mikudagur 26. november 2003síða 4

6 Nr. 225 - 26. november 2003 Nr. 225 - 26. november 2003 7 Høgifossur er bíðistøðu Fiskimálaráðharrin vil stuðla rækjuflotanum Hóast Arctic Viking og møguliga Hvilvt- enni eru á veg úr føroyska rækjuflotan- um, so ætlar Høgi- fossur í fyrstu atløgu ikki at fylgja teimum. Reiðarin, Jákup Eg- holm Hansen, sigur, at teir bíða eitt sind- ur, og fáa síggja hvat hendir frá politiskari síðu. RÆKJUKREPPA Páll Holm Johannesen pall@sosialurin.fo Tað er við at gerast ein skøva pláta at tosa um, at føroyski rækjuflotin ekur á knøðunum. Í seinastu viku fekk Arctic Viking loyvi at flagga út, og nú hoyrist graml um, at rækjutrolarin, Hvilvtenni, er seldur til Íslands. Tað eru sjey rækjuskip eftir í flotanum, og tað kemur valla óvæntað á nakran, um fleiri rækjuskip í næstum fara úr flotanum. Reiðarin á Hvilvtenni, Kjartan Joensen segði í blaðnum í gjár, at nú er bara spurningur um tíð, áðrenn søguliga vinnan fullkomi- liga steðgar upp. Bíða Nú tað hoyrist, at nýggjasta rækjuskipið í flotanum, Hvilvtenni, og Arctic Vik- ing (í eina tíð, blðm) eru á veg úr føroyska flotanum, er ein nærliggjandi spurn- ingur um aðrir rækjutrol- arar ætla at fylgja teimum Vit hava spurt reiðaran á Høgafossi, um teir hava nakrar ætlanir um at fara úr føroyska flotanum. – Nei vit bíða, og síggja hvat hendir. Vit vóna bara, at onkur endiliga kemur til fornuft, og sær hvussu ring støðan er. Vit seta okkara vónir til, at FAS skipanin vinnur frama, tí hon kundi verið ein fyribils loysn á kreppuni, sigur Jákup Eg- holm Hansen, reiðari á Høgafossi. Hann greiðir frá, at menn, ið varða av rækju- flotanum, hava fleiri ferðir gjørt politiska myndugleik- an varan við stóru kreppuna í rækjuvinnuni, men tað rínur ikki við. Kjartan Jo- ensen helt í Sosialinum í gjár fyri, at politikkararnir tykjast ikki hava nakran áhuga í at bjarga vinnuni, og hesum er reiðarin á Høgafossi samdur í. – Politikkararnir tykjast ikki hava serliga stóran áhuga, og tað er harmiligt. Ein stórur trupulleiki hevur verið, at vit í nógv ár hava siglt okkara egna sjógv, og hetta sæst best aftur á teimum kvotum,vit hava í dag, sum ikki eru tær bestu, sigur Jákup Egholm Hansen Einki studnings- spøkilsi Í farnu viku vísti Høgni Hoydal í Dimmalætting á, at Tjóðveldisflokkurin tek- ur ikki undir við nakrari stuðulsskipan til rækjuflot- an. Flokkurin er bangin fyri at lata stuðul, tí so er skjót- ur vegur aftur í stuðulspol- itikkin frá 80 árunnum. Fólkaflokkurin heldur tvørturímóti, at stuðul kundi verið ein møguleiki fyri at bjarga rækjuflotan- um, og fingið hann at koma fyri seg aftur.– Eg haldi, at tað í dag verður dyrkað alt ov nógv, at vit ikki mugu enda aftur í stuðulspolitikk- inum í 80 árunum. Rækju- flotin er handlingslammað- ur í løtuni, og tí má okkurt henda. Fær flotin stuðul fyri at koma fyri seg aftur, verður talan ikki um sama studningsspøkilsi sum í 80 árunum tað. Stuðul kundi verið ein loysn fyri at rækuflotan í gongd aftur, og verður ein stuðulsskipan innførd, beri eg ongan ótta fyri, at vit aftur skulu enda í stuðulssbúskapi sum í 80 árunum, greiðir Jákup Eg- holm Hansen frá. Landsstýrismaðurin í fiskivinnumálum, Jacob Vestergaard, heldur, at rækjuvinn- an eigur at fáa stuðul. Hann heldur, at stuð- ul í avmarkaða tíð, kann hjálpa rækju- vinnuni úr sváru kreppuni RÆKJUKREPPA Páll Holm Johannesen pall@sosialurin.fo Spurningurin, hvørt tað er rætt at veita kreppuraktu rækjuvinnuni stuðul er aftur aktuellur. Uppskotið hjá Sambandsflokkinum um FAS-skipan til rækjuflotan setti í seinastu viku kílar í samgonguna. Tjóðveldis- flokkurin heldur seg aftur, og heldur ikki, at tað er rætt at veita rækjuvinnuni stuðul. Fólkaflokkurin heldur tvørturímóti, at stuðul er ein møguleiki, og flokkurin umhugsar uppskotið hjá Sambandsflokkinum. Fólkafloksmaðurin og landsstýrismaðurin í fiski- vinnumálum, Jacob Vester- gaard, tekur undir sjónar- miðjunum hjá floksfeløg- unum hjá sær. – Eg haldi tað er rætt, at vit veita rækjuflotanum ein tiltrongda hjálp. Um tú kallar tað stuðul ella hjálp er fyri so vítt líkamikið, men eg taki undir við, at vit eiga at lata stuðul til rækju- vinnuna í avmarkaða tíð. Landsstýrismaðurin í fiskivinnumálum vísir á tær stóru upphæddir, sum rækjuskipini hava vunnið til føroyska samfelgið gjøgnum árini. Hann nevnir Arctic Viking sum dømi. Síðan rækutrolarin hjá koll- firðingum kom í føroyska flotan í 1986, hevur báturin vunnið 800. mio krónur, sum á ein ella annað hátta hava verið runt í føroyska samfelagnum. Jacob Vestergaard heldur, at tað verður eitt stórt bakk- ast fyri føroyska samfel- agið, um hesar upphæddir svinna brádliga úr føroyska búskapinum. Vantandi semja Bæði formaðurin í Fiski- mannafelagnum, Óli Jacob- sen og reiðarin á Hvilvt- enni, Kjartan Joensen, hava lagt Jacob Vestergaard und- ir fyr at gera ov lítið við kreppuna í rækjuvinnuni. Kjartan fýltist á, at ov lítil politiskur áhugi er fyri rækjuvinnuni, og Óli Jac- obsen helt, at Jacob Vester- gaard ikki rætt hond síðu fyri at hjálpa rækjuvinnuni – Tað passar, at tað er alt ov lítil áhugi fyri rækjuflot- anum. Felagið Rækjuskip gjørdi eina frágreiðing, har teir komu við hugskotum, hvussu karmarnir hjá vinn- uni skuldu betrast. Um- framt FAS skipanina, nevn- ir felagið millum annað stuðul til olju og flutning. Hugskotini hjá teimum fingu tá bara ongan polit- iskan stuðul í samgonguni. Eftir, at eg varð settur sum landsstýrismaður, vendi felagið Rækjuskip seg aftur til mín. Eg legði hugskotini aftur fyri samgonguna, men heldur ikki hesaferð, fingu uppskotini nakran stuðul. Skal eg leggja nakað upp- skot fram, er neyðugt at semja er í samgonguni, og tað hevur tað ikki verið hig- artil, og tí er uppgávan trupul, greiðir Jacob Vest- ergaard frá. Hóast bæði Arctic Viking og møguliga Hvilvtenni eru á veg úr føroyska flotanum, so hevur Høgifossur onga ætlanir um at fylgja teimum í fyrstu atløgu. Teir siga seg vera í bíðistøðu Mynd: Savnsmynd Landsstýrismaðurin í fiskivinnumálum, Jacob Vestergaard, heldur, at rækjuvinnan átti at fingið stuðul í eina avmarkaða tíð, so hon kann koma fyri seg aftur. Mynd: Savnsmynd VITJAN Lerwick Jan Müller Stjórin í bretska arbeiðs- gevarafelagnum, Digby Jones verður gesturin á Vinnudegnum 2004. Hetta kom í lag á samkomu í Hetlandi mánakvøldið. Týsdagin hitti Eyðun Elttør sín bretska starvsbróður, Steven Timms Hóast tað er eitt ár til »Vinnudagin 2004«, so er longu nú greitt, hvør útlendski gesturin verður. hann er ikki bert stórur í vavi, hann er eisini ein stór »kanón« í bretskum høpi. Hann fýrir ikki fyri at taka telefonina á miðjari nátt og vekja sjálvan Tony Blair. Orð, ráð og tankar hansara viga tungt, tá stórar avgerð- ir skulu takast í stjórnini. Maðurin sipað verður til eitur Digby Jones, og hann er stjóri í bretska arbeiðs- gevarafelagnum við fleiri milliónum limum. Digby Jones var høvuðs- røðari við eitt hátíðarhald í býráðshøllini í Lerwick mánakvøldið. Løtan var eitt av hæddarpunktunum í bretskari ella rættari het- lendskari oljusøgu. Tað eru 25 ár síðani, at fyrsta oljan úr Norðsjónum kom í land í Hetlandi. Við til hátíðarhaldið vóru eisini fleiri føroyingar við landsstýrismanninum í oljumálum, Eyðun Elttør á odda. Um somu tíð sum het- lendingar hyggja 25 ár aftur um bak, so hyggja teir 25 ár fram við spenningi, men eisini við iva og angist. Ber til at varðveita og menna oljuvinnuna er stóri spurningurin. Digby Jones røsti í røðu síni hetlendingum og helt fyri, at oljuvinnan eigur mong góð ár enn. Tað var í hesum sam- bandi at Magni Arge, for- maður í Oljuvinnufelag- num beyð tí bretska ar- beiðsgevara »bossinum« til Føroya at halda fyrilestur á tí komandi vinnudegnum. Hann tók av og gleðir seg til sína fyrstu vitjan í Før- oyum. – Eg ivist ikki í, at vit og føroyingar hava nógv at samstarva um, eitt nú á oljuøkinum sigur Digby Jones við Sosialin. Týsdagin var stór ráð- stevna í Lerwick, har m.a. bretski oljumálaráðharrin helt røðu. Høvi var so eisini hjá Eyðun Elttør at hitta og tosa við bretska starvsbróð- urin, Steven Timms. Nú fá framstig – fund – eru gjørd vestan fyri Het- land síggja oljumyndug- leikar her fegnir, at olja verður funnin í føroyskum øki og at oljan kann geva arbeiði og inntøkur á olju- terminalinum Sullon Voe, tey næstu 25 árini. Tað eru 25 ár síðani, at henda størsta oljuhavnin í Europa varð tikin í brúk. Bretsk »kanón« til Føroya C M Y K 7 6 Eg elski at sita her samman við Sofíu og drekka ein kop av kaffi, men hevði eg bara haft mína teldu við mær. Eg fekk eitt hugskot… Ynskjur tú at gerast teldunørd? - men orkar ikki at fara undir bert ástøðiliga útbúgving? So hevur tú møguleikan nú at fáa eina meira verkliga telduútbúgving... Vit bjóða tær fjølbroytta útbúgving, har tú hevur møguleika at arbeiða sum t.d. mennari (udvikler), sniðgevi (designer) ella KT-ráðgevi (systemkonsulent). Útbúgvingin skiftir millum skúla og starvsvenjing. NetStarv er ein 16 mánaðar long útbúgving. Hugsanin er at nýta tøknina, soleiðis at luttakararir kunnu leggja orku í at verða kappingarførir á arbeiðsmarknaðinum. Áhugaði kunnu venda sær á tlf. 350070 ella 211135. Umsóknir skulu verða okkum í hendi, í seinasta lagi týsdagin 9. desembur 2003 kl. 16.00. Málbólkur Serliga ætlað fólki, ið í størri ella minni mun eru førleika- tarnaði, sum hava eina mið- náms og/ella víðari útbúgving ella aðrar javnbjóðis royndir. Hóast brekið hava góð útlit til at røkja eitt arbeiði fulla tíð innan eitt nú KT-vinnuna. Endamál Málrættað útbúgving til óstuðlað arbeiði á ávísari fyritøku, t.d. sum mennari, formgevi ella KT-ráðgevi. Starvsvenjing Útbúgvingin er verklig. Umleið helvtin av tíðini er starvsvenjing á eini fyritøku. Innihald Eftir gjølla ástøðiliga læring, skulu luttakararnir gera seg serkønan á ávísum økjum, t.d. dátugrunnum, sniðgeving og interaktiviteti. Útbúgvingin skiftir millum undirvísing og starvsvenjing. www.alv.fo s t e p h a n s s o n s h ú s