mánadagur 1. desember 2003síða 6

10 Nr. 244 - 23. desember 2003 Nr. 244 - 23. desember 2003 11 Jákup Sverri Kass, lesandi útiseti: - Eg ynski, at tað fer at ganga væl hjá familju, vinum og kenningum í komandi ári. Tað hevði heldur ikki gjørt tað heila verri, um tað gekk hampiliga væl til royndirnar í januar; og at tann brúkti bilurin, sum vit fara at keypa fer at koyra so rímiliga væl, tí skil fyri motorum havi eg slett ikki. Nýggjársynski NORÐURBRYGGJAN Marjun Dalsgaard Myndir: Jan Muller Norðurbryggjan skal vera eitt stað, har mentanir møtast. Norðurbryggjan er meira enn ein pallur har vit eru saman hvør sær. Hon er eisini eitt stað, har vit møtast við hvør sínum útgangsstøði og skapa nakað nýtt - tað er sjálvt møtið, sum er áhugavert, sigur Karin Elsubu- dóttir Heinesen. Hon hevur lisið bókmentafrøði, nútímans mentan og mentanarmiðling á lærda háskúlanum í Keypmannahavn og ber eins og íslendska Anna Bogadóttir heitið mentanar- millumgongumaður ella "kultur- formidler" á Bryggjuni. Ein av hennara uppgávum hev- ur verið at tekna mentanarliga profilin hjá mentanarhúsinum saman við dønum, íslendingum og grønlendingum. Tað hevur kravt diplomati og samstarvs- vilja, tí øll hava ymisk ynskir, men tað hevur gingið sera væl kortini, og stemmningurin hevur verið góður, sigur Karin Elsubu- dóttir Heinesen. Í arbeiðinum við at tekna tann mentunarliga profilin hjá Bryggjuni hevur dentur verið lagdur á at fáa felagsskapin fram fyri at fáa eitt markantari út- trykk, sigur Karin Elsubudóttir Heinesen. Tað er millum annað gjørt við at hava felags framsýn- ingar og felags tónleikafram- førslur. Mentanir møtast – Tá mentanir møtast, stendur nakað nýtt upp - eitt nýtt úttrykk ella ein nýggj mentan. Tað nýggja er ikki endiliga danskt ella føroyskt - heldur ikki norðurlendskt. Tað nýtist ikki at hava ein nationalitet ella heiti - vit vilja vera opin fyri øllum, sigur Karin Elsubudóttir Heinesen. Og Keypmannahavn gevur møguleika fyri tí við sínum mongu fólkasløgum og ferðafólkum - londini í Útnorðri fáa nú ein sess nærri miðjuni av Europa og við tí eina víðkaða viðberaflatu og størri møguleika fyri at hitta onnur og aðrar mentanir. Karin Elsubudóttir Heinesen vónar, at Bryggjan verður eitt stað, har nógv ymisk fólk koma. – Nú hava vit skapað rammurnar, so mugu fólk koma við sínum ískoyti, sigur hon og leggur aftrat: – Vit liva í einum alheims- samfelagið við margfaldari mentan, og tað er í hesum andan- um, at vit hava teknað tann mentanarliga profilin á Norður- bryggjuni. Vit í Útnorðri kunnu geva okkara ískoyti til nútímans mentanina, um vit markera okkum meiri, sigur hon. Eitt dømi um rammur fyri nýskapan er matstovan á Norður- bryggjuni. Hon er serlig á tann hátt, at rávørurnar eru úr Føroy- um, Íslandi og Grønlandi, men kokkarnir eru danskir, og teir lata seg hugkveikja av danskari og øðrum meira eksotiskum mentanum. – Hetta, haldi eg, er sera spennandi, tí tað er í hesum førinum at nakað heilt nýtt stendur upp, sigur Karin Elsubu- dóttir Heinesen. Hon samanber hetta við, tá útlendsk listafólk koma til Føroyar at arbeiða og búgva. - Tú hevur eitt útgangsstøði, um tú er vaksin upp í Føroyum - um tú ert vaksin upp í Danmark og flytur til Føroya, upplivir tú føroysku náttúruna heilt annar- leiðis - og tað verður nakað nýtt, sum stendst burtur úr hesum møtinum millum tvær mentanir, sigur hon. Norðurlandahúsið væleydnað Nú hon hevur arbeitt í hesum norðuratlantssamstarvi, heldur Karin Elsubudóttir Heinesen, at føroyingar tykjast serliga áhugaðir í mun til tað norður- lendska samstarvið, og at tað er tí, at Norðurlandahúsið er væleydnað og hevur givið okk- um góðar royndir við norður- lendskum samstarvi. – Tað er ikki so, at onnur eru negativ, men føroyingar síggja sera stórt í norðurlendskum samstarvi og eru sannførdir um, at tað er nakað gott sum spyrst burturúr - tað er eingin ivi um, at positivar royndir við Norður- landahúsinum hava nakað at siga í mun til tað. Norðurlandahúsið merkti fyri okkum, at vit fingu rammur, sum vit ikki høvdu áðrenn, eins og lív og íblástur kom í okkara mentan - tónleik og list - tað hevur heilt avgjørt havt týdning fyri føroyska hugin at fara undir enn eina norður- lendska verkætlan, sigur Karin Elsubudóttir Heinesen. Hon væntar, at føroyingar fara at fáa stóra gleði av Norður- bryggjuni og vónar, at fólk í Føroyum eisini hava Bryggjuna í huganum, tá tey eru í Føroyum og gera vart við seg, um tey hava okkurt gott hugskot til fram- førslur og so framvegis. Størri netverk Samstarvið hevur fyri teirra við- komandi, ið dagliga arbeiða á Norðurbryggjuni, longu ført við sær, at tey vita meir um hvønn annan og hava fingið størri net- verk í hesum høpi. – Vit eru fýra tjóðir umboðað- ar í hesum samstarvinum, men bæði yrkisliga og menniskjans- liga er netverkið nógv meira enn fýrafaldað, eftir at leiðararnir eru fluttir her út. Tað er so ótrúliga stórur munur á, tá tú arbeiðir sama stað og altíð líka kann tosa við onkran um okkurt - spyrja um okkurt. Umstøðurnar verða nógv betri í mun til at fáa vitan ella samband við rætta viðkom- andi í Íslandi, Grønlandi ella Danmark, sigur Karin Elsubu- dóttir Heinesen. Hennara uppgáva á Norður- bryggjuni hevur verið fjølbroytt og fevnt um bæði roknskap, kaffibryggjan og mentan, og tað hevur verið stuttligt og læruríkt, heldur hon. Størsta avbjóðingin hevur verið, at integrera føroysku ynskini í formin á Norðurbryggj- uni. – Tað er av stórum týdningi, at Norðubryggjan avmyndar føroysk ynski um, hvat eitt tílíkt hús skal brúkast til. Hetta er okkara hús - títt og mítt, og tað eru vit sum skulu brúka tað, sigur Karin Elsubudóttir Heinesen. Hon heldur, at Norðurbryggjan fer at økja um áhugan fyri Føroyum, eins og onnur helst fara at skilja okkara støðu betur. – Tað er eisini týdningarmikið, at vit kunnu vísa okkara tónleik og list fram - so onnur síggja, at vit eru nútímans fólk - í heila tikið at umheimurin sær tað modernaðu síðuna av Føroyum, sigur hon og leggur aftrat, at tey eru sera vælnøgd við, hvussu upplatingarfestivalurin eydnaðist. – Áhugin hevur verið sera stórur millum danir - eini 10.000 fólk vitjaðu Norðurbryggjuna um vikuskiftið, tá hon læt upp – tað eru vit nøgd við, sigur Karin Elsubudóttir Heinesen. Hon heldur at fólk, sum hava vitjað Bryggjuna sum heild hava verið sera positiv. Norðurbryggjan – eitt stað har mentanir møtast Heimurin er vorðin lítil og á okkara leiðum alt meiri fjølmentaður - mentanir møtast og í møtinum skapast nýggjar - og tað er í hesum andanum at mentanarligi profilurin hjá Norðurbryggjuni er teknaður, sigur Karin Elsubudóttir Heinesen, sum er mentanarmillumgongumaður ella "kulturformidler" á Norðurbryggjuni Karin Elsubudóttir Heinesen er mentanarmillumgongumaður á Norðurbryggjuni. Hon hevur lisið bókmentafrøði og nútímans mentan á lærda háskúlanum í Keypmannahavn og hevur arbeitt við verkætlanini Norðurbryggjuni í trý ár Føroya Sparikassi 6/171.pdf C M Y K 11 10