fríggjadagur 28. november 2003síða 6

10 Nr. 227 - 28. november 2003 Nr. 227 - 28. november 2003 11 Tað tykist sum um, at Virðisbrævamarknaðurin í sam- starvi við íslendarar skal trumfast ígjøgnum. Hóast ávarandi røddir hava verið frammi bæði frá politiskari síðu og frá privatum, so tykist ikki sum, at man vil diskutera hendan marknað, hóast nógv vandamál eru so at siga óviðgjørd. Hvussu verður til dømis við insidara problematikkinum? Er hetta ein trupulleiki á Københavns Fondsbørs fyri ikki at tala um New York Stock Exchange, so verður hann hvaðna verri í einum føroyskum partabrævamarknaði. Hetta eigur at við- gerast, árenn nakað verður sett á stovn. Í grundgevingunum fyri at fáa ein føroyskan parta- brævamarknað upp at standa er m.a., at tað skal gerast lættari hjá fyritøkum at útvega rakstrarkapital. Er hetta nakað, ið føroysku vinnuni tørvar? Um so er, so er tað løgið, at ongar av fremstu privatu føroysku fyritøkun- um eru áhugaðar í at skráseta seg frá fyrstan tíð. Hetta er ein forkláringstrupulleiki, ið eigur at at fáa ávar- ingarljósini at lýsa, tá tað kemur til motivini fyri ein slíkan partarævamarknað. Tað hevur verið sagt, at ein fortreyt fyri ein føroyskan virðisbrævamarknað er privatisering av almennu fyritøkunum. Skulu almennar fyritøkur privatiserast á einum virðisbrævamarknaði, sum privata vinnan ikki sjálv vil skrásetast á? Tann dagin feløg sum tildømis Tórshavnar Skipasmiðja, Havsbrún, Skipafelagið Føroyar o.s.fr. vilja skráseta seg á einum føroyskum virðisbrævamarknaði, so kunnu tær gera tað, og so kunnu vit síggja, hvussu ein slíkur riggar í Føroyum. Tað kann ikki verða meiningin, at skattgjaldarans ogn skal brúkast sum royndarkanin til eitt ivasamt eksperiment. Hvussu kunnu vit vita, at talan ikki verður um eina eingangsrakett, har útsøla verður hildin av almennum ognum, fyri so at stagnera fullkomuliga viðvíkjandi keyp og sølu? Ein fortreyt fyri ein slíkan marknað er, at ein ávís nøgd av transaktiónum skal ígjøgnum hvønn dag, fyri at marknaðurin kann finna eina nattúrliga legu. Ilt er at síggja, hvussu henda nøgdin kann upp- náast í Føroyum, har søgan hevur víst, at føroyingar av siðvenju sita á partabrøvum. Hetta við at keypa og selja uppá stutt sikt hevur ikki ligið til føroyingar, og ilt er at síggja, hví hetta skal broytast nú. Hví er so umráðandi at fáa ein virðisbrævamarknað nú? Um almennar fyritøkur skulu privatiserast, so kann tað gerast í smáum stigum til dømis eftir uppskotinum hjá Jóannes Eidesgaard, har allir borgarar í landinum fáa partabrøv í fyritøkum, ið teir longu eiga. Tað er sera óheppið um vit nú fáa eina ivasama loysn við einum partabrævamarknaði, ið kemur at gera meiri skaða enn gagn. Tað finnast einstaklingar, ið eru grammir eftir at sleppa framat aftur fatinum í form av almennum fyritøkum. Um hesar kreftir forma eina alliansu við aðrar kreftir, ið ynskja ein virðisbræva- marknað av meiri naivum nationalum orsøkum, so er grund til stúran, tí eingin av hesum báðum bólkum hevur tíð at steðga á, og taka atlit til samfelagið breiðastu merking. Loypir man framav í hesum máli, so vendst ikki aftur. DAGSINS MEINING Sosialurin Virðisbrævamarknaðurin VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Marjus Dam løgtingsmaður Ein skilagóður og kon- struktivur politikkur í løgtinginum eigur at finna semjur í ØLLUM løgting- inum, so at rækjuflotin, inklusivt okkara nýggjasta rækjuskip, Hviltenni, verð- ur bjargað at fiska undir føroyskum flaggi - og við føroyskari manning vinnur pening til land og fólk. Seinastu árini hevur po- litiski myndugleikin vitað, at trupulleikar vóru í rækju- vinnu okkara. Fiskimálaráðharrin eins og teir undan honum sein- astu 5 árini tváa hendur. Onki kann gerast, Tjóð- veldisflokkurin sigur nei. Álvaratos. Hvat er hetta fyri nakað. Skal øll rækju- vinnan fara fyri bakka, skip flagga út ella seljast, tí Tjóðveldisflokkurin sigur tað. Tað átti ikki at borið til sum politikkari at sitið afturá, ímeðan ein stór vanlukka hóttir alla okkara rækjuvinnu. Skulu vit missa øll okkara rækjuskip og vinnu til aðrar - fyri lítið og lætt. Allarminst átti tað at verið møguligt hjá okkara fiskimálaráðharra passivt at hugt eftir, at alt fer í knús, ið er uppbygt í ártíggjur. Stór samfelags- virði, bæði privat og al- menn eru í vanda at fara fyri skeyti, um ikki nakað munadygt verður gjørt NÚ - BEINANVEGIN. Eitt er uppskot Sam- bandsfloksins um FAS skipan til rækjuflotan. Tað er eitt gott uppskot. Men er neyðugt við øðrum tiltøkum til tess at koma úr hesi ódn?. Eg haldi, at heldur enn at nýta orku uppá yvirtøkur, ið kosta sera nógv, áttu tíð og kreftir at verið nýttar at royna at finna eina skipan, ið gjørdi, at ongin av okk- ara sjómonnum varð tveitt- ur í land av okkara rækju- skipum, ið tryggja okkum tilfeingi í altjóða sjógvi. Her er talan um stór virðir, ið vit ikki hava ráð at missa. Víðari eiga okkara skip ikki at vera nýtt at tryggja, at aðrir fáa rættindir - ið vit missa. At søgur nú ganga, at okkara nýggjasti og besti rækjutrolari møguliga er á veg út úr flotanum, eigur at fáa Vestergaard fiskimála- ráðharra at vakna og seta sær spurningin: Hvussu kann ein loysn finnast á trupulleikanum hjá rækju- vinnuni? Og tað skal gerast nú! Hann er vælkomin at tosa við Sambandsflokkin. Og eg rokni við, at Javnaðar- flokkurin eisini er til at tosa við. Vit orka ikki at síggja at 30 - 40 - 50 ára stríð og slit fer fyri skeyti - tí Tjóð- veldisflokkurin sigur nei. Politikkarin eigur at sýna ábyrgd, og royna at tryggja at stór samfelagsvirðir ikki fara fyri skeytið. Tí mugu vit gera nakað við okkara rækjuflota - nú. Skelkandi at hoyra Vestergaard Gerhard Lognberg løgtingsmaður Sonja J. Jógvansdóttir, blaðfólk á Dimmalætting, hevur grein um tíðindi frá landsfundinum hjá Javnað- arflokkinum sum var í Hvalba. Hon skrivar frá fundin- um, tað er jú bara positivt. Men so fer hon at skriva um, hví eg ikki var møttur, og heldur fyri, at hetta ikki at møta, hetta var nokk lyndi í skopuninginum. Hvar ið henda unga kvinna kennur allar skopuningar frá, er sjálvsagt ikki gott at vita. Tað sum eg kann siga, er at parturin hjá skopun- ingum hevur ongantíð ligið eftir, hvørki á sjógvi ella landi. Hvat viðvíkjur at møta upp í tinginum, ella tí nevnd eg eri í, haldi eg sjálvur at mín uppmøting er fyrimyndarlig, so er tað sagt. Sum borgarstjóri og limur í kommununi síðani 1984 havi eg ongan fund forsømt, so tað man verða í lagi við mínari uppmøting. Síðani fer blaðkvinnan at viðgera meg, hvat sjúku viðvíkur. Ja góða, tað sleppa hvørki tú ella eg at avgera okkara heilsu. Tú nevnir í greinini, at eg líði av ov høgum blóðtrýsti, eg má siga, at tú hevur stóra umsorgan fyri mær. Jú, rætt er tað. Tað er nakað, sum hevur plágað meg nógv í nógv harrans ár. Eisini nevnur tú, at eg ikki hevði sagt frá. Jú Sonja, eg segði frá, at eg ikki fór at møta vegna forfall. Tað má vælsaktans verða í lagi, ella meinar tú, at tað skuldi verði øðrvísi? Tað má tú sjálv um, men eg kundi ikki møta. Fundurin var fluttur eina viku fram, grundað á, at ein var sum ikki kundi møta vegna forfall, so eg vildi ikki fara og biðja um at flyta fundin einaferð enn, so mikið lítilátin eri eg. Síðani fer tú at spyrja formann floksins, um eg eri settur út á eitt síðuspor, grundað á onkrar meining- ar sum eg havi havt og (havi). Formaðurin svarar bein- rakin, at tað er vítt til veggja í Javnaðarflokkin- um. Til síðst. Kanska kundi tú funnið okkurt meira posi- tivt um mín persón sum løgtingsmaður. Kanska allar tær ferðir eg havi gjørt vart við tær oyggjar eg eri valdur í. Allar teir fyri- spurningar eg havi havt, hvat ið Sandoy og Skúvoy viðvíkja. Annars haldi eg, at hatta var ein lítið sigandi frásøgn frá einum fundi, sum vardi í tveir dagar. Saktans kundi tú funnið okkurt meira positivt. Kanska formansfrágreið- ingina t. d. Har var vælsakt- ans nógv sera positivt at skriva um. Svar til Sonju J. Jógvansdóttir Karsten Hansen, lands- stýrismaður við fíggjar- málum, vísir staðiliga aftur, at hann skal hava villleitt Føroya Løgting. Hann harmast um, at tíð- indablaðið Dimmalætting setur fram eina so álvar- sama skuldseting, sum einki hald hevur í veru- leikanum TÍÐINDASKRIV frá Karsten Hansen, landsstýrismanni "Hóast eg havi breiðan rygg, kenni eg meg at hava fingið órímiliga viðferð í hesum máli. Skuldsetingin um, at eg skal hava villleitt løgtingið er álvarsom, men hon hevur einki hald í veru- leikanum. Kortini sleppi eg ikki í blaðnum at gera við- merkingar til skuldseting- ina. Dimmalætting letur harnæst eisini lesarum sín- um rangar upplýsingar", sigur Karsten Hansen, landsstýrismaður við fíggj- armálum, ið harmast til- burðin. Hann sipar beinleiðis til eini høvuðstíðindi í Dimmalætting tann 17. no- vember 2003. Í stórt upp- settari forsíðugrein skrivar blaðið, at landsstýrismað- urin við fíggjarmálum hev- ur villleitt løgtingið í sam- bandi við eitt lógaruppskot frá 11. november um at leggja avgjald á sodavatn, søtar keks og beriposar. Sambært blaðnum dýrka søtar keks meira, enn landsstýrismaðurin skal hava upplýst fyri løgtingin- um. Niðurstøðan hjá blaðnum er, at landsstýrismaðurin hevur villleitt tingið. "Hetta er ein skeiv niður- støða, tí eingin villleiðing er farin fram", sigur Karsten Hansen, landsstýrismaður. Dømir Tíðindablaðið skrivar m.a. soleiðis við støði í einum dømi: "Eitt dømi er ein pakki av Homeblest 200 gr, sum í dag kostar millum 11,95 og 13,95. Hesin pakkin fer 1. januar at kosta millum 19,95 - 22,95 krónur, alt eftir um vøran er keypt frá einum keypmanni ella einari kiosk, um uppskotið verður samtykt í verandi líki". Upplýsingarnar hjá Dimmalætting stava eftir øllum at døma frá Vinnu- húsinum Fíggjarmálaráðið hevur fingið upplýst frá Toll- og Skattstovu Føroya, at nevndi pakki av Homblest 200 gr. keks dýrkar áleið 4,70 krónur orsakað av- gjaldshækkingini. Dimmalætting skrivar eisini, at eitt nú sonevndar grønar keks, sum formliga eita Viscount, fara at kosta nærum tvífalt so nógv, eftir at avgjald kemur á tær eftir nýggjár Toll- og Skattstovu Før- oya upplýsir, at ein tílíkur keksapakki dýrkar áleið 3,25 krónur orsakað av avgjaldshækkingini. Tey veruligu tølini vísa sostatt, at ætlaða avgjaldið ikki dýrkar nevndu vørur eins nógv, og Dimmalætt- ing skrivar. Tann sann- roynd, at vørurnar kosta meira, enn Toll- og Skatt- stova Føroya upplýsir, tá vørurnar liggja til keyps í handlunum, kann lands- stýrismaðurin við fíggjar- málum ikki lastast fyri. Grov skuldseting Landsstýrismaðurin við fíggjarmálum setir spurnar- tekin við mannagongdina hjá Dimmalætting í sam- bandi við forsíðuna um, at løgtingið skal vera villleitt. "Skuldsetingin um at villleiða løgtingið er hin mest álvarsama, ein lands- stýrismaður kann fáa móti sær, og tí havi eg krav uppá at koma til orðanna í grein- ini. Henda møguleika fekk eg tó ongantíð, og tað er í stríð við góðan fjølmiðla- sið. Tað er eisini í stríð við góðan fjølmiðlasið, at blaðið ber lesarum sínum rangar upplýsingar", sigur Karsten Hansen, lands- stýrismaður. Karsten Hansen vísir staðiliga aftur, at hann skal hava villleitt Føroya Løg- ting. Landsstýrismaður vísir álvarsamari skuldseting aftur HÁTÍÐARDAGUR Tíðindaskriv Triðja sunnudag í advent 14. desember 2003 fyllir Kvívíkar kirkja 100 ár. Hátíðarhaldið byrjar fríggjakvøld 12. desemb- er við at musikkskúlin og skúlin hava framførslur í kirkjuni kl19. Hátíðardagin verður sum vant guðstænasta við altargongd, har Bjarni Bæk, dómpróstur, prædikar. Skriftarmál er kl.11.40. Seinnapartin sama dag kl.16.30 verður fjølbroytt konsert við advents- og jólatónleiki. M.a. syngur barnakór í Kvívík. Vest- manna Sangkór syngur saman við sangarum úr Kvívík, og afturvið nøkr- um av løgunum spæla tónleikarar úr Musikk- skúlanum á floytu, klari- nett og fagott. Urguleik- ari er Heðin Kambsdal. Kirkjuráðið í Kvívík heldur, at tað hevði verið hugnaligt, um alt kirkju- fólkið tann dagin kemur saman til ein døgverða- bita í Glæmuni beint eftir guðstænastuna. Tað er bert at boða frá luttøku (hvussu nógv vaksin og børn undir 14 ár) í sein- asta lagi á miðdegi fríggjadagin 28. novemb- er hjá onkrum av hesum: Grækaris A. Joensen, fm (42 12 65), Hans Ja- cob Davidsen(42 12 38), Hans Martin Andreasen (42 11 57), Ninna Joen- sen (42 12 46), Petra Iversen (42 14 02), Sú- sanna Joensen (42 13 26). Kvívíkar kirkja 100 ár Bygdarstevna í Nesvík Palli Dalsgaard Skálavík 25.11.03 Í Sjónvarpinum í kvøld sóu vit brot frá einari sam- komu, sum bygdarfólkið í Miðvági høgdu í Leguhús- inum í Nesvík um viku- skiftið. Greitt varð frá, at hetta var triðja árið, hetta tiltak var, og at fleiri og fleiri vóru komin afturat á hvørjum ári. Hetta var sjálvsagt ein stuttleiki at síggja, at so gott samar- beiði kann fáast í lag í ein- ari bygd. Miðvágur er ein stór bygd og vil tað til allar tíðir vera lættari hjá einum stórum plássi at fáa eitt slíkt tiltak til veruleika. Tað, sum gav mær nakað at hugsa um, og vónandi øðr- um við, vóru orðini, ið søgd vórðu í samrøðuni, sjónvarpið hevði við kvinn- una, tosað varð við, tá hon segði, at hetta var fyri at koma saman og at lækka kirkjugáttina. Vónandi fær bygdarfólkið í Miðvági lækkað kirkjugáttina í øðr- um bygdum eisini, so vit vakna úr tí tornurósu- svøvni, sum tíverri er í ferð við at taka yvirhond nógva staðni hvat kirkjugongd viðvíkur. VIÐMERKINGAR Jóannes Eidesgaard Tað átti ikki at verið nøkur sum helst orsøk til, at Dimmalætting gevur landsfundinum hjá Javnaðarflokkinum tað skoðsmál, at hann var merktur av máttloysi, soleiðis sum teirra yvir- skrift ljóðar. Veruleikin var beint tann øvugti. »Ongantíð verið á so kveikjandi landsfundi«, var tað fólk søgdu, sum dúgliga hava vitjað lands- fundirnar hjá flokkinum gjøgnum árini. Í samfull 23 ár hava eg (rit- høvundurin) verið á hvørj- um einasta landsfundi hjá Javnaðarflokkinum. Hetta hevur verið eitt tíðarskeið, tá tað bæði hevur gingið væl í samfelagnum, og tá tað hevur gingið út av lagi vánaliga. Hetta hevur somuleiðis verið eitt tíðar- skeið, har Javnaðarflokk- urin hevur sitið á sam- gongu, og har flokkurin hevur sitið í andstøðu. Vit hava sitið í samgongu og havt leiðsluna, og vit hava sitið í samgongu, og aðrir hava havt leiðsluna. Men ongantíð havi eg upplivað ein landsfund, sum var meira kveikjandi enn hesin, sum vit høvdu seinasta vikuskiftið suðuri í Hvalba. Tí havi eg sera trupult við at skilja, hví Dimmalætt- ing, sum hóast alt hevði ómakað sær at senda eitt umboð til landsfundin, fær tað burturúr, at hesin var merktur av máttloysi. Eg má her leggja aftrat, at blaðkvinnan hjá Dimma- lætting kom fyrst á fundin á middegi leygardagin, tá bert temaorðaskiftið og val av starvsnevnd o.ø. var eftir á skrá. Hon fekk av tí orsøk hvørki frágreiðingarnar og viðmerkingarnar frá feløg- unum ella formansrøðuna og aðalorðaskiftið um hana við. Nú skal ein varða seg fyri at vera ov atfinningarsamur mótvegis fjórðu statsmakt- ini, men skulu vit politikk- arar virða tað, so mugu fjølmiðlarnir eisini royna at bera boðskapin nøkulunda rættan út. Og greinin sjálv, sum greiðir frá landsfund- inum, er heldur ikki serliga nógv í samsvar við yvir- skriftina. Greinin ella frá- greiðingin leggur í staðin rættiliga stóran dent á mín persón og mín leilut og so á leiklutin hjá ávísum ting- manni, sum tíverri ikki var við á landsfundinum. Tað í sjálvum sær er rættiliga løgið, tá hugsað verður um, at hetta var ein landsfundur, sum politiskt sveimaði víða um ítøkilig mál. Men av einari ella aðrari orsøk viðger man heldur tað, sum ikki var á fundinum, heldur enn at viðgera tað, sum veruliga fór fram. Greinin nevnir tó m.a., »at fundurin var á ein hátt konstruktivur, og nógv mál fingu rættiliga áhugaverda umrøðu. Ítøkiligir loysnir vóru ikki nógvar, men við- komandi spurningar vóðu settir til eitt nú familju- politikk, kommunupolitikk og privatiseringar.« Jú, sanniliga vóru eisini ítøki- ligar loysnir við í viðgerð- ini m.a. til fiskvinnupoli- tikkin, miðfyristingina, pensjónsmálið og familju- politikkin. Hví Dimmalætting skal hava nakra sum helst orsøk til at senda henda boðskap- in út, sum teirra yvirskrift týsdagin boðar frá um máttloysi, tað veit eg ikki, men eg kann sjávandi gera mær mínar tankar um tað. Og hesir tankar harma meg. Tríggir flokkar høvdu landsfund um vikuskiftið, og at størsti flokkur nevni- liga Javnaðarflokkurin fær minst umrøðu í Dimmu, ja tað mugu vit so liva við, men so átti man at kunna kravt, at tað sum so stóð var so nøkulunda í tráð við veruleikan. Og aftur í blað- num í gjár vóru umrøður frá hinum báðum lands- fundinum og tøgn um Javnaðarflokkin. Tað er so eitt journalistiskt val, og tað skal eg ikki blanda meg uppí. Men hví vit skulu skírast máttloysingar, ja tað lysti meg at vitað. Nú er tað ikki so long tíð gingin, síðan nakrir flokkar lótu teirra landsfundir upp fyri fjølmiðlunum, sum annars er vanligt í londum rundan um okkum. Men hesin møguleiki hjá fjøl- miðlunum forpliktar eisini fjølmiðlarnar til so at royna at fáa rætta samanhangið burturúr. Tað kann væl ikki vera meiningin, at eitt blað í hesum føri Dimmalætting brúkar henda møguleika at mála eina aðra mynd av Javnaðarflokkinum enn hana, sum er. Eg ætli mær ongan jour- nalist at skjóta, men so má eg eisini kunna krevja, at flokkurin, sum eg eri for- maður fyri, ikki verður skotin í staðin. Opinleikin forpliktar báðar vegir. Dimmalætting á landsfundi í Hvalba C M Y K 11 10