mikudagur 2. juni 2010síða 7

7 Mikudagur 2. juni 2010 · Nr. 89 Sosialurin Leo Poulsen Hugskotið hjá Bjartmar Alex­andersson stavar í veru­ leikanum frá Týsklandi. – Eg havi røtur í Týsklandi, og havi tí verið nógv har og ferðast, og tað er stórur mun­ ur á, hvussu nógv meiri týsk­ arar eru tilvitaðir um um­ hvørvið, enn tað eg kenni úr Íslandi, sigur Bjartmar Alex­ andersson. Saman við einum felaga setti hann tí á stovn Green Future við tí endamáli, at savna inn brúktar ell­utir, seta teir í stand og síðani at selja teir aftur í menn­ingar­ londunum. – Íslendsku fyritøkurnar – og vanligi borgarin eisini – tóku sera væl ímóti okkara ætlan, og í Íslandi er tað so, at tú skal gjalda fyri at sleppa av við gomul eltól. Nú kunnu fólk bara lata hesi tól inn til okkum, vit umvæla tey og selja tey so aftur í menn­ingar­londunum, sigur Bjartmar Alexandersson. ST metir, at millum 20 og 50 milliónir tons av elektron­ iskum burturkasti verður fram­leitt um árið, og sjálvt um íslendski, føroyski, ja, norður­lendski parturin er ein dropi í havinum, so er hetta kortini eitt fet rætta veg­in. Í Føroyum eru higartil Føroya Tele, Vodafone, formula.fo, Nema, Expert og Trygg­ingar­felagið Føroyar við í átakinum hjá Green Future, men felagið vónar at fáa fleiri føroyskar fyritøkur við í átakið. Á tíðindafundinum í Klingr­uni hjá Føroya Tele í gjár var eisini lands­stýris­ kvinn­an í umhvørvismálum, Annika Olsen, við, og hon fegn­ast um hetta stigið, sum Green Future hevur tikið. – Hetta er eitt átak, sum bæði er gott fyri um­hvørv­ ið og sum stuðlar und­ir og hjálpir fólkinum í menn­ing­ ar­lond­unum, sigur Annika Olsen. Eltólini eru fyrst og fremst fartelefonir, farteldur, digital myndatól, telduspøl, iPods og líknandi. leo@sosialurin.fo Sp/F Grannskoðaravirkið INPACT | løggilt grannskoðaravirki | R.C. Effersøesgøta 26 | Tórshavn | Tlf. 31 47 00 | inpact@inpact.fo | www.inpact.fo Sosialurin / KvR 34 18 00 Grannskoðaranæmingur Grannskoðaravirkið INPACT sóknast eftir ungum fólki, ið hevur hug og hegni at menna seg í grannskoðarayrkinum. Grannskoðarin er fyrsti ráðgevi hjá nógvum fyritøkum, og yrkið sum grannskoðari krev­ ur tí førleikar at seta seg inn í tær av­ bjóðingar, ið vinnufyritøkur koma út fyri. Til hetta krevst royndir og útbúgvingar, og tað er tí avgerandi fyri okkum at hava væl útbúgvin starvsfólk. Vit nýta tí bæði tíð og orku uppá at útbúgva okkara starvsfólk. Fyri at menna og viðlíkahalda starvsfólka­ hópin sóknast vit tí eftir næmingi at læra seg grannskoðarayrki. Hetta fevnir partvís um at luttaka í teimum arbeiðsuppgávum, ið dagliga koma fyri her á skrivstovuni. At byrja við sum atstøðari hjá royndum grann­ skoðara og við hóskandi uppgávum ann­ ars. Men so við og við verður tú før/ur fyri at átaka tær størri uppgávur og eisini sjálv­ støðuga ábyrgd. Fólk, ið koma í starv hjá okkum fylgja eini útbúgvingarleið, sum ger tey før fyri at arbeiða við eini breiðari viftu av temum avbjóðingum, ið fyritøkur og stovnar í almenna geiranum koma út fyri. Umframt praktiska arbeiðið ímynda vit okkum, at tú byrjar at lesa HD á Føroya Handilsskúla í heyst. Lesnaðurin fer fram eftir arbeiðstíð 2 kvøld um vikuna, umframt í vikuskiftunum. Útbúgvingin tekur til­ samans 4 ár, og er sett saman av 2 pørtum. Fyrri partur tekur 2 ár og gevur eitt breitt handilsligt støði. Annar partur er meiri spesialiseraður, og har fert tú meiri í dýpdina í roknskapi og grannskoðara­ fakinum sum heild. Eftir 4 ára útbúgving ert tú bachelor í búskapi og roknskapi. Um tú hevur hug at halda fram við ástøði­ ligari útbúgving kanst tú halda fram við lesnaði á master stigi. Cand. merc. aud. er ástøðiligi parturin av útbúgvingini hjá einum statsautoriserað­ um/løggildum grannskoðara. Útbúgvingin fer fram við hægri lærustovn í Danmark og kann takast sum sjálvlestur úr Føroyum. Vit gjalda allar kostnaðir til útbúgvingina, umframt at geva tær viðkomandi arbeiðs­ uppgávur og frí til útbúgvingina, tá tað krevst. Men útbúgvingin er krevjandi, og tað er tú, sum førir hana út í lívið. Tann vit sóknast eftir skal hava persónligar eginleikar, so sum: • sjálvstøðug/ ­ur • hevur evni at menna teg við støðugt meiri krevjandi arbeiðsuppgávum • ábyrgdarkenslu Fakligir førleikar: • Miðnámsútbúgving, so sum HH, student, HF ella annað, ið kann javnmetast við hetta. • Um tú væntar at taka prógv í summar, er tú eisini væl komin at søkja. • Dugir enskt í skrift og talu • Góðan telduførleika Um tú hevur hug at søkja og vilt vita meiri, ella um okkurt ivamál er, er tú vælkomin at seta teg í samband við Heina Thomsen, statsaut. revisor tlf. 794707 ella Jógvan Joensen, løggildur grannskoðari tlf. 794722. Vit ætla, at tú byrjar á skrivstovuni hjá okkum í seinasta lagi 1. september 2010. Vit vilja tí fegin hava tína umsókn við prógvum og CV innan 15. juni 2010. Sp/f Grannskoðaravirkið INPACT løggilt grannskoðaravirki R.C. Effersøesgøta 26 Postbox 191 FO­100 Tórshavn Teldupostur: inpact@inpact.fo Sp/f Grannskoðaravirkið Eitt slag fyri umhvørvi og menning ENDURNÝTSLA Hóast íslendska fyritøkan, Green Future, bert hevur átta mánaðir á baki, hava teir longu stovnað deildir í Grønlandi og Føroyum, og innan stutta tíð eisini í Danmark, Noregi og Svøríki Við sær úr Íslandi hevði Bjartmar Alexandersson krukkur við øsku frá Eyjafjallajøkli. Annika Olsen landsstýriskvinna fekk eina av hesum krukkunum. Mynd: Álvur Haraldsen GRØN FRAMTÍÐ