hósdagur 4. desember 2003síða 13

24 Nr. 231 - 4. desember 2003 Nr. 231 - 4. desember 2003 25 UTTAN ÚR HEIMI Vísmenn fýlast á avtalu Teir óheftu donsku vísmenninir hava ilt við at góðtaka avtaluna, sum danska stjórnin og A.P. Møller gjørdu í heyst um oljuna í Norðsjónum. Stjórnin sigur, at avtalan er sera góð fyri ríkis- kassan, men hesum eru vísmenninir ikki heilt samdir við henni í. Ein teirra, Jørgen Birk Mortensen, sigur, at hóast nógvir spurningar hava verið frammi um avtaluna, og hóast teir flestu eru svaraðir, so vantar framvegis eitt yvirlit yvir tær búskaparligu av- leiðingarnar. Fyrr enn tað kemur, ber ikki til at siga, hvussu góð avtalan er, sigur hann. Ein annar av vísmonnunum, Torben H. Andersen, sigur, at tað er sera umráðandi, at samfelagið fær at vita, hvørjar avleiðingarnar av avtaluni verða. Hann vísir á, at avtalan er galdandi líka til 2042, og tí er neyðugt við einari neyvari frágreiðing um avleiðingarnar, sigur hann. Serliga sosialdemokratarnir hava lagt trýst á stjórnina fyri at fáa eina neyvari útgreining av Norðsjóvaravtaluni, men hesum hava stjórnin og danski fólkaflokkurin víst aftur. Selja útgerð av landinum Í fjør fóru næstan 30 norsk fiskavirkir á húsagang, og ein stórur partur av maskinunum eru síðani seldar av landinum fyri lítið og einki. Tað kom fram á einari fiskivinnuráðstevnu í Tromsø nú um dagarnar. Sum dømi bleiv nevnt, at tá fyritøkan Melbu Fiskeindustri fór á heysin, hevði virkið maskinur fyri 7,5 milliónir krónur. Men tær vórðu tiknar niður og seldar til Kina fyri 450.000 krónur. Har eru maskinurnar settar uppaftur. Á ráðstevnuni í Tromsø vóru røddir frammi, sum hildu, at norðmenn eiga at gevast at virka fisk. Ístaðin eiga teir at miðsavna orkuna um at fiska og selja fisk. Hesi vístu á, hvussu mong virkir eru farin á húsagang, og tey søgdu seg ikki ivast í, at uppaftur fleiri fara sama veg. Víst varð á, at talið á vanligum flaka- virkjum er minkað nógv, og at tey, sum eftir eru, fara ikki at fáa raksturin at bera seg kortini. Onnur hildu, at fiskiídnaðurin í Noregi hevur eina framtíð, og at ávísar feskar vørur tykjast hava góð útlit á markn- aðinum. Stóra skattarokning Russiska skattavaldið er nú liðugt at kanna tey skatt- ligu viðurskiftini hjá risastóra oljufelagnum Yukos. Úrslitið er, at felagið hevur fingið eina skatta- rokning upp á heilar 30 milliardir krónur, sum er eykaskattur fyri seks tey seinastu árini. Tað stóra talið umfatar eisini rentur og bøtur, sum felagið fær, tí tað hevur goldið skattin ov seint. Sambært skattavald- inum hevur Yukos ikki goldið allan skattin seinastu seks árini, men hevur tilvitað hildið nógvum pengum aftur. Russiska ákæruvaldið hevur seinastu tíðina kanna ymisk viðurskifti hjá oljufelagnum, sum millum annað er lagt undir svik. Stjórin í Yukos, Mikhail Khodorkovski, situr varðhaldsfongslaður, og hann er skuldsettur fyri svik. Olja í ánni Umhvørvismyndugleikarnir í Østfold í Noregi bera ótta fyri fugla- og dýralívinum við og í ánni Hobø- elva, eftir at fleiri túsund litrar av olju eru endaðir í ánni. Sunnudagin varnaðist ein maður, at olja var at síggja í ánni, og seinni komu myndugleikarnir eftir, at oljan stavaði frá einum tanga á einum bóndagarði. 10.000 litrar av olju høvdu verið í tanganum, men tá løgreglan kannaði hann, vóru bara 2.300 litrar eftir í honum. Nú bera umhvørvismyndugleikarnir ótta fyri dýralívinum har á leiðini. Teir siga, at tað er serliga óheppið, um fuglur kemur í samband við oljuna, tí tað er óheppið hesa tíðina á árinum, tá fjaðrarnar eru av- gerandi fyri, at fuglur kann liva veturin av. Samstund- is hava myndugleikarnir gjørt av at kanna oljutangar á øllum bóndagørðum. Eitt uppskot um at krevja eitt gjald frá teimum lesandi á lærdu háskúlunum í Bretlandi kann kosta Tony Blair, forsætis- ráðharra dýrt BRETLAND Árni Joensen fartekst@mail.dk Nógv hava ávarað Tony Blair ímóti at fremja upp- skotið í verki, tí tað kann fara at kosta bæði flokkin- um og honum sjálvum dýrt. Men forsætisráðharrin hevur nú gjørt greitt, at hann ætlar sær ikki at taka tað aftur. Tí er lagt upp til opið stríð ímillum forsætis- ráðharran og teir limirnar í Labour, sum eru ímóti tí, og teir konservativu fara at gera alt fyri at fáa sum mest burtur úr ósemjuni, siga eygleiðarar í London. Á einum tíðindafundi fyrradagin varð Tony Blair spurdur, um hann fer at leggja frá sær, um upp- skotið fellur. Hann vildi ikki svara spurninginum, men segði, at hann leggur stóran dent á at fáa málið framt. Upprunaliga skuldi Parlamentið taka støðu til uppskotið, áðrenn tað fór í jólafrí, og Blair viðgekk á tíðindafundinum, at hevði atkvøðugreiðslan verið sum upprunaliga ætlað, hevði uppskotið neyvan fingið meiriluta. Nú er avgjørt, at Parlamentið skal atkvøða um tað í januar. Vinstravongurin í flokki hansara, Labour, hevur lov- að honum harðan dyst til ta tíð. Løgrreglan í ameri- kanska statinum Ohio hevur illgruna um, at ein sniðskjútti er farin at gera um seg. Fyribils hevur hann skotið eftir fleiri bilum USA Árni Joensen fartekst@mail.dk Fyri einari viku síðani doyði tann 62 ára gamla Gail Knisley, tá onkur lat fleiri skot av eftir bili henn- ara á ringvegnum, sum er rundan um býin Columbus í statinum Ohio. Í bili hennara fann løg- reglan fleiri kúlur, og kann- ingar vístu, at kúlurnar vóru sama slag sum kúlur, ið løgreglan hevur funnið aftan á ellivu aðrar skottil- burðir í statinum. Eisini tær vórðu funnar í bilum, sum ein ella annar hevði skotið eftir uttan at raka bilfør- aran. Hóast umfatandi kann- ingar stendur løgreglan í Ohio púra á berum, og 595 fráboðanir frá fólki hava ikki givið nakað úrslit. Av góðum grundum ber løgreglan ótta fyri, at tað sama skal henda har, sum hendi á Washington-leiðini seinasta heyst, tá tveir menn skutu tíggju tilvildar- lig fólk. Annar av monnun- um fekk her fyri deyða- dóm. Hetta er ikki tað einasta málið av hesum slagnum. Fyri fýra mánaðum síðani vórðu trý fólk skotin í West Virginia. Tann ella tey, sum skutu, eru ikki funnin enn, men løgreglan veit við vissu, at øll skotini komu frá somu byrsu. Aftur ein snigskjútti í USA Stjórnarkreppa hóttir Blair Tað er minni enn so vist, at kaffimuðurin fer at gagnast bretska forsetanum so væl tann næsta mánaðin Mynd: Reuters Dagrøktari søkist Søkt verður eftir dagrøktara til dagrøktarskipanina í Skála kommunu, at byrja 2. januar. Viðkomandi skal hava áhuga og hegni at arbeiða við børnum. Dagrøktarheimið skal vera soleiðis innrættað,at tað er gott og trygt at spæla innan- og uttandura. Umsóknir skulu vera dagrøktarleiðaranum í hendi í seinasta lagi 15. desember 2003. Áhugað kunnu venda sær til Dagrøktarleiðaran á tlf. 227393 ella 442059. Skála Kommuna Til sølu Toyota Carina E 2.0 Gli 133 hk Árg. juli 1996. Koyrt 125.000. 17’’ sportfelgur 215/40 dekk, Kenwood fløgu- spælara.Til sølu um hóskandi boð fæst. Tlf. 220071 ella 757087 Sjúkrakassalimir í Nes Sóknar Sjúkrakassa Sagt verður frá, at gjaldshátturin er broyttur frá mánaðarliga til kvartalsliga. T.v.s.at limagjald kr.600,- verður at rinda ávikavist í januar, apríl, juli og oktober mánaði. Mint verður á, at eftirstøðan fyri árið 2003 eigur at verða goldin nú. Teir limir, ið ikki hava valt lækna, og tey, ið ynskja at skifta lækna frá 1.januar 2004,skulu siga frá nú ella í seinasta lagi 19. desember 2003. Nes Sóknar Sjúkrakassi 620 Runavík – Tlf. 448129 C M Y K 25 24