týsdagur 28. oktober 2003síða 10

18 Nr. 204 - 28. oktober 2003 Nr. 204 - 28. oktober 2003 19 Ellivu fólk eru deyð, og minst 400 hús eru farin upp í royk í Kalifornia. Myndug- leikarnir halda, at eldurin er ásettur ELDUR Árni Joensen fartekst@mail.dk Gray Davis, sum enn er guvernørur í Kalifornia, hevur lýst undantaksstøðu í tveimum pørtum av statin- um, og hann hevur biðið George W. Bush, forseta lýsa økini í undantaks- støðu. Sambært guvernør- inum er hetta tann ringasti eldurin, sum hevur verið í Kalifornia seinastu tíggju árini. Eldurin hevur serliga gjørt um seg á leiðini við býin San Diego. Har eru umleið 100.000 hektarar svidnir av, og átta fólk har eru deyð, sigur løgreglan í býnum. Tvey teirra doyðu, tá tey royndu at flýggja undan eldinum í bili, ein maður doyði, tá hann royndi at bjarga húsunum, og ein annar maður fekk hjartaslag, meðan hann stóð og hugdi at húsum sín- um, sum stóðu í ljósum loga. Eisini eystan fyri stór- býin Los Angeles hevur eldurin gjørt stóran skaða, og har royna umleið 20.000 sløkkiliðsmenn at basa eld- inum. Reyði Krossur hevur skipað tjúgu neyðhjálpar- støðir í Kalifornia fyri at hjálpa fleiri túsund fólkum, sum hava verið noydd at flýggja undan eldinum. Nógvur vindur av skift- andi ættum hevur gjørt tað sera trupult hjá sløkkilið- unum at forða eldinum í at breiða seg, og í gjár søgdu veðurmenninir framvegis frá vindi teir næstu dagar- nar. Tað hevur eisini verið turt leingi, og harafturat hevur tað verið heitt leingi. Tað ger, at at kalla alt brennur, siga sløkkiliðini. Løgreglan í Kalifornia heldur, at eldurin er ásettur. Skuldsettur fyri svik Ríkasti maður í Russlandi, Mikhail Khodorkovskij, skal sita í varðhaldi í Moskva til tann 30. desember. Hann varð tikin í býnum Novosibirsk leygarmorgunin og fluttur til Moskva. Har gjørdi ein dómstólur av at varðhaldsfongsla hann. Russiska ákæruvaldið vil vera við, at Mikhail Khodorkovskij, sum er stjóri í oljufelagnum Yukos, hevur snýtt tað almenna. Tá hann kom fyri rættin leygardagin, varð hann skuldsettur fyri skattasvik, skjalafalsan og fíggjarundandrátt fyri tilsamans hálva sjeyndu milliard krónur. Nógvir eygleiðarar í Russlandi halda, at ríkmaðurin er tikin, tí hann fíggjar tveir politiskar flokkar, sum eru ímóti politikkinum hjá Vladimir Putin, forseta og stjórnini í Moskva. Sjálvur hevur Putin einki sagt um handtøkuna, men eygleiðararnir siga, at løgreglan hevði ikki kunnað tikið ein so týðandi persón uttan samtykki forsetans. Aðrir eygleiðarar ávara sam- stundis um, at handtøkan fer uttan iva at skerja áhug- an hjá útlendskum fyritøkum at gera íløgur í Russ- landi. Gott úrslit hjá Statoil Tað gongur væl hjá norska oljufelagnum Statoil. Í gjár almannakunngjørdi felagið roknskapin fyri juli ársfjórðing, og har sást, at felagið hevði havt góðar tólv milliardir norskar krónur í avlopi í triðja árs- fjórðingi. Tað er næstan hálvonnur milliard krónur meiri enn í sama tíðarskeiði í fjør. Úrslitið hjá Statoil var eisini betur, enn serfrøðingar høvdu væntað. Í einum tíðindaskrivi, sum kom í sam- bandi við roknskapin, sigur felagið, at teir seinastu mánaðirnir hava verið truplir, og víst verður á gøluna, sum endaði við, at stjórin, Olav Fjell, noyddist at fara frá. Aftan á skatt var nettoúrslitið í juli ársfjórðingi 4,3 milliardir norskar krónur. Tað merkir, at nettoúrslitið níggju teir fyrstu mánaðarnar var 12,3 milliardir krónur. Sharon til avhoyringar Ísraelski forsætisráðharrin, Ariel Sharon, skal seinni í vikuni í rættin í sambandi við tvey mál um svik. Millum annað skal Sharon svara spurningum frá løgregluni, sum vil vera við, at forsætisráðharrin fekk eitt ólógligt lán undir valstríðnum í 1999. Hann skal hava fingið lánið sum samsýning fyri nakrar politisk- ar tænastur. Eisini er hann skuldsettur fyri at hava givið einum vinnulívsmanni mutur, tá hann var uttan- ríkisráðharri í nítiárunum. Sjálvur sigur Sharon, at hann er ósekur. Sharon verður væntandi avhoyrdur í morgin og hós- dagin. Hann er kortini ikki tann fyrsti ísraelski stjórn- arleiðarin, sum er lagdur undir svik. Bæði Benjamin Netanyahu og Ehud Barak vórðu í síni tíð lagdir undir svik, men tey bæði málini vórðu seinni løgd til viks. Fyrireikaðu seg í fimm ár Týska tíðarritið Der Spiegel avdúkar nú, at yvir- gangsfelagsskapurin al-Qaeda fór undir at fyrireika atsóknina at Woeld Trade Center og Pentagon longu í 1996. Longu tá høvdu teir valt dagin, og tí høvdu teir givið atsóknini loyniliga heitið "Porche 911". Sambært tíðarritinum var tað Osama bin Laden sjálvur, sum fekk hugskotið at nýta ferðamannaflog- før sum vápn. Der Spiegel veit eisini at siga, at yvir- gangsmenninir ætlaðu ikki at stoyta tað fjórða flogfarið niður í Hvítu Húsini, sum tey flestu hava hildið, men at Capitol Hill var tað fjórða álopsmálið. Tað er har, Kongressin heldur til. Hetta flogfarið kom tó ikki so langt, tí tað datt niður í Philadelphia. Sambært Der Spiegel var tað bin Laden, sum valdi menninar, sum skuldu taka lut í atsóknini,. Tað var í februar í 2001. Fimm mánaðir seinni, í juli í, var alt komið upp á pláss. Tá skal ein av flogskiparunum hjá al-Qaeda, Mohammed Atta, hava boðað frá, at "Porche 911 er til reiðar at seta í gongd", skrivar Der Spiegel. Republikanski sena- torurin John McCain heldur, at trupulleik- arnir hjá ameri- kanska herinum í Irak líkjast teimum, sum herurin hevði í Vietnam á sinni IRAK-KRÍGGIÐ Árni Joensen fartekst@mail.dk John McCain leggur nú floksfelagan George W. Bush, forseta undir at und- irmeta trupulleikarnar í Irak, og hann vil eisini vera við, at amerikanski al- menningurin fær ov lítið at vita um tað, sum hendir í Irak. - Fyri fyrstu ferð dugi eg at síggja, at eins og undir krígnum í Vietnam er líka lítið samsvar ímillum tíð- indini úr Irak og tað, sum veruliga hendir har, sigur McCain, sum sjálvur var hermaður í Vietnam-kríg- num. Hann heldur kortini ikki, at støðan í Irak er tann sama sum í Vietnam á sinni, men amerikanski herurin hevur ein stóran trupulleika í tí sunnimus- limska økinum, har Sad- dam Hussein hevði sínar trúgvastu stuðlar, og tað eigur amerikanski almenn- ingurin at fáa at vita, sigur McCain. Bush-stjórnin hevur fleiri ferðir avsannað, at USA kann koma í somu støðu í Irak sum í Vietnam. UTTAN ÚR HEIMI Irak líkist Vietnam Umleið 400 hús eru farin upp í royk í Kalifornia seinastu dagarnar Mynd: Reuters Kalifornia brennur Tann 8. novembur verður stór barna- og ungdómskonsert í Norðurlandahúsinum við bólkinum B-Boys úr Danmark. Við á ferðini til Føroya verður Danmarks Radio, sum skal gera eina sending um vælumtókta bólkin KONSERT Rúna Sivertsen runa@sosialurin.fo Nú kemur kendi danski ungdómsbólkurin, B-Boys, til Føroya at syngja á eini konsert í Norðurlandahús- inum. Á konsertini fara eisini føroysk børn og ung at lut- taka. B-Boys gjørdust kendir, tá teir luttóku í Melodi Grand Prix fyri børn og ung í Danmark. Tað eru teir tríggir, Kåve og Mathias, báðir 13 ára gamlir og 15 ára gamli Se- bastian, sum manna B- Boys. Umframt sangin, eru teir eisini kendir fyri at duga sera væl at dansa, bæði breakdans og hip hop. Tað eru systkini, Angela Petersen og Mark Joensen, ið skipa fyri konsertini. Í tíðindaskrivi siga tey bæði, at tey hava tvey aðalmál við konsertini. Tað fremsta er at menna føroyskan sang og tónleik millum børn og ung. Annað er, at tað í ár er "Ár teirra brekaðu", og tí ynskja tey at stuðla við at lata eitt møguligt yvirskot av konsertini fara til inn- savningina av bussi til bú- fólkið á Eirargarði. Føroysk børn við - Vit eiga nógv evnarík børn í Føroyum, sum vit ynskja at geva møguleika at hitta barnastjørnur úr hin- um norðurlondunum. Sam- stundis fáa tey møguleika at standa á einum yrkispalli saman við teimum, og tað kann verða við til at føra teirra dreymar út í lívið, siga Angela og Mark. Føroysku luttakararnir verða Konni Kass úr Hoy- vík, Sólfríð Bech av Tvør- oyri, Birgit Sivertsen úr Klaksvík, Elin Hansen úr Saltangará og sangbólkur- in, Stjørnskot, við Sigrid Sivertsen úr Hoyvík. Atgongumerki fáast á bensinsølunum kring land- ið og á Kunningarstovuni í Havn. B-Boys konsert í Føroyum Nú kemur kendi danski ungdómsbólkurin, B-Boys, til Føroya. Saman við føroyskum børnum og ungum skulu teir syngja á eini stórari konsert í Norðurlandahúsinum Atgongumerki til konsertina eru at fáa kring alt landið og kosta 225 krónur. Eitt møguligt yvirskot av konsertini fer til buss til búfólkið á Eirargarði C M Y K 19 18 Pop.fo er ein fesk s p.fo er ein fesk íða við tónleiki og undirhaldi, sum hevur fleiri túsund vitjandi um mánaðin Fylg vi F ð hvat er heitt & feitt - vitja pop.fo Øll hava eina góð óða s a íðíðu - pop.fo hevur 100 hevur 100