leygardagur 1. november 2003síða 5

8 Nr. 208 - 1. november 2003 Nr. 208 - 1. november 2003 9 P/F Wenzel vent gongdini Partapeningurin mistur. Framhaldandi rakstur er treytaður av, at kapitalgrundar- lagið verður styrkt. Hetta var greiða talan frá grannskoðaranum hjá P/F Wenzel um ársroknskapin 2002. Petur Petersen, stjóri á P/F Wenzel, sigur, at ringa gongdin er vend, og framtíðin sær lovandi út BILAFYRITØKA Páll Holm Johannesen pall@sosialurin.fo Bilasølan P/F Wenzel hevur verið í rættiliga trongum skóm. Roknskapurin fyri 2002 er alt annað enn góður. Fyritøkan hevði eitt hall á góðar 2. milliónir krónur. Talan frá grannskoðara- virkinum, Rasmussen & Weihe, er greið: Allur partapeningurin er mistur, og skal fyritøkan halda fram við rakstri fyri eyga, er bráðneyðugt, at kapital- grundarlagið undir fyritøk- uni verður styrkt, og at fyri- tøkan vendir gongdini. Grannskoðaravirkið tosar við stórum bókstavum, og eftir øllum at døma hevur tað gjørt mun. Sambært stjóranum í P/F Wenzel, Petur Petersen, er gongdin vend. Við øðrum orðum er fíggjarliga støðan hjá elstu bilafyritøkuni í Føroyum betrað munandi. Endurmeting Petur Petersen greiðir frá, at leiðslan á P/F Wenzel hevði ein fund í august mánaði í fjør, har tað bleiv avrátt, at øll fyritøkan skuldi endurmetast. – Høvuðstrupulleikin í fjør var vantandi likviditet- ur, og vit settu okkum fyri, at fíggjarviðurskiftini máttu ongantíð ov skjótt fá- ast upp á pláss. Onnur viðurskifti hava heldur ikki riggað til fulnar, men tær ætlanirnir, vit settu okkum fyri í fjør, hava eydnast. Ringa gongdin er tí nú vend, sigur stjórin á P/F Wenzel. Petur Petersen greiðir frá, at fyritøkan hevur ikki dult fyri nøkrum, at fíggjarliga støðan ikki var hin besta. P/F Wenzel hevur havt tætt samband við peningastovn- ar og útvegararnar, sum hava kunnað fylgt støðuni. Pluss í ár Stjórin sigur seg vænta, at fyritøkan kemur út við einum yvirskoti í roknskap- inum í ár. – Vit hava vent hvørjum steini, og tað hevur verið torført. Innanhýsis broyt- ingar í fyritøkuni hava eis- ini verið gjørdar, har eg millum annað kom í stjóra- sessin. Eg setti mær fyri, at fyritøkan skuldi hava pluss á roknskapinum í ár, og tað sær út til at fara at eydnast. Vit eru væl fyri aftur, og tað er at fegnast um, at ætlanir- nar, vit stungu út í kortið, hava eydnast, greiðir Petur Petersen frá. Stjórin á P/F Wenzel gevur leiðslubólkinum eitt stórt herðaklapp fyri sítt góða arbeiði seinasta árið. Leiðslubólkurin hevur lagt nógv fyri, og hevur gjørt sítt til, at fíggjarviðurskift- ini eru komin í rætt lag aftur. Einasta undirskotið Sambært roknskapinum fyri 2002 hjá teimum stóru bilafyritøkunum kring landið, er P/F Wenzel ein- asta fyritøkan, ið hevur reyð tøl at vísa á. Bilasølur- nar Meinhard Arge, Berg Motors, Reyni Service og Ivan Johannesen kunnu nevnast sum bilafyritøkur, ið høvdu stórt yvirskot. Reyni Service var best fyri við heili 28 mio. krónur í yvirskoti. Tað kann tykjast undrun- arvert, at P/F Wenzel er einasta bilafyritøkan við undirskoti í fjør, tí Ford er eitt vælumtøkt bilamerki í Føroyum. Stjórin sigur, at tað er ikki nøkur eintýdd frágreiðing um ringu fíggj- arstøðuna í fjør. Tað vóru nógv ymisk viðurskiftið, ið gjørdu seg galdandi, men tað týdningarmesta er, at gongdin er vend, og fram- tíðin sær lovandi út, sigur Petur Petersen. Ólóglig lán Rasmussen & Weihe hartar eisini P/F Wenzel í rokn- skaparfrágreiðingini fyri at vera í stríð við partafelags- lógina. Partaeigarar í fyri- tøkuni hava eftir øllum at døma lánt sær sjálvum pening úr fyritøkuni, og hesum loyvir partafelags- lóggávan ikki. Petur Peter- sen sigur, at lánini eru nú avroknað, og tey viðurskift- ini eru komin í rætt lag. 3-arin og Tutl poppa víðari Næsta fløgan í Popp- list røðini er komin í sølubúðirnar. Á Popplist 2 eru bæði vælumtókt løg frá í ár og gomul hitt. Úr- valið á fløguni fevnir breitt, so einki eigur at verða til hindurs fyri, at eisini Popplist 2 verður ein av best umtóktu fløgunum í ár. FLØGUÚTGÁVA Páll Holm Johannesen pall@sosialurin.fo Popplist 2 er nú komin í sølubúðirnar. Seinnapartin hósdagin var almenn sam- koma í 3-aranum fyri nýggjastu føroysku fløgu- útgávuni. Popplist 2 er ein savnsfløga við gomlum og nýggjari føroyskum løgum. Fyrsta Popplist fløgan av sínum slagi varð útgivin í fjør, og sambært Høgna Zachariassen er ætlanin at halda á við at geva Popplist fløgurnar út á hvørjum ári. Eins og í fjør samstarva Tutl og 3-arin um fløguút- gávuna Popplist var mest selda fløgan í 3-aranum í fjør, og útgevarnir vóna, at fløgan fær somu undirtøku í ár Breitt úrval Endamálið við fløguútgáv- uni er at samantvinna tey bestu føroysku løgini í árin- um, saman við gomlum hittum. Popplist 2 er einki undantak. Bólkar frá Prix Føroyum, Guðrun, Teitur og Brandur eru í millum tónleikarar, ið eiga løg, ið eru útkomin íár. Chase og Plúmm eru tveir av bólkunum, ið borga fyri gomlu hittunum við ávíkavist Fyrstu ferð og Stjørnuskot. Pláss er eisini fyri vælumtókta trubadur- inum, Kára P, so úrvalið á fløguni fevnir rættiliga breitt. Fíggjarliga støðan hjá P/F Wenzel var alt annað enn góð í fjør. Elsta bilafyritøka í landinum hevði eitt undir- skot á góðar 2.mio. krónur, og misti allan eginpeningin. Petur Petersen, stjóri á P/F Wenzel, sigur, at vend er komin í, og fyritøkan fer eftir øllum at døma at hava yvirskot í ár. Mynd: Jens Kristian Vang Tveir fegnir fløguútgevarar, f.v Høgni Zachariassen fyri 3-arin og Kristian Blak fyri Tutl. Popplist 2 hevur breitt úrval, og hon verður óivað ein av best umtóktu fløg- unum aftur í ár. Mynd: Jens Kr. Vang Giktafelag Føroya eitt virkið felag: Blaðútgáva, jólakort og fyrilestrar – Okkara fremsta mál er at upplýsa, og tað fara vit at halda fram við at gera, sigur for- maðurin í Giktafelag Føroya, Leila Sol- munde UPPLÝSING Vilmund Jacobsen vilmund@sosialurin.fo Giktafelag Føroya er eitt rættiliga virkið felag. Av limafeløgum MBF’s, Meg- infelag teirra Brekaðu, er felagið tað einasta, sum gevur eitt blað út. Blaðið, sum er sera snotuligt, ber heitið, Gikta- blaðið, og kemur út tvær ferðir um árið. Fyrra blaðið í ár, sum var 36 blaðsíður, kom í apríl, og seinna blað- ið kemur nú í november. Tey, ið taka sær av Gikta- blaðnum fyri felagið, ar- beiða ólønt, hóast útgávan fer við nógvari tíð. – Blaðútgávan kostar okkum einar 30.000- 40.000 krónur um árið, og tá ið torført er at fáa lýsing- ar, er greitt, at neyðugt er at fíggja útgávuna á annan hátt. Leila Solmunde, formað- ur í Giktafelag Føroya, sig- ur, at felagið brúkar nógva orku til tess at útvega pening til arbeiði felagsins. – Vit halda, at kunning hevur ógvuliga stóran týdn- ing í felagsarbeiði, og tað hevur eisini alstóran týdn- ing fyri tey giktsjúku, at tey verða kunnaði við góðum ráðum og upplýsandi til- fari, heldur hon. Jólakort Leila ásannar, at Giktafel- agið hevur "ringt" við at biðja pening, og tí hevur felagið í nøkur ár selt jólakort, sum feløg, stovnar og fyritøkur hava keypt. Hetta lættir samstundis um hjá teimum, sum skulu senda fleiri jólakort út til nógv viðskiftafólk. – Við søluni av jólakort- um fíggja vit okkara blað- útgávu og harvið okkara upplýsingararbeiði, sigur hon. Í ár hevur Giktafelag Føroya latið tvey jólakort prentað. Tað eru føroysk listafólk, sum lata málning- ar ókeypis til endamálið, og í ár er listamaðurin, Archi- bald Black. – Tey, sum keypa jóla- kortini, hava tikið ógvuliga væl ímóti okkum, og tað eru vit sera takksom fyri. Leila Solmunde vísir á, at almenni stuðulin uppá 20.000-25.000, sum felagið fær umvegis MBF, Megin- felag teirra Brekaðu, røkk- ur ikki langt. Hesin fer til húsaleigu til skrivstovu fel- agsins, frímerkir og telefon. Heimasíða Giktafelag Føroya er eisini í holt við at gera sær eina nýggja heimasíðu. – Hendan verður skjótt liðug, og heitið á síðuni verður www.gikt.fo. Leila leggur dent á, at Giktafelagið sær tað, sum eina stóra uppgávu at upp- lýsa. – Tað seinasta nýggja í hesum sambandi er, at vit hava vitjað økisheimarøkt- ina við fyrilestrum. Her hava vit lagt dent á tað at vera brúkari av eini hjálpar- skipan. Hon sigur, at málið hjá Giktafelagnum við hesum er at geva heimahjálpunum góð ráð um hjálpartól og nýtslu av hesum, um fyri- byrging av arbeiðsskapum og øðrum. – Okkara fremsta mál er at upplýsa, og tað fara vit at halda fram við at gera, sigur formaðurin, Leila Solmunde. At enda kunnu vit leggja aftrat, at Giktafelag Føroya, sum er stovnað í 1948, fyllir 55 ár í ár. Hetta eru jólakortini, sum Giktafelag Føroya hevur latið gera í ár. Listamaðurin er Archibald Black. – Gongst sum ætlað, dettar sølan av jólakortum blaðútgávuna, sigur Leila Solmunde Giktafelag Føroya sær upplýsing sum eina stóra uppgávu. Formaður felagsins er Leila Solmunde Mynd: Vimund Jacobsen C M Y K 9 8