týsdagur 13. januar 2004síða 7

12 Nr. 7 - 13. januar 2004 Nr. 7 - 13. januar 2004 13 Tjóðveldisflokkurin liggur aftan fyri allar hinar stóru flokkar- nar í kappingini um at vinna umboð í Suðuroy SUÐUROYAR VALDØMI Jóannes Hansen Hevði løgtingsvalið havt verið hóskvøldið í síðstu viku, hevði Sambands- flokkurin vunnið eina so- vorðna støðu í Suðuroy, sum hann ikki hevur havt í 45 ár. Hetta hevði gingið út yvir Tjóðveldisflokkin, sum sambært veljarakann- ingini hevði langt frá at endurvinna sessin, sum teir á flestu valunum síðani 1970 hava átt. Javnaðarflokkurin varð- veitir støðuna sum nógv tann størsti flokkurin í Suð- uroyar valdømi. Sambært kanningini fer hann at endurvinna teir báðar sess- irnar, sum hann í minst lag- ið hevur vunnið á øllum valunum síðani í 1936. Í kanningini fær Javnað- arflokkurin fyrsta mannin við 40,5 prosentum, Sam- bandsflokkurin fær annan mannin við 31,3 %, Javn- aðarflokkurin triðja mannin við 20,25 %, og Sambands- flokkurin fjórða mannin við 15,65 %. Í kanningini hevur Javnaðarflokkurin 13,5 % í kappingini um triðja mannin.Tað er meiri, enn Fólkaflokkurin hevur við 12,1 % og meiri enn Tjóðveldisflokkurin, sum hevur 11,6 prosent. Framúr sambandsstøða Tað er ikki púra ókent, at Sambandsflokkurin hevur átt tveir valdømisvaldar tingmenn í Suðuroy, men nú er tað langt síðani, at tað kom fyri. Í vælmaktsdøg- unum hjá Paula Ellefsen seinnapartin av sjeyti árun- um og fyrrapartin av áttati árunum, tá ið Sambands- flokkurin hevði sera sterka støðu, eydnaðist tað ongan- tíð. Vit skulu heilt aftur til 1954 fyri at finna síðsta valið, tá ið Sambandsflokk- urin vann tveir valdømis- valdar í Suðuroy. Ta ferðina vórðu bæði Kristian Djur- huus og Andreas Djurhuus valdir. Á valinum í 1958 varð Kristian Djurhuus val- dømisvaldur og Andreas Djurhuus eykavaldur, og síðani hevur Sambands- flokkurin hvørja ferð átt ein valdømisvaldan tingmann í Suðuroy. Nú tykjast góðir møgu- leikar vera fyri, at Sam- bandsflokkurin í Suðuroy skal endurvinna støðuna, sum teir áttu, tá ið Kristian Djurhuus hevði verið løg- maður í fýra ár. Sammett við løgtingsvalið i 2002 vinnur Sambandsflokkuin í Suðuroy 5,3 %, og tað kann ikki sigast annað enn at vera stórsigur. Javnaðarflokkurin hevur fleiri ferðir átt tríggjar val- dømisvaldar tingmenn í Suðuroy. Síðsta ferðin, at teir rukku so góðum úrsliti í Suðuroy, var í 1990. Sam- bært stóru kanningini hós- kvøldið er møguleikin fyri trimum valdømisvaldum javnaðarumboðum í Suður- oy ikki heilt burtur. Hann er nærri, enn møguleikin fyri at Tjóðveldisflokkurin skal endurvinna sína umboðan tykist vera og enn at Fólka- flokkurin skal vinna val- dømisvaldan tingmann. Men skal tað eydnast hjá javnaðarmonnunum at vinna triðja mannin, so skulu teir hesa síðstu vikuna í valstríðnum vinna meiri enn tvey prosent inn á Sambandsflokkin. Tjóðveldið aftan fyri Fólkaflokkin Sum allar aðra staðni kring landið, so tykist Tjóðveld- isflokkurin at gerast stóri taparin í Suðuroy. Teir standa til at missa 6,9 pro- sent. Harvið skal nógv komandi týsdag venda upp, sum nú vendir niður, um umboðið skal endurvinn- ast. Sambært kanningini fær Tjóðveldisflokkurin tveir eykavaldar tingmenn. Tað er møguleiki fyri, at annar verður valdur í Suð- uroy, men tann møguleikin er ikki serliga eyðsýndur, nú undirtøkan er minkað niður í 11,6 prosent. Fyri aðru ferð hevur Fólkaflokkurin landsstýris- mann úr Suðuroy. Fyrru ferðina eydnaðist tað ikki at vinna tingsess burtur úr umboðanini. Kanningin hóskvøldið bendir á, at tað heldur ikki við Jacobi Vest- ergaard fer at eydnast Fólkaflokkinum at vinna valdømisvaldan mann í Suðuroy. Men Fólkaflokk- urin tykist vera farin fram- um Tjóðveldisflokkin, sum við tveimum undantøkum (1978-1980 og 1994-1998) hevur átt valdømisvaldan mann í Suðuroy. Síðst Fólkaflokkurin í Suðuroy átti valdømisvald- an tingmann var í 1950, tá ið Martin Holm, sáli, varð valdur. Í 1958 varð Niels Holm Jacobsen eykavaldur fyri Fólkaflokkin í Suður- oy, men síðani 1962 hevur Fólkaflokkurin einki um- boð havt í Suðuroy. Veljarakanningin ber møguleikan við sær fyri, at Fólkaflokkur- in fyri fyrstu ferð síð- ani á valinum í 1974 bara fer at fáa ein val- dømisvaldan ting- mann í Suðurstreymi SUÐUAR- STREYMOYAR VALDØMI Jóannes Hansen Í Suðurstreymoyar valdømi er ein triðingur av samlaða atkvøðutalinum. Umframt í kappingini um teir átta val- dømisvaldu tingmenninar er tað rættuliga avgerandi fyri landsúrslitið og harvið býtið at eykavaldum ting- monnum, hvussu undirtøk- an er í Suðurstreymi. Hetta sæst hesa ferð serliga aftur hjá Fólkaflokkinum, sum sammett við síðsta løg- tingsval í kanningini stend- ur seg hampuliga væl í øll- um hinum valdømunum. Men í Suðurstreymi missir hann 3%. Í veljarakanningini er Sambandsflokkurin størst- ur í Suðurstreymi. At Sam- bandsflokkurin er størstur í høvuðsstaðnum er ikki nakað nýtt. Tað hevur hann so ofta verið áður. Fram- gongdin hjá Sambands- flokkinum er ikki so stór, sum hon í kanningini er í hinum valdømunum. Støðan hjá Sambands- flokkinum í Suðurstreymi var hóskvøldið so mikið sterk, at flokkurin hevði vunnið tríggjar av átta val- dømisvaldum tingmonnum, um valið hevði verið tá. Um tað eydnast Sambands- flokkinum at vinna trý umboð í Suðurstreymi, so verður hetta onnur ferðin, at teir fara at fáa so góða undirtøku, síðani vallógin í 1978 varð broytt og Suður- streymoy fekk tillutað átta valdømisvaldar tingmenn. Fyrra ferðin var í 1994. Síðani 2002 hevur Sam- bandsflokkurin átt trý um- boð í Suðurstreymi. Lis- beth L. Petersen og Heðin Mortensen hava verið val- dømisvald, og Kaj Leo Jo- hannesen hevur verið eyka- valdur. Tjóðveldið og Fólkaflokkurin missa Sambært veljarakanningina hóskvøldið hevði Tjóðveld- isflokkurin mist ein av teimum trimum valdømis- valdu tingmonnunum, og Fólkaflokkurin hevði mist annan av tveimum val- dømisvaldu tingmonnun- um. Men talan er um rættu- liga tætta kapping. Triði sambandsmaðurin verður í kanningini valdur við 9,3 %, og Fólkaflokkurin verð- ur við 8,6 % ov stuttur til at vinna nummar tvey mann- in. Tjóðveldisflokkurin, sum hevur átt trý umboð í Suð- urstreymi tvær tær seinastu ferðirnar, er við 7,9 % í kanningini langt frá at fáa triðja mannin. Javnaðarflokkurin hevur síðsta valskeiðið bara átt ein valdømisvaldan ting- mann í Suðurstreymi. Sam- bært kanningini hóskvøldið tykjast vánir verða fyri at endurvinna tvey umboð, sum Javnaðarflokkurin átti á valinum í 1998. Smáu flokkarnir tykjast ikki at hava møguleika at vinna valdømisvalt umboð. Eingin ivi er um, at eyka- maðurin hjá Miðflokkinum verður valdur í Suður- streymoy, og Sjálvstýris- flokkurin kappast við Eyst- uroyar valdømi um teirra eykamann. Kendir persónar í klønum tráði Bæði í Fólkaflokkinum og Tjóðveldisflokkinum er sannlíkt, at um teir missa ein av valdømisvaldu ting- monnunum, so fara teir at fáa eykavaldar tingmenn í Suðurstreymi. Men tað er altíð meiri óvist við eyka- valdu monnunum, enn tað er við teimum valdømis- valdu. Um Fólkaflokkurin miss- ir ein valdømisvaldan, so stendur landsstýrismaðurin í vinnumálum, Bjarni Djur- holm ella formaðurin í tingbólkinum, Óli Breck- mann, fyri falli. Harafturat skal havast í huga, at Poul Michelsen, sum hevur verið í tinginum, meðan Bjarni Djurholm hevur verið landsstýrismaður, hevur verið mettur sum hóttan ímóti teimum báðum fyrr nevndu, nú Bjarti Mohr ikki er á fólkaflokslistanum í Suðurstreymi. Møguligir taparar hjá Tjóðveldisflokkinum eru Kristina Háfoss, Annita á Fríðriksmørk og Høgni Hoydal, sum hava átt teir tríggjar umdømisvaldu sessirnar í Suðurstreymi. Og so skal leggjast afturat, at Jógvan Arge og Rói Eg- holm, sum hava verið í tinginum partar av síðsta valskeiðnum, og Finnur Helmsdal, sum bar seg undan at møta, eru á lista- num í Suðurstreymi. So har verður rættuliga trongligt. Á javnaðarlistanum hev- ur Katrin Dahl Jacobsen verið valdømisvalt umboð. Kristian Magnussen hevur verið eykavaldur. Millum kappingarneytarnar hjá teimum telist eitt nú Helena Dam á Neystabø. Sambandið søguligan sigur í Suðuroy Mynd: Johan Dahl Ikki síðani 1954 hevur Sambandsflokkurin átt tveir umdømisvaldar tingmenn í Suðuroy, men sambært veljarakanningini, so fær Johan Dahl ein partamann aftrurat í oynni eftir 20. januar Sambandið størst í høvuðsstaðnum Saman við Óla Breckmann er Bjarni Djurholm í vanda fyri at missa sessin í Suðurstreymoy sambært nýggju veljarakanningini C M Y K 13 12 Fólkaflokkurin er framvegis størsti flokkur, og Sam- bandsflokkurin tykist ikki hava ongan møguleika at vinna valdømisvalda mann- in, sum teir ikki hava átt í meiri enn 60 ár NORÐOYA VALDØMI Jóannes Hansen Sum í flestu av hinum val- dømunum, so verður tað stríðið næstu dagarnar um ivasomu atkvøðurnar, ið fer at gera av, hvør verður triðji og fjórði valdømisvaldi tingmaðurin í Norðoyggj- um. Kanningin hóskvøldið staðfestir, at Fólkaflokkurin heldur rimmar fast um støðuna sum størsti flokkur í valdøminum hjá Anfinni Kallsberg, løgmanni. Hesa støðuna hevur flokkurin havt síðani í sjeyti árunum. Á valinum fyri tveimum ár- um síðani var munurin frá Fólkaflokkinum og aftur til hinar flokkarnar størri, enn hann áður hevur verið síð- ani krígsárini, og kanningin hóskvøldið bendir á, at Fólkaflokkurin framvegis er væl størstur og tískil liggur til at fáa fyrsta val- dømisvalda tingmannin. Tjóðveldisflokkurin hevði í 2002 afturgongd í Norðoya valdømi, og kann- ingin boðar frá, at flokkurin eisini hesa ferð fer at missa í valdøminum hjá Heina O. Heinesen, formanni í ting- bólkinum, og Karsteni Hansen, fyrrverandi lands- stýrismanni í fíggjarmál- um. Hóast Tjóðveldisflokk- urin tykist fara at missa, so tykist hann framvegis at vera so mikið væl fyri har norðuri, at hann fer at vinna næstfyrsta valdømisvalda mannin. Hvussu tað verður við triðja og fjórða manninum í Norðoyggjum er rættuliga óvist. Javnaðarflokkurin er í kanningini á triðja plássi- num og tykist harvið at hava møguleika at endur- vinna triðja mannin og sessin, sum teir uttan slit hava átt í valdøminum síð- ani 1950. Fólkaflokkurin er á fjórða plássinum og er í kanningini besta boðið upp á fjórða valdømisvalda mannin. Tað vil við øðrum orðum siga, at um lutfallið á valinum týsdagin verður tað sama, sum tað er í kann- ingini, so verður floksum- boðanin í Norðoya valdømi at verða nett tann sama, sum hon hevur verið tey bæði seinastu árini. Javnaðarflokkurin og Vil- helm Johannesen á triðja plássinum tykjast at eiga so mikið góða undirtøku, at tað fer at eydnast hjá teimum at endurvinna sess- in. Men tað kann ikki heilt síggjast burtur frá møgu- leikanum, at tætta kapp- ingin millum Fólkaflokkin við 17,05 % á fjórða plássinum og Sambands- flokkin við 16,0 % á fimta plássinum kann gerast so stór, at Javnaðarflokkurin fer at detta niður ímillum. Sambandsflokkurin var um reppið at vinna umboð í Norðoyggjum á valinum í 1994. Ta ferðina var Sam- bandsflokkurin bara átta at- kvøður frá Javnaðarflokki- num og fjórða manninum. Sambandsflokkurin hevur ikki vunnið valdømisvalt umboð í Norðoya valdømi síðani á valinum 30. januar í 1940. Ta ferðina var O. F. Joensen ella Óli í Skúla valdur. Hann varð eyka- valdur í 1943, 1945 og aftur í 1950. Í 1978 og 1980 hevði stóra undirtøkan hjá Paula Ellefsen við sær, at Eli Nolsøe varð eykavaldur í Norðoyggjum. Síðani tá hevur Sambandsflokkurin ikki verið umboðaður í Norðoyggjum, og tað eru altso 64 ár síðani, at flokk- urin seinast vann valdømis- valdan tingmann í Norðoya valdømi. Sjálvstýrisflokkurin langt frá umboðan Síðani valdømisvaldu ting- menninir fyri Norðoyggjar við broytingini í vallógini í 1978 tvífaldaðust úr tveim- um og upp í fýra, hevur Sjálvstýrisflokkurin fleiri ferðir vunnið ein av monn- unum. Kanningin hós- kvøldið bendir á, at tað ikki longur er realistiskt at rokna við hesum møgu- leikanum. Hóast Sjálvstýr- isflokkurin eigur lutfalsliga størri umboðan í Norð- oyggjum enn í nøkrum øðr- um valdømi, so skal hann - sammett við kanningina hóskvøldið - meiri enn tví- faldast í Norðoyggjum á valinum týsdagin, um hann skal hava møguleika at kappast um valdømisvaldu tingmenninar. Asbjørn Joensen, sáli, var valdømisvaldur ting- maður fyri Sjálvstýris- flokkin í Norðoyggjum fleiri ferðir. Hann varð valdur í 1978, 1980, 1984 og aftur í 1990. Í 1994 end- urvann Álvur Zachariasen sessin fyri Sjálvstýrisflokk- in í Norðoyggjum. Síðani hann fall á valinum í 1998, hevur Sjálvstýrisflokkurin ikki rokkið nóg dyggari undirtøku at vinna valdøm- isvaldan tingmann. Sjálvstýrisflokkurin í Norðoyggjum var fyri tveimum árum síðani við í kappingini um einsamalla eykavalda tingmannin hjá flokkinum. Um veljararnir flokka seg soleiðis týsdag- in, sum teir gjørdu í kann- ingini hóskvøldið, so tykj- ast møguleikarnir smáir fyri, at einsamalli sjálvstýr- ismaðurin skal verða valdur í Norðoyggjum. Miðflokkurin hevur ong- antíð havt umboðan í Norð- oyggjum. Hóast talan hevur verið um støðuga fram- gongd hjá flokkinum á øll- um valunum, síðani flokk- urin varð stovnaður, so er undirtøkan í Norðoyggjum framvegis ikki nóg stór til, at tað ber til at ímynda sær, at flokkurin í Norðoyggjum fer at fáa eykavalt umboð. Norðoyingar liggja í stórari kapping Sambandsflokkurin tykjast skula varð- veita sína stinnu støðu í Norðstreymi, har kappingin er sera stór um seinna mannin, og har úrslitið tykist torførari at meta um, enn tað er nakra aðra staðni NORÐSTREYMOYAR VALDØMI Jóannes Hansen Eingin ivi er um tað. Sam- bandsflokkurin, sum burt- ursæð frá valskeiðnum 1998-2002 hevur átt um- boðan í Norðstreymi, er sambært kanningini hós- kvøldið so nógv stinnastur, at tað ikki ber til at ímynda sær, at hann ikki fer at fáa fyrra mannin. Tað er so mikið tætt í kappingini um seinna mannin í Norðstreymi, at tað als ikki ber til at rokna við, hvør fer at verða vald- ur. Javnaðarflokkurin við 21,3% liggur sambært kanningini hóskvøldið best fyri, men tað er heilt stutt aftur til Tjóðveldisflokkin við 20,4 og Fólkaflokkin við 20,0%. Seinastu tvey árini hevur Tjóðveldis- flokkurin átt umboð í Norðstreymi saman við Sambandsflokkinum. Tað eru fleiri viðurskifti og umstøður, sum mugu roknast at gera tað uppaftur torførari at meta um gongd- ina í Norðstreymi, enn tað plagar at vera. Eitt er, at tað fyri tveimum árum síðani fyri fyrstu ferð í rættuliga nógv ár eydnaðist bygdun- um í Sundalagnum at vinna tingmann. Tað eydnaðist, tá ið Heðin Zachariasen vann eykavalda sessin hjá Fólka- flokkinum. Spurningurin er nú, í hvønn mun tað, at tað eydnaðist seinast, fer at hava við sær, at Heðin fer at fáa størri undirtøku. Tað kann roknast við, at Heðin Zachariasen fer at fáa dygga kapping frá vest- menningum. Fyri tveimum árum síðani vóru tveir vest- menningar á fólkafloks- listanum. Nú er Ingi Olsen, sum seinast var næst- fremstur, einsamallur úr Vestmanna á fólkafloks- listanum. Ein annar spurningur er, hvussu Tjóðveldisflokkurin fer at standa seg í Vest- manna og í Kollafirði. Í Vestmanna er Jógvan Dur- huus, sum var tingmaður tað mesta av tíðini frá 1970 og fram til síðsta valskeið, tá ið hann viðhvørt var inni fyri Niklaa Petersen, ikki á listanum. Tað hevur onkra ferðina víst seg, at veljarar ikki bara skifta persón, men eisini kunnu finna upp á at skifta flokk, tá ið tey ikki kunnu atkvøða fyri tí, sum tey annars hava atkvøtt fyri. Kollfirðingar hava nógvu tær seinastu ferðirnar skift nógv millum flokkar. Teir settu fleiri ferðir Thomas Arabo úr Javnaðarflokki- num á ting, teir hava tikið undir við bæði Terja David- sen úr Sambandsflokkinum og Jákup Suna Joensen úr Fólkaflokkinum, og seinast settu teir Nikláa Petersen á ting. Einki er at ivast í, at um tað eydnast Javnaðarflokki- num at varðveita næst- fremsta plássið, sum kann- ingin hóskvøldið legði upp til, at teir hava møguleika at vinna, so verður tað Hans Pauli Strøm, ið fer at verða valdur. Hans Pauli var eykavaldur 1998-2002. Bæði Javnaðarflokkurin í Norðstreymi og Hans Pauli Strøm persónliga høvdu framgongd á valinum fyri tveimum árum síðani, men tað var ikki nóg mikið til at vinna valdømisvaldan ting- sess, og eykamaðurin hjá Javnaðarflokkinum flutti í Suðurstreymoy. Tvær tær seinastu ferðir- nar hevur ein eykavaldur tingmaður verið úr Norð- streymi. Síðsta valskeiðið hevur hann, sum sagt, verið Heðin Zachariasen úr Fólkaflokkinum og næst- síðsta valskeiðið var tað Hans Pauli Strøm úr Javn- aðarflokkinum. Møguleiki tykist vera fyri, at tað aftur eftir valið týsdagin verður ein eykavaldur tingmaður úr Norðstreymi. Tað kann eitt nú gerast veruleiki, um Tjóðveldisflokkurin missir valdømisvalda tingmannin, og um atkvøðubýtið kring landið verður umleið so- leiðis, sum tað var í kann- ingini hóskvøldið. Tríggir flokkar kappast um ein sess Eingin ivi er um, at Sambandsflokkurin fer at fáa fyrra mann- in í Vágum, meðan Javnaðarflokkurin tykist hava møguleika at blanda seg í kapp- ingina millum Fólka- flokkin og Sambands- flokkin um seinna mannin VÁGA VALDØMI Jóannes Hansen Vága valdømi er háborgin hjá Sambandsflokkinum. Sambært veljarakanningini hóskvøldið fær Sambands- flokkurin nú dyggari undir- tøku í Vágum, enn Javnað- arflokkurin hevur í Suður- oy. Tað er óhoyrt. Við 41,4 % av atkvøðun- um í kanningini tykist tað ivaleyst, at Sambands- flokkurin fer at fáa fyrra valdømisvalda mannin. Stóri spurningurin er, um tað fer at eydnast sam- bandsmonnunum í Vágum eisini at vinna hin mannin. Um úrslitið á valinum um eina viku verður tað sama, sum kanningarúrslitið hós- kvøldið vísti, so fer Sam- bandsflokkurin at vinna báðar tingmenninar í Vág- um. Síðani floksbýtið í 1906 er tað ongantíð komið fyri, at Sambandsflokkurin hev- ur vunnið báðar tingmenn- inar í Vágum. Nakrar ferðir er tað komið fyri, at aðrir flokkar hava megnað hetta. Tá ið tað bara vóru tveir flokkar, átti Sjálvstýris- flokkurin fleiri ferðir báðar tingmenninar í Vágum, og undir krígnum, tá ið Fólka- flokkurin var so sera stinn- ur, vunnu teir bæði umboð- ini í Vágum. Tað var í 1943. Í veljarakanningini, sum tríggjar vikur undan vali- num fyri tveimum árum síðani varð gjørd í teimum sjey valdømunum, vístu tølini í Vágum, at Sam- bandsflokkurin stóð til at vinna báðar tingmenninar. Men rákið broyttist eitt sindur í valstríðnum. Á valinum 30. apríl var Sam- bandsflokkurin størstur við 38 %, meðan Fólkaflokkur- in fekk 24 prosent, og har- við vunnu hesir báðir hvør sítt umboð. Kanningin hóskvøldið vísti, at Fólkaflokkurin framvegis hevur møguleika at endurvinna sessin, sum Jørgen Niclasen hevur vunnið tríggjar tær seinastu ferðirnar. Til seinna mannin hevur Sambandsflokkurin 20,7 %, og Fólkaflokkurin hevur 20,6 %. Flokkarnir liggja altso stavn um stavn, og teir eru ikki einsamallir í kappingini. Í veljarakann- ingini hóskvøldið hevði Javnaðarflokkurin 19,9 prosent av veljarunum í Vága valdømi í sínum parti. Harvið má metast, at teir hava møguleika at vinna sessin. Í 1990 varð undan løg- tingsvalinum roknað við, at Sambandsflokkurin var tryggur størsti flokkur í Vágum. Stóri spurningurin var, um tað fór at verða Fólkaflokkurin ella Javnað- arflokkurin, sum fóru at vinna seinna mannin. Henda kappingini gjørdist so intens, at báðir flokkar- nir vunnu. Sambandsflokk- urin misti sín mann! Burtursæð frá í 1990 hevur Sambandsflokkurin átt annan tingmannin í Vága valdømi síðani 1978. Fólkaflokkurin hevur átt umboð í Vága valdømi á øllum valunum síðani 1980. Javnaðarflokkurin hevur ikki verið umboðaður í Vágum síðani í 1994. Í tíð- arskeiðnum 1958 og fram til 1980 átti Javnaðar- flokkurin – undantikið 1966–1970 – hvørja ferð valdømisvaldan tingmann í Vágum. Tjóðveldisflokkurin hev- ur bara eina ferð átt val- dømisvaldan tingmann í Vágum. Tað var í 1954, tá ið D. P. Danielsen varð valdur. Á valinum í 1950 var hann eykavaldur í Vág- um. Annars hevur Tjóð- veldisflokkurin ongantíð vunnið umboð í Vágum, og kanningin hóskvøldið boð- ar frá, at vánirnar hjá tjóð- veldismonnunum í Vágum eru einki serligar hesa ferð. Sambandið á veg móti tveimum vágamonnum