týsdagur 13. januar 2004síða 12

22 Nr. 7 - 13. januar 2004 Nr. 7 - 13. januar 2004 23 Í gott eitt ár hevur kjakið á Norðlýsinum koyrt. Trupulleikarni- r hava ikki verið stór- ir, tó at tað hevur verið púra opið. Men framyvir verður tað stýrt av blaðleiðsluni, tí at ov harðligar við- merkingar hava verið koyrdar út á kjakið, síðani valstríðið byrjaði KJAK Solby A. Eliasen solby@sosialurin.fo Klaksvík: Kjakið á Norð- lýsinum hevur verið dúg- liga vitjað, síðani tað byrj- aði fyri einum ári síðani. Oliver Joensen, blaðstjóri, sigur, at teir hava verið vælnøgdir við tað, sum hevur verið. Okkurt hevur kanska verið heldur óhepp- ið, men sum heild hevur onki verið at finnast at á kjakinum. Inntil nú. – Síðani valið varð út- skrivað, hava vit havt fleiri innlegg í kjakinum, sum eru beinleiðis grov og leggja eftir persónum, og tað ber ikki til, sigur Oliver. Talan er um skuldsetingar móti politikkarum, sum eru uppstillaðir til løgtingsval- ið. Tí er avgerð nú tikin um, at kjakið framyvir verður stýrt. Tað vil siga, at um ein ynskir at skriva eina við- merking til kjakið á Norð- lýsinum hevur ein tveir møguleikar. Antin teknar ein seg sum lim á kjakinum og fær eitt loyniorð, ella kann ein senda ein teldupost til blað- leiðsluna, sum so skal góð- kenna innleggið, áðrenn tað verður alment. Royndarár Hetta árið, har kjakið hevur koyrt, hevur verið eitt so- kallað royndarár. Kjakast hevur serliga verið um ítrótt og ymisk viðurskifti í Klaksvík. Sum heild hevur kjakið roynst væl, og hevur tað fingið góðan respons bæði heima og serliga mill- um føroyingar uttanlanda. Tað ger, at Oliver vil ikki koyra tað burtur. Men hel- dur royna at stýra tí fram- yvir, so sleppast kann undan keðiligum og óhepn- um pástandum, sum kunnu raka persónar meint. – Tað er stórt spell, at vit mugu í holt við at stýra kjakinum, men vit hava kortini vitað um vandan við einum opnum kjaki allatíð- ina, og tí var hetta fyrsta árið sett sum royndarár, sigur blaðstjórin á Norðlýs- inum, sum samstundis leggur afturat, at talan helst er um óumhugsað innlegg enn óreinheitir. NSÍ og Reyð Krossur lótu politisk valevni glímast undir inn- savning av peningi til jarðskjálvta offur í Iran NEYÐHJÁLP Búi Tyril / PRnewsMedia.com Fitt av fólki leitaði sær leygardagin í Ítróttarhøllina í Runavík til gaman og álvara, nevniliga fyri at síggja valevni frá teimum politisku flokkunum fara til hendurs í fullari semju um at útvega peningaliga hjálp til offur fyri jarðskjálvta vanlukkuna í Bam, Iran. Allur peningur sum kom inn skuldi óskerdur fara til neyðhjálpina. Tað skiltist á lagnum at fólk vóru sum heild væl nøgd við tiltakið. - Tað gekk ógvuliga væl við øllum og vit vóru nøgd við at 150-200 fólk møttu upp, sigur Valdemar Olsen, samskipari hjá Nes Sóknar Ítróttarfelag. Stuttligari kundi tað neyvan blíva. Sterkasti glímari vísti seg at vera eingin minni enn Rubek Lillaa úr Hinum Stuttliga Flokkinum. Meðan NSÍ við hjálp av bæði hornorkestri og einum væl uppløgdum Hilmar Jan Hansen stóð fyri gamans- leikinum, tók Reyði Kross- ur hond um tað meira álvarsliga. Atgongdin til til- takið var ókeypis men búss- an gekk runt, girokort og annað tilfar varð spreitt út og fólk vórðu uppmuntrað til at ringja eitt telefon- nummar sum automatiskt dregur 100 krónur til Reyða Kross umvegis telefon- rokningina. Sum skilst hevði tiltakið fyrimynd í Týsklandi har ítróttarfeløg í seinastuni hava skipað fyri innsavning til frama fyri offrini í Bam. - Ógvuliga lítið er avsett á Løgtingsins fíggjarlóg til neyðhjálp, viðmerkir Valdemar Olsen. - Men kanska hesir góðu glímarar fara at broyta hetta um teir verða valdir inn. Valstríðið er í hædd- ini. Nógv tos um politikk, og vallyftini flúgva runt í luftini. Men nøkur eru, sum búgva í hesum land- inum, sum ongan valrætt hava enn. Tey kenna ikki nógv til politikk, men onkur politikkari er teimum kendur kortini. Sosi- alurin hevur tosað við fýra børn, sum ganga í 1. b í skúlan- um við Ósánna PRÁT Solby A. Eliasen solby@sosialurin.fo Klaksvík: – S – O – S – I – A – L – U – R – I – N. Har stendur sosjialurin, er eitt tað fyrsta, sum sjey ára gamli Gulak sigur, tá vit koma á gátt. – Eg veit væl, hvat tað er…tað er eitt blað, heldur hann fram. Hini trý úr flokkinum nikka eisini fyri at vísa, at tey eisini kenna. – Eg havi hoyrt, at tá man tekur mynd við sovorðnum, so kemur man í blaðið, sig- ur Hákun og peikar á myndatólið hjá mynda- manninum. Men tá vit byrja at siga teimum, hvat tað er, vit eru komin at tosa um, rista tey við høvdinum og siga, at tey vita onki um politikk. Tá tey verða spurd um tey vita, hvør er løgmaður, siga tey fyrst nei. – Eg veit, hvussu hann sær út. Eg havi sæð hann í nýggja Trølla Pætur filmin- um, men eg veit ikki, hvussu hann eitur. Eg haldi, at hann eitur Jógvan, sigur Hákun. Og tá kemur lív í hini trý. Tey hava eisini sæð løgmann í Trølla Pætur filminum. – Hann gav Trølla omm- uni og Trølla Pætur, sigur Ásla. – Eisini politistunum, skoytir Elna uppí. – Å, er tað hann? Hann hevur verið hjá okkum, sig- ur Gulak, men heldur ikki hann minnist navnið á løg- manni. Kenna ongar Hesir fýra næmingarnir í fyrsta flokki siga øll, at tey vita onki um politikk, og ei heldur kenna tey nakran politikkara. Ella rættari sagt næstan ongan. – Eg kenni ein. Eg haldi, at hann eitur Jógvan. Hann eigur í øllum førum nógvar pengar í pengabankanum harúti, sigur Hákun og peikar móti vindeyganum. Gulak heldur, at Jógvan politiovastin í Trølla Pætur filminum átti at bestemmað í Føroyum. – Hann er ræðuliga strangur, so tað kundi hann gott, sigur Ásla og nikkar við Gulaki. – Eg haldi, at allir polit- ikkararnir hava sæð, hvussu man ger Trølla Pætur filmin, so um tað passar, so hevði eg viljað verið politikkari, sigur Hákun og sær sera hugsunarsamur út. Men so ristir hann við høvdinum og sigur, at hann heldur vil verða tannlækni. Hini trý, Elna, Ásla og Gulak siga tað sama. Tey vilja heldur ikki verða politikkarar, tá tey verða stór. Glímarar rætta hjálpandi hond til offur Finalan kom at standa millum Bill Justinusen úr Miðflokkinum og Rubek Lillaa úr Hinum Stuttliga Flokkinum Foto: Maria Olsen / PRnewsMedia.com Kenna løgmann frá Trølla Pæturi Tey fýra, Elna, Hákun, Ásla og Gulak kenna av góðum grundum ikki nógv til politikk. Men tey vita, hvussu løgmaður sær út frá nýggja Trølla Pætur filminum Mynd: Bárður Lydersen Kjakið á Norðlýsinum ov grovt Oliver Joensen, blaðstjóri á Norðlýsinum, heldur tað vera stórt spell, at kjakið hjá teimum nú má verða stýrt, tí at nøkur ikki duga at sýna sømiligan atburð inni á kjakinum Hans Pauli er ovfarin Hans Pauli Strøm er ovfarin av góða úr- slitinum hjá Javnað- arflokkinum í Norð- streymi. Ja men tað er heilt ótrúligt, at møguleikin fyri at vinna tingsessin longu er í hondun- um, sigur hann. Heðin Zachariasen úr Fólkaflokkinum hevur góðar vónar um tingsess og vænt- ar eitt ómetaliga spennandi val í Norðstreymi VELJARAKANNING Páll Holm Johannesen pall@sosialurin.fo – Ja men tað er heilt ótrúligt, at møguleikin fyri at vinna tingsessin longu er í hondunum, sigur Hans Pauli Strøm, sum sambært veljara- kanningini liggur til at vinna løgtingssessin frá Tjóðveldisflokkinum. Hans Pauli sigur, at veruligi valdysturin í Norðstreymi byrjar ikki fyrr enn í kvøld og at hann longu nú skal vera við í dystinum um ting- sess, hevði hann ikki væntað. Hann sigur, at endamálið er sjálvsagt at vinna Javnaðarflokkinum ein tingsess úr Norð- streymi, men nú trýr hann veruliga upp á tað, og hann fer við góðum treysti undir seinastu vik- una av valstríðnum. Spurdur, um hví Javn- aðarflokkurin stendur seg so væl í Norðstreymi, svarar Hans Pauli, at hann heldur ikki at samgongu- limirnir (Heðin Zacharia- sen og Niklái Petersen, blðm) hava fingið stór- vegis av skaftið seinasta valskeiðið og at Javnaðar- flokkurin hevur verið miðvísur í andstøðu- arbeiðinum. – Úrslitið av veljara- kanningini ger, at stríðs- viljin veruliga tendrast hjá mær, sigur Hans Pauli Strøm Góðar vónir Heðin Zachariasen, sum hevur umboða Fólka- flokkin farna valskeiðið, hevur góðar vónir um at vinna annan av tingsess- unum í Norðstreymi. Eins og Hans Pauli, greiðir Heðin Zachariasen frá, at veruliga valstríðið í Norð- steymi ikki fyrr enn í kvøld. Spurdur um, hvørji avrik hann kann vísa sum tingmaður seinastu 20 mánaðirnar, svarar Heðin, at nógv er komið burtur- úr. Hann nevnir, at skjøtil er settur á arbeiðið við Ellisheiminum og tunlin- um til Tjørnuvíkar, og tað er stór frambrot, tá hugs- að verður um, at undan- farnir tingmenn bert hava tosað um at gera nakað á teimum økinum, meðan farna samgongu veruliga framdi nakað í verki Heðin sigur seg vænta eitt ómetaliga tætt val, sum ikki verður avgjørt fyrr enn í seinastu sek- undunum, sum hann mál- ber seg. Hergeir skilir einki – Flogvallarmálið gevur okkum undirtøku Tingmaðurin hjá Tjóðveldisflokkinum í Suðuroynni, Hergeir Nielsen, dugir ikki at finna nakra grund- geving fyri, at Tjóð- veldisflokkurin fær so lítla undirtøku í Suð- uroynni í nýggju velj- arakanningini. Sam- bandsflokkurin held- ur, at hetta vísir álit til flokkin VELJARAKANNING Heri á Rógvi heri@sosialurin.fo Sambandsflokkurin stendur til at taka tingmannin hjá Tjóðveldisflokkinum í Suðuroynni. Ikki nokk við tí. Tjóðveldisflokkurin er á veljarakanningini á einum fjórða plássi - 0,5% eftir Fólkaflokkin. Javnaðar- flokkin varðveitir í sína sterku støðu í Suðuroynni og vildi fingið tveir ting- menn, um úrslitið av velj- arakanningini var valúr- slitið. Tingmaður Tjóðveldis- floksins í Suðuroynni, Her- geir Nielsen, sigur, at úr- slitið av hesari veljarakann- ingini fellur honum tungt. – Eg dugi ikki at finna nakra grundgeving fyri hesum úrslitinum, sigur Hergeir Nielsen. Hann hevur umboðað Tjóðveldisflokkin á tingi, valdur í Suðuroynni, í fleiri valskeið. Sambært Veljara- kanningini hjá Sosialinum og Fynd í samstarvi við Føroya Tele sleppur Her- geir ikki aftur á ting. Men Hergeir roknar sjálvur við einum væl betri úrslitið enn veljarakanning- in sigur. – Tað nívur sjálvandi suðuroyingar, at tað er so stórt arbeiðsloysi í oynni. Men politiskt hevur Suður- oyggin av verandi sam- gongu fingið sera góða við- ferð, og andstøðan hevur einki gjørt fyri oynna, sigur Hergeir Nielsen. Álit á politikkin Johan Dahl, tingmaður fyri Sambandsflokkin í Suður- oynni, fegnast um góða úrslitið hjá flokkinum í veljarakanningini. – Ein kanning er ein kanning, og tað skulu vit minnast til. Men eg haldi, at hetta staðfestir, at fólk hava álit á Sambandsflokk- inum, og vit halda tað, vit lova, sigur Johan Dahl. Tingmaðurin hjá Sam- bandsflokkinum heldur, at Suðuroyggin er ein ríkisfel- agsskapsoyggj burturav, og tað vísir úrslitið av hesari veljarakanningini eisini. – Fólk eru eisini troytt av hasum fullveldistvætlinum, sigur ein avgjørdur Johan Dahl. Persónliga hevur Johan Dahl roknað við at fáa minni undirtøku í ár enn við undanfarna val, tí hann hevur verið arbeitt í Kolla- firði, men hendan veljara- kanningin fær hann at broyta hugsan hesum við- víkjandi. – Tað er hent nógv í Vágunum seinastu árini, men eftir mín- um tykki skuldi meira verið hent, sig- ur Marjus Dam, ting- maður Sambands- floksins í Vágunum. Hann gevur fullveld- ismálinum skyldina fyri, at flogvøllurin ikki er útbygdur VELJARAKANNING Stefan í Skorini Sambandsflokkurin stendur til at fáa tveir tinglimir í Vágunum við komandi val sambært seinastu veljara- kanningini, og Marjus Dam fegnast sjálvandi um hesa framúr stóru undirtøkuna flokkurin fær í Vágunum sambært kanningini í Sosi- alinum í dag. – Um Sambandsflokkur- in hevði komið til valdið í 1998, og fullveldismálið ongantíð var komið á dags- skránna, hevði flogvøllurin staðið útbygdur í dag, sigur Marjus Dam avgjørdur. Hann sigur, at so hevði danski statskassin staðið fyri hesi útbyggingini, og tað hevði komið føroying- um til góðar. Undir núver- andi umstøðum er vandi fyri, at føroyingar fara at fáa eina eyka rokning uppá nakrar hundrað milliónir krónur, tí at flogvøllurin skal útbyggjast undir øllum umstøðum. Hetta er sjálvandi lætt at siga, nú seks ár eru liðin síðan fullveldismálið kom ovast á breddan, men Marj- us Dam sigur, at vágafólk eru samd í honum í hesum, og tað kundi veljarakann- ingin eisini bent á. Vágarnar hava fingið bæði ein undirsjóvartunnil og ein tunnil til Gásadals, men hetta er eftir øllum at døma ikki nóg mikið, tí veljarakanningin er ikki góð fyri samgonguflokkarnar. Skattalættin gevur atkvøður – Hendan samgongan hev- ur latið 400 milliónir krón- ur, sum Føroya fólk av røtt- um eigur, av hondum, sigur Marjus Dam, og hann metir, at fullveldismálið er ein álvarslig hóttan móti vælferðini í Føroyum. Um orsøkirnar til fram- gongdina hjá sambandinum í Vágunum nevnir Marjus millum annað skattalættan, sum tó ongantíð er kunn- gjørdur og lagdur fram fyri veljaran. – Um fólk fingu meira at vita um skattalættan, sum gevur lág- og miðalinn- tøkum skattalætta, hevði undirtøkan møguliga verið enn størri, sigur Marjus Dam, sum ásannar, at flokkurin burdi upplýst meira um tann "hemme- liga" skattalættan. – Vit fáa eisini næsta mannin Borgarstjórasessurin hevur kostað Fólkaflokkurin stend- ur til at missa tann næsta valdømisvalda tingmannin í Suður- streymoyar valdømi, men formaðurin í tingbólkinum, er sannførdur um, at flokkurin megnar at taka tann næsta mannin frá samband- inum VELJARAKANNING Stefan í Skorini – Tað fer ikki at henda. So avgjørdur er Óli Breckmann um veljara- kanningina, sum sigur, at flokkurin fer at missa tann eina valdømisvalda ting- mannin í Suðurstreymi. Óli er sannførdur um, at flokk- urin fer at fáa eitt betri úr- slit enn kanningin vísir. – Fólkaflokkurin stendur seg sjáldan væl í veljara- kanningum, og hesuferð er einki undantak. Tað er eitt gott útgangsstøði hjá okk- um, at veljarakanningar spáa okkum eina aftur- gongd, tí tað plagar at fáa fólk úr startholinum, sigur formaðurin í tingbólki Fólkafloksins. Óli Breckmann heldur, at Fólkaflokkurin heldur missir til sambandið enn til tjóðveldið, tí at hóvlig fólkafloksfólk kanska eru bangin fyri samstarvinum hjá Fólkaflokkinum við Tjóðveldisflokkin. Hann vil vera við, at Fólkaflokkurin er ein gar- antur fyri borgarligum pol- itikki, tí at Sambandsflokk- urin fer helst í samgongu við Javnaðarflokkin. Spurdur um hann kennir seg hóttan á listanum, svar- ar Óli Breckmann, at mann altíð skal kenna seg hóttan í politikki, og tað ger hann eisini hesuferð. Annars heldur fremsti maðurin hjá Fólkaflokkin- um í Suðurstreymoy, at val- stríðið hesuferð hevur verið sera tamt, og nógv merkt av, at SvF hevur stýrt stríðnum. Sambært nýggjast veljarakanningini stendur Tjóðveldis- flokkurin at missa mannin á Sandoynni. Páll á Reynatúgvu heldur orsøkina vera, at hann valdi at siga borgarstjórasessin á Sandi frá sær VELJARAKANNING Stefan í Skorini – Tað eru fleiri fólk, sum hava fýlst á mína avgerð um at fara í landsstýrið og taka meg aftur sum borgarstjóra heima á Sandi, sigur Páll á Reynatúgvu, landsstýrismaður við almannamálum seinastu knøppu tvey árini. Tað er eingin loyna, at Páll á Reynatúgvu fær flest atkvøður í heimbygdini á Sandi, og tá hann tók seg úr starvinum sum borgar- stjóri, misti hann nakað av undirtøku á staðnum. Páll hevur verið val- dømisvaldur tingmaður hjá tjóðveldinum tvey tey seinastu valini, men nú stendur hann fyri falli. Tað er tó sera hørð kapping millum Fólkaflokkin og Tjóðveldisflokkin um tann næsta mannin aftanfyri Javnaðarflokkin. Páll á Reynatúgvu skilir væl, at fólk á plássum sum Sandoynni heldur vilja satsa uppá ein politikara, sum førir seg fram sum lokalpolitikara. Hendan møguleika hevur hann ikki havt á sama hátt, nú hann hevur sitið í landsstýrinum heldur enn í tinginum. Páll leggur tó dent á tey fram- stig, sum eru gjørd á far- leiðini millum Sandoynna og miðstaðarøkið. – Vit hava fingið nýtt skip, ferjulegurnar eru út- bygdar og vegurin millum Havnina og Gomlu Rætt er júst upplatin, sigur Páll um avrik samgongunnar fyri hansara valdømi. Eisini vísir hann á ætlanirnar um ein list- og ítróttarskúla á Sandoynni, sum peningur nú er játtaður til. C M Y K 23 22