mikudagur 29. oktober 2003síða 8

Nr. 205 - 29. oktober 2003 15 Skeið fyri menningartarnað Tey menningartarn- aðu hava tað seinastu vikuna verið á skeið á Føroya Fólkaháskúla. Vit vóru á vitjan hjá teimum, og fingu eitt prát við tey, um hvat tey hava gjørt í vik- uni, sum nú er farin SKEIÐ Sem Johnsson/Joan Brockie, praktikantar Tað eru Jarvin Hansen og Hildur Hermansen, sum skipa fyri skeiðinum fyri menningartarnað, sum er á Føroya Fólkaháskúla. Tey, sum luttaka, eru úr øllum Føroyum, og tey eru 20 í tali. Aldurin er frá 18 til umleið 50 ár. Tey hava ymisk fak sum køk, list, smíð, drama, til- evning, og so eru eisini teldubólkar/myndabólkar. Tey fara eisini ymsar túrar, og tey hava millum ananð verið og svomið og á Eiði og etið. Tey gera mangt og hvat á skeiðnum, so sum at gera sápur og krem av ymsum slagi, og eisini gera tey stearinljós. Tey gera eisini mat, mála og smíða. Mill- um annað tóku tey eitt stórt træ niður, av tí at tað var deytt. Tey taka nógvar myndir, hugna sær og fáa nýggjar vinir. Hetta er eitt skeið, sum tey sjálvi hava ynskt at sloppið til. Hetta er nakað, sum er fyrireikað eina tíð frammanundan, og ætlanin er, at tað verður aftur komandi ár. Tað eru seks lærarar, sum undirvísa. Skeiðið byrjaði mikudagin 22. oktober og endar í dag, mikudag. Tey fara at hava eina framsýning við øllum ið tey hava gjørt, týsdagin 28 oktober. SKEIÐ Sem Johnsson/Joan Brockie, praktikantar Vit hava tosað við tvær kvinnur sum eru á skeið á Føroya Fólkaháskúla. Tær báðar eita Kristianna Kærbo og Miriam Reinert. Kristianna er 52 ára gomul, og Miriam er 32 ára gomul. Tær búgva báðar í Havn. Kristianna býr í Vesturgøtu, Miriam býr í Smærugøtu. Miriam arbeiðir á verk- staðnum Vón, meðan Kristianna arbeiðir á einum barnagarði í Havn, og tað hevur hon gjørt í 28 ár. Tær báðar stuttleika sær óføra væl og hugna sær við at arbeiða sum kokkar í køkinum saman við tveim- um øðrum. Tær hava fingið nógvar vinir á hesum skeiði. Kristianna sat og bant eina húgvu, tá ið hon sat og prátaði við okkum, og húgvuna fer hon antin sjálv at brúka í vetur ella fer hon at geva te-kannuni hana. Tær borðreiða matin fyri hinum, sum eisini eru á háskulanum, og hendan dagin, vit vitjaðu, gjørdu tær bananasplit til dessert. Tær hava aldrin fyrr roynt at gjørt hetta, men vit kunnu hugsa okkum, at tað fer at smakka sera væl. Vit spurdu, um tær høvdu viljað verið longri á skeið- inum, og tað tímdu tær væl, kanska eina viku afturat, men so heldur ikki longri enn tað. Stuttleika sær óført Yrking Luttakararnir á skeiðnum hava havt sum uppgávu at yrkja, so her hava vit eina lítla yrking sum tey hava gjørt: Háskúlatankar Á Háskúla vit nú ganga Og lærdóm royna at fanga Vinir vit hava fingið Tað er sum á ástartingið Vit flenna og gráta hvørt um annað Tað er mangt vit mugu ásanna At gott er at vera góður við hvønn annan Bæði í álvara og í gaman 15 14 Nr. 205 - 29. oktober 2003 – Vit mugu ongantíð gloyma útnorður Betri hagreiðing av tilfeinginum Útnorður gerst ein týðandi partur í arbeiðnum hjá norð- urlendkau stjórn- unum komandi árið. Hetta váttaði ís- lendski forsætisráð- harrin Davið Oddson tá hann legði fram íslendsku ætlanina fyri samstarvi. ÚNORÐUR Jógvan Hugo Gardar Oslo: Íslendski forsætis- ráðharrin Davið Oddsson legði á norðurlandaráðs- fundinum í Oslo mánadag- in fram ætlan Íslands fyri komandi ár. Ísland skal hava formannskapin í Norðurlendska Ráðharra- ráðnum í 2004. Ísland velur at kallað sína ætlan "Norðurlendskt til- feingið – fólkaræði, mentan og náttúra". Davið Oddsson sigur, at endamálið er betri at hagreiða tað, sum býr í fólki, náttúruni og í tí norðurlendska fólka- ræðnum. – Grannalandapolitikkur- in í norðurhøvum fær stór- an týdning hetta komandi árið, meðan Ísland hevur formannskapin í Ráðharra- ráðnum. Hann sigur at Ráðharra- ráði hetta komandi árið skal brúka nógva tíð til at menna samsatrvi við grannalondini hjá Útnorð- uri. Talan er um at royna at finna eitt gott samstarv við Nunavut og Nunavik í Kanada, Skotland, skotsku oyggjalondini, Írland og Norðurírland. – Fyri øll hesi londini hevur havumhvørvi sera stóran týdning, vit hava øll skyldu til at gera okkara besta fyri at varveita hav- umhvørvi, og vit noyðast at samstarva fyri at hetta skal gerast uppá besta máta, segði Oddson. Hann vísti millum annað á veðurlagsbroytingar, og hvat hetta hevur at siga fyri alt livandi í havinum. Hav- umhvørvi og orkubúskapur vera høvuðsevni fyri eini ráðstevnu sum Ísland skal skipa fyri komandi vár. Göran Persson vendi sær beinleiðis til føroyingar, íslendarar og grønlendingar, tá norðurlendsku for- sætisráðharrarnir hittust í Oslo mána- dagin. - Tit eru ein partur av Norðan- londum, og tað eiga vit ongantíð at gloyma, segði hann ÚTNORÐUR Jógvan Hugo Gardar Oslo: Norðurlandaráðs- fundurin í Oslo varð settur mánadagin klokkan trý. Frammanundan høvdu teir fimm stjórnarleiðarar- nir í Íslandi, Noregi, Dan- mark, Finnlandi og Svøríki tíðindafund, har teir søgdu nakað um hvussu sam- starvið kemur at verða komandi árini. Göran Persson segði á hesum tíðindafundinum, at tað norðurlendska sam- starvið kemur at hava tað gott framyvir, um tað megnar at liggja framman- fyri broytingunum í ES. – So leingi norðanlond liggja eitt hanagleiv framm- anfyri ES í menning av sam- starvinum, so er europeiska samstarvið eingin hóttan móti tí norðurlendska sam- starvinum. Vit noyðast at vera virkin og arbeiða hart fyri at náa okkara málum, segði Göran Persson. Göran Persson rósti eisini Poul Schlüter fyri arbeiði sítt við frágreiðingini um at fáa burtur marknaðarforð- ingar. Eingin forðing Finsk tíðindafólk bóru boð frá finskum politikkarum, sum halda at Danmark er ein forðing fyri skjótari menning í norðurlendska samstarvinum. Hesum vísti danski for- sætisráðharrin, Anders Fogh Rasmussen, hvassliga aftur. – Tann danska stjórnin setir norðurlendska sam- starvið overlaga á breddan. Vit stuðla samstarvinum og leggja nógv í samstarvi bæði í Norðurlandaráðnum og Norðurlendska Ráð- harraráðnum. Og vit ynskja at menna og at fáa nýggj øki við í hetta samstarv, segði Fogh. Gloyma ikki útnorður Spurningurin um hvussu norðurlendska samstarvið skal yvirliva, tá so stórur dentur verður lagdur á sam- starvið í Eystrasalti, kom eisini upp á tíðindafundin- um. Íslendski forsætisráð- harrin Dávið Oddsson av- vísti, at útnorður er við at detta burturímillum. Göran Persson legði afturat. – Londini í útnorðuri hava víst at tey ynskja at vera ein partur av t norður- lendska samstarvinum. Hetta veldiga øki sum um- fatar Grønland, Ísland og Føroyar er sera týdningar- mikið fyri tann norður- lendska samleikan og okkara felags søgu. Sjálvt um tað ikki búgva so nógv í hesum partinum av Norð- anlondum, so er landaøki stórt og serliga tað øgiliga stóra havøki. Sjálvandi stuðla vit tí arbeiðnum sum fer fram í útnorðuri. Vit mugu ongan- tíð gloyma hendan partin av Norðanlondum. Vit hava tykkum í huganum og eg vóni at ongin í tí norður- lendska samstarvinum gloyma tjóðirnar í út- norðuri, segði svenski for- sætisráðharrin Göran Persson í Oslo. – Londini í útnorðuri hava víst at tey ynskja at vera ein partur av tí norðurlendska samstarvinum. Hetta veldiga øki sum umfatar Grønland, Ísland og Føroyar er sera týdningarmikið fyri tann norðurlendska samleikan og okkara felags søgu, segði svenski forsætisráðharrin Göran Persson Davið Oddson og Kjell Magne Bondevik práta á fundinum í Oslo C M Y K 14