týsdagur 9. desember 2003síða 16

Nr. 234 - 9. desember 2003 31 31 30 Nr. 234 - 9. desember 2003 C M Y K 30 Nú tær aftur eru fullmannaðar tykjast VB kvinnurnar ætla at vísa øllum landin- um, at tær skulu roknast sum sterkasta liðið í landinum HONDBÓLTUR Jákup Mørk Síðani útlendingamálið við fundinum millum Haarder og Hoydal fekk eina fyri- bilsloysn, hevur VB ikki verið at steðgað. Seinasta vikuskifti settu tær VÍF so dyggiliga upp á pláss, og hesaferð var túr- urin so komin til StÍF. Kanska hevði VB eisini nakað at prógva her, tí júst StÍF var fyrsta liðið, sum sum fekk fyrimun av mál- inum. Ikki soleiðis at skilja, at StÍF hevði nakað við hetta at gera, og heldur ikki fyri at undirgrava avrikið hjá StÍF í Vági fyrr í heyst. Men tað er einki at ivast í, at hevði VB verið full- mannað í teirri uppgerðini, so hevði tað í øllum førum verið munandi truplari hjá StÍF ta ferðina. Tað úrslitið stendur tó ikki til at vika, og kanska júst tí hevði VB alla orsøk til at seta alt upp á pláss, nú liðini hittust á Skála. Og í øllum førum legði VB fyri sum eitt óløgi. Áðrenn tær á heimaliðnum rættiliga høvdu funnið nakað sum helst fótafesti á vøllinum, var VB longu fokið avstað, og tær helmaðu ikki í, fyrr enn sigurin var teimum púrasta vísur. Og við hesum tók VB oddasessin aftur, eftir at Stjørnan hevði havt hann til láns í eitt samdøgur. Enn hevur VB tó ein dyst til góðar, so einki er avgjørt enn í so máta, og seinni dysturin millum tey bæði liðini í grundspælinum liggur eisini á. Tann upp- gerðin verður í Vági nú komandi vikuskifti, so einki er at ivast í, at vág- bingar tá enn einaferð fara at síggja eitt topp-tendrað lið fara inn á vøllin. Dysturin tølum StÍF-VB 21-36 (12-21) Málskjúttar StÍF: Milica Ergic 6, Poula D. Olsen 5, Beinta Joensen 4, Paula B. Høgnesen 2, Sunfríð B. Jacobsen 2(1), Anna Maria Berthelsen 1, Anna B. Danielsen 1 VB: Aukse Vysniaskaite 11(1), Daiva Toumaite 10(3), Rannvá Augustinus- sen 5, Gurið Mortensen 5, Laila Jespersen 3, Margreth Augustinussen 1, Eyðbritt Krosslá 1 Brotskøst: StÍF 2, VB 7 Útvísingar: StÍF 4 Dómarar úr Tjaldur: Trygvi Mortensen & Kári Hansen. Mánadagin varð nýtt venjarapar sett, og tó at sáttmálar enn ikki eru komnir upp á pláss, so ljóða tað úr fleiri heraldshornum, at nýggj nøvn eru ávegis til felagið B36-VENJARIN Jákup Mørk Tað er longu nakað síðani, at vit á hesum síðum skriv- aðu, at tað allar helst skuldi verða Jóannes Jakobsen, sum skuldi venja besta mansliðið hjá B36 komandi kappingarár. Á tíðindafundi mána- morgunin var hetta eisini staðfest, og umframt høv- uðsvenjarar, so kundi B36 eisini boða frá, hvør skal hjálpa nýggja venjaranum í starvinum. Fysisk servenjing Tað verður vágbingurin, Magni Mohr, sum fer at røkja hendan setningin, og tað verður so fyrstu ferð, at hann soleiðis skal vera við til at standa fyri einum liði í bestu føroysku deildini. Nakar óroyndur maður er Magni kortini ikki. Sein- astu árini hevur hann nomið sær útbúgving innan ítróttarfysiologi, og millum annað hevur hann verið við til at gjørt royndir við donskum landsliðsleikarum og stjørnunum hjá Juvent- us. Nú er 30 ára gamli vág- bingurin tó fluttur heim aftur á klettarnar, og her verður B36 so fyrsta felag- ið, sum kemur at fáa roynd- ir av dygdum hansara. So er bara spurningurin, hvussu hetta fer at tørna út, men í B36 dylja tey ikki fyri, at tey við hesum rokna við at hava fingið eitt stórt aktiv, sum bæði kann virka til at halda leikarunum á toppin- um og ikki minst sum ein aktivur liður í royndunum at fyribyrgja skaðum. Nógv tilgongd Og einki er at ivast í, at tey í B36 eisini ætla sær at vera við frammi í oddinum kom- andi kappingarár. Her glapp tað sum kunnugt í fjør, tá HB annað árið á rað streyk avstað við gullinum, men tað tykist tó víst, at nógv verður lagt fyri kom- andi ár. Tá spurt verður um møguligan styrk, vilja hvørki nýggi venjarin ella formaðurin í felagnum seta nøvn á nakra tilgongd, men at døma eftir tosinum kring felagið, so er lítið at ivast í, at talan aftur verður um ein av sterkastu hópunum í landinum. Vit hava áður skrivað, at Arnbjørn Danielsen og Jóhannis Joensen uttan iva fara at spæla við felagnum, men hartil tykjast fleiri onnur væl kend føroysk fót- bóltsnøvn vera ávegis. Sosialurin veit frá álít- andi keldum, at Ronnie Samuelsen nú aftur verður at síggja í B36, eftir at hann í hálvt triðja ár hevur verið á heimabeiti hjá EB/ Streymi, og miðvøllurin fer sum skilst eisini at fáa til- gongd av Jens Erik Ras- mussen. Í álopinum skal nýggjur makkari finnast til John Petersen, nú Jákup á Borg hevur skift til HB, og nógv bendir á, at tað her verður talan um toppskjúttan frá í fjør, Hjalgrím Elttør, sum ikki fekk dreymin um yrkisfótbólt uppfyltan í Es- bjerg. So hvussu er og ikki, so tykist tað í øllum førum vera víst, at tey í syðra end- anum av Gudnadali ikki ætla at binda frið, hóast grannarnir fyri norðan halda rundan føðingardag komandi árið. B36 riggar til StÍF-VB 21-36 (12-21): VB staðfestir veruleikan Sum vit áður hava skrivað, so verður tað Jóannes Jakobsen, ið skal venja B36 komandi árið. Undirskriftin varð sett á sáttálan mánadagin, tá tað eisini varð avdúkað, at Magni Mohr verður fysiskur venjari hjá felagnum Mynd: Álvur Haraldsen Kviku vongspælararnir hjá VB høvdu góðar sømdir á Strondum, har StÍF ongan tíð kom fyri seg Meistararnir av Strondum fingu ikki stórvegis av mótstøðu frá gestunum úr Hoyvík HONDBÓLTUR Jákup Mørk Uttan stórvegis trupulleikar helt StÍF fast um sína støðu á stigatalvuni, tá teir sunnu- dagin tóku ímóti hoyvík- ingum. Tað var einki at ivast í, at heimaliðið átti favoritt- leiklutin í dystinum, og frá fyrsta bríksli tóktust teir eisini at taka hendan á seg. Hoyvíkingarnir fingu valla fótin fyri seg, og tó at vert- irnir kanska kundu havt meira ferð á álopsspælin- um, so tóktist tað ikki vera neyðugt at koyra kol á allar ketlarnar. At hoyvíkingar bara fingu seks mál fyrra hálv- leikinum sigur nakað nógv um, hvussu trupult teir høvdu við at fáa glið á álopsspælið, og tá StÍF so leyp avstað beint eftir steðgin, tóktist eitt veruligt sorl at hanga í luftini. Heilt so galið gjørdist tað tó ikki, tí hóast úrslitið sýnir ein greiðan mun, so kundi støðan enntá veri verri hjá H71. Og uttan at teir soleiðis ómakaðu sær nakað serligt, so hildu strandingar á hend- an hátt fast um sessin á stigatalvuni. At Neistin so samstundis snávaði móti KÍF, mundi ikki gera dagin verri fyri teirra viðkom- andi. Tað úrslitið kann kanska eisini vera ein áminning til StÍF, tí júst KÍF er næsta mótstøðulið teirra. Hovyíkingar fingu sum so ikki gjørt stórt hesaferð, og aftasti sessurin á stiga- talvuni avspeglar eisini avrikið, sum liðið hevur sýnt seinastu dystirnar. Hvørt hetta verður betra komandi dystirnar, er ilt at meta um, men í øllum førum er talan ikki um nakra lætta uppgávu kom- andi dystin. Tá vitjar H71 nevnliga í Vestmanna, har heimaáskoðararnir neyvan eru nøgdir, bara talan er um sigur. So hoyvíkingarnir eru helst ávaraðir um, at talan tá kann gerast um rættiligt ódnarveður. Dysturin í tølum StÍF-H71 23-13 (12-6) Málskjúttar StÍF: Artur Johansen 7, Alexandur Johansen 5(2), Sverri Justinussen 4, Andre F. Danielsen 3, Sveinur Justinussen 2, Mortan Hansen 1, Bent Djurhuus 1 H71: Heini Bendtsen 3, Niels Viggo Niclasen 3, Olaf Vestergaard 2, Jákup á Borg 2, Halgir Dahl Olesen 1, Tróndur Vatnhamar 1, Henrik Gerster 1(1) Brotskøst: StÍF 2, H71 5 Útvísingar: StÍF 4, H71 3 Dómarar úr Tjaldur: Trygvi Mortensen & Kári Hansen Neistamenn máttu sunnudagin ásanna, hvussu trupult tað er at venda, tá tað fyrst gongur skeiva vegin HONDBÓLTUR Jákup Mørk Eingin ivi er um, hvør stóra sensatiónin í hondbóltinum var hetta vikuskiftið. Eing- in ivaðist undan dystinum í Hovyík í, at Neistin var risafavorittur at vinna. Ikki minst, tá tunga gongdin hjá kollfirðingum seinastu vikurnar verður havt í huga. Kanska var tað eisini júst hetta, sum Neistin hevði í huganum, tá farið var inn á vøllin sunnudagin, men um so var, so komu teir skjótt á aðrar tankar. Tí hóast KÍF hevur havt tað trupult seinastu nógvu vikurnar, og hóast teir hava stórar trupulleikar við at gera mál, so løgdu teir bragdliga fyri. Kanska hevði Neistin roknað við, at talan mest sum var um upp- hiting undan grannaupp- gerðini móti Kyndli miku- dagin, men eftir fyrstu tíggju minuttirnar stóð 8-3 á talvuni, og so var at taka annað skinn um bak. Trupult at venda Men eins og so nógv undan teimum, so mátti Neistin sanna, at tað er trupult at venda gongdini, um tað fyrst gongur skeiva vegin. Fyrst og fremst høvdu koll- friðingar við góðu byrjanini fingið trúnna uppá, at tað skuldi bera til at basa mót- støðuni, og hendan møgu- leikan ætlaðu teir ikki at geva frá sær. Við einum væl leikandi Óla Christian Durhuus í málinum megnaðu teir eis- ini í nógvum førum at leggja forðingar fyri Neist- anum, og fram eftir málin- um megnaðu teir alla tíðina at skjóta mál. Seinna umfarið var ann- ars fleiri ferðir um reppi, at dysturin koppaði yvir aftur til Neistan, men tó at teir komu upp á javnleikin nakrar ferðir, so megnaði KÍF hvørja ferð at svara aftur. Seinastu løtuna stóð annars heilt nógv á, tá Neistin fyrst vann eina trý mála leiðslu aftur, og síðani tvær ferðir javnaði nýggja KÍF-leiðslu. Men heima- liðið fekk framvegis sein- asta orðið, og so var róm- urin stórur á heimaáskoð- arunum. Teirra lið hevði enn einaferð víst, at hóast gongdin til tíðir kann tykjast tung, so kunnu teir standa seg millum tey bestu. Og við sigrinum sluppu tey eisini av botn- sessinum. Kanska eru út- litini fyri at koma longu upp á talvuna ikki so bjørt í løtuni, men eitt ella tvey úr- slit afturat av hesum slag- num, kann broyta heilt nógv í so máta. Hjá Neistanum var lagið hinvegin einki serligt. Teir eru framvegis á næst fremsta sessinum á stiga- talvuni, men tapið hesaferð var absolutt ikki í samsvar við roknistykkið, og nú liggur eyka trýst á teimum undan grannauppgerðini mikudagin. Vinnur Kyndil tann dystin, so verða trý stig á muni frá fyrsta um- farinum av endaspælinum, og tað er í øllum førum trý fleiri, enn í Neistanum høvdu ætlað sær. Dysturin í tølum KÍF-Neistin 31-30 (17-14) Málskjúttar KÍF: Petur Martin Poulsen 10, Regin Petersen 6, Vagnur Johannesen 6(1), Gert Hansen 5, Teitur Joen- sen 3, Mirko Milenkovic 1(1) Neistin: Áki Mørk 10(5), Dragisa Stojovic 7, Blagoje Buha 4, Helgi Justinnussen 4, Ragnar Stakksund 2, Finnur H. Petersen 1, Helgi Michelsen 1 Brotskøst: KÍF 3, Neistin 8 Útvísingar: KÍF 4, Neistin 1 Dómarar úr Kyndli: Geir Wardum & Gunnar Gregor- iussen StÍF-H71 23-13 (12-6): Tamir hoyvíkingar KÍF-Neistin 31-30 (17-14): Neistin fall í veitina Petur Martin Poulsen var væl koyrandi, tá Neistin vitjaði sunnudagin, og saman við væl stríðandi liðfeløgunum eydnaðist honum og liðfeløgunum at geva Neistanum ein frammaná Mynd: Álvur Haraldsen Artur Johansen var toppskjútti, tá StÍF uttan stórvegis trupulleikar tók sær av H71