hvussu hetta kemur at ávirka hennara hond- bóltsspæl komandi vikurnar, men í dag skal hon aftur kannast hjá lækna, áðrenn staðfest verður, hvussu drúgvan steðg hon má taka frá hondbóltinum, áðrenn fingurin er lektur aftur. Men sum skiltist á vágbingum sunnu- kvøldið, eru vónirnar ikki tær bestu, og roknað verður við, at Daiva noyðist binda frið í nakrar vikur. Næstu dystirnir hjá VB eru fyrst móti Sólj- uni og Kyndli, áðrenn Stjørnan er á skránni fyrst í næsta mánaði. Uttan at nakað skal takast frá teimum báð- um fyrrnevndu, munnu tey í Vági ynskja sær, at topp- skjúttin í øllum førum verður klárur, áðrenn útidysturin í Klaksvík er á skránni. Alt bendir á, at Jóannes Jakobsen aftur fer at royna seg sum fótbóltsvenjari komandi kappingarár, og tað sær út til, at tað verður í B36, at hetta skal verða C M Y K 20