leygardagur 29. november 2003síða 6

10 Nr. 228 - 29. november 2003 Nr. 228 - 29. november 2003 11 Í gjár kundi Sosialurin í tíðindagrein staðfesta, at flaggskipið hjá Sjónvarpinum, Dagur og Vika, er í so ringari havsneyð, at bráneyðug tiltøk skulu setast í verk beinanvegin fyri at forða fyri at fleiri fólk siga upp og sostatt bjarga flaggskipinum frá tí totala for- lissinum. Hetta er ikki fyrstuferð, at sjónvarpið er í kreppu, men nú trúði almenningurin, at tað tubulenta tíðarskeiðið var farið í søguna við nýggjum stjóra og fleiri milliónum krónum í eyka inntøku frá hyggj- aragjaldinum, sum hækkaði heilt upp í 2000 krónur við seinastu uppkrevjing, men so er ikki. Vit kenna ikki innanhýsisviðurskiftini - uttan tað, vit sóu í Sosialinum í gjár - og tí skal eingin viðmerking gerast til tað. Tó kunnu vit staðfesta, at gjøgnum- trekkurin hevur verið nógvir, og at fleiri enn 10 deildarleiðararar eru komnir og farnir hetta seinasta tvey-áraskeiðið. Ein slík gongd kann ongatíð skapa eitt gott og trygt arbeiðspláss við javnvág í. Tvørturímóti. Tí hevði tað kanska verið rættast at fingið onkran óheftan persón ella stovn at kanna stovnin og greina hann. Vit sum hyggjarar kunnu ikki góðtaka, at hesin mentastovnur, sum hvørt húski rindar 2000 krónur til, ikki verður rikin nóg væl, og er tað góða journalistiska arbeiðspláss, sum hann eigur at vera. Vit hava krav upp á góðan tíðindaflutning og vit hava krav upp á, at bæði sjónvarp og útvarp gera sína skyldu í demokratisku prosessuni. Men tað, vit kunnu gera viðmerkingar til, er tann almenni parturin. Fyrst og fremst kunnu vit siga, at landsins stýri ongatíð hevur ásannað, at tað er kostnaðarmikið og eitt stórt arbeiði at reka eitt sjónvarp. Umstøðurnar hjá sjónvarpinum hava verið kargar frá fyrsta degi og tað, sum er játtað á fíggjar- lógini hevur ongatíð rokkið til fyri at kunna upp- byggja eitt nóg gott sjónvarp. Hetta er ein av orsøk- unum til, at tað alla tíðina hevur gingið upp og niður. Og tað er stórt spell, tí vit hava og hava havt nógv frálíka góð sjónvarpsfólk, fólk við góðum journal- istiskum evnum, ágrýtni og hugflogi, sum skal til fyri at gera eitt gott sjónvarp. Men nógv eru tíverri farin, tí tey hava ikki klárað arbeiðstrýstið. Uttan at fara í innanhýsis spurningar, so er hetta tekin um, at leiðslan hevur ikki verið nóg vakin. Men eftir tíðindafrásøgnini ígjár verður manningin á Degi og Viku styrkt, samstundis sum Breddin fellur burtur, men tað er ikki bara at siga tað at fáa fleiri fólk, tá vit vita, at lønarlagið hjá føroyskum journal- istum er lágt og væl minni enn hjá akademkarum og journalistum í Danmark. Men vónandi kemur flaggskipið hjá SVF úr havsneyðini og verður riggað til av nýggjum og fer at stevna fram á stillum vatni. DAGSINS MEINING Sosialurin Flaggskip í havsneyð VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Kristin Thomsen Hatur, øvund, vald og óndskapur eru bert nakrar av orsøkunum til ógloym- andi sorgarleiðir í okkara veraldarsøgu, ja, eg kann líka gjarna skriva til dagin í dag, tí við hesum fáu orð- um leggi eg lunnar undir eitt hjartasuff viðvíkjandi tí longu nógv umrøddu bók- ini »Skjót journalistin«, skrivað av journalistunum Grækaris Djurhuus Magn- ussen og Øssur Winthereig. Panikkur í Fólkaflokkin- um, skrivar Sosialurin 25. nov. 03, vísandi til inni- haldið í fyrr nevndu bók, ið keldur siga m.a. nágreini- liga lýsa árini, okkara sera væl umtókti løgmaður, Anfinn Kallsberg, var bók- haldari á Frostvirkinum í Norðdepli. Sjálvan lesnaðin í bókini, prógv og annað, rithøvund- arnir siga seg hava fingið til vega, hugsi eg minni um, men harafturímóti beri eg stóran ótta fyri muruni í tveimum journalistum, ið ríða so niðarlaga á øvund- ar- og hatursstiganum, at teir nýta sína journalistút- búgving til slíka skriving, tó varnast teir ikki, at teir við slíkum atburði klæða seg sjálvar naknar, til lítlan sóma fyri Føroya fókl. Harrin sigur: Hví sært tú flísina í eyganum á bróður tínum, men ikki bjálkan í tínum egna. Bókin verður í sølubúð- unum 1. des., sjálvan jóla- mánaðan. 23. des. er tollaksmessudagur, 24. des. er jólaaftan, 25. des. er jóladagur, tá einglarnir frá Harranum vórðu sendir at boða gleðiboðskapin um Jesu føðing fyri hirðunum á markini, og endaðu við orðunum: Friður á fold og í menniskjum góður tokki. Frið ynskja vit øll, men tíverri mugu vit ásanna, at friður á fold verður neyvan, tí ávís menniskju vilja altíð verða meira hevnisøkjandi enn friðarsøkjandi. Betri er bøtandi hond enn spillandi tunga Parkeringspláss ella grønt øki Dánjal Norðfoss Nú sær tað út til at aftur eitt grønt øki her í Havn skal leggjast undir asfalt og betong. Nú er so túrurin komin til tann vakra, sermerkta bøin við teimum stóru steinunm, fram við Jóannes Paturs- sonargøtu, millum Tróndar- gøtu og Dalavegin. Har skal gerast eitt parkerings- pláss, eitt grønt parkerings- pláss, verður sagt, hvat tað so er fyri nakað! Eg trúði tí ikki rættiliga, tá eg hoyrdi tað, men tað er tíverri so, at hetta vakra økið, har ein spældi sum smádrongur, nú skal oyðileggjast og gerast til parkeringspláss. Har fara so bilar at standa millum kl. 9-16, og so verður tómt og oyðið, so var betur at fríðka um, planta trø og runnar, gjørt gøtur, sett upp beinkir o.a., so høvdu vit havt ein vakran blett mitt í býnum, til gleði fyri øll. Men nei, bilarnir skulu hava fyrsta rætt, eg havi so aldri sæð eitt vakurt parker- ingspláss. Hetta uppskot varð ein- mælt samtykt í býráðnum, so har var ongin, sum mót- mælti hetta slag av, ja, eg vil kalla tað eitt slag av vandalismu, ikki eingang mín góði vinur Tórfinn Smith, sum eins og eg hevur nógv góð minin frá hesum økinum. Hví skal alt oyðileggjast, hví kann ikki okkur vakurt verða at hyggja at og gleðast um, nei, eg spyrji bara! Nú má eingin misskilja meg, sjálvandi skulu fólk hava eitt pláss at sleppa av við bilin, tað er ikki tað, men tað má bera til at gera slíkt við skili, men hetta haldi eg er skilaleyst. Tosaði við borgarstjóran og spurdi hann, hví hetta økið ikki kundi fáa frið. Vit mugu hava parkeringspláss, var svarið. Eg sigi so, hvat við at gera eina hædd oman á Skálatrøð, so hevði verið nóg mikið av parkerings- plássum, tí Skálatrøð er jú oyðiløgd fyri nógvum árum síðani, men tað svaraði hann ikki uppá. Nú er helst akað seint at mótmæla, men eg helt eg mátti gera vart við sovorð- nan ørskap. So góðu borgarar í Havn, hyggið væl at hasum økin- um, tá tit fara framvið, antin í bili ella til gongu, tí tað verður ikki leingi aftur- at. Rúna Sivertsen Sonja Jógvansdóttir sigur í samrøðu við Sosialin, at Bíblian í ov stóran mun hevur stýrt orðaskiftinum um tey samkyndu Í einum og hvørjum orðadrátti eru tað tey, sum taka orðið, ið stýra kjakin- um. Tað ber tí ikki til hjá nøkrum at avgera, at Bíblian ikki skal stýra ein- um orðaskifti, sum yvir- skriftin í Sosialinum hós- dagin leggur upp til. Taka nóg nógv av teim- um, ið grunda sínar mein- ingar á Bíbliuna orðið, so verða tað tær bíbilsku meg- inreglurnar, ið stýra kjakin- um. Vit liva í einum fríum og frælsum landi, har øll hava loyvi at siga sína hugsan bæði hart og týðiliga. Er eitt orðaskifti ullint og dult, so er tað oftast orsaka av, at fólk ikki tora at siga sína erligu meining. Fólkið stýrir kjakinum Jógvan Arge Býráðslimur fyri tjóðveldisflokkin Tað er framvegis ein ser- støk uppliving at sita í Tórshavnar Býráð. Havi sagt tað fyrr, og kenni meg noyddan at endurtaka tað: Har tykist alt at bera til - uttan mun til avtalaðar mannagongdir og vanligar reglur. Tað seinasta er, at meiri- lutin í býráðnum hevur samtykt eina nýggja býar- heildarætlan, sum enn ligg- ur í hálvum gekki og ikki er liðugt viðgjørd á nakran hátt. Hetta er ein ætlan, sum skal liggja til grund fyri, hvussu býurin verður bygd- ur út tey komandi 20 árini. Embætismenn og politik- arar hava saman við einum ráðgevandi felag viðgjørt teir møguleikar, sum eru. Fyrsta stig av arbeiðnum er liðugt á tann hátt, at ráðgevarafelagið og ein stýringarbólkur hava latið eitt álit frá sær. Hetta er við fyrivarni samtykt í byggi- og býarskipanarnevndini fyrstu ferð - sambært av- talaðu mannagongdini. Eftir hesi somu manna- gongd er næsta stigið, at heildarætlanin verður um- mæld av býráðnum, Kald- baksnevndini, Hvítanes- nevndini, kommunalu um- sitingini, Oljumálaráðnum sum byggimyndugleika, Jarðarráðnum, friðingar- myndugleikum, Fornminn- issavninum, Landsverk- frøðinginum, SEV, Føroya Tele, Fjarhitafelagnum, Heilsufrøðiligu Starvsstov- uni og øðrum umliggjandi kommunum. Málið kom fyri býráðið á seinasta fundi. Ikki til ummælis, sum roknað varð við sambært mannagongd- ini, men til samtyktar. Nú skuldi býráðið í óðum verkum samtykkja eina heildarætlan, sum als ikki er liðugt viðgjørd. Vit í minnilutanum søgdu sjálvsagt nei. Vit fóru ikki at samtykkja ætlanina á hesum stigi, tí málið er ikki nóg væl upplýst enn, og framferðin var í stríði við mannagongdina. Vit sóu okkum noyddar til at skjóta upp, at málið varð sent avvarandi myndugleikum til ummælis, soleiðis sum avtalaða mannagongdin sigur. Tað legði meirilutin hjá Jan Christiansen og Heðin Mortensen líka í. Teir feldu okkara uppskot og truml- aðu síðani avstað og sam- tyktu heildarætlanina longu á hesum stigi - uttan at hoyra nakran av umrøddu myndugleikum og uttan at hava fingið greiðu á viður- skiftum, sum byggi- og býarskipanarnevndin hevði álagt teknisku umsitingini at tingast um. Nú er mær komin upp í hendur ein skrá fyri næsta fund í byggi- og býarskip- anarnevndini mánadagin. Har er millum onnur mál eitt uppskot um at gera ítøkiligar byggisamtyktir fyri Hoyvíkshagan "til at tryggja, at økið liggur tøkt til komandi býarvøkstur". Álvaratos - eru vit í kríggj? Er vandi fyri, at ein fremmand makt fer at annektera Hoyvíkshagan í næstu viku? Hetta er ikki tann av- rádda mannagongdin. Hvørki myndugleikar ella borgarar hava fingið so mikið sum ein tjans at kunna seg um hesar týdn- ingarmiklu ætlanirnir, tíansheldur at geva teimum síni viðmæli, frámæli ella viðmerkingar. Tað stendur svart upp á hvítt í álitinum, at áður enn býráðið endaliga samtykkir heildarætlanina, skal hon ummælast hjá omanfyri- nevndu myndugleikum og liggja alment frammi eitt skifti. Eftir tað skula viðmerk- ingar og broytingaruppskot viðgerast og evt. broytingar gerast. Tá byggi- og býar- skipanarnevndin hevur samtykt ætlanina á øðrum sinni, verður hon send býráðnum til endaliga sam- tykt. Tí hevur býráðið í løtuni ongan rætt til at fara undir at gera ítøkiligar byggi- samtyktir fyri komandi býin í Hoyvíkshaganum. Tað sigur seg sjálvt, at tað kann ikki gerast, fyrrenn heildarætlanin hevur verið alla mannagongdina ígjøg- num. Við síni framferð tykir mær, at býráðsmeirilutin traðkar fólkaræðið undir fót. Alt, sum hevur við gjøgnumskygni, opinleika og kunning av borgarunum at gera, verður lopið um, og farið verður fram á ein hátt, sum minnir mest um konga- og keisaraatburð í miðaldarsamfeløgum. Klæmint Olsen SEV-umboðsnevndarlimur Er tað veruliga so, at SEV sleppur at steðga verkætl- anini í Svínoy? Vónandi ikki! Annars má lands- mynd-ugleikin skera ígjøg- num so ella so. Tað sær framvegis ikki út til, at SEV kennir sína vitj- anartíð. Niðurteljingin hjá SEV er tó so smátt byrjað, 5. oktober 2013 missir SEV einkarrættin. Men skulu vit veruliga bíða 10 ár afturat, áðrenn SEV vaknar? Ella er stundin nú komin, at po- litiski myndugleikin setur SEV uppá pláss? Eg havi áður sagt tað - og eg endurtaki tað enn eina ferð - orkupolitikkurin í Føroyum verður ásettur á skrivstovuni hjá stjóranum í SEV. Ein glotti var tó at hóma, tá ið vindmyllurnar í Vest- manna sluppu at lata streym til SEV. Hart trýstur noyddist stjórin at geva skarvin yvir. Hetta vegna áhaldandi trýst frá ikki minst umboðsnevndarfor- manni og onkrum einstøk- um stýrislimi. Hevði tað ikki verið, tí at stjórin av øðrum áðum var undir trýsti, hevði stýrið og um- boðsnevndin ikki havt neyðuga megi at fingið málið ígjøgnum. Vónandi gongst væl við verkætlanini í Vestmanna. Sjálvur haldi eg tó, at tað er eitt sindur ørkymlandi, at einstakir persónar ella virkir fáa framíhjárættind- ini. Loyvi mær tó í hesum sambandi at minna á, at um okkurt skuldi gingið galið, so er talan um smápengar í SEV-samanhangi. T.d. skuldi fyrsta stig av vatn- orkuútbyggingini - Eiði 1 - kosta 218 mió., men kost- aði tað meira enn tað dup- ulta. Og síðsta fíggjargølan er, at SEV skal gjalda fleiri milliónir fyri sprongd rør í høgunum í Klaksvík. Ein ætlan sum tann í Svínoy nervar heldur ikki SEV á nakran hátt. Tað er stoltleiki SEV’s - ella rætt- ari sagt stjórans - sum stendur uppá spæl. Stjórin vil ikki hava aðrar leikarar inn á kervið. Havi eg skilt tað rætt, so hevur verkætlanin til enda- máls at gera oynna sjálv- berandi við orku. Rætt er, at orkuverkið hjá SEV skal vera til taks í hesum tíðar- skeiði, men annars eru ongar útreiðslur fyri SEV. Eg haldi ikki, at nakar, ið er eitt sindur til vits, ivast í, at verkætlanin er sera áhuga- verd. Eisini verður upplýst, at fíggingin til verkætlanin er, ella verður fingin til vega, uttanlands. Tað er altso hvørki landið, komm- unan ella SEV, ið kemur at svíða, um ikki gongst sum ætlað. Tí kann tað bara snúgva seg um særdan stoltleiki hjá SEV, sær verkætlanin ikki dagsins ljós. Eru vit veru- liga ikki komin eitt stig longri í Føroyum? Spurningurin er, um tað ikki ber til hjá landsins myndugleikum at skera ígjøgnum, um SEV ikki makkar rætt. Loyvi SEV’s frá 1963 er illa orðað, tað viðgangi eg. Men hetta er ikki bara til fyrimunar fyri SEV, m.a. hevur lands- myndugleikin í gr. 13 til- skilað sær rætt at tulka loyvið. Í loyvinum frá 1963 stendur: - at krevjast kunnu víðk- ingar, broytingar og ábøt- ur á verandi virkir; - at verandi og nýggjar lógir, kunngerðir, reglu- gerðir, fyriskipanir v.m. skulu fylgjast; og - at skipast kann fyri fyri- bils rakstri fyri rokning loyvishavarans, um rakst- urin verður steðgaður fyri heil øki. Eykaðalfundur verður í umboðsnevnini 12. de- sember. Enn er eingin fund- arinnkallingin komin, men havi eg fingið at vita frá umboðsnevndarformannin um, at omanfyrinevnda mál ikki verður á skrá, og tað haldi eg er spell. Hinvegin skal umboðs- nevndin taka støðu til fram- hald av vatnorkuútbygging- ini á Eiði, og er hon kostn- aðarmett til 150 mió. fyri einar 15-20 mió. kWh/ár. Talan er um eina ætlan, sum er ógvuliga dýr og eftir mínum tykki sera ivingar- som. Tí vóni eg, at lands- stýrið og løgtingið taka málið upp, áðrenn tað verður sett í verk. Lands- myndugleikin kann ikki bara tváa hendur í orku- málum og siga, at tað lata vit SEV um. Miðflokkurin háðar tey samkyndu Yvirlýsing: Jenis av Rana og Miðflokkurin prógva enn einaferð, at tað er alneyðugt at fáa lóggávuvernd fyri samkynd. Við konsekvent at rópa samkynd kynvillingar, er Jenis av Rana virkin í homofobisku rørsluni, sum higartil hevur fingið fólk í hópatali at rýma av landinum Tað kom okkum í felagnum Ælabogin dátt við at lesa útsagnir Jenisi av Rana í fjølmiðlunum týsdagin. Jenis av Rana sigur millum annað: »Miðflokkurin slítur samgonguna, um tey kynsvillu verða fevnd av lógini um persóns- og arvarætt«. Formaður Miðfloksins ger somuleiðis greitt, at hann ikki góðtekur orðið samkynd, men brúkar konsekvent orðið »kynvillingar« (Dimmalætting 25. november 2003). Vit kunnu als ikki góðtaka, at ein formaður í einum flokki á Føroya Løgtingi nýtir slík orð og beinleiðis eyknevnir ein minnilutabólk í samfelagnum. Ein minnilutabólkur, ið telur fimm til seks ferðir fleiri fólk enn samlaða talið av veljarum hjá Miðflokk- inum. Slík háðan heldur lív í homofobisku rørsluni her heima, ið tíverri hevur havt alt ov góð gróðrarlíkindi. Eini háðan, ið hevur verið atvoldin til, at samkynd í hópatali hava verið noydd at rýma av landinum vegna vánaligu viðurskiftini. Tílík happing er enn eitt dømi um, at vit samkyndu hava tørv á lóggávuvernd. Higartil eru slíkar útsagnir frambornar fullkomiliga ótalaðar í hesum landi. Einum landi, ið sigst byggja á fólkaræðiliga grund. Sum er finst eingin lóggávuvernd fyri samkynd í Føroyum. Samkynd eru annars fevnd av tílíkum dis- kriminatiónslógum í framkomnum demokratiskt sinnaðum londum. Sjúkugerð Vit í felagsskapinum Ælabogin átala harðliga hesi sjúkugerð av samkyndum. Eini sjúkugerð, sum ikki hoyrir heima í upplýstu Føroyum anno 2003. Tað eru áratíggju síðani WHO - alheims felags- skapurin hjá ST, ið stríðist móti sjúkum um allan heim - strikaði homoseksualitet av listanum yvir sjúkur. Vit samkyndu undrast stórliga á, at sjálvsøgd demokratisk borgararættindi, sum skrásett parlag, skulu kunna slíta samgonguna. Í sama viðfangi vilja vit inniliga heita á Høgna Hoydal, landsstýrismann við lógarmálum, sum áður hevur lovað samkyndum lóggávuvernd, at vísa í verki, at hann meinar tað, hann hevur sagt. Somuleiðis heita vit á øll demokratiskt sinnaði tingfólk at stuðla løgmálaráðharranum í hansara stríði fyri samkyndum. Felagsskapurin Ælabogin fegnast um, at Mið- flokkurin ikki longur umtalar samkynd sum »deyðans illgres«, eins og tey áður hava gjørt á heimasíðu síni. Allur bati bøtir. Vit heita á Jenis av Rana og Miðflokkin um ikki at nýta tílíkar niðrandi útsagnir og vóna, at tey taka undir við lóggávuvernd fyri sam- kynd. Vegna Ælabogan, felag fyri samkynd Beinta L. Jacobsen Tina K. Jakobsen Sonja J. Jógvansdóttir Eyðfríð Kristiansen Jacob Pedersen Mia Wenningsted VIÐMERKINGAR Arrogansan hjá SEV fullkomin Býráð við harðari hond C M Y K 11 10