týsdagur 28. oktober 2003síða 3

4 Nr. 204 - 28. oktober 2003 Nr. 204 - 28. oktober 2003 5 Nýggjur sáttmáli til pedagogarnar Føroya Pedagogfelag, Fíggjarmálaráðið og Kommunala Arbeiðs- gevarafelag Føroya hava skrivað undir nýggjan sáttmála SÁTTMÁLI Ingrid Bjarnastein ingrid@sosialurin.fo Foreldur, sum hava børn í ansingarskipanum, kunnu nú anda lættan. Sunnu- kvøldið skrivaðu Føroya Pedagogfelag, Fíggjar- málaráðið og Kommuna Arbeiðsgevarafelag Føroya undir nýggjan sáttmála, sum hevur gildi frá 1. okto- ber 2003 fram til 1. oktober 2005. Karmurin er umleið 9 prosent, og lønin hjá peda- gogunum hækkar 6,15 prosent, samstundis sum eftirlønin hjá hjálparfólk- unum hækkar 2 prosent. Eisini eru ymsar broyt- ingar gjørdar í lønar- stiganum. – Í sáttmálaskeiðnum fara partarnir m.a. at sam- ráðast um arbeiðstíðarregl- ur, soleiðis at tær kunnu verða partur av sáttmálan- um, boðað Fíggjarmálaráð- ið og Kommunala Arbeiðs- gevarafelag Føroya frá í tíðindaskrivi. Ymsar smærri broytingar eru gjørdar í sáttmálatekst- inum, og ein avtala er eisini gjørd um serstakar frídagar. Pedagogarnir hava fingið nýggjan sáttmála. Lønin hækkar 6,15 prosent frá 1. oktober í ár Tilvildarlig mynd ífylla Heidi Hvidbro úr Klaksvík var millum tær 2.000 kvinnurnar, sum fyrst í oktober mánaði myndaðu Rosa-sloyfuna, sum er búmerki fyri bróst- krabba, framman fyri kongaslottinum í Oslo. Hon sigur, at tað var eitt ótrúligt upplivilsi at sleppa at verða við til hetta SAMRØÐA Solby A. Eliasen solby@sosialurin.fo Klaksvík: Heidi Hvidbro var løgd undir skurð fyri bróstkrabba í 1998. Tá átti hon smábørn, og brádliga bleiv lívið broytt frá einum degi til annan. Men Heidi kom væl frá síni viðgerð, og er hon í dag púra frísk. Sum so nógvir aðrir krabbameinssjúklingar meldaði hon seg beinan- vegin inn í Føroya Felag móti Krabbameini. Hartil meldaði hon seg eisini upp í norska krabbameinsfe- lagið, og fyrr í ár fekk hon innbjóðing til at vera við í herferð í sambandi við, at fokus verður sett á bróst- krabba kring heimin í oktobermánaði. Heidi sig- ur, at tað var ógvuliga til- vildarligt, hvør fekk inn- bjóðing. – Tað var soleiðis, at tey vildu hava 1.500 kvinnur, tí so fóru vit at seta heims- met, sigur Heidi. Og tá so samanumkom vóru tær ikki minni enn 2.000. So heims- metið í at mynda eina sloyfu, sum var yvir ein kilometur til longdar varð rokkið so væl og virðiliga. Tann 2. oktober stóð hon saman við yvir 2.000 øðr- um kvinnum, sum eisini hava verið sjúkar av bróst- krabba, framman fyri norska kongshúsinum í Oslo og myndaði búmerki hjá teimum, sum verður kallað Rosa-sloyfan. Á odda fyri teimum var norska prinsessan Marthe Louise. Fáa sloyfuna fram Endamálið við sloyfuni er fyrst og fremst at savna pening inn til gransking av bróstkrabba. Heidi sigur, at tað hevur gingið avbera skjótt, síðani sloyfan fyri fyrstu ferð sá dagsins ljós fyri tíggju árum síðani. Í dag er hon í yvir 40 lond- um, og hon verður borin av bæði monnum og kvinnum. Í fleiri londum kring heimin hava ymisk tiltøk verið í sambandi við, at ljóskastarin verður settur á bróstkrabba í hesum mán- aðinum. Heidi sigur, at til dømis í Sydney lýsti tað so vælkenda operahúsið ljósa- reytt ein heilan dag. – Øll hesi tiltøkini eru við til at fáa sloyfuna betur fram. Fólk fáa eyguni upp fyri, at tað veruliga verður gjørt nakað fyri at útvega pening til granskingina av bróstkrabba, sigur Heidi Hvidbro. Mammografibussur Nógv onnur tiltøk vóru í Noreg hesar dagarnar, með- an Heidi var har. Men hon sigur, at tað var serliga eitt, sum fangaði hennara áhuga. Og tað var ein so- kallaður mammografibuss- ur. Hesin bussurin koyrir runt til ávísar kommunur í Noreg, har kvinnur í aldr- inum 50 – 69 ár fáa bjóðað eina mammografikanning. – Framtíðarvónin og ynski hjá teimum er, at bussurin fer at kunna koyra runt alt Noreg og kanna kvinnurnar, sigur Heidi, sum heldur, at hetta er eitt fantastiska gott tiltak. Bót til Bata Heidi sjálv er limur í einum undirbólki í Føroya Felag móti Krabbameini, sum eitur Bót til Bata. Tað eru umleið tíggju kvinnur í aldrinum 40 til 80 ár, sum hittast nakrar ferðir um árið. Allar hava tilfelags, at tær eru vorðnar frískar eftir skurðviðgerð ella aðra við- gerð fyri bróstkrabba. – Ein skal hava verið frískur í tvey ár fyri at kunna gerast limur, og tað er tí, at títt egna skalt tú vera komin burturúr, áðr- enn tú kemur í ein bólk, har tú millum annað tosar við kvinnur, sum júst hava fingið staðfest bróstkrabba, greiðir Heidi frá. Endamálið hjá Bót til Bata er at taka hond um tær kvinnur, sum júst hava fingið staðfest krabbamein við at tær fáa tilboð um at tosa við eina, sum hevur verið í somu støðu. Eisini skal bólkurin fremja áhugamál hjá kvinn- um, sum eru viðgjørdar fyri krabbamein í brósti yvir fyri myndugleikunum. Her verður serliga hugsað um Heilsuverkið og útvegan av protesum. Heidi sigur, at tað er sera hart at fáa at vita, at ein hevur fingið krabbamein, og tað kennist sum um, at lívið steðgar upp hjá ein- um. – Tá er gott at vita, at tað eru nøkur sum kempa fyri teg, tá tú ikki sjálvur hevur orkuna til tað, tí viðgerðin er nóg mikið í sjálvum sær, sigur Heidi Hvidbro at enda. Búmerki myndað av 2.000 kvinnum 2.000 kvinnur myndaðu búmerki hjá bróstkrabba- felagnum uttan fyri norska kongshúsi fyrst í oktobre mánaði Mynd: Scanpix Heidi Hvidbro úr Klaksvík var við í Oslo. Hon sigur, at tað var heilt ótrúligt at kunna vera við at savnast saman við 2.000 øðrum kvinnum, sum hava verið ígjøgnum tað sama sum hon C M Y K 5 4