fríggjadagur 16. juli 2010síða 13

13 Fríggjadagur 16. juli 2010 · Nr. 108 Sosialurin Hóast nógv er broytt, hevur eitt verið afturvendandi í útvarpinum á hvørjum ári í nógv ár. Tað er heilsanin jóla­aftan til tann fyrsta jóla­ mannin, sum eftir trúgva og drúgva tænastu lat seg pen­ sjonera frá hesum starvi fyri nú mongum árum síðani. Avloysararnir hava lagt sær eina við at senda gamla jólamanninum eina heilsan, bæði tá hann var staddur úti á trøðni í Grønlandi og nú í seinastuni á Lágargarði í Stoffalág. Hetta var sam­ stundis ein heilsan til álv­ars­ mannin og skemtaran Poul Arna Joensen, sum fyllir 90 ár leygardagin. Poul Arne er kendur fyri so mangt. Eina kendast mundi hann vera sum skemt­ari, og tað var næstan ikki tann veitsla og ikki tað undir­hald, sum hann og vin­ mað­urin Oskar Hermansson ikki vóru til í teirra ungu døg­ um og langt upp í vaksna­ mannaárini – fyri ikki at siga ellisár. Teir fóru blaðungir undir at geva út jólablaðið Følv, tá útlendski blaðstreymurin til Føroya steðgaði undir krígnum, og Følv var fastur jólagestur í flestu føroysku heimum í eitt mannaminni. Søgurnar vóru góðar, frá­sagnirnar áhugaverdar, yrkingarnar á høgum stigi fyri ikki at tala um sangirnar, sum lógu inni í Følvi. Fyrstu árini fingu teir sjálvan Hans Andrias Djurhuus at gera sangirnar, men tá hann fall frá, tóku teir sjálvir yvir – og tað var ikki minni for­ kunnugt. Knarvakotið, framtíðar ljósa hop, var ein sangur, sum rungaði í hvørjum skoti seinnu helvt av fimtiárunum, Sára var ein annar og so við og við komu fleiri full­ treffarar, sum sóu verðina frá teirri skemtiligu síðuni. Frá teimum komu eisini barnasangir, sum rungaðu í útvarpinum dag um dag ár eftir ár – Stórhvalagildið, Lítli Snar og you name it. Í Sjónleikarhúsinum var Poul Arne fastur fús­ur í mong ár. Hann var mill­ um teir trúgvastu at halda sjónleikara- og upp­les­ara­ kynstrinum uppi í út­varp­ in­um, og hann helt seg fram­vegis til at fara á pallin at skemta og yrkja, tá V4 sá dag­sins ljós. Poul Arne er sørvingur, sonur Nesa Kristinu og Jó­ hannus hjá Lona Jógvani. Mamman úr Nesinum í Vest­ manna og pápin úr Sørvági. Poul Arne er miðlingur av sjey systkjum. Bert 15 ára gamal kom hann til Havnar at læra til prentara hjá Ar­ noldi Øster. Har sluppu hann og Oskar at bróta um og prenta Følv, tá alt annað var gjørt. Poul Arne arbeiddi sum prentari í nøkur ár, men so broytti hann kós. Hann fór á heilsøluna hjá Poul Hansen í Havn sum sølumaður. Har var hann í eini 20 ár. So var hann nøkur ár á heilsøluni Grøði, og seinastu 15 árini av arbeiðslívinum sat Poul Arne Joensen innanfyri rút­ in í Havnar Sjúkrakassa og avgreiddi fólk. Hann sá altíð so álvar­ samur út, tá hann hugdi at tær upp um brillurnar í hesum friðsama um­hvørv­ in­um, men eisini har mundi mangur láturin runga innan í honum og okkurt skemtiligt hugskot koma í stropa. Poul Arne var mestsum gamal drongur, tá hann giftist systir Oskar, Svanhild, sum eitt nú var kend fyri sangin um Lítla Snar. Hon doyði fyri góðum fimm árum síðani. Dreingirnir Mourits og Páll Árni hava seks børn, og hesi abbabørnini hava higartil ríkað Poul Arna við fimm langabbabørnum. Poul Arne fór ongantið aftur til Sørvágs at vera. Men saman við brøðrunum Louis og Kristoffuri átti hann snurrváðsbátin ”Akranes” í teirri ringu tíðini fyrst í fimtiárunum. Teir hóraðu undan, og nakað seinni keypti Poul Arne trøðna hjá Jákupi í Snikkarastovu úti í Grønlandi. Har dámdi honum væl at vera og har legði hann nógv fyri.Seinni bygdi hann sær bæði stór og snotulig hús á trøðni. Poul Arne er sjálv­stýris­ maður. Tað gav at bíta eina­ ferð, hann var har vesturi og ferðaðist. Tey gomlu bóðu hann fara at heysa flaggið. Hann segði nei. Hann heysaði ikki danskt flagg á føroyskari jørð. Tá skuldi Nesa Kristina hvessa eftir honum: ”Hvat er tað fyri basillur, tey geva tær í Havn?”. Poul Arne og Oskar vóru útvarpinum trúgvir veitarar á so mangan hátt. Ein ávís­ ur felagsskapur tóktist vera millum teir báðar og út­ varpsstjóran Niels Juel. Teir vóru so javngamlir. Høvdu Oskar og Niels Juel livað, høvdu teir fylt 90 í næsta mánaða. Mangt liggur eftir svágr­ arnar báðar bæði í út­ varpinum og aðrastaðni Í hesum døgum kemur út ein diskur við eldri tættum og vísum. Har liggur parturin hjá Poul Arna og Oskari ikki eftir. Frálíkt, at hetta er varðveitt og nú verður komandi framat. Sumt hevur sín uppruna úr Følv, annað úr útvarpinum og upp aftur annað frá plátuútgávum. 90 ár eru ikki 90 dagar. Nógv vatn er runnið í ánni hesi árini, síðani Poul Arne varð borin í heim 17. juli 1920. Eg ivist ikki í, at Poul Arne við sínum bæði álvarsama og skemtiliga lyndi hevur fingið nógv burtur úr lívinum bæði so og so. Til lukku við degnum og takk fyri mangan pakkan. Heilsan Jógvan Arge Nøvn Magnus Gunnarsson maggi@sosialurin.fo Tøkk Satt at siga stúrdi eg ikki sørt fyri syftunsøkuni; men nú hon er farin, skal eg við hesum takka øllum tykkum, sum stákaðust, stukku inn á gólvið og í góðveðrinum á annan hátt gjørdu mær 80 ára dagin millum teir bestu, meg ørminnist. Heini Olsen Andlát Okkara kæra mamma, omma og langomma A.J. Ellen M. Poulsen fødd djurhuus 10.08.1911 andaðist friðarliga hin 7. juli 2010. Kórseting verður hin 20. juli kl. 10.00 í Jóhannus kirkjuni, Blegdamsvej, Keypmannahavn. Jonna, Esben og familjan Tøkk øllum tykkum, ið á ymiskan hátt sýndu okkum samkenslu og hjálpsemi tá okkara kæri Jákup Stefansson Tórshavn andaðist og varð jarðaður, takka vit hjartaliga. Tøkk til Una Næs prest, fyri góð og troystarík orð í kapellinum og kirkjuni. Tøkk til organistar, kirkjutænarar og sangarar. Tøkk fyri kransar og blómur og tøkk til tykkum, ið fylgdu honum til hansara seinasta hvíldarstað. Familjunnar vegna Jacobina Hósdagin 15. juli læt ein fram­sýning hjá lista­mann­ inum Erik Haagemann upp í Smiðjuni í Lítluvík. Talan er um eina fram­ sýning við 20 málningum, har myndevnini eru føroysk. Erik Haagemann, sum er búsitandi í Keypmannahavn, er hálvur føroyingur. Mamm­ an er ættað úr Trongisvági. Umframt at hann er útbúgvin skúlalærari, er hann eisini bachelor í listasøgu. Hetta er fjórðu ferð síðan 2001, at Haagemann hevur framsýning í Smiðjuni. Fram­sýningin er opin til og við mikudagin 21. juli. Allar dagar frá kl. 13-18. Erik Haagemann hevur í hesum døgum framsýning í Smiðjuni í Lítluvík Mynd: Magnus Gunnarsson Haagemann í Smiðjuni Jólamaðurin Poul Arne Joensen fyllir 90